shammmm's Profile

星期五放工同朋友喺灣仔消防局附近做完按摩，落住雨，八點幾，想喺附近簡簡單單食個晚餐，諗起登龍街好多好食餐廳，就決定行過去搵間啱心水嘅坐低。呢條街有好多美食，當中包括唔少日式拉麵店。行咗一陣，我哋揀咗豚王。舖頭用日式嘅裝修，雖然係坐長枱，但係都坐得好舒服，位置亦好闊落，每個人都有好多空間。日式拉麵店食物選擇比較簡單，呢間拉麵就有豚王，黑王，翠王同赤王可以揀，分別主要係湯底，我今次就揀咗黑王，係墨魚汁麵，再加多蒜蓉，麵硬度就揀咗適中。拉麵好快嚟到，第一次食墨魚汁拉麵，好香，好濃郁，份量適中，揀咗豬肩肉，唔會太肥，好好咬口。黑王既蒜雖然係黑色，但好好味，真係連湯帶渣都食曬，正！另外，店員非常友善有禮，上餐速度亦好快，推薦！…Read More

呢間misugu bento 開咗業冇幾耐，只係做外賣， 但係見成日都好多人喺門口等，然後偶然發現可以網上落單再去拎，於是就決定試吓。因為平日返工嘅午飯時間，呢頭附近小店人非常多，唔想花時間等，上網叫完再自取就係最好嘅選擇。呢間餐廳主打一啲健康輕便嘅日式便當， 款式都算多，有沙律餐同熟食餐，我由於鍾意食飯，所以通常都會喺熟食餐度揀。選擇有滑蛋蝦仁，麻婆豆腐，黑松露煎雞扒，日式燒汁黑豚肉,岩鹽乾燒鯖魚，蒜片香汁牛柳粒，野菌焗龍蝦，吉列豬扒配咖喱，秘製煙鴨胸同香煎三文魚。我今次就揀咗香蒜牛柳粒，仲有得揀多菜，啱晒上班一族。牛柳粒好香份量亦都好多，同蒜片好夾，另外佢嘅錯亦都唔係he’s,有好多款式嘅雜菜，我在加錢配左個麵豉湯，好濃郁同好香魚味。呢間餐廳絕對會之後經常幫襯，下次唔會想試吓過煙鴨胸。…Read More

今日天氣好好，突然間好掛住台灣美食，於是上網search下睇吓邊度有好味台灣餐廳。一向知道大概長有唔少好味小店，搵到呢間叫做「那個」，個名幾特別於是決定去試吓。餐廳位於一個轉角位，陽光充足，落地玻璃，坐喺入面都幾寫意。 我哋等咗一陣就入得，被安排坐吧枱，望，街幾舒服。呢間餐廳主打台式便當，我哋嗌左那個滷排骨便當，古早味手工滷肉便當，加配小食三星蔥煎餅，飲品方面就叫咗古早味奶茶，同埋黑糖波霸奶茶。古早味手工滷肉飯份量好多，配菜有粉絲，粟米，花椰菜，好豐富。老玉好好味，好多汁，但又唔會太咸，同飯同配菜都好夾。另外滷排骨便當，排骨份量非常多，有成個碗咁大，排骨屬於厚身，雖然係炸，但唔乾，仲好Juicy ,配返同配菜都係一流。兩杯奶茶味道亦唔錯，配便當有一種清新嘅感覺，整體來講性價比都幾高，推介下次再去試吓。…Read More

星期五想慢慢坐，食得舒服，於是決定去campsite 睇下有無位。初初都擔心要等好耐，結果可能早左少少，即刻有得入，lucky !坐左係近玻璃窗位置，中午陽光射入黎，配上落地玻璃窗加淺色傢私，綠色梳化，好舒服，好chill 。set lunch 選擇唔算多，有極品A5和牛温泉旦丼，鍋煮青口意大利麵，營火牛扒薯條，煎鱸魚香草飯，蟹肉明太子意大利麵同日式香菇意大利麵，我就㨂左蟹肉明太子意大利麵配熱鮮奶咖啡，跟餐配沙律同餐湯，好豐富！餐湯係意大利蕃茄濃湯，好香甜。個主菜蟹肉同明太子份量都唔少，而且好新鮮，每條麵都有明太子，食下食下就食曬，好味道！但又唔會好漏，好好味！另外，位熱鮮奶咖啡都好推介，香滑！整體黎講係值得回味既一餐！…Read More

今日特別日子決定食啲特別嘅料理，於是決定叫呢間韓正屋韓國料理。今次晚餐有七個人食，不過由於大家都唔係食到好多嘢，所以決定簡簡單單叫一個二人餐，再搭配其他食物。二人套餐非常豐富，有炆牛肋骨煲，韓式煎海鮮蔥餅，石頭傳統雜錦牛肉飯，飲品仲有韓國麥芽玉米茶，同柚子茶。另外我地再加配左鐵板燒辣炒魷魚鬚，韓式無骨豬手，拉斯芝士炒年糕，韓式炒粉絲，人蔘雞湯配白飯，同韓式紫菜卷。呢一餐非常豐富，份量比想像中多好多，七個人都絕對夠食。而且每樣食物都非常美味，大家都食得好開心。我特別鍾意個人蔘雞湯，個湯清清地但係好美味，大家都有飲曬d湯！炆豬手好林好入味，雜錦牛肉飯配料好豐富，牛肉亦好多。總括而言， 性價比非常高的一餐。推介！…Read More

呢間台菜滷肉飯餐廳真係唔講得笑，試過四五次午餐同晚餐附近唔同時段想去幫襯，都見到門口有超過20人排緊隊，咁無辦法啦，每次都諗咁唯有下次再嚟幫襯啦。今次因為平日早放，決定嚟碰一碰運氣。幸運地等咗大概半個鐘就可以入座。叫得滷肉飯餐廳，就梗係要試吓佢嘅滷肉飯啦。今次我就帶咗藥膳排骨滷肉飯套餐，套餐包括一碗藥膳排骨，一小碗台味滷肉飯，在家是日精選小菜。另外我就再叫多咗一杯珍珠奶茶。咁多人食果然係有質素保證。藥膳排骨味道香濃，但香得來個拖唔會話好苦澀， 係可以食晒骨飲晒湯。 滷肉飯好Juicey好香。小菜係一啲台灣小食，我唔知應該點叫，但味道唔錯。整體來講未到同我喺台灣食嘅差唔多， 未去台灣前，推介大家去呢間試吓。…Read More

火山燒主打緻日式料理，餐牌上選擇都算多，有燒肉類，丼飯，意粉，蛋包飯，日式西式都有得選擇，今次我哋嗌左千層麵，同埋日本蜆帝王蟹柳手打烏冬，$29轉左套餐，套餐入面前菜五選三，可以揀粟米濃湯或者麵豉湯，香蒜野菜，蟹子沙律同香炒雜腸。本身飯亦有跟餐飲。個麵豉湯份量比較細但都算足料料，蟹子沙律有好多蟹子，而香蒜炒野菜就份量好足，好好味。講返主菜，千層麵啱啱出爐，蕃茄味香濃，同千層麵都幾夾。至於日本蜆帝王蟹柳烏冬，蜆嘅數量好多，個湯底亦都好香甜。見舖頭入面好多人嗌燒肉，下次都會想試吓。另外想讚一讚間鋪嘅裝修，雖然唔算好大好闊落，但睇得出裝修有花過心思，連枱面都有裝飾，坐落都覺得幾relax幾舒服，推介大家去試吓。…Read More

平時成日行過呢間餐廳，見佢裝修好靚，環境舒適，於是就決定星期日中午過黎試下。係門口唔算等左好耐就到我地，佢lunch menu有大概20款選擇，我地就㨂左脆香魚柳全日早餐同澳洲安格斯牛肉車打芝士漢堡煲，再加錢加左熱咖啡同熱檸茶。個全日早餐好好味，除左熱辣辣魚柳，仲有煙肉蘆筍卷，黑松露炒旦，烤蕃茄，烤菇同沙律菜，每樣都好新鮮，份量岩岩好。至於個牛肉芝士漢堡亦好juicy , 芝士多到漏出黎，薯條夠脆。雖然要另外加錢，但佢既咖啡好好飲，咖啡香同奶香比例均衡。整體黎講性價比都算高，餐廳環境坐得好舒服，好闊落，絕對係悠閒下午既好去處。下次我會想試下佢個巴馬火腿班尼迪旦配馬鈴薯沙律，見到隔離枱叫佢地隻班尼迪旦好大，望落好juicy ,推介大家都黎試下。…Read More

呢間餐廳位置唔算方便，但係一到夜晚就會見到好多人喺門口排隊、拎咗飛都仲要等幾張枱，咁就梗係一定要嚟試吓啦。佢主打日式料理，選擇唔算好多，但係魚雞牛豬樣樣都有，小食亦有唔少選擇，今次我哋就叫咗一個極上燒牛肉套餐同一個吉列鹿兒島三元黑豚套餐，加$8有麵豉湯,前菜,同埋嘢飲,真係非常之超值。講吓個極上燒牛肉先，冇諗過$56.個套餐嘅燒牛肉份量可以咁多，喺出邊完全唔會識到呢個份量，唔單止份量足牛肉亦都非常Juicy,好推介必食！至於個吉列鹿兒島三元黑豚，真正外脆內軟，都係必食！套餐嘅前菜都一啲都唔Hea，有螺肉同醃青瓜，麵豉湯入面仲有蜆肉添！整體來講性價比非常高，而且環境乾淨舒服，希望佢生意越嚟越好長做長有！…Read More

講開灣仔茶餐廳應該無人唔識金鳳茶餐廳，連朋友移民前都指定話要去呢間度回味下，食下佢個沙爹牛肉麵。我每次經過都會心思思想入去，今次係星期六中午，到既時候已經有唔少人排緊隊，等左大概十五分鐘就入到啦。今次坐一人卡位，雖然個位比較窄，但舊式茶餐廳黎講佢係幾乾淨，都坐得舒服。我今次叫左個營養快餐，五香肉丁公仔麵配菠蘿包，五香肉丁好香好Juicy, 質感唔係果種罐頭味，亦唔會話太辣，配公仔麵絕對一流。個公仔麵亦係軟硬度適中，至於菠蘿包加牛油呢個配搭亦都係無得輸，雖然無另外加錢轉新鮮菠蘿油，但個包都係好好味，好有水準。話說係我食到一半既時候有雞批出爐，果種香味係令人想即刻order 一打! 可惜個肚無位再食，希望下次可以再過黎食! 推介大家去試下! …Read More

咁岩上網睇到舊式茶餐廳，就決定去揾一揾有無邊間好食既。大安茶冰廳係轉型前我都去幫襯過幾次，地點唔算話好旺，但都近地鐵站，附近屬於住宅區，星期日中午時間人唔算多。加上全新裝修，坐得好舒服，坐一個下做都ok . 佢新定位做cafe ,食物都係咖啡店既食物，主打簡單食物，例如多士，撈麵，通粉同甜品。我地就叫左蜜糖叉燒太陽旦撈丁同蕃茄公司燴通粉。個撈丁好好味，唔單只份量夠，熱辣辣，最欣賞佢既葱油係用新鮮葱同蒜頭，果種味道係一般油浸葱油完全無得比，對於我呢個葱蒜控黎講，呢個配搭要加300分！至於蕃茄公司燴通粉味道都好唔錯，份量超級大，連男士都食唔曬，蕃茄味亦好濃。雖然佢唔算好平，但性價比超高。本來心思思好想食甜品，但實在太飽，唯有一次再試！推介大家去試下！…Read More

當諗唔到食咩，或者好想食啲香口野嘅時候，就會諗起要去幫襯吉豚屋吉列豬扒專門店。叫得吉列豬扒專門店，當然主打嘅菜式就係吉列豬扒啦，不過佢除咗吉列豬扒仲有吉列雞扒可以揀，亦有炸蝦。朋友今日就揀咗吉列豬扒炸蝦再配泡菜鍋，跟白飯，吉列豬扒好香好趣好Juicy,炸蝦翼係啖啖肉。而我因為有少少喉嚨痛，於是就揀咗滑蛋鰻魚煱套餐套餐，有碟滑蛋鰻魚，有飯，仲有麵豉湯。鰻魚好香好肥美，同滑蛋都幾夾。但係我最欣賞嘅就係佢嘅麵豉湯。同出邊一般嘅唔同，佢係用豚汁黎煮成既，所以除咗有麵豉嘅香味，仲有豚汁嘅香味，入邊亦會有豚肉同蔬菜。嗰種香味係我喺其他日本餐廳冇食過嘅，推介大家試吓，我每次來都一定會叫。餐牌選擇唔算多，但勝在試過大部分都唔錯！…Read More

傳統節日總係想食返d傳統野食，適逢中秋節於是就決定去飲茶。但係一般茶樓大時大節都肯定會好多人，於是就決定試下呢類茶餐廳式點心茶樓。呢間熱點位置好方便，係正港鐵站隔離，平時都多人排隊，今日就特登早少少過去食。佢地裝修幾特別，牆上有好多香港特式景點插畫，都幾有心思。我地點左照牌既豬麥流沙奶皇包，日鵝夜鵝蘿蔔酥，鳳爪排骨盅飯，金牌蝦餃皇，八寶籠仔蒸飯，仲有雞扎。個豬麥流沙奶皇包造型可愛，奶黃流心好香好熱，推介！日鵝夜鵝蘿蔔酥都係貪佢造型可愛所以點，佢用左天鵝造型，都幾神似，雖然個皮硬左少少，但好足料，蘿蔔亦好滑。其他點心都好好味,八寶籠仔飯材料亦非常多，又大大盤，推介大家有時間去試下！總括而言性價比好高…Read More

約咗朋友喺旺角食飯，佢推介呢間河內越式料理。我平時經過都會望吓，餐單上面選擇好多，亦見好多人喺門口等外賣。今日就同朋友入去試吓。佢無論湯粉，撈檬，飯，定係小食嘅選擇都好多。朋友揀咗順化豬肉卷湯河粉，再加$20配左一碟春卷。湯粉好大碗，豬肉卷亦都好多，雖然我冇試食，但望落好吸引，朋友亦都話好好味。我哋就share左碟春卷，配埋撈檬嘅汁，唔會話太翠，但係好香餡料。我自己就揀咗順化蕃茄牛腩配飯，蕃茄牛腩同飯係分開兩碟咁樣上，牛腩好林有蕃茄嘅酸味，再加埋少少洋蔥同聰呢個配搭送飯一流。飯亦都好多，基本上係多到我都食唔晒。加埋飲品每人$70左右,性價比都算高。總括嚟講，係一間有水準嘅越南菜，推介大家經過嘅話去試吓。…Read More

星期三晚攰攰地，唔想煮飯就決定叫外賣. 本身我果區米線舖選擇唔多，見到米痴線呢個名咁特別就決定試下。老公話要食飽d,就叫左個大窩過橋米線，入面有牛肉，豬潤，炸醬，竹笙，肥牛，火腿等等, 再配返個麻辣湯底。望落個湯底唔算好紅，食落亦唔算好辣，不過就好香好惹味，份量唔算話超級多，但就樣樣都有，好滿足。我作為芫茜控就叫左個皮旦芫茜湯底米線，本身呢個湯底都好少見，有得㨂梗係㨂呢個啦！加埋豬腩肉同生茶，個湯味道幾足，但又唔會好油，都唔錯。豬腩肉同其他米線舖食既唔同，呢間無㷈過，但勝在個湯底好味，所以都幾夾。另外我地仲叫左一個小食，就係拍青瓜，都幾大份，好多青瓜同蒜蓉，幾清新，只係有少少偏酸。下次大家食厭左d連銷米線，都可以試下呢間。…Read More