fanny pong's Profile

精緻日式貓飯 (喵)與朋友同行試試 好精緻 的隱世小店 ”稚”, 靠近門口透明玻璃窗 一探究竟, 原來係正正燒緊食物既師傅,俐落孰手的動作, 手上攞住日式番薯, 心血來潮,決定入去試試!!餐廳行走 日式簡約風, 裝修以木頭為主, 令人有溫暖而舒適既感覺原條浦燒鰻魚(珍珠米飯+麵鼓湯+熱茶) 為一個定食, 擦上燒汁既鰻魚香氣撲鼻迎面而來, 暖粒粒既麵鼓湯(有新鮮冬菇同埋蔥粒), 最後仲有日式醃蘿蔔 緩和口中魚味,貓飯: 則是木魚削+紫菜, 食落別有一番風味, Staff 提醒一定要撈勻先食! 我地都跟住指令照做汁燒豬軟骨定食(珍珠米飯+麵鼓湯+熱茶), 一擺上檯濃濃既日本味道,豬軟骨軟淰又入味,正!…Read More

今日有事而出咗筲箕灣, 好彩好快就搞掂,不過山長水遠出嚟,就想順便係附近食埋飯先返去,而咁啱係東大街見到一間以前冇乜印象嘅餐廳,應該係新開張,專門食餃子,而且舖頭名都好特別,叫做「天虹養生餃子店」好奇心既催促之下,我好快入咗去就坐。店員都好熱情招待我,枱上放住MENU同筆,只要揀好自己想嗌既食物,係上面填好再比店員,就即可落單,非常方便!加上,MENU上有七彩色既餃子,令人好在意!講起餃子,因為都由麵粉搓出嚟,正常嚟講都係白色,咁佢呢度七彩色既餃子又係點既呢?不如就嗌一碗嚟試試啦。隔咗一陣,好快就已經送到嚟,確實係七色唔同顏色既餃子!其實佢有一張紙,上面列明曬呢隻顏色既餃子其實係用咗啲咩材料製造,而且絕對唔係好似一般色彩繽紛既蛋糕既色素,全部都係天然植物,可以話係超級健康!紅色=紅菜頭(玉米豬肉香菇餃子)橙色=紅蘿蔔(木耳豬肉柳菜餃子)黃色=薑黃(咖哩沙葛雞肉餃子)綠色=菠菜(雞肉雞蛋芹菜餃子)藍色=蝶豆花(合掌瓜豬肉蘑菇餃子)深藍色=梔子(魚肉涼薯豬肉餃子)紫色=紫蘭(韭菜豬肉紫菜餃子)聽落去款款都係好健康既食材,健康得嚟仲要真係好好食!每一款餃子既味道都唔同,但係各有各既美味!一開始睇住色彩咁豐富既餃子,第一下可能都會有啲猶疑味道會唔會好伏,不過食完我可以講,完全冇呢個問題!實在係好好食! 食完再叫咗枝豆漿飲,非常滿足😊…Read More

茶記冰室同老婆來到呢間大大間既茶記冰室醫肚,好多熱炒,同埋碟頭飯揀我地就叫左 黑椒薯仔牛柳粒、鹹蛋蒸肉餅、椒鹽鮮魷*黑椒薯仔牛柳粒: 勁大份,炸過既薯仔特別鬆,再用黑椒醬炒真係特別香,牛肉都醃得好入味!*鹹蛋蒸肉餅: 佢既鹹蛋蒸肉餅蒸得岩岩好,鹹蛋同肉餅唔會過熟,送飯真係好正*椒鹽鮮魷: 脹仆仆又大大條既酥炸椒鹽鮮魷,即叫即炸好有心機,係茶記食椒鹽鮮魷就係一流兩個人叫三個送,真係食唔曬!!! 咁既價錢有咁既質素,茶記來講都做到好有心機,上菜速度都好快,唔會等好奈!…Read More

今晚決定試下新野,次次經過都見到有好多人排隊,於是來到呢間茶餐廳2.0 ,睇下佢究竟有幾勁!餐廳裝修偏向西餐廳既裝修, 燈光明亮而且座位舒適.我地叫左個”黑松露野菌帶子意大利飯” risotto 既軟硬適中,適合香港人既軟硬度,因為義大利人偏向半生不熟所以口感比較硬,撈埋d cream好creamy同埋好飽肚,帶子都煎到好香口,無腥味亦都好好味, 另外,石燒A4日本和牛片就有一個鐵板同埋下午茶既三層架裝住d和牛片, 一擺落去燒,已經聞到好濃既牛肉味,沾埋d燒汁更加惹味.另外凍奶茶同凍寧茶不過不失, 食茶記唔飲野邊得架!…Read More

好耐無食魚生啦，點左個「一杯屋特選魚飯」，有跟埋前菜同蒸蛋。前菜係鴨胸沙律菜同好多料既蒸蛋！沙律菜新鮮既，蒸蛋都好滑！主角特選魚生飯一黎到好心心眼！好靚既presentation同好豐富呀！上餐時仲會介紹魚生既種類，今日有鯖魚、𨋢魚、三文魚、加拿大海膽、牡丹蝦、三文魚子！最鍾意海膽，好鮮甜！第一次食鯖魚魚生，感覺好新鮮，因為多數都係食燒！而飯係用赤醋伴日本米，好煙韌又香！唔只魚生份量多，連赤醋飯都好夠份量，男士一定好夠飽！另外叫左個紫蘇荔枝烏龍茶，淡淡茶味配上淡淡紫蘇菜味，好清新！食完先知佢主打備長炭燒，下次要黎試下！…Read More

夜晚落樓食飯，食完飯諗住係附近行一陣再返去，點知發現咗有間新開嘅飲品小店。招牌大大隻字寫住six tea，加上夜晚好黑，個招牌仲會發光，夠引人注目。既然咁啱，上前去望下先。店舖上面既兩個顯示螢幕，同埋放置係一旁既MENU都列出咗飲品模樣同名，可以比人知道呢杯係點既飲品。而且佢唔單止賣嘢飲，仲有賣小食，甚至有雞蛋仔雪糕。不過食飽完已經冇第二個胃裝小食，只係嗌杯嘢飲都夠晒。嗌咗最常見既珍珠奶茶珍珠奶茶好唔好飲其實幾視乎店員沖得夠唔夠好，而我覺得呢間既珍珠奶茶係真心好飲！喝咗一啖，唔會甜太過，又唔會覺得唔夠味，味道適中，完美地保留咗珍珠奶茶既氣味。珍珠都唔會難咬，咬幾下好快就食到，味道都唔錯。拎住杯珍珠奶茶邊行邊飲，係返到屋企之前已經唔小心比我飲咗一半到啦，證明佢真係有咁好飲下次又經過既話仲想試埋佢個奶蓋！…Read More

晏就去左入境處拎身份證，返去搭叮叮既時候見到呢間傳說中既渝味曉宇做緊午市優惠，就走左上去食埋先返公司喇。曉宇大紅鍋選用勁多款辣椒、花椒、生薑大蒜....再加入大量牛油熬製, 唔係一味得個辣味, 係有層次既!另一個就係大骨滋補鍋, 入面真係好大舊骨。午市我地怕食得太多等等做野果時會釣魚比老闆發現，我地叫既都係以蔬菜為主，有金菇，淮山等等。走既時候我地發現原來唔一定只係打邊爐既，佢地都有重慶小麵既套餐，都係５８蚊起。今次食得實在太急，下次一定要夜晚上黎再慢慢食過！…Read More

今日放Lunch，時間就比較長，咁就緊係周圍睇下會有咩食啦，就見到呢一間金蘭花泰國菜館，就都幾吸引就入咗去啦睇完menu，都好多泰國菜嘅款式我就叫咗一個金邊粉同一個小食拼盤金邊粉炒得好好，好有係泰國食野嘅風味，又有蝦，唔會話唔夠味，仲有嗰小食拼盤，有蝦餅，春卷，串燒等合共4款小食，蝦餅好有口感，春卷又脆，串燒配上沙嗲醬真係一流，太好食，其實仲有好多想試，但一個人又真係食唔哂，只好等下一次，人多先再食…Read More

熱日炎炎，係咁熱既天氣之下行係條街到，唔夠一陣就開始覺得好熱！行過紅磡附近，就比一間鋪頭吸引咗目光，佢就係谷芋。由外面睇成間望落都好粉紅，充滿少女氣息，而佢其實係間飲品專門店！谷芋同其他飲品專門店既唔同之處，就在於佢係以手作芋頭飲品為主，相對之下好特別，平時都飲開珍珠奶茶之類既飲品，今次就特別想試下其他新款飲品。招牌有三款熱門飲品，包括有芋頭櫻櫻西米露、芋頭風露同埋芋霸布能，三款望落都好吸引呀！不過芋頭風暴連個名一樣都吸引埋我既注意，一於就決定要叫呢個啦。叫風暴，會唔會飲落去可以體驗到如風暴一樣既激烈滋味？飲咗一啖，好好飲！忍唔住再飲多幾啖。個底果啲原來係熟悉既OREO，陣味濃烈，對於鐘意OREO既我嚟講簡直係超享受！加上MAX埋鮮泥同芋泥陣味，OREO唔會太搶風頭，幾種味道混合埋一齊，令到成杯嘢都好好飲。下次一定要叫埋朋友嚟飲多杯！😋…Read More

攞文件經過元朗，趕住有工作在身， 近近地見西菁街凱逸新店， 就走入去食個quick lunch 。 餐廳深圳裝修完畢，價格定位$50左右，以元朗來說都算合理， 天氣悶熱，選了雪菜肉絲炆米醒醒胃。 落完單等上菜其實都叫快手，初時以為10分鐘內上菜，米粉都應該係一早煮定等order ， 點知食到落口嘅感覺完全係另一回事。 事源米粉送到枱面的時候是新鮮滾熱辣，我一向偏向喜歡食熱騰騰的食物， 送到桌面時候是不斷冒出蒸氣，而且口感頗佳，不會有油膩感覺， 雪菜亦都唔會有死鹹的感覺， 性價比都算頗高。…Read More

今日就去咗觀塘交收啦，因為都約咗係嗰頭附近，所以就出咗去，咁交收完就開始肚餓，就諗住搵啲野食下就見到呢間Moo Moo Burger係食漢堡包嘅，我就入咗去啦Menu都好多選擇我就揀咗一個正雞沙律啦，一個鹹蛋黃雞堡同肉汁芝士薯條，仲叫咗杯蘋果薄荷特飲嗰正雞沙律好flesh啦，跟住啲雞又有啲菜嘅鮮味，唔錯跟住到嗰鹹蛋黃雞堡，入面嗰雞好大塊，嗰鹹蛋黃嘅味好濃好正，唔會話太鹹到嗰肉汁芝士薯條，份量好多，肉汁同芝士都好多，唔會話得小小最後到嗰蘋果薄荷特飲，好好飲，蘋果嘅甜又有薄荷嘅涼，好爽！下次出觀塘都應該會再食呢間…Read More

今日去左杏花新城行街,咁行完就入左去 Cafe Paradise 食野: 杏花邨盛泰道100號杏花新城地下G53A號舖入到去個環境又真係幾似Paradise喎,裝修幾有心思,牆身用左淺藍色色調作為主色,出面仲有個大大個既旋轉木馬, 成件事非常青春同埋少女!雖然我已經投身社會左好多年了,但呢到既環境真係好似令我返左去中學時代一樣!叫左我最愛既黑椒牛肉飯,一上菜已經聞到好香牛味,不自覺地分泌口水。賣相亦相當好,黑椒同牛肉既配搭的確係一絕,停唔到口之餘每一啖飯都係一個享受．…Read More

今日放工啦，就因為升咗職，就同女朋友去食餐好就去咗食呢間壽司之神就每人叫咗一個$1100嘅set啦佢有前菜啦，係北海道嘅白粟米同靜江嘅溫室蕃茄上面有水草，再加上和風汁白粟米清甜爽口又多汁，蕃茄加上和風汁好甜又帶少少酸，好開胃跟住就到刺身啦，係深海池魚啦，深海池魚刺身配酸汁啫哩池魚刺身食落好新鮮，而且酸汁啫哩同池魚嘅味道非常之夾仲有交碟魚啦，薄切再點上特製嘅醬汁，酸酸甜甜嘅味道好吸引仲有最正嘅厚岸真蠔，生蠔手掌般大，加入海膽和魚籽醬身價倍增，生蠔本身海水味適中，帶輕微金屬aftertaste，但海膽和魚籽醬似乎對提昇味道幫助不大。跟住到壽司十貫分別係深海池魚，石活貝，帶子 柚子皮，赤貝，大板竹葉壽司，白身魚，茅丹蝦，拖羅，baby吞拿，沙甸魚小卷同響螺師父會拍一拍貝類嘅壽司，等佢變得爽口，好有口感，茅丹蝦 上面嗰啲係蝦頭，等嗰蝦味濃郁，拖羅 上面係魚羹，師父會燒一燒佢，入口即溶嘅感覺好正，最特別嘅係手握竹葉壽司🎋用竹葉包著壽司目的係令香味滲透落壽司入邊 竹葉香好濃郁仲有啲漬物仲有嗰湯啦，飲落去有別於一般日式餐廳會煮嘅湯 係偏西式嘅 ,飲落去質地比較濃稠有少少薯仔蓉嘅感覺,洋蔥味好濃郁 又唔會有種死鹹嘅感覺 入邊仲配有小小雜菌，好好飲最後就係愛戶嘅赤肉蜜瓜，好甜好多汁，畫上咗完美句號…Read More

服務態度好，價格合理，食物質素有水準。食物上餐速度快，叫餐無需等太耐就有食物。餐湯同餐包合格。羅宋湯有好多菜碼，忌廉湯忌廉香，牛柳口感超好，牛味超出，雜扒餐質素一流，份量十足，男人都可能食吾曬，各款食物表現超水準，值得一戰。美國德州頂級西冷餐份量足，肉香味濃，合適2人食用。另外跟扒薯格十分香脆可口，餐飲奶茶味道足，主要茶香突出，茶同奶比例一流，比坊間食肆水準高。整體而言，食物水準同價位成正比。價錢親民，值得一試。今日人客十分多但餐廳食物同服務水準保持到值得一讚。…Read More

最近成日都聽到熱石牛扒餐廳，不過一直都未去試過，見今日同朋友係深水埗行完街搵野食既時候，經過一間叫牛極餐廳，又咁啱係熱石牛扒，所以就試下食，間餐廳啲侍應好好服務，我唔識點叫佢都會教我點用，餐廳有好多種類既牛扒不過最後我都簡左塊西冷牛扒，牛扒黎到未食已經聞到好香牛肉味，之後可以自己切開塊牛扒再煎塊牛幾成熟自由度好大，仲有餐廳有喜馬拉雅山岩鹽可以加埋牛扒一齊食令牛扒更加好味，出面可以任食飯同沙律菜仲可以任飲湯，間餐廳既蕃茄牛肉湯好濃味好香牛肉味道，我都飲左好多碗，飯仲可以任加紫菜芝麻碎，加埋一齊食真係好好味…Read More