Maggie.li's Profile

今天同屋企人來到老爺點心食野,當然叫了我次次都要食的叉燒包,來到的時候原來都比其他酒家的大一點,甜甜的,很鬆軟,之後喝了一種茶,是我第一次喝的,一般的酒樓都沒有這一個選擇,這個茶店員介紹叫碧螺春,真的很好飲,入口很清,而且沒有一般茶葉的那一種苦溼味,應該是上等的茶,而且用的那個杯子很特別,像是水上人的帽子設計,之後有一種深刻印象的叫頭獎包,外形是小龍包的大少,這一款包的外觀像一個紳士的設計,不知吃了是否真的會中頭獎呢,但貪佢個名好意頭,味道也不錯!還未試過這店的串燒,下次要約埋朋友再來食好西.…Read More

今日同一行3個同事放工飲嘢. 難得呢個月業績幾好. 決定大家食好d. 於是決定食其中一個同事推介嘅7080.呢排呢間嘢都幾出名. 成日聽到有人講. 最尾揀咗旺角就大家腳方便d. 黎到兆萬直接上去個個都餓到死.一坐底無耐就開始有前菜上黎, 有個豆腐伴少少青瓜浸係d湯入邊, 清清淡淡. 肉類我地最尾order咗牛肋肉, 牛舌, 雞腎, 黑毛豬五花腩. 另外叫咗個帶子. 可能係生肉上碟嘅關係, 好快就上到黎.牛肋肉好靚, 顏色夠紅, 肥瘦幾平均, 份量亦不算少. 牛舌都有7塊. 另外最吸引我嘅就係舊大大舊嘅黑毛豬五花腩, 邊邊位有少少肥, 但感覺應該好味.好快就開咗爐燒. 首先擺咗牛落去, 兩邊燒咗下就應該ok. dip咗個佢跟嘅豆瓣醬, 唔會韌幾唔錯.跟住就落牛舌. 牛舌仲快熟. 幾爽口感唔錯. 食緊牛舌嘅時候有位韓國waitress走過黎開始幫我地燒. 見佢好熟手咁將半熟嘅豬腩剪成細細塊, 跟住帶子連埋個兜擺上個爐度. 望住d帶子真係好吸引人呀!!!  最尾係個辣辣豬小腸. 豬小腸幾令我surprise, 非常入味同埋都夠曬辣.幾刺激我個味覺. 令人食完仲想食.總體黎講我覺得最好食嘅應該係黑毛五花腩, 豬小腸同埋個牛肋肉.CP值good!. 地段都幾方便. 會再黎.…Read More

久違嘅辣嘢, 記得對上一次食老川皇, 係同一個best friend farewell dinner. 因為佢要出國. 舊地重遊, 依家齊係佢招牌出邊, 過往嘅記憶一dd咁拼湊返.坐底咗, 環境都仲唔錯, 裝修幾新正. 衛生好緊要. 起碼食得放心.好快就有一大本menu擺係我地面前. 左望右望, 最後覺得要1個涼菜, 2個主菜加白飯就夠啦.我地叫咗夫妻肺片, 辣子雞, 同火爆腰花.夫妻肺片好快就上到黎. 辣醬汁係每一片之間徘徊. 仲有生蒜蓉, 芫荽. 見到都流口水. 雖然系涼菜,但食起身最驚就係太過凍冰冰, 凍到d嘢食硬曬咁. 呢個反而唔會. 而且夠入味. 雖然夫妻肺片本身多少少辣油, 但呢個就係佢嘅風味特色.火爆腰花, 一個字,爽! 食起身夠辣之餘, 仲好夠爽口. 另外搭配咗木耳, 蘆筍, 仲有d辣椒一齊爆香. 味道控制得好好, 水準keep到, 另外分量好足, 唔好睇少d木耳, 原來係黑木耳, 食起身都好爽口, 兼且無沙. 配搭呢隻辣味, 真係加速口水分泌.last一味就係辣子雞啦. 呢個一直都係我食川菜必叫嘅.一上到黎見到都覺得辣. 好多干辣椒圍住, 但好香. 食起身雞夠脆, 鹹味唔會over, 咬落入邊d雞居然唔係完全干身, 仲有d汁. 可謂外脆內軟多汁. 好多時食到都係好似食雞干粒咁. 兼且雞肉嘅分量又好足, 唔會齋得辣椒無肉. 性價比高, 呢次真係好滿意. 難得隔咗咁耐黎食,都仲有意外驚喜. 質素keep到. 希望有鐘意食辣嘅朋友一齊食到.…Read More

約左個好朋友好耐無見,夜晚又想食飯又想飲嘢,於是蕩下蕩下去左棉登徑, 搵到間又有飯食又有嘢飲嘅,咁就試下呢間啦!環境裝修得幾好,好O岩我地兩條友慢慢食慢慢傾計。 我地兩個都鐘意食埋Ｄ垃雜嘢，所以今次叫左個fish and Chip, Juicy Lucy,之後比我發現左甜品炸Oreo(好特別啊~~~),即返叫返個試下先!!!再加返兩杯啤酒,正! Fish and Chip, 對我黎講係好經典嘅食物,所以每次一有我都會叫, 簡單嘅食物, 不過真係唔係間間都整得好食, 呢度嘅fish and chip係即叫即炸, 新鮮, 有魚味, 粉唔厚,最重要嘅係D魚唔散, 有時有D一咬落去就散左, 仲要無味, 口感唔好, 但係呢個就唔會,加埋薯條炸得O岩O岩好,好味! 呢個Juicy Lucy係burger黎嘅, 呢份burger個牛肉超香又夠juicy, 芝士又好食, 最正係個包竟然會係脆,而且好香~burger+beer簡直係絕配! 食完fish and chip 同burger已經好飽, 不過甜品都係要食嘅, 仲要係我最期待嘅炸Oreo, 一出黎到一舊舊咁, waiter叫我地快D食, 因為凍左就唔好食, 一食落去係又熱又軟嘅Orea,炸粉唔會厚, 好得意嘅口感, 味道有d甜, 不過加埋個雪糕就perfect! 去洗手間嘅時間我仲見到入面原來有飛鏢仲有桌球添囉, 呢度又可以食飯又可以飲嘢又可以玩,真係幾好~下次可以再黎!…Read More

今日見個大客,自然要食好野唔得失禮人架嘛~帶左佢去銅鑼灣開平道果棟Cubus食飯, 不過都係揀返自己鐘意食嘅嘢日式鐵板燒!呢間聽朋友講都好好食, 試下係咪真係咁正! 我地一行都有六個人,餐廳好好留左間private room比我地, 入面好開揚, 而且仲有小露台, 環境好舒服, 食到咁上下可以出去坐下再食飯~我地大家都叫左個business lunch course, 每個set都包括季節前菜, 刺身同茶碗蒸, 頭盤有匈牙利鴨肝, 南非鮑魚同美國西冷薄燒,主菜我揀左飛驒牛,以乎係招牌菜,所以揀左黎試下,另外師傅仲介紹左九州和牛俾我地,所以又叫左1份大家食~前菜好特別,有三文魚籽,八爪魚同竹筍, 味道清新而且精緻, 剌身有吞拿魚同唔知咩立魚(佢地講過不過唔記得左LU…),平時我都唔係好食三文魚以外嘅魚,不過今次呢兩隻魚都好好食,因為夠新鮮~越簡單嘅嘢其實越難煮得好食, 我好鐘意食蛋, 所以對茶碗蒸有一定要求,佢地做出黎水同蛋嘅比例O岩O岩好,唔會太多水, 亦唔會太硬, 而且都好滑, 入面嘅料都好足,好味~而味噌湯都好正宗, 佢地用嘅味噌係真係一粒粒嘅, 好似變白左嘅綠豆咁,唔怪得同平時係其他餐廳唔一樣嘅味道~ 頭盤匈牙利鴨肝,肥美, 多數餐廳都係配多士, 而佢地係用黑醋煮左個汁出黎, 配埋蜜桃, 而因為普遍鴨肝食落都會有油味,黑醋就可以中和到果種油膩感,加埋蜜桃甜甜地又酸酸地,真係O岩O岩好! 原隻南非鮑魚,比我想像中大隻好多! 仲要係一人一隻,好誇張, 煎好切開左方便我地食, 而且唔係一般鮑魚, 好鮮味而且好焾, 加埋個燒汁~perfect! 美國西冷薄燒, 佢捲埋芽菜紅蘿蔔等燒, 好香, 煎得O岩O岩好, 唔會乾身, 但係又會有牛肉汁, 無浪費到D牛,而入面D菜又會熟喎~只可以話師傳技術太好~ 食到呢度我開始覺得呢間餐廳最特別嘅地方係西日合壁, 且看佢之後仲有咩殺手鑭! 跟住落黎食嘅都係牛, 而我平時食新鮮嘅野都唔會點D咩調味,越簡單越好~所以我多數都只會點一D鹽黎食我揀左主菜就係飛驒牛西冷, 雖然我連佢個名都唔識讀, 不過食得出牛味好香，入口即溶, 果然係招牌菜。而另外師傳仲介紹左九州和牛比我地, 可能係季節性嘅問題(?), 我覺得九州和牛真係好好食, 佢除左入口即溶之外, 口入面果陣油仲浪下浪下, 又有牛味, 真係好好食~點知點講~ 最後炒野菜同炒飯一定唔少得, 最不得不提係個炒飯, 佢竟然用我最愛嘅雪菜同蒜蓉炒飯, 無其他多餘嘅料, 而且佢仲造左個米紙出黎, 我未見過, 聽都未聽過有鐵板燒餐廳會有咁嘅整法, 雖然只有兩種材料,但係而且夠好味, 唔會好膩, 因為前面食左好多嘢去到後面已經好飽, 但係我全部食哂:)~正 甜品係菠蘿奶凍, 有我最愛嘅菠蘿, 真係好好食!真係好滿足!除左我之外, 幾個客都好滿意~雖然呢間餐廳算係貴價, 不過以食材新鮮度, 環境服務, 加上師傅技術, 菜式, 性價比真係好高, 我覺得係真係值得再黎嘅餐廳! 下次帶我果件一齊黎食先!…Read More

今晚本身諗住同朋友仔去食西餐，之後我忽然又好想食蠔喎，於是又帶左佢去open oyster~我真係好鐘意食呢間嘢，皆因佢嘅蠔係真係好新鮮，而且開支酒就可以半價食蠔，平均一隻都係30蚊左右，今次都係有我嘅嘅最愛gillardeau,今次仲開左南非蠔美國蠔同一隻係list上面無嘅蠔，南非蠔較咸不過最後好鮮甜，美國蠔就淡身啲但係好creamy,不過我都係最愛gillardeau,前中後調味道分明，正！十點後我地再叫左啲燒烤(因為平價啊嘛)開開心心又傾左一晚…Read More

上次去左女人街果間,今次去買skincare嘅時候發現大街竟然都開左間,買完嘢就費事諗直接去食~ 今次我同朋友叫左黑松露藍青口忌廉炒意粉同美國肉眼扒, 前菜就叫左薯容焗法國田螺同瑞士雞翼, 大家share食! 前菜焗田螺唔會無味, 有好多時呢D焗田螺都會無味, 瑞士雞翼煮得夠味又唔會太咸, 好味~ 主菜個意粉一黎到已經有濃濃嘅黑松露香味, 忌廉味唔會over, 因為我好怕太漏, 青口煮得O岩O岩好, 食落仲有汁,唔會乾哂~幾好食 肉眼扒就叫左七成熟, 肉眼多數都會好多筋好難咬, 呢度竟然都煮得幾好,食落唔鞋又唔難咬, 牛味有, 話七成都有七成, 唔會血淋淋~有D煮到血淋淋我都幾驚…配埋薯角一流! 最後配埋個提拉米蘇, 好完滿啊!…Read More

今次已經係第二次黎,個人好鐘意食韓國嘢,不過可惜呢間成日都好多人,所以唔可以成日食~上次食左個石頭鍋返,今日要試下其他嘢~又想食拉麵又想食豆腐湯, 早餐食左面所以今次就食豆腐湯啦! 我叫左海鮮豆腐湯再加辣, 一黎到已經見到好紅,不過食落唔算好辣, 我再試下朋友果D無加辣嘅就好似普通豆腐湯咁, 湯入面好足料, 有蛋有好多蜆仔有尤魚洋蔥等等,好有海鮮味!我習慣左會直接倒D飯入去直接食~今日特別想食韓國嘢,好味好開心~ 下次要食拉麵!!!!…Read More

我成日都好想去wooloomooloo食飯,不過夜晚價錢唔平,不過岩岩完左大project,今日一大班同事下午去食大餐慶祝一下!呢度因為位於the Hennessey嘅31樓,所以環境開揚, 玻璃窗夠多,採光足夠, 裝修精緻。餐牌都係lunch set, 都係一般set lunch嘅選擇～另一個餐牌就有包~我叫左個burger餐~burger好大個啊~我最鐘意食漢堡飽架啦! 薯條好好食啊,少少咸咸地又夠脆! 之後就試戲肉burger! 有隻太陽蛋~塊牛一咬入去,好多油, 不過無咩牛味…雖然好多油,但感覺又好乾咁…唔知點形容,有D失望囉… 之後叫左甜品lemon tart, 出面甜甜地, 咬入去酸酸地～唔錯～埋單一個人差唔多200, 唔算平,但係又唔係特別好食囉. 食環境都OK嘅 …Read More

又要午飯嘅時間, 同同事見完客經過佢又想食拉麵就入去試下~個胃有少少唔舒服所以食清清地,我叫左個特製醬油拉麵 ,同事就叫左巨一牛舌拉麵 ,加埋餃子應該就夠啦! 拉麵我平時唔會特登去食,除左灣仔果間鐘意食之外,其他我都唔太覺得好食不過今次又俾我搵到原來仲有其他選擇,呢個醬油拉麵湯底好有層次, 入口好濃豬骨味,唔會太咸,之後仲會有D甜味滲出黎, 麵軟硬度適中, 叉燒夠香, 叉燒肉同脂肪一層層分開好明顯,雖然我間愛店嘅好食啲，但係呢間都夠好味！溏心蛋煮得O岩O岩好, 蛋黃半熟仲係流質,餃子都好足料好大舊,成個麵嘅精華都係湯度,正! 餐牌話呢個麵係限量, 好彩我食到JE~個麵都幾多材料下,食完都幾飽 朋友話佢個牛舌麵都好食, 試左一舊, 厚得黎又好軟好香,又唔會臭,下次一定要試下先!…Read More

適逢生日有朋友邀請我到愉景灣食飯~咁大個女都好似無入過去食飯,所以都覺得非常開心~當晚朋友訂左八點台,我個event成七點半先完,於是九秒九跑去中環碼頭...勁辛苦無計,餐廳閂十點鐘半,如果唔趕過去連飯都無得食剩係可以食M記...終於都趕到船入去,餐廳好近碼頭,而且係海邊,位置非常舒服而且又好浪漫都係一如既往,有OUTDOOR都係坐OUTDOOR~開左支紅酒嗌左個pizza同risotto,pizza係普通hawaii pizza, 可以揀厚或者薄底,我就揀左薄底好味~最鐘意pizza入面有埋千島醬架啦另外雜菌risotto好濃滑, 飯軟硬度適中~好味食完飯就梗係要有甜品, 我想食香蕉船,不過個FD就話唔好喎叫叫下又走左去washroom, 點知返黎之後突然多左個心太較仲係碟邊寫左個happy birthday,原來佢一早訂左俾個surpise我:)唔怪得死都叫我唔好叫香蕉船啦~個心太軟唔會太甜,加埋個雪糕O岩O岩好~唔錯嘅餐廳又夠浪漫,唔算好貴~雖然遠左D不過偶而黎下都係一個唔錯嘅選擇!…Read More

有個好好嘅朋友生日請佢食餐飯,又無奈平時夜晚都已經FULL左,只好食LUNCH啦~始終都係要揀返間好好地嘅餐廳,呢間近得我黎OK嘅餐廳都係不二之選.通常黎度我都係簡返OUTDOOR坐, 而且今天氣唔太凍, 坐落食嘢好舒服!今次黎度食泰式豬頸肉同泰式海鮮炒飯,豬頸肉好香好滑,唔會太油,配埋個汁,堅正!泰式炒飯就都係麻麻地,好似求其掉D嘢落去炒咁...D飯又太濕,可能係始終我都係唔太好泰國炒飯個FD就食咖喱~聞落好香~下次可以試下~:)呢度夜晚仲可以飲嘢,所以其實我都真係幾鐘意呢間舖~…Read More

今日同朋友行完街就走入去女人街嘢食，好耐都無食冰室，黎到門口剛剛有人走，好彩唔使等位就走入去試下! 環境唔算好冰室，餐廳以深色為主，黑色沙發，灰色牆身，雖然細細地不過都ＯＫ坐得舒服嘅。我最鐘意就係食海鮮就揀左個法式煎大蝦香辣野菌墨魚麵, 朋友就揀左個法式煎羊架配野菌汁。一黎到見到隻蝦咁大隻已經覺得好興奮，仲要聞到好香，因為我實在好鐘意食蝦！食落去蝦肉燒到好香，無雪藏味架～仲有蝦嘅鮮味！墨魚麵咬落軟硬度適中，仲有少少辣添，最鍾意係墨魚麵夾有Ｄ野菌同番茄真係好野味：）朋友食羊架睇落去都幾好味咁，雖則我唔食羊不過都試左舊，夠腍又唔係好膻！佢就話好好食啦～旺角食飯黎講都唔算好貴，大部set都係一百蚊左右，下次可以再黎安哥！…Read More

咁啱經過求其食個下午餐之後順手返學，發現久違了的福字麵！即刻叫左個炸雞翼嘅福字麵加熱檸茶！普通炸雞翼唔係太入味同我係屋企煮都仲好味過佢，貪戀嘅只係個福字麵…熱檸茶太澀……Read More

講起呢間餐廳我就一肚火! 話說我地成班舊同事諗住搞xmas party, 咁我地一早就問哂價錢, book左個party package, 一共$2000左右, 咁多個人大概每人$150左右. 其實我都最後一個先到,而且係臨時join嘅, 所以我嗌一個餐, 有湯有嘢飲有main dish, 都係$108加一,其實我都唔係好明點解佢地會咁貴…咁首先就係個湯啦,個湯係牛尾湯,好重牛味,不過我就覺得似係肉醬意粉嘅醬倒左落去煲湯咁,可能係我未飲過牛尾湯我唔知係咪咁嘅味...另外我個MAIN DISH就係三文魚risotto,個SOURCE好夠味,好CREAMY,三文魚用煙薰,D飯O岩O岩好,唔會太熟,當然都唔正宗唔係生生地果種,不過食左大半已經好飽....老實講佢間嘢食物唔算得差不過都唔算有咩特別....好啦~咁大家開xmas party梗係會嘈架啦~我地係無包場,不過當日係店內都只係得一個女人坐係窗邊,咁可能佢覺得想靜D所以搬左出去坐, 我地坐係位度傾計佢已經同我地講左次唔好咁嘈, 大佬啊~成20個人點樣唔嘈,除非我地唔講嘢, 但係我地擺到明係xmas party黎架嘛!之後我地交換禮物嘅時間我地抽完禮物咁影下相啊咁,我地都無坐佢其它枱咁, 但店家覺得我地嘈又企哂出黎, 忽然大聲話我地「唔該你地坐返埋位,唔好咁嘈,有D人客行過門口都唔敢入黎,我地仲要做生意架!」咁話,咁我地當堂緊係無哂mood啦, 其實佢可以大聲同我地講但係唔使鬧我地啊嘛! 咁我地坐返低啦~之後好快就埋單走人, 不過張單無扣我地D deposit, 難免都會令係覺得佢地唔知係咪得登...之後走左出去門口對面馬路我地咪討論下我地唔滿意啊剩啦~忽然有個男人走過黎似乎係老闆, 以為佢走過黎問下我地有咩唔滿意啦~點知佢走黎兇我地喎, 話咁你地係無包場啊嘛, 又話而家你地講咩啊! 成個黑社會咁! 真係痴線! 我地唔滿意都唔得! 買party package又唔可以開party! 收又收貴D,仲要俾人兇! 呢間舖請我地都唔會再去! …Read More