二姐's Profile

假期出發太子搵食大多數cafe都要排長龍唯獨是呢間唔使 肚餓又唔想等 就入咗去啦入去見到隔籬枱食日式all day Breakfast ，已經覺得雞雞地 望咗餐牌10分鐘 睇相冇乜吸引食慾最後叫咗個炸雞鬆餅，朋友叫咗蟹黃芝士通心粉加開心果奶昔等咗15分鐘左右 先有嘢食上枱個蟹黃芝士通心粉上枱啲仲油滾起緊 望落 都幾多油 賣相幾單調食落 有少少鮮味 不過總係覺得爭啲嘢 味道屬於單調 唔吸引炸雞鬆餅$118 有兩塊鬆餅面頭有幾塊糖煮蘋果加一塊大炸雞同班尼迪炸雞麵衣都幾鹹吓 但雞肉唔算太鹹 撇除麵衣算唔錯 夠熱夠Juicy鬆餅又係味道單調 配埋糖煮蘋果 只係多咗種甜味 總係覺得爭咁啲嘢成餐最出色嘅係開心果奶昔 好似飲緊開心果雪糕咁 不過都要$68 比翻咁上下質素都好應份整體嚟講普普通通 主菜嚟講 總係覺得爭咁啲野 主要嚟講係味道方面比較單調 如果多番少少味道層次 會更滿足試過一次就夠。…Read More

呢間餐廳越來越少人幫襯但貪佢就腳 所以呢晚一家人嚟咗快食晚餐價錢唔貴 同茶餐廳差唔多價 仲要唔使加一服務費叫咗牛肉石鍋飯，豬肉石鍋飯，雞扒便當(?)係啊 韓式餐廳入面有便當啊哈哈等緊期間 見到隔籬枱上咗一份炸雞 好似山咁高 望一望價錢 都只係$88？平到咁？ 喺充滿期待下 牛肉石鍋飯同埋豬肉石鍋飯都上埋枱色彩繽紛 睇落唔錯喎但係牛肉質感粉粉地，豬肉係8分肥2分瘦既豬腩肉食咗幾啖已經好膩，食到尾仲發現牛肉石鍋飯好！多！油！ 平時食茶餐廳炒飯，炒河都冇見咁多油！多到池塘咁而雞扒便當，食嗰位冇乜評價，只係話雞扒好多總結 呢間當茶餐廳食算啦 況且食完個身會有啲油煙味 拍拖聚會千祈唔好嚟啊…Read More

叫左蠔仔皮蛋粥睇食評見由砂窩裝住上枱，以為砂窩生滾添 原來只係一隻碗黎 誤會了皮蛋Menu就寫份量有一隻既 但實物感覺不足一隻 應該係廚房隨手拎 唔係原隻切啦 明既 效率啊嘛.. 而蠔仔非常大隻，但唔好食冇鮮甜味..失望入口成隻蠔爛到漿糊咁，幾大隻都算啦😐食到最後幾隻已經支持唔住反胃咁滯 口感太差啦 可能夜晚去唔新鮮啦粥底方面 好爛好粉 食到一種粉既質感 奇怪 自問口味相當清淡 都感覺粥底味道單調啲姐姐的確如傳說中講既 態度好差 惡過鬼 鬧其他客人😂👍賣單40蚊碗 係平既 但冇下次了…Read More

復活節假期一行4人前往 半自助晚餐每位基本消費628加一 而兩位朋友食完之後都有肚痾既情況發生 相信係生蠔關係..當晚冇pizza供應 所以main嗌左龍蝦意粉，鵝肝燉飯，羊架，Cod fish當晚眼見餐廳只得5成full而取餐部主要得一位負責處理海鮮，切燒肉，fill 野食，人手不足情況下，食物會有唔夠既情況發生半自助餐既海鮮 蟹腳肉感咸鮮 彈牙 經過處理食得好方便其他貝殼類一啲味道都冇 生蠔慎食 唔太可靠甜品亦冇其他食評講既咁精緻整體食物味道唔會話難食 只係平凡 得蟹腳出色埋單4人三千幾附送肚痾 CP值極低 唔會再去第二次各位慎選…Read More

間野早餐同晚餐時段就冇乜客既 不過尖沙咀區正常操作啦嗰日公司太多野做 揀呢間近近地買個外賣算但呢兜所謂星洲炒米竟然係用湯米質地既米粉落去炒又韌又啃喉 咖哩粉仲係一舊舊未見過一間茶餐廳會用呢種米粉落去炒開張初期見過個老闆唔係香港人黎唔好叫港味啦唔該 港式基本野都唔識仲比錢買唔係香港人寫既食評 影衰真正茶餐廳62蚊食啲咁嘅嘢 (姐姐話比左折我喎)依家朝早經過都會諗下會唔會早餐正常啲 啊..都係算啦…呢啲美食留翻比想食假地道食物嘅”人”啦…Read More

難食到唔想講太多⋯⋯油炸鬼 9蚊又凍又唔脆又韌，咬落啖啖爆油牛肉粥 30蚊粥底杰到唔尋常。牛肉大概有6片，質感(葉)到似啫哩，加上冇味道⋯⋯如果你合埋眼基本上唔會食得出係咩黎。除左難食我諗唔到其他⋯⋯值得一提，環境都光猛算乾淨服務係正常既冇服務總結呢間店比人感覺冇誠意，食物咁既質素都拎得出黎賣。最得人驚係牛肉(葉)得太過份，第一次食到啲硬既啫哩咁既質感，食完感覺好銀胃⋯⋯雖然唔算太貴，但我寧願慳番呢39蚊⋯⋯…Read More

朋友告知屯門新開左豪大大，之前見就見得多啦，食就今次係第一次呢次試左椒鹽雞塊如果撞到佢新鮮即炸就超美味，多汁皮薄熱辣辣，真係好好食，但有樣唔好就係得表皮有椒鹽，入面肉係冇味既，冇雞味就一定架啦仲有薯條一份同雞粒半份，雞粒真係幾大份，熱辣辣炸起仲有肉汁，但及唔上雞塊咁令人難忘，另外薯條就非常普通，仲要唔熱好彩有帶定支涼茶飲姐，大熱天時咁多炸野真係食到好渴…Read More