carol129's Profile

因為早前見到門口寫住$49一個set lunch，又唔係多人食，唔洗等位，所以今日就特登入去試下。點知一入到去坐低就有個女人問我地幾位，話一振有10人黎幫襯，如果我地多人就唔招呼啦…驚做唔切。聽完心諗真係唔休做。不過我地因為得三位，佢就免為其難咁話ok la...快d點野。又重覆，你遲d點一振10人黎到你有排等。咁ok 既。我一早睇好食咩…元貝雞扒薯菜好快點好菜，但係明明要薯菜，結果黎左個飯，我話錯左喎，個女人就話:介唔介意要飯，如果要薯菜要整過，有排等。咁我就算啦。好在朋友食果個餐係拼薯菜，而朋友見份量唔多，唔夠食，我地交換。佢食飯，我食薯菜。岩岩好。不過唔滿意既野真係好多，黎錯野、用具自己攞，都無所謂，但原來間野大細超。一枱10人碟碟大大份，薯菜加餸滿滿咁，我地3人就份量一般。講真，味道係唔錯的，但服務態度真係一般。煮係一個人，沖飲品就第二個。成間鋪就係得兩個人。無人寫飲品，個女人話自己好忙，叫我地自己搵紙寫低比佢！又ok 啫！我寫左1杯凍啡，兩杯凍啡少甜。但點知等左好耐，結果吹吹沖飲品個女人，先黎一杯凍啡，無奶無糖:齋啡，我朋友話想要奶，佢比左盒奶同一支糖漿比我地，叫我地自己落。ok la。。都知你真係忙。不過睇睇盒奶。過左期兩個月喎老細。細細聲同佢講，佢話比錯左。咁我想問點解你放係廚房兩個月都唔掉?真係忙到咁?到我杯少甜咖啡啦！一飲，嘩，甜過糖水。結論:兩個女人對住10人一枱好熱情，但就無視其他的客人。食物味道ok...但如果見間鋪多於4人就唔好入去。佢地真係做唔切。…Read More

今晚一行10人去食東北菜，一來到已見到好多人排隊，好在有訂位，唔洗等好耐就入得。更好彩係10人去食，可以試到好多餸。特別推介片皮鴨，以前在大酒樓食d粉皮都會“痴”到爛晒，但理間店就好明顯一張張可以好容易咁分開，好完整，食起上黎就特別好味。另外試了員工指既新菜京燒羊肉，開頭都驚員工呃我地試新菜，係咪都話好味，點知一食，真係唔錯喎，層皮好似乳豬皮咁脆，但肉又好滑，唔係好食羊既我都覺得好味。總結來講，食了11餸加甜品，樣樣都好味。值得再黎食!!!…Read More