ccclo's Profile

餐廳嘅環境舒適，夠大多座位。有卡位高枱座位提供。 平時午餐等位時間都算適中。主要以西式茶餐廳菜式為主， 都幾多選擇， 包羅萬有。 內裏裝修都幾有特色。 首先出場嘅係金黃鬆脆非常之好睇。之後就係餐湯（西湯）裏面粒粒薯仔同埋洋蔥雜菜非常足料同好味。要俾個like佢。今日叫咗個黑松露野菌炒珍珠飯，黑松露味很香，粒粒珍珠飯都夠𡁻口。 味道偏淡少少，所以可以再加少少枱面上嘅白胡椒粉調味。呢個係同事叫嘅扁意粉賣相唔錯但未到我就唔知啦。店內只提供白胡椒粉作調味,建議餐廳可以提供黑胡椒粉同鹽。因為畢竟佢哋都係西餐最佳調味拍擋，會加分好多。 …Read More

經朋友介紹南小館最近出左新菜單。而且門口大大個酸菜魚買一送一嘅優惠所以吸引到我。（*原來消費之後會比一張coupon比你下次滿$200先再送一份酸菜魚）叫咗個蔥油開陽拌麵份量比較少， 但味道都算唔錯， 幾香幾好味。 呢度嘅特飲堂食係買一送一我哋叫做黑糖波霸奶茶黑糖同珍珠都好好味， 鮮奶很濃同黑糖配合會有少少過甜，但都唔錯架👍玩味咕嚕肉賣相比較樸實, 佢就啖啖肉，而且佢陳醋味比較重，算幾特別。最後就黎到主角啦！！ 招牌老壇酸菜魚比我預期中好。魚肉非常嫩滑新鮮， 而且配料都好足料有萵筍醃蘿蔔同甜酸菜，鍋底係寬邊紫薯粉大大碟 適合兩三個人食。 我地兩個人食都清得7788 非常唔錯。 。 埋單時除左有酸菜魚coupon 下次可換購一碟酸菜魚。 經理仲比埋滿150蚊再減50coupon 😸😸， 好多優惠呀。 下次會再同朋友再食。 …Read More

香港仔嘅老字號麵鋪，簡陋的裝修鋪頭細，常常都坐滿， 好多街坊成日幫襯。 進鋪記得同門口待應姐姐講幾位， 好快就搵到位比你。 雖然好多選擇都唔錯， 但我自己就食開牛餅配河粉 多青。 （小提示）潮苑只有牛餅， 無牛丸的。 清湯 好淡好淡 。 可以加腩汁， 而我則會多青之後 加檯面調味料。我自己會加炸蒜粒同潮洲辣椒油。 而潮苑的麵係唔錯的，河粉不會似出面一係太軟或太散， 自己覺得佢的河粉算係香港仔暫時最好的一間。 而佢既潮州辣椒油不會太辣，亦好香好惹味， 不會一味辣。 山窿魚蛋無左之後， 香港仔街坊講起魚蛋河， 依家都會去潮苑， 比較香港仔街坊風味吧。 …Read More

一直都很想試吓壽司郎壽司🍣， 但經過好幾次都因太多人所以放棄左， 同朋友轉左食其它餐廳。 見年尾最後一個星期日就同朋友即興地出發佐敦食壽司郎。😬依家壽司郎預約需要兩個月前， 而即日walk in 就需要睇YouTube直播😝 我地五點取到籌，太約等100個位先到我地。好誇張😮，而且樓梯同鋪面都擠滿左等位嘅人。 好彩我哋都一早計劃喺佐敦周圍行。去到7點半就剩10個位就到我哋，點知行10分鐘返去， 就已經過左8個位。 好彩過咗Number，半個鐘之內仲可以補飛。 最終8點剛剛好 dinner time 😌. 上面嘅回轉帶係你透過部touch screen pad 落order嘅壽司。佢會自動泊埋站。 下面嘅就係自動迴轉壽司。即使係自動迴轉壽司帶嘅壽司都非常之新鮮足料。好好味！！ 而且價錢非常之抵. 紅碟$12，銀碟$17，金碟$22 除咗壽司材料非常厚身同新鮮之外，要特別講一講佢嘅飯粒，係粒粒分明， 唔會好實 。 口感q糯咁， 好好味。 每一件嘅材料係可以完全cover d 飯 ， 唔拆開都影唔到壽司飯個樣😂😂。 呢間係一間平價但高質日本壽司鋪。 不過實在太多人啦，唔建議walk in . 3個鐘的等待好痛苦😖。 所以我下次會預約定先。 記得 預約 預約 。😂…Read More

今日約左朋友入元朗，搵左好耐唔知食咩好， 見到附近開左鋒哥廚房，就試試新店。 因為我地3點先入餐廳， 原來已經係午市收爐時間，好彩待應姐姐嗱嗱聲幫我入單。 :)呢度環境好有韓式的感覺, 場地都幾大。 主打火鍋 甜品。 但我地今次係食午市充飢，都唔錯。 前門仲有個電話廳裝飾，幾適合打卡. 一坐低，職員就送兩碗西洋菜湯俾我哋。高質例湯。 （料足，無味精）我哋叫咗一個柱候牛腩飯同埋叉燒粒菠蘿炒飯。牛腩煮得非常入味而且軟腍， 真的不錯。 蘿蔔雖然又大塊又腍，但明顯係後加， 所以無咩味。菠蘿叉燒粒炒飯非常之好味，有鑊氣。 推推推。佢嘅凍奶茶茶味比較重, 奶味比較弱， 所以味道比較薄。 總結鋒哥廚房嘅味道比較溫和而且較健康。今次嘅午餐都唔錯. 元朗附近居民之選.…Read More

朱兆記冇華麗嘅裝修而且仲有種日久失修嘅感覺。 普通人唔容易察覺佢嘅存在.但係食過一次就會返尋味. 尤其是酸辣牛腩米線，非常惹味而且份量充足，配上一杯濃滑凍奶茶簡直係最佳配搭。 茶味同埋奶味非常濃.正宗茶餐廳奶茶味。正呀。 酸辣牛腩米線用嘅係甜酸菜，所以唔似出邊嘅酸辣米線太辣或太酸既刺激。反而係甜甜惹味嘅濃厚湯汁。而且牛腩嘅份量非常之充足滿滿嘅一碗。煮得非常之入味及軟腍。 真係食到舔舔脷。平時食朱兆基嘅炸兩同埋豬膶腸一直都不錯的。腸粉軟滑， 但今次有少少失色，豬潤有少少鹼水味。呢間鋪頭味道好味，價錢抵，份量足，支持實力小店。必推介。 …Read More

天氣轉涼，最好就係 打邊爐 暖一暖。 今日和朋友兩個女仔食得唔多最好就選擇牛一的午市套餐60分鐘，一碟肉＋無限配菜放題 剛剛好 ～（小提示：星期六日要3點先開始）。香港仔呢間牛一，我都係第一次嚟食，因為佢既位置都算幾偏僻，利港3樓，如果不是經稻香扶手梯上，係經平時行商場都不會經這一層，要再另上樓梯或搭電梯，所以成日都忽略咗佢。 我地嚟到現場，都幾靜，客人唔多。帶位嘅姐姐 👱‍♀️都幾NICE，好快入座，食物好快上。之後就自己去自助區攞野食。🏃‍♀️🏃‍♀️香港仔的店鋪相比其它分店比較細，但和牛炒飯／咖哩都無少到。等緊個爐熱緊，可勺定一碗，食住等。 （ 和牛炒飯 推介👍）我地兩個叫左清酒牛蒡雞湯底 （清清地幾香牛蒡味）穀飼牛肉套餐（ $75 ) 牛肉碌兩碌就食得，好味，😋一盒有5塊，少食多滋味 ～另推介 草蟲姑 👍 質感滑捋捋，咬落幾爽口，第一次食就成為邊爐新寵。一個鐘剛剛好，用美味的綠茶雪糕作結。…Read More

朋友鐘意食牛扒， 一直都推介我嚟 屯門市廣場呢一間outback. 因為剛開業時，朋友對佢既印象好好， 服務好， 環境好等等。進餐當日臨近聖誕的日子， 餐廳都佈置得非常有聖誕氣氛。可能係星期六日中午時間， 餐廳都幾滿座，而且好多一家大小。職員十分忙碌，不過很快也安排到卡位比我吔。 可能餐廳太忙了， 職員都好急促講野同services, 所以朋友對比佢之前的用餐經驗會有少少失望。咁啱個刻轉左下年茶時段， 我地叫左個 燒肉醬豬肋骨配薯條茶餐(＄72) （好抵呀， 而且有小小沙律配菜加嘢飲，都幾豐富。豬肋骨肉很腍， 配上燒肉醬都幾惹味，酸椰菜沙律可以平衡返油膩感。 今日 主角係 ～～ 美國T骨扒($428)～～ 有兩款配菜選擇 （ 晚市先有甜薯揀，如果唔係一首選甜薯） 牛扒好香， 好好味 質感上我較喜歡肉眼扒多D， 所以下次我未必會再encoreT骨扒了。大大個炸洋蔥花（＄86）， 好“漏”呀。 太大了，炸到香脆的洋蔥加上滿滿的芝士醬 ～～ 非常邪惡。 （順提：芝士醬可以要求refill嘅），不過食到後面真會好油 好“漏”，味道都偏咸。 下次多人聚會先會考慮再叫。佳節配美食， 不過不失啦。…Read More

最近發現公司附近香港仔Oystime 有午餐套餐。仲有四款石燒牛扒仲有澳洲和牛揀添。 成為我happyfriday 嘅lunch之選. 已經第4次黎食啦， 今次先認真upload 食評。 所以相片集結左一起寫。 餐湯 +麵包石燒安格斯西冷石燒牛肩肉眼套餐仲有飯同沙律菜加餐飲（相片無影到）嘩！ 大大塊牛扒， 非常之吸引。我鐘意5成熟，所以需要快快趣將佢切件放碟啦～仲加配兩隻10蚊生蠔過下癮，十分滿足。 除左推介石板燒套餐之外， 其它套餐亦非常唔錯！！浦燒原條鰻魚飯…Read More