Wai Cheung30's Profile

假日跟友人到了數碼港商場3樓-奧壽司，餐廳有精緻的懷石料理，晚市原價$680/位，2位或以上即享$480/位，3位或以上$430/位，10位或以上預約更優惠至$390/位，會員價則為$410/位，見咁抵就一於叫呢個餐黎品嘗美食囉。前菜有4款，分別有：🪿鵝肝脆方，鵝肝煎得好香，配上脆口嘅多士，美味啊😋。🦀蟹肉果凍，製成果凍的蟹肉，口感帶點酸，令人開胃。🦑紫蘇魷魚，魷魚好鮮甜有彈性，夾入紫蘇葉一併食更捧。🧆清酒煮鮑魚，鮑魚鮮甜爽彈，而白蘿蔔軟淋入味。擺盤用心的刺身，食材有我地至愛食嘅肥美三文魚、油甘魚同吞拿魚，新鮮爽彈嘅赤蝦同帶子，伴隨魚籽一併入口，味道豐富可口。酒菜-鯖魚咸香。厚燒玉上有層焦糖，令口感更香甜。海老肉質彈牙可口。另配上了不同蔬菜更加有營。煮物，生薑大蔥豚肉，豚肉肥瘦平均，富含油脂香味，加入埋熱辣辣香噴噴的松茸菇燴飯，食材簡單有營，飯粒分明且入味，食完整個人都暖晒。食埋美味嘅甜點綠茶雪糕，令人滿足又愉快的晚上。…Read More

晚上跟友人到了尖沙咀，呢間食墨西哥菜的餐廳，說食材有部分是由墨西哥直接進口，咁我哋就可以品嘗地道風味啊！裝修是半開放式的設計，精緻且有氣氛，菜式味道都令人感到滿意。紐西蘭慢燉羊腿，羊腿煮得軟淋入味，肉質好易切開，搭配些沙律菜，土豆泥同鷹嘴豆泥等一同食用，極具風味且美味。牛肉肉眼扒玉米捲餅，牛扒外焦內嫩肉汁豐富，搭配的牛油果醬和新鮮的鮮茄莎莎醬，包着享用，味道超級正。點番2杯冰凍啤酒🍻，好好享受了愉快晚餐。…Read More

間唔中都想食放題，盡情咁放肆下不停咁飲飲食食，今晚就選擇咗位於尖沙咀的-殿大喜屋日本料理。餐廳寬敞明亮，環境乾淨食物擺放得井井有條，依家仲有波士頓龍蝦及魚子醬任食，簡單超級無敵勁抵食呀。今次主要黎食波士頓龍蝦🦞，龍蝦新鮮肉質爽彈，肉很易剝出很好味，亦有蟹膏鮮甜美味😋。刺身推薦給大家的有鮮甜爽彈的赤蝦、帶子，啖啖肉嘅三文魚🍣、油甘魚🐟，鮮甜的海膽，仲有至愛的金槍魚腩，魚腩油脂濃郁而不油膩，能在口中融化，都是必食之選。壽司款式多囉囉，至like海膽軍艦，海膽是由日本入口，質地細膩滑嫩，入口即化且有濃郁的鮮甜味。新出仲有鱘魚籽醬，望落去晶瑩透亮，任何食材加番d入口， 味道提升且滋味滿滿。喜歡食海鮮嘅我哋，當然唔會錯過油鹽焗大頭蝦，避風塘炒蟹同蒜蓉粉絲蒸蟶子王，即叫即蒸熱辣辣，調味料理得剛好，食得出係新鮮嘅食材，亦係回本必食。最後食埋燒得皮香肉滑，滋味滿滿的燒榴槤，雪條、雪糕、甜筒自助軟雪糕機，甜品同新鮮水果🍉，就相當滿足啊！…Read More

天氣轉涼又想去食下火鍋，到咗稻香見有羊腩煲優惠，於20:30後入座，羊腩煲 $78便可品嘗，加$10可加配生菜🥬，超級抵食。另以$29.9加購3罐百威啤酒，同場加映打哥爾夫球遊戲，贏咗可以用特價換購食物添架。羊腩煲，羊腩炆得夠淋，皮下脂肪好煙韌有咬口，羊🐑肉夠淋且入味，醬汁濃郁但唔會好鹹，馬蹄爽口，冬菇及枝竹都好入味極之豐富的安格斯牛盤都只需$98，款式多買相靚且抵食，牛有光澤且有咬口，啱晒喜歡食肉嘅老友。白鱔，鱔片新鮮冇骨，肉質雪白剔透的，爽口彈牙。 小白菜🥬，新鮮翠綠，吸埋湯的精華，食落好味喎😋。最後叫多個粉絲，咁就飽晒囉。…Read More

趁周六就約了朋友聚餐，在鰂魚涌的Sage & Salt食泰菜。先點了2杯Cocktail 開開胃，Honey Bunny，口感清香，先帶些甘後來椰香味慢慢滲出。French martini，菠蘿味重亦香甜。啤酒Hoegaarden 500ml 都只是$58，值得叫番杯嘆下。有機柚子沙律，大量的柚子搭配新鮮的沙律菜，酸酸甜甜的令人開胃。星加坡喇沙麵，食材有油豆腐、蝦🍤、魚蛋及豆芽菜等，湯濃郁味道，咖哩和椰奶跟海鮮的香氣結合，層次感豐富。青咖哩雞意大利飯，青咖哩加入了忌廉，口感變得滑順，清爽中帶點辣和香甜味，跟傳統意大利飯的起司風味不同，值得一嘗。芒果糯米飯，芒果香甜多汁，糯米飯帶嚼勁，配以及濃郁帶有微鹹的椰奶醬，美味可口。…Read More

經過上海街見到呢間Amuse，逢星期日至四的4:00-8:00時段，Follow 社交平台即享指定食品 50% OFF，咁抵食便進入開餐囉。炸啤酒魚柳薯條，嘩..有2大條炸得金黃色的魚柳，大塊且炸漿不過厚，咬落非常之香脆，而魚肉幼滑厚身，薯條亦係熱辣辣很香脆，好食😋。德國咸豬手，即送兩杯醉檸茶（適用於全日任何時段）。豬皮脆口又煙韌，皮下的肥肉不多，咬落油脂甘香，瘦肉帶粉紅色，食落咸香味很正，伴碟有沙律菜及酸菜，可減低肥膩感。醉檸茶，帶有清新檸茶的香味。芝士西蘭花，食番多啲菜先得架。…Read More

天氣涼左就想食下火鍋，跟友人到了旺角的創興廣場，位於1樓嘅八拾台式火鍋燒烤放題。進門己是自助區域，雪櫃內有各種款式的汽水及茶類飲品，啤酒🍻都有幾款可供選擇。前菜區有涼拌螺肉、泡菜、麻辣小龍蝦、爽脆魚皮、清新涼拌青瓜，台灣腸、香腸、酥炸小酥肉及咖哩角….。湯底叫左清清地的芫茜皮蛋豆腐鍋，喜歡食肉的友人掃code落單，有特級牛肉片、安格斯牛板腱及安格斯三角肥牛，紐西蘭羊肉及豚肉，各款肉類都新鮮有光澤，質感彈性可口。仲有生蠔及台灣鱔片，鮮甜味美。自助火鍋區的冰柜夠晒凍，擺放得整齊又乾淨，呢度有各種的蔬菜、肉丸類、餃子🥟同菇菌類別，仲有台灣產地的食物。海鮮五花八門，有我至like的蟶子、魚腩及花甲、蜆、蝦、魷魚，仲有牛骨髓、鵝腸、雞子都有齊。最後食埋生果，甜點豆腐花及雪糕等等，飲醉食飽，超級滿足☺️。…Read More

晚上想食下中菜，於是搵左間同事推薦, 位於將軍澳康城的豪宴薈，佢地食過，覺得無論環境跟質素都唔錯，咁我就約埋老友去食下囉😉。酒樓地方夠大寬闊，每張枱都相隔得宜，坐得舒適自在，都唔錯啊。鋪坐下便點了龍井茶，飲落順喉又解油膩。餐牌的選擇多，晚市優惠、優惠孖寶餐、小食及小炒，今晚想食海鮮，就點左海鮮孖寶餐。上湯西澳洲龍蝦伊麵（轉烏冬），龍蝦新鮮肉厚身，烹調得剛好，鮮甜彈牙，配搭彈牙烏冬，份量超多，2個都食唔晒。清蒸金虎班，一斤的魚2個食大小適中，熟度蒸得很好，魚肉新鮮幼嫩，配上大量蔥蒸，令魚味更提升。飯後仲送紅豆🫘沙，紅豆沙煲到軟淋起沙，甜度亦剛好。…Read More

想食西餐，便預先book好這間位於九龍塘又一城的-Dan Ryan's Chicago Grill,餐廳的裝飾設計很型格，坐得舒服，令人可以輕鬆用餐☺️。點餐後店員會先送上餐包🥖，搽上餐廳自家製的士多啤梨牛油，又幾好食喎。餐湯或洋蔥圈二選一，我哋選了周打蜆肉湯，湯質感濃厚，配上包食很唔錯啊。木瓜沙律，豐盛大碟，木瓜及沙律菜均很新鮮，配搭nuts令口感更加豐富。炭烤封門牛柳6oz （2份），點左7成熟度，烤得熟度剛好，牛柳己切成一片片方便食用，牛味濃而肉質細膩，點上附上的醬汁同海鹽，味道更加提升。薯條炸得香脆可口。甜點的紐約芝士蛋糕及自家製草莓乳酪，美味且甜度適中，完美！…Read More

跟好友好耐冇食過放題，到左極具人氣的極尚大瀛喜，位於觀塘位置方便，可以任飲任食，性價比高。用QR點完美食後， 便到自助區飲品櫃取飲品，除基本飲品，仲有啤酒、清酒🍶及梅酒。各款小食、生果、炸物、點心及甜品都有齊晒。坐回枱刺身及長腳蟹都己到齊，刺身肥美鮮甜，我哋點左三文魚、帆立貝、油甘魚、赤蝦及長腳蟹，各款都甚有特色。魚子醬藍鰭拖羅蓉手捲，軟淋味鮮，點可以唔食佢☺️。甘鯛䲞鱗燒伴黑松露忌廉汁，非常肥美嫩滑，要番點多次。焗蝦、焗生蠔🦪及金銀蒜粉絲蒸蟶子王，鮮甜可口，亦是會點多次啊。北海道白粟米牛油燒，估唔到又幾甜啊。吉品鮑汁燴花膠，養顏首選。羊架、牛舌…的串燒，燒得剛好，肉汁豐富。榴槤菠蘿🍍香甜，都係不能錯過啊！…Read More

晚上到了位於佐敦的-不倒翁火鍋🍲，嘆番個每位只需要$380, 就可享受到極尚火鍋二人套餐，包晒醬料$同加一，認真超值☺️。刺身拼盤，有吞拿魚、三文魚、同埋北寄貝，新鮮味美，質素唔錯。冬瓜瑤柱鍋底，湯底清甜，又可以品嘗到食物嘅鮮甜。海鮮任選三款，蟶子王爽嫩鮮甜，南非鮑魚肉身厚有咀嚼感，龍躉魚厚身大塊，肉質煙銀爽口，頂級雪花肥牛，牛味香濃，肥瘦適中，肉質幼嫩很美味。雲吞及水餃🥟，皮薄餡十分之足料，蝦大隻且超級爽口。手打丸類的有四款，分別是牛丸、墨魚丸、鯪魚丸及蝦丸，真材實料，各有特色，新鮮又爽彈。生菜🥬及生麵份量多很飽肚。酸梅湯，酸酸甜甜的，消滯都唔錯。食完送了椰汁味好香的椰汁🥥糕。…Read More

隔左一陣子，又會好想食下台灣菜，過開黎附近買完野後，記起有間段純貞，便進入開餐囉☺️。胡椒湯酸菜豬腳麵（細麵），豬腳肉質煙韌有嚼勁，豬皮軟彈很好吃，湯有胡椒香味帶酸爽，令人感到開胃又暖身，配搭爽口幼滑的細麵很恰當。濃湯燉雞麵（手工麵），原隻嫩滑的雞腿肉，雞湯香濃鮮美且不油膩，手工麵吸附湯汁的，令每一口都可嚐到雞湯鮮甜味道。蒜醬青菜 (油麥菜)，沒有加油食得更健康。蒜粒古早台灣腸，台灣腸本身就已經好好味，再加埋蒜粒更加分。麻辣鴨血冬粉，鴨血爽滑, 湯帶麻辣但唔會覺油膩，冬粉透明咬落煙un , 仲好飽肚。泰奶茶仙草，奶茶茶香味濃，仙草夠晒滑溜，飲落甜度適中🥳。紫香芋泥特調，芋泥綿滑，奶味濃郁。…Read More

到左位於將軍澳中心的樂天皇朝，跟友人聚餐，地點就在將軍澳地鐵站上蓋，很方便啊！招牌李白醉雞（雞髀），雞皮夠晒冰凉又爽口，加錢要了脾位，故肉質幼嫩又滑溜，入口有香濃酒味，作為前菜好正啊！鮮蝦抄手伴面，喜歡抄手的餡料豐富，皮薄足料，入面嘅蝦新鮮爽口，拌面🍜煮得熟度剛剛好，麻味唔會好重，拌勻後酸酸辣辣，開胃又好味😋 。楊州槽榴滑魚片，魚片厚身又雪白，入口夠晒爽滑，配料有紅蘿蔔同木耳，是一道有營健康的菜式。…Read More

假日到左係將軍澳中心的Owens食番餐西餐，同老慢慢品嘗美味，真係好正架。2人套餐有餐湯+沙律🥗，飲品及甜品。（可加錢升級特飲及特式甜點）白酒煮蜆，蜆肉鮮甜，加上白酒的香氣，肉質清爽可口，味道層次豐富。水牛城雞翼，雞皮炸得鬆脆，味道酸辣香濃，惹味令人食欲大開。 北海道帶子墨魚汁意大利粉 ，帶子煎得香口，意大利粉蒜香味濃，墨魚汁均勻地每條意粉都有，熱辣辣香噴噴好味😋。香煎比目魚柳扒，外皮煎得酥脆金黃，肉質厚身鮮嫩多汁，魚味鮮甜，搭配番茄🍅汁增添酸甜的層次感，配搭香脆薯條及西蘭花🥦，使味道更豐富。甜點有牛角窩夫配雪糕，窩夫🧇配搭雲尼拿雪榚好夾。黑芝麻提拉米蘇，黑芝麻味香，內有海綿蛋糕，喜歡😘。開心果蛋糕，開心果蛋榚綿密Creamy，甜度剛好，好讚啊！飲品要了香茅生薑蜜及凍檸茶。…Read More

在寶琳地鐵站的對面，即新都城三期地下，新開張左一間餐廳🍴茶意。喜歡嘗新的我就一定會到店品嘗啦。今晚就約埋老友，來嘗一下新餐廳菜式的味道。點了2個晚餐一併分享，我叫左咖哩雞球焗飯，配凍檸茶走甜小冰，雞球咬落香滑，帶有微辣的咖哩，經過焗烤後味道層次豐富，醬汁香濃，將炒飯拌勻一併食很美味。鮮蜆白酒煙肉蒜香意粉，配熱奶茶，$12 追加羅宋湯&沙律，夠晒抵食。蜆肉都有5-6隻，意粉是粗身的，份量多夠晒大碟。…Read More