ryan0711's Profile

疫情下，大家有可能都鍾意買野番屋企食，今次同大家介紹下位於黃埔嘅一間米線鋪:景霖四川麻辣米線。 先講價錢，屬於正常價位，三餸大約要50元左右，包一杯凍飲，份量亦算多，今次叫左酸菜，火腿同雞肉，中辣湯底。當中最好味嘅係酸菜，酸得黎帶甘，火腿，雞肉屬於正常發揮，雞肉唔會太大件，但亦唔會無咬口。湯底辣度足夠，都幾惹味下，岩曬嗜辣嘅朋友仔👍👍…Read More

呢間野要介紹下，個日去左位於新蒲崗嘅陳儀興玫瑰餐廳，叫左個海鮮鍋(須預訂)，鍋內有五款海鮮，包括龍蝦、鮑魚、花甲、蜆及蝦，湯底味道鮮甜，材料份量十足，一鍋內有兩隻龍蝦，龍蝦肉質爽，味道甘甜。其他材料食落亦覺新鮮，價錢亦相當實惠，$400左右可以有如此豐富海鮮鍋，性價比高。另外，忘了影一影碟避風塘炒粟米，呢碟用咗大量嘅炸蒜、洋蔥及蔥去炒粟米，味道非常濃郁，惹味！難得粟米仍保持爽脆，只售$68 ，完全抵食！呢2日已經值回票價，其他火鍋配料我就唔夠講了！環境，服務可以，亦唔係重點！ 食物新鮮真係得！…Read More

今日特登同老婆試一試呢間婆婆珈啡屋，試之前只係係openrice求其search下，後來老婆話呢間係打卡食店。 不過可能我係男人關係，去到又唔覺特別好影😅今日叫左兩個定食，一個係牛肉定食，一個係豚肉生薑燒定食。牛肉定食嘅牛肉薄，香，牛肉汁味道亦好。定食入面仲有菜，柚子粒，糖心蛋，湯。 糖心蛋味道較咸，較少會食到呢個味道。 其餘3樣就普普通通。豚肉生薑燒定食嘅豚肉味道都好好，其餘配菜一樣。定食飲品要左凍蜜糖牛奶，熱特濃朱古力。 蜜糖牛奶嘅牛奶味濃，慢慢滲出甜甜嘅蜜糖味，味道唔錯。 朱古力味道濃香，有dd令人放鬆嘅苦味，係真朱古力嘅味道！味道總結：佢地嘅肉幾好食，飲品亦好，配菜就麻麻服務方面，侍應上菜態度唔錯，會講清楚邊份係牛，邊份係豬。人手好足，好易叫到人！用餐時間限時1粒鐘，基本上都夠，我地食左30分鐘就食完，但想坐定定傾下計就要諗諗時間la…Read More

星期日5點幾睇完戲立即搵野食諗下水門雞飯成日排人龍，5點幾應該唔洗啦瓜？就走去試下。一去到真係唔洗排，thanks god！ 一坐低店員就提醒我地食野先好除口罩，期間有食客食物未到就除低口罩，店員都立即提醒，防疫做到足。我地叫左兩客水門雞飯，一份泰式豬頸肉，一杯龍眼冰。雞飯加10蚊轉左雞肶肉，雞肉算滑，雞味就比我想象中淡，以平時人龍嘅情況黎講，稍稍失望。泰式豬頸肉燒得幾香，惹味，肉質唔會好鞋，比雞飯更值得食！龍眼冰嘅龍眼感覺唔夠新鮮，味道較淡。坐位方面唔算舒服，4人位要同人搭枱，不過係呢類餐廳係正常嘅。 服務方面，侍應無笑容都係意料之內，始終消費唔係高嘅地方，但有種機械人感覺，令人有d壓迫感，好似叫慢d唔得咁😂…Read More

今日同大家介紹下尖沙咀呢間台式餐廳星期六午飯時間黎度，都算幾多客，不過地方大，都唔洗等位，環境幾舒服，坐位鬆動，地方企理。食物方面，我地叫左兩個lunch 套餐，分別係鳳梨黑醋骨配冷蕃茄沙律，熱芝麻奶茶。 另一個係魯肉飯配紅油炒手，珍珠奶茶。鳳梨黑醋骨份量極大，有成十幾廿舊骨，味道酸酸甜甜，非常開胃，肉質亦嫩！沙律就正常野，唔特別講。魯肉飯方面，魯肉份量尚算多，味道都算香，稍嫌係肥肉比例較少，油肫感不足，但係香港黎講，呢碗魯肉飯質素算係唔錯！紅油炒手味道香辣，皮薄而滑👍最後芝麻奶茶芝麻味濃郁，入口香滑！服務方面，無乜特別，態度正常整體黎講，呢一餐相當滿意！…Read More

上星期五晚黎到呢間餐廳食個晚飯，懷念一下韓國嘅味道，星期五晚嘅尖沙咀特別多人，我地好彩即刻有位，食左無耐外面已經有唔少人等緊了！我地2個人叫左3樣野首先講下個大醬湯，料都算多，但蜆肉殼大肉細，鮮甜但一瞬即逝，豆腐份量好多，可以輕微中和到少少辣。值得一睇，隨湯會送個飯，大家叫餸時要留意下了。第2樣野係牛肩胛肉，份量唔少約有十塊，肉質唔算好嫩，牛味唔突出，食落滿足感唔大。第3樣野係芝士豬肋骨，豬肋骨味濃，肉質都算嫩，可惜嘅係搶左芝士嘅味，即係芝士味唔夠出，係我心目中，芝士先係呢道菜嘅主角。價錢方面大意左，唔記得影低，應該大約500左右，尚算合理。服務方面，店內樓面人手似乎不足，食客有需要時要比多d耐性。 店內衞生唔錯，但可以裝個人物品嘅凳入面比較污糟，我地唔敢放入去。坐位方面，卡位比較舒服，但我地不肯坐唔度就要坐得辛苦少少la。…Read More

今日係黃埔睇完戲就去韓宮擦番餐！ 韓宮鄰近黃埔A出口，位置非常方便。今日縱然係星期六，但受疫情影響，店舖都未有爆滿，所以坐起來非常鬆動！但店舖嘅座位唔想大，人多時可能會有D逼。 食物味道方面，由於我地得2個人，所以只叫了2個菜。店舖提供5碟前餐比食客，味道中規中矩，5碟入面最令人驚喜嘅係薯仔，味道甘甜，入口鬆軟，口感一流！ 牛肋骨湯芝士辣子雞價錢只係約數，唔太記得，兩個味道都唔錯。牛肋骨湯足料，牛肉味濃，黑椒令牛既味道更突出。芝士辣子雞嘅芝士同係韓國食既相似，但份量略嫌不足，唔夠滿足。雞份量就較多，而且唔算太辣，反而有d甜味且肉質嫩滑。 服務方面，店員大多為韓國人，應對叫野舉手要求，都無黑面，有d笑容，合格。地方亦算乾淨，埋單有折加一，310元可以接受，可以再食！…Read More