tea and coffee's Profile

我之前有一兩次喺度食鹹嘅可麗餅嘅。 今次想食甜啦，最後一刻就揀咗意大利芝士餅可麗餅啦。但係我攞上手嘅時候就後悔買咗呢個，因為佢係得一舊比較苦嘅朱古力蛋糕擺咗入面， 好素又好苦。 佢唔係放一個知意大利芝士蛋糕放入去，而來放類似brownie嘅嘢入去，再加pat cream。 我想睇佢整個地方都冇意大利芝士蛋糕，咁佢點樣整到呢個可麗餅呢？就發現與原來放啲玻璃樽入面嘅 朱古力蛋糕入去。同埋呢我食ge時發現呢，因為佢煎得個餅熱熱哋嘅，跟住放落張紙度，張紙會黐住咗，有少少麻煩。如果俾我揀過我寧願食番鹹ge可麗餅又或者係有生果同雪糕喺入面既可麗餅…Read More

今日2017年1月2號，同屋企人嚟禾輋飲茶。 屋企附近嘅同埋沙田嘅得幾間，諗住試下呢間新開嘅，諗住試下點樣，睇下有冇驚喜。同屋企人嚟到攞飛等位都係近十點，都等咗好一陣先至有位。 等緊嗰陣，有個人同門口嗰位問：見到入面有四張枱冇人，但係冇人執枱。臨入嗰陣，門口嗰位同我哋講坐卡位茶錢加三蚊得唔得？咁我哋話得。坐低咗，阿妹發現櫈入少少嗰度，有啲可能係細路用原子筆畫花咗少少張凳，都幾明顯。 雖然明明酒樓畀嗰支筆喺鉛筆，唔係原子筆。 坐低咗之後，有個人呢鋪枱布同埋畀餐具，嗰時唔知佢係咪太趕時間la，將啲餐具好似比較好亂咁樣，就咁擺曬喺度就算，睇落好凌亂。 比午市點心紙嗰陣，有少少似劈落張枱(少少)。 所以由一開始，等位到執枱都有少少覺得呢間嘢掂唔掂㗎？！好似唔多妥嘅感覺，但係之後食物方面都唔錯嘅。過咗十點已經喺午市。 比起馬鞍山嗰啲酒樓，我覺得呢度嘅點心都係有啲新鮮感嘅，馬鞍山都好少有紅油抄手。我哋四個人嗌咗九個點心。茶，我哋嗌咗鐵觀音 。 臘味粒咸薄睇個名覺得會唔會臘味比較多，但係黎到先知唔係好多。同平時食開嗰啲咸薄差唔多，同埋呢個比較粉，麻麻。 香茜牛肉腸不過不失，唔錯嘅 鮮蝦米網腸幾好。個網都幾脆，口感唔錯。粉皮同埋鮮蝦都唔錯。呢個點心唔伏。之前喺馬鞍山一間酒樓都有呢個點心，但係之後佢無啦啦轉咗蘿蔔涵仲幾難食下，而家嚟呢度食返個正常版本嘅蜂蜜芋角唔係好食到蜂蜜味，但係作為一個炸芋角係唔錯嘅，好脆。作為一個炸物嚟講都幾令人滿足。 紅油抄手順德經典都有呢個點心，但係佢嗰個係紅油就真係油嘅，呢個就係用一隻醬，唔係用油。食落甜甜哋唔會太辣，都幾惹味嘅。 香煎鳳凰糯米雞呢個我覺得麻麻。點心紙入面幅相，影到都唔錯。但係點心到左之後，就覺得係一個圓形嘅糯米雞，然之後有一層薄薄嘅蛋包住咗佢咁樣囉。味道比較普通，冇乜特別。 芋絲炸春捲 嚟到都熱嘅，應該係都係即刻整嘅，同埋 都唔錯，因為我主要嗌呢個係想食炸嘢。紫心香芋丸放題好多都會有香芋丸食，呢個點心有香芋味之餘，脆撲撲，熱辣辣。呢度清碟比較快，空碟擺咗喺枱邊就好快有侍應收碟。最後呀爸埋單，竟然冇散紙找，搞到阿爸要等下一枱人埋單睇有冇散紙找俾佢，搞到埋單都搞咗一陣。…Read More

今日試下食麗豪酒店入面呢間自助餐。 用咗優惠券，佢原價都唔平㗎。我呢到都覺得幾新鮮嘅，但係去到睇到其實選擇都係比較少。室內嘅就有少少壽司啦，刺身啦，熱食啦，一個炒飯，一個炒麵。點心就有流心包同珍珠雞。有芝士，有幾款咖哩，你可以配佢嗰啲印度飯，又或者佢有印度薄脆 。小食有春捲。 我開始見到有個羊架嘅物體， 但係有人拎緊咁我遲啲先拎，點知好快清曬，佢再上嘅時候我又攞一個嚟食啦， 真係好大浸羊騷味， 再提醒其實我唔鍾意食羊。:(有一煲朱古力，可以畀人沾啲士多啤梨/ 棉花糖/...落去。食咗一兩舊，唔小心沾得太多覺得好膩。:(其實壽司都算少款，得好似三款。呢三款以外有幾款加洲卷ge物體。有一個杯裝住啲麵， 以為係冷麵，但係啲麵都幾硬下，都唔知咩嚟。:(本來都想試下啲飯或者面嘅 ，但係得咁少選擇，嗰飯係好普通嘅炒飯，跟住面就係好普通嘅豉油王炒麵，覺得好求其囉，又費事則飽個肚，所以都冇食到。:(點心都好求其，有兩個蒸籠，一個裝珍珠雞，一個裝流沙包 ，但係呢兩款都真係好普通囉，我自己屋企都成日食珍珠雞，點解要黎呢度食呢。 所以我覺得呢個自助餐係比較適合外地人食囉，而本地人食番自己本地野會覺得好悶囉，呢度都幾多本地嘢。:)甜品睇落都幾多嘅，但係我又唔想俾嗰啲好飽肚嘅芝士餅整飽啦， 所以我都淨係食咗啲好特別嘅或者我比較鍾意嘅 少少甜品啫 。試咗個芝士撻啦，有一個好似係三色丸子嘅，三色丸子我覺得應該比較易飽同埋又唔係特別好味。野飲方面呢， 得兩部咖啡機(倒咖啡，奶茶等等)同埋熱水同埋中國茶，完全係冇凍飲嘅，呢個係我覺得都幾失望lor，因為有時食辣嘢係要凍飲解辣㗎嘛 (佢有隻青瓜係辣辣哋㗎lor)，但一款凍飲都唔畀你，存心要你買佢啲汽水。出邊呢，行出去有幾檔嘅 ，有檔係叻沙， 有啲粉。 有檔阿姨喺度燒緊啲嘢食嘅 可以拎，亦可以由一檔有生嘢嗰度，你自己攞畀佢燒。 但係我嫌都係唔夠多選擇囉。有啲食物佢有標示菜名，有啲又冇搞到我要喺度估估下係咩。喺麵包隔離嘅有一煲湯， 諗住應該係忌廉湯o唔ok呢，佢一粒粟米都冇都唔知係咩， 拎到埋位飲，飲落淡茂茂，唔知咩嚟，真係好難飲。其實如果原價嚟食呢真係唔抵食。 二百幾蚊嘅話出去食放題好過 。同埋食物種類都係比較少。而且仲有部分食物比較適合外地嘅旅客去體驗香港嘅口味，本地人會覺得悶。後話: 食到後期聽到有枱，有個呀婆定唔知阿嬸系度大大聲咁講自己嘢，期間仲講話後生仔唔好咁講港獨嗰啲嘢，都白痴嘅，度度都獨立仲得了嘅嗰啲說話， 真係好令人煩厭，但唔係煩在佢嘅立場( 雖然立場都有啲煩厭，但我唔係完全否定佢嘅呢個立場)， 問題係我唔想食飯嗰陣時聽到呢啲嘢囉！ 佢又啲喺度影射咩後生仔一出世就歎啦，後生仔唔得，嗰啲le，搞到我呢啲想開開心心黎食餐飯ge後生仔聽到un住un住，消化唔落咁樣。餐廳係噪音管理方面都有待改善囉。…Read More

:(今日嚟稻香飲茶，因為咁早，得呢家開咗咁。嗌咗個鰻魚飯，好多飯，鰻魚好少。個飯整體冇乜味，賣$78，有點不值。本來叫鐵觀音，後來嚟咗個茶好似唔係鐵觀音，有啲似普洱。…Read More

:)之前去過呢一間嘅瀝源分店，覺得都唔錯，不過嗰時都覺得啲腸粉點解咁難食，成浸奶味，今日再嚟呢間喺耀安嘅分店，我之前一直都冇嚟過。:(入到去冇人同我哋排位，我哋入去搵位， 見到個舖頭啲人，之後佢同我哋一路行一路揾位咁。見到都好多一個人坐四人枱嗰啲，就覺得 特別嬲囉，搞到我哋依啲四人客，又冇位坐， 不過算喇可能都係舖頭嘅風氣，唔太關啲客事。幾經辛苦搵到位 (同人搭枱之後)， 我坐低拉張凳出嚟嗰下望到個地下 ，真係 污糟到 冇曬食慾呀。嗌咗兩個孖寶， 腸粉，同埋一啲炸嘢食。 我覺得炸嘢食都係照舊唔錯: 嗌咗家鄉煎薄餅同埋嗰個沙律炸雲吞。 嗌咗個個皮蛋瘦肉粥，都唔錯，有類似炸雲吞d皮嗰啲碎片畀埋。 個雞飯我記得啲雞好似 麻麻地 。個蝦腸粉真係最難食， 我都想繼續食落去呀 ，但係嗰種奶味呀真係越嚟越難受，我真係從來都未食過一間酒樓啲腸粉喺咁大陣奶味，咁奇怪，咁難食呀。 最後我淨係食咗入面粒蝦，而啲腸粉皮係最大浸難食嘅味， 我就冇食到 。我真係呢一世都唔會再食呢間酒樓嘅任何腸粉。…Read More

嗌咗杯凍檸茶同埋凍蜂蜜綠茶。一飲嗰杯凍檸茶 成浸怪味唔明點樣可以整得咁難飲囉打畀服務台叫換過杯又當聽唔到後尾再叫一次先換畀我， 換咗個杯個味又真係正常返喎第二杯叫蜂蜜綠茶，諗住冇死啦點知飲落去係冇味囉，係 完 全 冇 味 ，冇綠茶味，又冇蜂蜜味，剩係凍凍地， 只可以稱為一杯凍嘅液體 飲多兩飲都唔知自己飲咗啲咩落肚。 明明係百佳買樽蜂蜜綠茶倒落去，乜都唔使整啦，都ok好飲，點解點解可以整到咁難飲明明呢度冇咩好食，剩係飲嘢啦，咁簡單ge野飲都可以整到咁難飲囉！好失望囉！！ 明明之前唱k都冇試過飲過咁難飲ge嘢， 我覺得呢度整野飲係有啲問題囉！ 話送嘢飲咁樣都等於冇送囉！點解今日我喺度嗌兩杯嘢，飲兩杯嘢飲都咁難飲㗎?!!呢間嘢係咪痴線㗎?!!!!!!!…Read More

我哋幾個朋友好耐冇見，今日出嚟， 嚟觀塘呢度食下飯，貪佢又有飯有甜品食啦。嚟到呢度 ，一開始聽到有人唱歌， 都幾大聲下一開始仲畀個好近唱歌嗰邊個位我哋， 啲位又唔夠 ，我擺唔到袋 ，又大聲喎 ，大聲到聽唔到朋友講咩， 傾唔到計諗住快快趣落單快啲有得食 ，但係啲侍應都好鬼唔得閒咁， 一直都落唔到單咁， 等咗好耐先落到單:(我哋仲諗住嗌個薯條做小食一齊分嘅， 但係呀 (嗰陣夜晚八點零九點) 原來啲小食就淨返雞翼， 真係心諗:(跟住啲嘢食嚟得都耐耐地， 啲嘢飲就嚟曬 ，根本等唔到個嘢食就嘢飲曬啲嘢 。原來朋友有杯嘢飲 ，個侍應冇落到， 係囉啲音樂大聲到都聽唔到飲咩囉！落單嗰陣時嗰侍應左望右望， 不過都剩係漏咗杯嘢飲嘢都算勁 ，呀， 唔係， 我朋友個飯都落錯咗:(我唔識音樂啦， 咁呢度有啲音樂現場咁唱歌又覺得幾特別 ，但係個場地就唔好適合咁做 ，因為真係個音量就太大聲， 傾偈傾唔到啦， 咁又真係有點兒那個囉我個飯嚟到， 咖哩汁豬扒焗飯， 個份量可以囉， 個咖哩汁就整到都唔係話好味， 因為食到後尾有啲唔想食 ，太膩啦本來朋友諗住食嗰個waffle， 都係走咗出去食其實論嘢食嘅話， 我樓下間意樂仲好食過佢， 朋友初時話黎呢度， 我都覺得有少少伏味， 黎到食埋就肯定真係伏！ 最唔知想點嘅係， 山長水遠嚟聚會， 食啲(咁)難食嘅嘢 ，仲要傾唔到計！:)其實聚會最好都係去樓上cafe玩遊戲吹吓水咁樣都ok， 再唔係喺屋企附近還可以嘅地方食野吹水都ok㗎啦…Read More

本身呢係以為銅鑼灣間三田製麵所嚟沙田開鋪 ，入到去， 發現原來冇沾麵食！ 咁我就嗌咗香辣豚骨拉麵食， 友人嗌咗黑蒜味個豚骨拉麵。:( 我個麵食落不過不失咁啦， 幾香辣嘅，啲辣油， 塊肉都幾特別，幾好食，不過好薄， 唔係好夠餸 。但係不過不失又收咁貴，就唔抵食仲有加一真係好貴我揮手叫個侍應加單叫咗好耐都冇人應，後尾先加到單。加個麵底 (正常分量嘅面嘅一半 )，就咁另外一碟麵要收十蚊， 真係覺得特別孤寒，本身整到唔夠食，跟住要人畀多十蚊，去買番啲面嚟食後尾再叫一件炸雞食，粒炸雞真係好細粒，仲要收9蚊，仲要加一真係好唔抵。:(下次如果真係咁想食好西嘅話 ，都係去遠啲去銅鑼灣間三田製麵所食仲好，又係八十幾蚊，仲食到好飽都得。 又或者cheap cheap地去禾輋嗰邊食米線都係40幾蚊都搞掂。 呢間我真係唔會再去😓…Read More

睇完小丸子黎食飯， 嗌咗個鹽酥雞扒飯，但係真係唔係好鹽酥lor， 醃味好差，係都幾大舊嘅。後尾越食越飽，唔係好食得落，成個飯又好乾，冇乜味咁，真係太飽啦 搞到食剩一大半，真係好鬼曬…Read More

同朋友嚟呢間嘢上傾計一入黎覺得舖頭裝修都幾靚幾有感覺嗰個蜂蜜炸雞甜甜哋酸酸地真係幾好食不過雞嘅份量真係有啲少 我都想飲酒嘅但係又驚醉又唔想太貴啦 所以剩係嗌櫻桃味梳打 諗住飲啲甜甜地既野就算啦 結果杯野藥水味到勁難飲 朋友嗌嗰三杯sombersby 同hite都幾好味嘅係呀 不過好大杯 好彩我眼利發現 鋪面嗰度寫咗有pokemon go優惠 有85折好抵呀…Read More

之前搵朋友同我一齊嚟試呢間個壽喜燒湯底真係好淡囉 印象中牛肉就好好既 唔硬嘅 都幾好味但係衰在個湯底lor 真係好差個乳酪雪糕都幾好味 食左兩杯呢度仲有啲壽司同牛肉飯食得好慢添 臨尾都係啦啦啉質落口呀食得好趕ar不過都食得幾飽 去到第二日都仲飽緊…Read More

之前有次嚟同阿妹食午市，單碟，諗住試下間野點係一人一鍋ge，但d配菜真係好少，食到好悶lor 仲要係d牛肉勁硬，好難食個湯底ok ge個位真係好細，攞啲嘢返嚟都好少位擺lor 唔抵食…Read More

book咗枱嚟食啦,一家人,本來諗住我同阿妹食嘅姐,結果變咗一家人. 爸爸係禮拜日先出到黎食,所以book咗禮拜日嘅五點三至七點食.早咗成十五分鐘到嘅，但係附近冇啲位比人坐，搞到呀嫲企足咁耐，明明入面全部空位都唔坐得。 黎到先知長者有優惠，早知叫阿嫲帶埋長者卡，平佢廿幾三十蚊。一坐低即刻急急腳寫曬全部單，跟住又急急畀曬啲單。 我以為總之落曬單先啦，仲要等啲嘢食整完， 以為佢哋會逐啲逐啲送上嚟la,睇你食完先畀啦，點知佢哋一次過嚟曬 ，仲要唔夠位擺，碟又大喎。呢個時候真係...即刻食。阿媽又嘈住曬，又話咩你哋唔好嗌啦 ，佢自己又唔幫手執枱。 真係考驗人類極限呀 壓力極限！ 臨尾個侍應，都唉左聲。 臨尾後面黎多一枱，有侍應提佢哋唔好再嗌，心諗，你又唔提我哋！味道黎講，我覺得有量，但係味道就爭啲囉。 個清酒煮蜆都係有啲沙，個蟹粥啲粥冇咩蟹味，好分開囉！ 個蟹棒同街市買返嚟嗰啲一樣嘅。仲有雞肉串，都係同街市嗰d一樣lor。 佢啲甜品都麻麻。 全部飲品都係罐裝飲品，我以為有啲紙包，啊，好似得一隻。 嗰個溫泉蛋真係大伏！千祈唔好嗌！！！ 難食到嘔！…Read More

今日同屋企人第一次黎食沙爹王一行四人 大家都細食 都係諗住嗌三個飯一個小食 同埋一人一杯野飲之前都睇過openrice食評去諗食咩㗎啦白咖哩香茅豬扒飯 好似係必食嘅 咁都有嗌啦: (咁一食呢個飯 白咖哩味就唔好食得出嘅 但係香茅味好突出 好大陣香茅味 好好食)其他兩個飯係嗌咗沙嗲肥牛拉麵:( 我就唔好食得出沙嗲味囉 但係啲牛感覺都唔係平時喺街市買嘅cheap cheap牛肉嘅 )同埋 香芒蟹肉炒飯($70) :( 呢個飯都好好食芒果甜甜哋 好有食慾 成個飯都好惹味呀)後再揀小食 挨咗個印度薄餅($25)兩件: ( 個印度薄餅係第一個嚟嘅嘢食 熱熱哋咁食yum啲咖哩汁呢又真係幾好味 ) 同埋 越式薄皮春捲 : 越式春捲嚟嘅時候畀埋一杯嘅生菜 唔 , 都覺得冇乜驚喜 呢個春捲入面包住啲 粉絲少少肉 類似咁樣)嘢飲我哋四個都嗌左 椰汁芒果沙冰($38*0.5) : (我哋係野飲黎先嘅 第一開始飲 有啲似刨冰咁多冰 後尾慢慢融返做啲冰 變番類似芒果汁 我覺得好 解暑 係都甜嘅 但係 我ok lor 幾鍾意)…Read More

行行下旺角 ,口渴, 想飲類似貢茶嘅珍珠奶茶 咁我買雞串, 隔離就有間好似台式飲品嘅鋪頭 叫做皇茶 未聽過, 但試下囉, 有學生八折 優惠 ,希望唔會太差掛.見佢個餐牌都係繁體字呀, 啲價錢同其他鋪頭呀同埋貢茶嗰啲鋪頭都差唔多, 咁我想飲珍珠奶茶咁,就買咗佢嗰個"港式珍珠奶茶"($18).去到畀錢嗰陣時, 見到佢個收銀機, 係用簡體字 ,:(咁我嚇咗一嚇啦, 但係我都心意已決,都係諗住飲啦,好口渴. 到買到返嚟, 一飲, 發現原來係 超難飲㗎!!! 因為我本身想飲貢茶嗰隻珍珠奶茶, 咁一飲呢, 發現原來同貢茶係冇辦法比較, 有少少感覺係茶餐廳嗰隻奶茶加珍珠系入面嘅, 呢樣如果做得好都唔係問題, 但係呢隻奶茶隻味係好難入口,好難飲㗎, 同埋呢d珍珠啦都係好冇味好似剩係jel緊啲嘢咁. 杯嘢個面又有好多泡, 啲冰又少wor 搞到杯嘢嗰幾分鐘已經暖曬囉! overall,極難飲!!我都用咗十幾蚊買呀一杯, 難飲都想飲多少少先好扔ar, 但係飲多幾啖le, 真係頂唔順! 再畀阿妹飲下, 佢都覺得真係好難飲, 結果杯嘢, 飲唔夠十分一, 就扔咗喇. 扔左仲好過, 唔好難為自己.總之呢今次真係伏咗呀!! 奉勸各位, 唔好買 呢間舖頭啲嘢飲 (或者 剩係呢隻嘢咁難飲嘅) ,除非質素真係好返好多啦.…Read More