Devil BB的個人專頁

:)差唔多一年多無來過呢間刀削麵小店了 裝修完之後都無食過了今日行經想搵下野食 又想食麻辣 就唸起刀削麵喇 之前食過都覺得呢間刀削麵既麵質好蔫蔫韌靭 本B甚為喜愛 就再親臨光顧一下裝潢完 而家門面光鮮咗 無左以前個種重口味既國產裝潢 感覺貼地啲 因為下午茶時間 所以唔使等位 行入去仲有幾張枱俾我選擇坐邊張內部環境確實整齊咗 乾淨咗 餐桌既大小以及佈局都係差唔多 無咩點變 咁即係代表繁忙時段係依舊必須搭枱 坐無虛席 身型豐滿啲嘅人 好有機會背貼背坐 無位置放袋掛褸所以本B咁耐唔來都係因為以上既因素除非碗麵好好味到令我不顧一切都要食啦坐底咗一陣 望左一陣餐牌 就有侍應行埋我身邊睇下我想點咩 唔使我叫 就過來準備 但中途有個小插曲 係有位客人落單時已經叫左杯豆漿 而三催四請杯豆漿都未到 啲侍應生亦唔係好忙 只係喺度吹吓水 食吓野 最後個客再催 催完之後佢留意住個侍應有無去攞 個侍應一企喺度唸住無野做 嗰位客人即刻 加重語氣「唔該！！我杯豆漿⋯」未講完 個侍應跑住咁走咗去斟了 服務如何就見仁見智了 因為你永遠唔會知道侍應生幾時跳線點咗個麻辣金錢肚刀削麵 賣相乾乾淨淨 唔會有咩特別或者驚喜湯頭味道不濃不油 無雞味 無魚味 無豬骨味 跟以往一樣無驚喜 無特別 普普通通 但唔會過鹹 味道適中刀削麵外層柔滑 麵質依然蔫蔫韌靭 粗幼差唔多 掛湯能力還不錯依然冇令本B失望用膳途中 聽到有客人點刀削麵 👨🏻‍🍳師父就會攞起有手柄既刀削麵團 確實係即叫即削 真係同招牌描述既一樣 並冇花假金錢肚有咬口 唔會太韌 亦唔會太稔 口感唔錯 亦醃得夠味 配以生蒜粒一齊食 口感更爽 蒜辛味濃 好蒜人士應該會覺得 而麻辣味唔麻但辣得出色 辣得惹味 加少少落去湯麵🍜度一齊食 更添風味 呢個價錢包咗一杯不過不失既豆漿 碗麵既份量都對得起呢個價錢既上年個餐係$50 今年開始加兩蚊以前無最底消費 而家每位三十蚊叫飲品唔好後加 無優惠要收正價本B推介 麻辣刀削麵係唔差既 如果得閒經過 而又想食碗湯麵 又鍾意有咬口既麵質 可以不妨一試…查看更多

早前有意無意之間看到了一篇報道，報道講述一位90後少女為了夢想放棄了一份任命於政府的高薪厚職，擁有碩士學位卻沒有任職於自己的專業領域，反而將積蓄全盤托出開創了其人生第一間拌麵小店。其店主打健康及自家製材料，粉面材料來源來自本地麵家每日鮮製。雖然看似簡單的小食店，但要每步做好也絕非易事，每個手工製作的餐牌都充斥着店主的夢與想。人的一輩子好短暫，生命稍縱即逝，如果能夠放下一切，鼓起勇氣不顧現實的束縛去為自己的生命一搏，哪怕只是一絲希望，都值得令人鼓舞。所以本B特意去支持一下，試一下味道，嗜辣的我當然點了一個花椒麻辣特盛。因為不設雅座，所以外賣回家慢慢享用。蓋子還沒打開，便已嗅到一股麻辣油香，真是刺激神經，令人增加食慾，油香撲鼻但並不刺鼻。花椒麻辣特盛內裡包含一個麵餅，鹵水雞翼尖、鹵水白蘿蔔、鹵水牛肚、鹵水豬耳和心型魚腐。雖然以特盛命名，但份量並不是特大份量，作為一個下午茶還可以。雖然賣相平平凡凡，但麻辣味道不錯，鹹味和辣味平衡，花椒味重，真是刺激味蕾，越吃越惹味。若果能把花椒粒先拿掉不上碟，整體口感會更佳。鹵水食品味道不太濃也不油膩，食材夠入味，入口散發出淡淡的香料味道，但略嫌質感過稔，欠缺咀嚼感。心形魚腐反而有驚喜，魚蛋味濃而且不會太稔，味道適中。總括而言食物質素尚算可以，味道不錯，最為欣賞的是店主的笑容與熱情，希望本B下次光顧時，這份熱情還在。追夢的熱情不知有多少人經已失去，當我們的年紀漸漸增長，衝破不了某一個心理關口，或者就連說出「夢想」二字的勇氣也會漸漸失去，最後「平淡」往往是我們最後的安慰！但當我們衝過、跌過、撞過、渴望過之後，「安穩」可能是我們最後的追求。無論結果如何，只少我們為夢想奮鬥過，為自己的人生著想過，走好我們走著的路，這才是真真正正活過！背棄了理想，誰人都可以！共勉之。…查看更多

聞說有間樓上cafe 既龍蝦包唔錯 又有好多台式特飲可以選擇本b亦對龍蝦包甚感興趣 亦愛黑糖珍珠 所以就去會一會呢間 茶聊🍵 以茶會友晚上大概7:45 到達現場環境唔錯 裝潢設計以黑白灰色為主 頗有格調 加入綠色元素及特色牆 協調色調既冷酷 感覺清新簡潔既設計 加上金屬裝飾 再配合燈光效果 令現場更加有氣氛排排坐 大概等咗15分鍾左右 就有位了座位尚算寬躺舒適 但與鄰桌頗為接近（可能因為我地坐二人枱 由四人枱拉開少少 變兩張二人枱）坐底咗之後 服務員就同我講 「限時90分鍾 叫野食要出去出面收銀處 要帶錢」本b「哦！」話哂第一次來 梗係要打開本menu睇睇啦 揭開第一版 係關於茶聊既介紹 （後續）二人 點咗四樣野 髒髒黑糖珍珠鮮奶龍蝦蟹肉包配薯角海鮮龍蝦湯香辣鮮茄汁•墨魚腸意粉髒髒黑糖珍珠鮮奶 杯面滿滿一層可可粉營造髒髒的感覺 賣相有新意 最為欣賞杯邊滴漏感淺嘗一口奶奶 奶味唔濃 淡淡的 再拌勻 深深吸一口 甜甜的黑糖珍珠中和了淡淡的鮮奶再加上點點可可味 味道不錯 海鮮龍蝦湯:)賣相唔錯 材料夠誠意有一隻龍蝦鉗 一粒青口 幾個墨魚圈 6-7粒蜆仔肉先飲一口湯 不過不失 龍蝦味唔突出 無好鮮甜既感覺 再咬一口龍蝦肉 肉質好結實 好有咬口 咀嚼需時繼而試下個墨魚圈 「OMG 咁腥嘅」蜆仔肉實屬平庸香辣鮮茄汁•墨魚腸意粉 賣相一般般 亂糟糟墨魚腸周圍飛但又好似想圍邊放 兩條木棍（餅乾）是當用嗎？嘗一口意粉 辣味濃烈 蓋過其他食材 茄味鹹味不足 意粉軟硬適中墨魚腸味道反而唔錯 內裡墨魚彈牙 份量有誠意 有7-8粒龍蝦蟹肉包配薯角 賣相都幾吸引 龍蝦包🦞蟹肉鋪得高高的 加咗蟹子同兩粒牛油喺面 而龍蝦就匿埋咗 睇落幾足料只係唔知點解 會有隻鋁杯裝住一條沾上沙津既菜 如果係沙津 太寒酸了吧如果係裝飾 我會覺得呢個好外眼先攞條薯角食下 是暖的 外皮唔脆 開始變淋大啖咬一口龍蝦🦞包 面頭既蟹肉係涼既 個包係唔熱既 啲蟹肉咬落食到蟹殼再咬一口匿埋咗既龍蝦鉗肉 細細隻 好蔫韌 同湯個隻龍蝦鉗一樣 咀嚼需時無咩鮮味只能說價錢同質素不符 還是我不夠運氣！？點餐時 本想叫埋個梳乎厘做甜品 但收銀員話 「你最好食到咁上下先出來叫 因為我地做唔到晏啲先整」最終 因為試過佢地既出品 當然無後加甜品啦 因為唔會想浪費金錢食咁既質素既食物亦都好多謝個位收銀員提醒我 佢地無提供後上呢個服務 我先可以省下88大元Menu揭開第一版 是 關於茶聊人家確實已經寫了 是喝茶的地方 以茶為主 適合飲杯野傾下計本b 推介 來呢度飲杯野 傾下計確實係不錯之選 雖有限時 但90分鍾都應該足夠傾餐飽了但若果想用膳 享受美食 就閣下自理了…查看更多

呢間甜品店外觀設計搶眼 不設座位 賣既食品係梳乎厘選擇好想食咩 就去車頭買飛 買好就企喺條街度等 大約等15分鍾左右我選擇咗黑糖厚鮮奶虎紋梳乎厘 出爐喇黑糖厚鮮奶虎紋梳乎厘 賣相唔錯梳乎厘兩層厚 食落口先感受到香滑奶味 然後少少黑糖甜味 再咬落去就食到梳乎厘既空氣感 雞蛋味就唔係好突出 整體來講都唔錯之前都同朋友食過炎燒布丁梳乎厘 & 百年之蜜蘋果飲但炎燒布丁梳乎厘 個醬食落口感麻麻地 又無咩味 唔係咁好食而個蘋果飲味道就唔錯但可惜份量少 杯裡面有一舊圓型冰 飲幾啖就無Lu所以本B只推介黑糖厚鮮奶虎紋梳乎厘$40 OK 啦 …查看更多

蒸氣鍋12月中打電話訂位 接線生話近期都full了 要到5/1先有位可以預訂 咁就訂左5/1 (8:30 p.m.)大概8:25 p.m. 去到門口 有成幾十人喺門口等緊 望入間鋪裡面 一個食客都無原來係分時段食既 第一個時段食既客人走哂清理完畢 先再入第二時段既客人 OIC🕣時間到了 8:30 p.m. 有位接待員就會企喺門口度叫預訂左既客人既姓氏同電話號碼（頭4個字）📣📣無預訂既walk in 客想食就要等預訂客入哂而仲有位剩 或 有預訂客放飛機先有得食 所以訂位好啲 📞☎️我們二人被安排咗去上層坐 二人枱 位置都算寬敞 環境尚算乾淨 裝潢就一般般了 枱面上有兩張紙 :-（1）8款指定海鮮 🦞🦀🦑🐠🦐自選調味方式 （例：清蒸/剁椒/金銀蒜/豆醬 等等⋯⋯）（2）8寶蒸飯 自選8款配料侍應生服務態度唔錯 知道我地第一次來 面帶笑容咁詳細講解咗一次上面個兩張紙比我地聽 仲提我地 「如果你地想食既味道唔同係可以一款海鮮選擇兩個調味方式」填好兩張紙之後 熱辣辣燉湯好快就送到你面前 雪梨腰果沙參玉竹煲瘦肉湯 一啲都唔油膩 足料燉湯 唔錯夠滋潤 味道唔錯 只係略嫌雪梨酸味過咗界享受燉湯既同時 蒸氣就開始撲面因為侍應生已經開爐幫我地蒸第一道海鮮🦞龍蝦 控制時間蒸幾耐都係佢地較好 我地只係等食 蒸好之後都係侍應生由蒸爐攞出來 分去我地個碟度全場蒸爐同時蒸緊 現場如仙境般 迷霧重重 抽風系統唔夠勁 清蒸龍蝦🦞味道鮮甜 肉質彈牙 多膏又新鮮剁椒蒸龍蝦🦞少少辣好惹味 因為夠新鮮 點整都係好食既果皮蒸鮑魚 本身鮑魚都新鮮 蒸煮時間剛剛好一咬就開 :)食落口有果皮香同薑味 略嫌薑絲太多 果皮絲唔夠幼 如果有少少鼓油可以蘸下 提下鮮會更好 （無提供任何調味料俾客人）金銀蒜蒸帶子 & 鼓汁蒸帶子 帶子係痴住個殼既 新鮮 味道鮮甜 鼓汁味就比較濃 有啲掩蓋咗個鮮味 但都好食 金銀蒜蒸係清蒸花甲 乾淨無沙 唔會蒸過火 鼓汁蒸多寶魚 食得出係新鮮 不過太多豆鼓 所以唔係好食到魚味 同埋條魚本身比較細條 唔識食魚既人 就會嫌骨多沙嗲醬蒸鮮魷（腸粉底）食材新鮮 無咩特別清蒸肉蟹 多肉仲要有膏 鮮味金銀蒜開邊蒸蝦 :)蝦比較細隻但新鮮爽口 每人有兩隻 味道不過不失食完所有海鮮 會有個8寶蒸飯 個飯既份量大概每人有兩碗 因為已經食唔落 所以只好打包攞走最後會上糖水 今日係木瓜雪耳 足料夠火喉 飲落有膠質 唔會太甜 埋單無加一 不過茶水無提供 服務質素好 可惜人手唔足夠整體來講$2xx 一位 確係抵食 …查看更多

經過附近就來試下呢間日式沾麵店 內部環境光猛 裝潢都幾吸睛 色彩繽紛 氣氛唔錯 帶位服務生好有朝氣 :)坐低左之後 發現無位置可以放袋 掛褸 因為椅背比較矮 櫈底又無竹籃 咁凍既天氣外套比較大件 又有頸巾之類既野 就真係幾唔方便:(來到當然係試下佢地既撚手之作啦叫左一個 石燒豚骨魚介味玉沾麵 & 辛辣豚骨魚介沾麵 加 味玉（用醬油醃製過既半生熟雞蛋）再叫多兩個小食 羽根餃子🥟 & 燒汁唐揚炸雞🍗燒汁唐揚炸雞 大概有五至六件 外皮炸得好脆 淋左燒汁都唔會話淋哂 肉質唔會好乾 但唔會係有肉汁 不過不失 兩個石煱湯底上枱時都好似溶岩咁跳動 熱騰騰的 枱上貼有一張建議食法既漫畫 石燒豚骨魚介味玉沾麵 溫麵 湯底濃郁 但味道真係都幾鹹 沾左麵就好少少:(辛辣豚骨魚介沾麵加味玉 溫麵湯底同樣味濃厚身 兩者都有濃郁豬骨魚介味 用匙羹潷底會有啲魚鬆同肉碎辛辣味對於鐘意食辣既人來講 唔會太辣 只會覺得辣味足夠並唔會掩蓋其他食材既味道 味道適中 唔會偏鹹但對於食開bb 辣既人就應該要勁飲水了湯汁能夠成功沾麵上沾麵本身麵身會比一般拉麵粗啲 但我略嫌佢粗得滯 麵沾上湯汁都唔太夠味 不過亦因爲佢咁粗 所以會食到麵本身既麥味 麵質比較有咬口 鐘意食軟身麵質既人就應該唔太喜歡了 五層腩肉 油脂分佈唔錯 咬落口有肉味 無咩其他味道 連鹹味都無 食一兩口之後就覺得油膩味玉 原隻上碟 食落偏淡 無咩醬油味 蛋黃偏熟左 好一般餃子 都應該係工場做好送店 只係煎好熱辣辣攞出來上枱 不過不失 無特別整體來講 一般般咧 好評如潮可能係香港暫時唔多沾麵店吧…查看更多

呢間上海菜小店裝修簡陋 空間細小 只有四張四至五人既圓枱 係一間平民小店 一啲都唔起眼 話雖如此但佢既食品令我喜出望外我大概8:10pm 左右去到 唔使等位 不過錕鈍 水餃 春卷等等⋯ 好多野都賣哂咁最後叫左嫩雞煨麵 紅燒軟排麵 同埋虎皮蛋虎皮蛋 係一隻雞蛋 用醬汁醃過再攞去炸 炸完再淋上醬汁 個汁有似滷水汁帶少少甜 蛋既質感係唔硬既 唔會似茶葉蛋個d煮左好耐 令個質感變硬雞蛋皮雖然炸過 但唔會係脆卜卜 個皮係好似煎蛋 濃邊既口感 都幾特別 配埋個汁好食嫩雞煨麵 湯底好飲 飲得出加左奶 料多 菜 咬落爽脆 唔會過熟淋哂 雞 無雪氣味 咬落有口感 好似食走地雞咁 本身煨麵既麵都係比較淋既 而佢既麵都係偏淋 但唔會夾唔起 唔會爛哂要用匙羹食我第一眼見到兩碗麵 講左句「嘩！咁大碗既！！！」成碗麵既份量比起其他上海麵店應該多左50% 一般女性應該食唔哂四十幾蚊既價錢 好抵食 真係去邊搵紅燒軟排麵 係好食湯頭美味不太濃豬軟骨有五至六件 夠淋夠入味 唔會太鹹 味道適中 每件都有連住軟骨 唔會只係得肉 不油膩幼麵 質感軟滑 吸收左湯汁 味道更加雪菜要另外收費$13 雪菜味道爽口 感覺鮮製 唔會醃到好鹹 一啖麵加少少雪菜 簡直係錦上添花不過我今次個雪菜係免費 係姐姐送比我地食既 因為佢地要收工了 剩低都會倒掉 所以送埋比我地食 呢d福利我唸只會0係民間小店先會發生如果只係想食一碗好食既上海麵 唔講究環境 唔要5星服務 我覺得值得一試再試…查看更多

平時成日見到有人0係度排隊 剛巧經過無人排隊 咁就入去試下 點知係一個「伏」我地兩個人 我一人入去搵位先 朋友隨後到 侍應先安排我入去最尾張二人枱 位置十分狹窄 當我想坐入去張長梳化既時候 隔離枱既食客 突然同我講 「小心」 原來我想坐既位置有攤一蚊大既汁0係張櫈到 OMG!!! So dirty 之後我調左位！下午茶餐牌款式多 圖片都幾吸引 價錢都平民化 可惜⋯⋯ 當我唸緊食咩之際 有個無著侍應衫既侍應（老細吧）將我隔離張枱合併到我坐緊張枱度 然後有三個大漢朝住我張枱行埋來想坐底 併桌唔緊要 唔好坐埋我朋友個位呀 大佬問都唔問下 就叫客入來坐 我以為自己去大x樂/大x活 個d快餐店霸位 要同其他人講 「個位有人架」後尾 三個大漢都好無奈要比人拆散分開坐我叫左呢個香煎自家漢堡排 上菜係有三件漢堡排 薯條份量應該同相中差不多 （我食左三四條）D薯條係硬架 而d漢堡排係無肉質既感覺 好似bb 食既糊仔 “淋bet bet” 好難食 除非佢話佢係份子料理 否則唔係 我真係接受唔到呢間冰室 要排隊我唔會食 唔使排隊我都唔會再入去食 總之唔會再食 ！88…查看更多

今次第一次食 原來而家9:30後入座 有7折優惠 但係有啲項目係無7折既 同埋只收現金 座位都算寬躺 環境就比較暗 我地兩位都坐張四人枱湯底選擇左鴛鴦鍋麻辣鍋小辣 （有四至五件鴨血和四件豆乾）及 寧神養心鍋 （湯料有半個煎過既魚頭和半隻小烏雞 及藥材）湯底都算足料 養心鍋藥材味都幾重 味道偏濃同出面蛇羹既味道有相似 我自己本身都幾鐘意食蛇羹 所以我覺得係唔錯既另外個麻辣湯底就一啲都唔麻既 唔似重慶/四川既麻辣 麻到個咀都腫哂 小辣 係唔會覺得辣既 對於平時食開辣既人來講 只係食物增加左少少辣味 並唔會掩蓋左食物嘅原味 所以我覺得呢個麻辣湯底係水餃都幾足料 唔會話好細隻 皮唔厚裡面有木耳 蝦膠 豬肉同埋一舊蝦（唔知係咪原隻 定係一部分）食落幾爽脆 味道唔錯墨丸好彈牙 好食 只不過裡面粒鵝肝就比較臊 唔係咁好食牛肉都新鮮 肉味都可以 食落口就唔係即溶 有d根 不過不失啦蝦 爽脆 無咩蝦味帶子 應該係急凍野 不過不失鮑魚 係無味既鮮腐竹 唔多講 普通野因為叫麻辣湯底可以免費追加一份鴨血呢度既鴨血唔係話好好食 都算ok啦 至少佢用筷子夾既時候會斷開 唔會係夾極都唔爛只係變型 不過叫我比錢食我就唔會叫來食了如果無7折 我會覺得價格係偏高 以佢既食物質素來講 我唔抗拒會有下次 但唔會想食火鍋就唸起呢間…查看更多

呢間糖水甜品鋪食左幾次都覺得唔錯 可能位置偏僻d 而佢開張又唔係開左好耐 所以唔會好多人排隊 唔使等好耐 因為佢地大部分既食品都係即叫即整 製作真係需時 所以如果無咩耐性就唔好打攪人地喇！！呢間主打係以椰皇製作既甜品/糖水除左呢幾頁 當然佢仲有其他既野食椰皇桃膠味道清甜 用椰皇水加桃膠燉蛋白再加左少少椰漿 蛋白好滑 椰皇裡面既肉 可以輕易挖出來食 好嫩滑 整體甜味感覺好似來自於本身椰皇水既甜度 唔會食完覺得好膩如果唔鐘意食椰漿 我覺得招牌椰皇燉蛋白係一個唔錯既選擇 因為兩者係差唔多 只係少左桃膠同椰漿 椰漿紫米露呢個糖水唔會大稀亦唔會太濃稠 唔係糊狀 米同水比例大概各佔一半 我自己好怕食西米 剛好佢係無加西米紫米蔫韌適中 唔會好甜 整體來講 係…查看更多

有一段時間沒來吃 每一次來我都會點龍蝦湯可是龍蝦湯今非昔比 淡而無味 稀釋了很多 賣相也變差了 其他的還是可以咧蒜蓉牛油雞翼 還是可以 可口牛油香:)另外 還點了 白咖哩豬排飯椰香味濃 還是保持水準 不錯咧 還是對龍蝦湯 非常失望…查看更多