keroro11's Profile

29/10/2022老婆話想試，冇問題Walk-in冇訂位，好彩早去，所以可以坐露天位，當然天氣唔熱，冇問題嘅。睇餐牌，見到海鮮拼盤，有龍蝦尾、蝦、生蠔、青口，花甲、螺、帶子，都叫幾多嘢，叫一個。跟住叫咗個烤薯仔、焗蘆筍，幾樣都好好食。我見食海鮮，咁就叫咗枝白酒。坐下飲下食下，全部食哂，但又想繼續飲（其實已經飲咗兩枝），又叫咗個芝士多士。睇睇時間，仲好早，又唔想轉場，決定飲多枝，再叫咗風乾火腿，唔太咸，幾香，終於就係咁，兩公婆飲咗四枝白酒。講真，白酒係唔差，唔叫酸。最後埋單，計埋10%，都係三千左右，最緊要係，我由17:45入座，坐到人哋收工00:00，抵！…Read More

去悅來酒店晚一晚，夜晚諗下想食咩，行過見到呢間鋪，見佢都幾多款同價錢亦算合理，但見佢入面地方唔大，咁就外賣同老婆去過好多次首爾玩，當然都叫做食唔小韓國食物啦，咁炸雞就一定唔小得見佢有幾款炸雞，可以半隻叫，咁就可以試兩款，再加小少少小食試炸雞醬汁調味十分好，非常接近喺韓國食嘅味道，其他都好好味最開心係我飲得返我喺韓國街邊小食檔飲到嘅湯，因為上年年頭過去嘅時候，食開嗰檔個「呀芝媽」冇做頂咗手，飲嗰得返，非常失望，估唔到竟然可以喺香港飲到…Read More

封梅柳真係冇得輸其他肉都好正豬好香，佢個紫菜飯都好好食，近乎韓式嘅味道牛小排，牛仔骨都好夠味服務一流，基本見到個網開始黑，好快好主動幫你換環境夠舒適，通風都唔差，至少唔會話好大陣烤肉味行出去…Read More

今日時間大約4:45 ，入到去叫一個水餃麵+1杯凍奶茶，先來一杯凍奶茶，坐咗喺度15分鐘，碗麵都冇出過黎，班夥計唔問佢都唔會問吓你爭啲乜嘢，淨係顧住玩電話傾偈吹水，仲要唔知係唔係冇落到單，谷鬼氣，淨係比杯奶茶錢我就走，食咁多次都未試過咁，請班靚仔返嚟喺度玩玩下，不如四點後唔好開工唔好做啦。…Read More

啱啱星期二，見幾好天氣，咁就緊係要運動一下啦，我就住葵涌嗰邊嘅，咁就自然踩下去小欖嗰邊嘅青山公路啦。踩完，見仲有大把時間，咁就踩出去深水埗，見下啲老友吹下水咁。出到去，吹咗一陣，見有啲口乾，想飲下嘢，醒起之前見到有間咖啡店喺附近，咁不如去飲杯咖啡啦。去到咖啡店，好開心，因為我要泊單車，見佢門口有座位可以坐，就咩都唔諗，一於嘆杯先，咁我就叫咗杯凍嘅美式咖啡慢慢嘆。味道真係唔錯，唔會太甜，咖啡又夠味，啱哂我口味，價錢又唔貴，合理價錢。好難得可以喺市區可以有間咁好feel嘅咖啡店，值得再去。…Read More

要榨菜冇榨菜，要雪菜冇雪菜，要凍飲冇凍飲原因：尋日休息一天，今日又晏開出餐又慢，點攪10:11出單10:25先有多士、炒蛋，餐肉，塊餐肉仲係好似塊板咁硬10:32先有麵食仲好笑係，我要凍奶茶，佢話今日冇凍飲，但10:30嘅時候我見到有人有凍檸茶（仲要係10分鐘前有另一客人叫凍檸茶又係話冇），咁究竟係乜原因？試問一間餐廳要超過二十分鐘先出齊一份早餐，叫我以後點再去試，唔通要一個鐘前去？🤦🏻‍♂️🤦🏻‍♂️🤦🏻‍♂️…Read More

好特別,同太太去試下,放題食得多,哩次真係有d驚喜.由於呢間係我一個朋友開,佢叫我落去試下,我同太太就去試下啦!一入到去,座咗一陣,先有人比d單我地叫嘢食.叫咗d嘢有d去咗人地枱,d牛柳粒,燒魚唔知點解係暖,唔熱好彩,d刺身幾好,佢地d三文魚選料唔錯,其他刺身都好好,仲會用冰放底.希望等佢地d人運作多一個月後,d嘢會再好d.…Read More

飲下嘢傾下計唔錯,幾舒服,靜靜地.d嘢食都唔差,雖然唔係有d咩特色嘢食,不過味道同賣相到ok,令我同太太都有d意外(因為我地係冇睇`過任何資料).有時我地想靜靜地飲下傾下,哩到都ok,一定好過出油尖旺.…Read More