ivyivy's Profile

上星期去左愉景新城食泰式任食火鍋，呢間餐廳除左有火鍋，仲有各式各樣既午巿同晚市套餐，今次揀左B餐，有雞煲、M7牛胸腹、澳洲250日穀飼牛同牛板腱等等😎呢度既湯底都係泰式湯底，小編要左冬蔭功湯同椰汁雞湯，冬蔭功湯味道濃郁，酸酸辣辣，唔使點豉油都得，椰汁雞湯有椰汁香味，但又唔會過濃，太濃會好漏，恰得好處😝除左有平時既火鍋配料，最吸引係有好多泰式小食，落單叫既有豬頸肉、牛雞豬串燒、炸丸、薄餅、泰式豬手，全部都唔錯，有幾款仲encore左幾次，出面自助吧都有酸辣鳳爪、木瓜沙律、粉絲沙律同其他炸物，都好出色😍幾款火鍋肉類都推介，包括M7牛胸腹、250日穀飼牛、牛胸爽，牛味重又唔會太肥，酒嫩雞件都好滑，有淡淡酒味🤣另外，都仲會有個泰式雞煲，醬汁惹味，雞好入味，但食到呢刻已經飽左8成😂食埋泰式千層糕同椰汁糕就飽哂值得一提，飲品都好多選擇，有各款梳打、綠茶、泰式飲品同港式飲品，超解暑又解渴👍🏻👍🏻…Read More

之前係別忘了食過佢地啲台式料理，今次經過見到有任食火鍋，鍾意打邊爐既我一定唔會錯過😋套餐揀左Set B，可以食到澳洲M7牛胸腹，個人覺得已經夠食，不過如果想食美國安格斯牛小排同A5宮崎牛，就可以揀Set C或者Set D🙈湯底揀左招牌麻辣湯同香濃豬骨湯，麻辣湯好香同夠辣，而豬骨湯用黎食牛肉就一流😆澳洲M7牛胸腹油花都好靚，肉質軟腍，而精選牛板腱肉味會重啲，出面都有各式各樣既丸、配料同蔬菜，另外仲有啲炸物可以攞，例如地瓜球、芝麻球、炸春卷同炸魷魚圈，手機點餐都有幾款小食，最鍾意係台式花枝丸、夜市甜不辣同麻辣鴨血，encore左2次🤩呢度最特別既係有多款手調飲品任飲，平時出面飲一杯都唔平，呢度可以一次過飲幾款😍😍打完邊爐仲有甜品任食，試左個火龍果雪花冰同朱古力雪糕窩夫，味道都唔錯，好滿足😎呢度整體質素都幾好…Read More

🎂生日飯唔想食酒店自助餐？死黨帶路殺入旺角呢間樓上鋪，話要俾我試吓咩叫「邪惡級滿足」😈 睇住個朱古力沙冰嘅旋風造型，我仲以為自己去咗動漫展——頂層嗰pat鮮奶油仲插住塊曲奇，肥死都抵啦！純牛肉美式芝士漢堡爆汁到要用三張紙巾🧀 巴馬火腿配哈密瓜本來諗住扮下健康，點知啲無花果甜到漏蜜，即刻破功！壓軸嘅脆皮德國豬手仲誇張，成隻前臂咁長上枱，我哋五個人搶到好似喪屍出籠，連骨縫啲肉都摳清光🦴高潮位係70%朱古力心太軟，切開那刻黑金岩漿湧出嚟，濃苦同雲呢拿雪糕冰火交融，班friend居然唱生日歌賀我「體重突破新境界」🎶 人均百五蚊換嚟IG廿個story tag，今次真係lucky到爆～…Read More

早2日係網上見到佐敦有間可以無限時任食既台式養生火鍋，好吸引，即刻book左位去食。原來近期係鍋霸開幕既五周年，推出左全新時間自主吃到飽火鍋既套餐，可以揀120分鐘或者無限時，比多$40就可以無限時食，想食幾耐自己決定🤣🤣可以慢慢傾下計再食。另外，揀第二級牛肉個個餐，每四位會送多一碟手切安格斯prime grade 牛肉（價值$168），而揀第三級牛肉個個餐，每兩位就送多一碟手切安格斯prime grade 牛肉，而我今次就揀左第二級個個餐。呢間餐廳既環境好大好乾淨，啲枱都好大張，真係可以慢慢食慢慢坐，出面可以自己攞醬料同嘢飲，飲品選擇都好多，有各式各樣既茶同罐裝飲品☺️呢度既火鍋湯底都各有特色，最後揀左藥膳養生花膠雞，個鍋底一上已經好有驚喜，真材實料，裏面有好多花膠、雞件、豆卜、黑木耳同粟米，亦都有陣陣藥膳湯嘅香味🤣而食物選擇都有好多，必食既肯定係Prime Grade安格斯牛頸脊同西班牙伊比利亞黑毛豬，牛頸脊既牛味好濃，肉既size每一塊都岩岩好，有咬口但係唔韌😋而最出色就係伊比利亞黑毛豬，平時打邊爐都唔太鍾意食豬肉，因為好多都會好鞋，但呢款黑毛豬肉質係好嫩滑，油脂分佈好靚，肥瘦均勻，encore左幾碟😍仲有其他唔同款式既配料打邊爐，食落全部都好新鮮，有幾樣配料我特別鍾意，有滷水大腸、手工香菇雞軟骨餃、手工墨魚丸、海蝦、足八吋長蟹棒同沙白，其實仲有啲都好特別同想試，但眼闊肚窄，留返下次再試🤗最後每人仲有一杯雪糕🤣…Read More

打邊爐一定要去牛大人😋每次都必食極上和牛吃到飽套餐，因為咩都有得試哂，仲有得任食極上和牛，cp值都幾高😎今次湯底揀左紅燒牛骨鍋，濃而不膩，肉類方面，有幾款新既肉可以點，包括S R F美國黑牛腿肉，牛味濃郁但唔會過肥，比較有咬口，而M5和牛卷同安格斯牛肉質就較為軟淋😙，呢度仲竟然有牛胸油，平時食火鍋，小編都好鍾意食，食落就好似一舊有咬口既肥膏係咁encore仲有鮮甜既沙白、麻辣鴨血、老油條、滷大腸、墨魚漿，全部都好食🤤出面仲有好多唔同蔬菜、丸同麵食可以拎，唔夠飽仲可以試下佢既滷肉飯，好有台灣既風味，飲品選擇都多，有汽水、冷泡茶等等🥰價錢：$288（加一）1930前離座…Read More

早幾日同朋友去左食自助餐，見到呢間酒店做緊拉丁美洲主題，好吸引🤩去到環境好闊落，員工服務態度好友善，坐低等左一陣就出去攞野食，首先係大家都關心既凍海鮮區，有好多款式，有麵包蟹、蟹腳、龍蝦、蝦、蜆、螺，小編最愛佢既龍蝦同麵包蟹，龍蝦肉質唔韌，而麵包蟹有好多膏，係咁encore😍隔離就係日式刺身，最推介油甘魚、三文魚，仲有大大隻既牡丹蝦😋，都非常新鮮同肥美，沙律冷盤都唔少選擇，有幾款凍火腿、煙三文魚、芝士，有個位會有專人即整沙律，包括凱撒沙律、秘魯醃海鮮沙律同水牛芝士蕃茄沙律，三個之中揀左水牛芝士蕃茄沙律黎試，香而不膩既水牛芝士配上酸甜既蕃茄仔，好清新亦好好味😝餐廳較入既位置係熱食區，有各式各樣既巴西同阿根廷燒烤（安格斯牛肉眼、帶子、香腸、大蝦等等）、粉麵、燒味、點心、印度食物，最特別係有多款拉丁美洲既食品，一定要試墨西哥薄餅同nachos，餡料豐富，再配上牛油果醬、酸忌廉同蕃茄蓉食，好夾🤣其他仲有啲印度羊架同燒春雞，都好惹味甜品選擇都好多，而且賣相都好吸引，有各式各樣既蛋糕、曲奇、撻、布丁，最驚喜係有twist & buckle 即整既churros，竟然可以係呢度試到😳個雪糕櫃見到都好開心，好多種味道任你揀，雪糕既質感都好滑好濃郁順帶一提，除左酒要加錢飲之外，其他咖啡、汽水同茶都可以任飲😎…Read More

呢度係以韓國澡堂做主題，好特別，有唔少既打卡位，仲有個燒酒牆，而且食物既賣相都幾靚，小編最想試就係佢個牛角包窩夫🤩🐽 生菜包豬肉配自家製醬汁套餐 $458套餐有幾樣野食，包括生菜包豬肉、炸雞半份、牛角酥窩夫同兩杯飲品，生菜包豬肉份量好多，豬腩肉都夠淋，可以用生菜包住啲豬肉、蒜、青辣椒、同蘿蔔絲，最重要係個秘製醬，夠辣夠惹味😝🐽 蒜蓉豉油炸雞炸雞要左蒜蓉豉油味，醬汁都幾濃味，蒜味好香，炸到外脆內滑，食完都好飽肚😳🐽 提拉米蘇牛角酥窩夫牛角酥窩夫揀左提拉米蘇味，淡淡既咖啡酒香加上煙煙韌韌既窩夫，一個好滿足既甜品🤣🐽 雪嶽山 用黎打卡一流，味道有啲似忌廉鮮奶加梳打🤓🐽 藍柑橘白桃梳打特飲白桃味都幾重，甜度適中，幾清爽😋🐽炸韓國午餐肉條 $58外型好得意，係用返個午餐肉盒載住，餐肉炸到好脆，加上一個酸酸甜甜既汁🙈🐽 Oreo味麻糬 $58麻糬係加左3.6牛乳去整，食落好香滑，沾滿哂Oreo粉😆…Read More

有間新開既一人一鍋都幾抵食同高質，個日去到全場滿座，想食既朋友仔記住book定位先😆湯底有3款選擇，今次揀左麻辣湯同美人鍋雞湯，兩款湯底都唔會好濃，但咁樣反而食得出食材先鮮味🤓肉類可以叫盛合或者散叫，小編想一次過試幾款，所以叫左個和牛盛合A同和牛盛合B，兩個盛合既肉大部分都一樣，都有美國翼板肉、西班牙黑毛五花、薄切牛舌 50g同醉雞脾肉，唯一唔同既就係A4和牛同極黑和牛牛小排 ，A4和牛油花同紋理都好靚，入口軟淋，而和牛牛小排肉味就濃啲，有咬口啲，其他既肉都好食，牛舌唔韌，醉雞肉有淡淡既酒香味，肉質唔鞋😄另外，仲有多款$8配料，唔好見佢咁平，份量都唔少，有丸類、蔬菜，連烏冬粉絲個啲都有🤣，特別啲既仲有牛黃喉同麻辣鴨血，黃喉好爽口，而鴨血都有成5舊，配麻辣湯一流😋雖然地方係細少少，但店員都好有禮貌好熱情，最重要係幾抵食，一個人都可以食多幾樣款式🤩…Read More

今次去到元朗打邊爐，網上見到有間火鍋店，$298就可以任食澳洲和牛火鍋180分鐘，5點前或8點9後座仲唔使加一😍，呢個餐仲會送一鍋海鮮雞煲，而家元朗分店加$1仲可以任食雞煲，另外，頂級牛小排、其他配料、Dreyer’s 雪糕、所有飲品都係任飲任食😋和風海鮮雞煲好足料，有鮑魚、蝦、蜆、雞件、豆卜、金菇、蕃薯同紫薯，醬汁見到十分濃稠，好夠味但唔會過鹹，鮑魚同蝦都好爽口彈牙，幾新鮮，雞件都好入味，最特別係有蕃薯同紫薯，完全冇違和感🤣食完雞煲就換湯底打邊爐，揀左個沙爹湯，估唔到湯底咁濃郁，仲有好多花生粒，真係真材實料😍，澳洲和牛同牛小排都encore左好多碟，見到肉既顏色一啲都唔暗啞，紋理都幾靚，有牛味，而牛小排仲帶啲肥肥地，好嫩滑😋，小編仲叫左一碟牛白肉試下，平時都冇見其他地方有得食，口感有啲似煙煙韌韌既脂肪咁出面既配料選擇都多，除咗各式各樣既丸，仲有好多款蔬菜、豆製品及粉麵，推薦既仲有粉腸同鵝腸，新鮮又唔會韌👍🏻最後梗係要食埋甜品，呢度有Dreyer’s 雪糕同泡芙，三隻味既雪糕我都覺得好好食，有士多啤梨、芒果同曲奇😝，飲品都係任飲，除左普通既罐裝飲品，仲有兩款係自家製既樽裝，包括夏枯草同冰糖紅棗雪耳，可以清下熱整體黎講，都會再去呢間餐廳，環境夠闊落，可以慢慢食足3個鐘，而且價錢都好抵食😎…Read More

聽講呢度可以望住個海景食飯，今次未有機會堂食，但都買左啲外賣返屋企食🤤，外賣好抵，主餐牌有85折，於是就試下啲招牌菜式 🐽招牌海南雞飯 $117食星馬菜梗係要食海南雞飯😍，小編加$8轉左雞脾，每一舊都啖啖肉，而且又滑，例牌都係有三款醬汁，有黑醬油、酸辣汁同薑蓉，沾酸辣汁最為惹味，另外仲有菜同湯，雞湯清清地幾解膩😋🐽菠蘿蜜山渣糖醋肉排 $136夏天會想食啲酸酸甜甜既野，呢個糖醋肉排醬汁整得幾好味，酸甜適中，可以食多碗飯，肉排既份量都好多，另外仲會有啲大樹菠蘿同三色椒，同個醬汁好夾😛🐽印尼炒飯配沙爹串燒 $102拎到返屋企個賣相都仲係好靚仔😎，除左炒飯，仲會有隻蛋、2串串燒、3隻大蝦、蝦片同青瓜，炒飯既味道有啲似醬油炒飯，夾雜左啲雞肉，再撈埋隻蛋隻，個人幾鍾意😙，串燒都唔錯，沙爹汁好香🐽星洲滷水花生雞腳 $51唔好見佢細細兜咁，其實都有成6隻雞腳，雞腳煮得夠淋，見到隻隻都上哂色就知好入味，仲有啲鹹酸菜同花生🐽 印度薄餅配咖哩汁 $54薄餅煙煙韌韌，不得不讚個咖哩汁，香而不辣，剩低既汁甚至攞黎撈飯食🤗🐽 新加坡蕃薯喳喳 $51最後仲叫左個甜品，喳喳好仲料，有蕃薯、芋圓、西米、芋頭同椰漿，整體唔會太甜，食多兩啖都冇問題🤤…Read More

早幾日去左新都城既和牛燒肉一郎度食燒肉😋同男朋友都諗左一陣食邊個餐好，還掂都係食，就食最貴個個餐，可以試到哂所有既日本和牛😍食足120分鐘，呢度既送餐方式都好有趣，用左列車方式，食物一到，就會響音樂，跟住就要禁開關去攞坐低會先上舟 •盛合、桶•盛合、是日寶箱、極上花盛合、4天梯同極上夏多布里昂部位🐽 舟 •盛合係一隻好壯觀既船，裏面有啲特選既美國牛、雞、豬同海鮮，打卡既朋友仔記住準備定相機🐽 桶•盛合就有牛肋肉、牛脊肉、雞同豬🐽 是日寶箱就每日既款式都唔同，今次就係和牛西冷，可以見到牛脂分佈幾靚，食落油香味重，肉質都好軟淋😋🐽 極上花盛合賣相都好靚，將啲肉捲到花花咁，裏面就有兩款和牛既肉、牛兩款美國牛肉、牛舌、豚肉同蔬菜🐽 4天梯可以一次過試哂4款和牛，包括和牛肋條、和牛肋肉、和牛西冷同和牛里脊肉，店員告知要由下至上咁食，四款都好味，但個人比較鍾意和牛肋肉同和牛西冷，油脂感較重，有啲入口即溶既感覺🥰大家可以試清楚自己鍾意邊款肉，跟住就可以主力叫encore😎🐽 夏多布里昂是好珍貴既部位，只會上一次，店員會幫手燒，燒到五成熟就可以食，肉質非常嫩滑，個汁係錦上添花，舊肉入哂味🤩，仲留低左個汁燒其他肉，而家諗返起都想再食👍🏻燒既肉類小編好推介厚切牛舌，雖然見佢好厚，但原來一啲都唔會韌，仲有款叫和牛薄炙壽喜燒里脊肉都好特別，配埋溫泉蛋同個醬汁，就好似真係食緊壽喜燒咁，里脊肉大大塊沾落蛋漿，好滑好香😙呢度既海鮮都唔錯，帶子同蝦都夠大隻同新鮮除左各款燒既肉類，仲會有和牛刺身，小編都試左幾款，有啲似食緊吞拿魚咁，都幾得意😂另外仲有一啲炸物、前菜同熱食，炸蠔同可樂餅都好味，熱辣辣好香脆😍，前菜就試左泡菜，食咁多肉食下泡菜可以解下膩，最後仲叫左一碗辣牛肉拉麵，非常滿足☺️🥗自助區有飲品、沙律同甜品可以攞，飲品都幾多選擇，有啲自家製既水果茶、果汁同汽水，甜品就有細細杯既甜品杯同日本雪條，試左四款，個人都鍾意牛奶布甸同焦糖布丁，牛奶布甸奶味濃及滑，而焦糖布丁焦糖味都好香，一定要留肚試下😝 價錢：星期一至四 $888（另加一）星期五、六、日 $938 （另加一）…Read More

好掛住泰國🥺，上個星期就去左元朗既一間任燒流水蝦同海鮮既餐廳止止癮，整體既用餐體驗都唔錯🤣🐽海鮮海鮮既種類都好多，當中小編係咁encore既有扇貝、生蠔同一啲貝類，可以自己係出面夾，扇貝隻隻都好大隻，上面仲可以加啲蒜蓉辣椒，好香好惹味，生蠔都幾肥美，燒完唔會縮到好細，而啲貝類建議可以放入錫紙兜裏面再加啲湯燒，咁就唔會燒到乾哂，仲仍然保持到水份🤤當然唔少得重頭戲-流水蝦，啲蝦係水缸入面十分生猛，大家記住要先將佢地放入冰水🙇🏻‍♀️，然後先再燒，蝦頭既膏好正，肉質爽彈😋🐽自助區除左海鮮，仲有好多肉類，例如牛仔骨、豬扒、羊架、雞全翼、雞軟骨、雞腎、煙鴨胸、丸類、蔬菜等等，仲會有啲炸物熟食、湯同已經烹調好既海鮮可以比大家攞🤣🤣等緊野食熟既同時都可以食住先😎食到最後當然要食埋甜品先滿足，呢度有各或各樣既雪糕雪條，仲有啲細細個既撻仔同甜品杯😋順帶一提，醬料可以自由搭配，而有個泰式酸辣汁點大頭蝦真係好夾😜 價錢：$298（另加一）…Read More

呢間cafe外面大大個招牌🤣，裏面既裝修都好靚，上面有啲植物同燈泡，好有feel😆，同朋友叫左個2人餐（$268），價錢唔貴，十分抵食😎🐽餐湯&沙律餐湯係雜菜湯，好足料好好飲，沙律菜亦都好新鮮，加上個醋，酸酸尾尾好開胃🤩🐽明太子軟殻蟹忌廉汁意粉份量好足，明太子忌廉汁好creamy，啖啖都好香濃，軟殻蟹已經分左兩邊，食落好方便，而且脆而不油😍🐽 牛隔肌拼燒春雞可以一次過試哂兩款，牛隔肌都幾軟淋，唔會韌，燒春雞都有半邊，雞脾都幾滑，因為係鐵板上，上菜時會渣渣聲，可以調節生熟度😝🐽手打牛漢堡配黑松露薯條 $108牛肉好厚，亦幾重牛味，漢堡仲夾左菜、蕃茄、芝士，薯條係粗薯，唔點醬都好夠鹹，黑松露汁都十分香，令人一條接住一條食😋🐽氣泡三色果凍幾特別既甜品，幾隻唔同味既啫喱再加啲氣泡水，飲得又食得🙈🐽Fruit Punch $48由橙汁、菠蘿汁、紅石榴糖漿同梳打水製成，橙味比較多，整體會甜啲🐽Blue Hawaii $48由橙汁、菠蘿汁、藍柑同梳打水製成，味道幾清新，好解渴🙈…Read More

小編非常鍾意食刺身丼，可以係一個飯裏面一次過食幾款唔同既刺身，呢間餐廳既選擇都幾多，有魚生丼，亦都有熟食丼🤩而且環境都幾寬敞，坐得好舒服🐽三重大極上丼 $398呢個丼有齊日本海膽、極上拖羅同蟹肉，海膽好甘香，新鮮冇腥味，而拖羅亦入口即溶，冇筋超肥美，有成6-7舊，超級滿足，側邊仲圍左一層蟹肉，十分鮮甜😍😍飯既份量都唔少，食完其實都夠飽，另外仲會送個麵豉湯，用左好多蔬菜去煲，好足料🤣🐽重量級燒牛排盛丼 $238唔食魚生既朋友仔都有其他既選擇，今次就叫左個牛排丼，岩哂食肉獸既人，上面鋪滿厚厚既牛排，肉味都幾濃，質感偏有咬口，醬汁甜甜地，幾好餸飯😝 …Read More

早幾日探完親戚後就去左個屋苑商場食晚飯，見到呢間餐廳有雞煲又有點心食，即刻吸引左我去試試😍🐽麻辣胡椒豬肚雞煲（小份） $128醬汁十分惹味，雞件既份量都好多，主要都係雞鎚雞脾肉，所以食落都幾嫩滑，同佢唔係煮熟左先攞出黎，真係成煲咁係電磁爐上一路煮，時間相對會耐啲，但可確保雞肉唔會過老，除咗雞件，裏面仲會有啲豬肚同菇片，索哂啲汁😆另外仲會有碟菜同兩碗白飯，咁嘅價錢真係超級抵食🐽沙田乳鴿 $48雖然唔係好大隻，但肉質都幾鮮嫩，外皮都香脆😋🐽香菇燒賣皇 $30燒賣大大粒，有豐富既餡料，蝦肉同豬肉都爽口彈牙🐽麗晶蝦餃皇 $33同樣都係大粒，蝦肉既份量都多，再juicy啲就更加好😎🐽山竹牛肉球 $28牛肉球口感夠滑，芫荽味都好香☺️🐽薑蔥牛柏葉 $28牛柏葉唔會韌，汁既調味都幾好，下面仲有啲豆卜，吸汁一流👍🏻🐽鮑汁炆鳳爪 $36鮑汁唔會太鹹，雞腳都炆得夠淋，好易咬開😆🐽流心榴槤包 $26外型好有趣，似足榴槤既樣，裏面係軟心既榴槤餡…Read More