123ceci's Profile

西灣河鯉景灣蘇豪區有多間酒吧餐廳，休閒舒適，最啱約朋友聚會傾計，今晚就約咗去呢間Social Bar & Grill食晚餐😃餐廳位於海傍，員工全部外國人，美式風格裝修，播放住輕鬆英文歌，座位寬敞闊落，暗暗地，氣氛Relax😄澳洲安格斯沙朗牛扒12oz牛扒大大件，Medium Rare，火喉適中，切開粉嫩微紅，牛扒兩邊微燶，有炭香，牛扒軟腍，肉汁豐富，肉味濃，唔蘸醬汁，更原汁原味😋巴馬火腿水牛芝士PizzaPizza大大個，用料Parma Ham，水牛芝士同大箭菜，餅邊薄脆，Parma Ham鹹香，水牛芝士芝士味濃郁，仲有少少拉絲添😋…Read More

尖沙咀 The One ，有好多唔同菜色餐廳，今日約朋友去L1間Royal lnn食lunch😄餐廳裝修法國宫廷風格，白色主調，華麗簡潔，四周用唔同嘅花藝裝飾，牆身有浮雕，加埋水晶吊燈，加添咗餐廳高貴感覺😄餐廳有供應Set lunch，可揀餐湯或沙律，配主菜同💰28以下飲品，可以加💰轉頭盤或龍蝦湯😄甜椒濃湯酸酸地，綿密滑溜，開胃😋野莓香醋沙律沙律菜新鮮爽脆，藍莓都幾多😋法式寶雲酥羊架羊架兩件，面層用大量寶雲麵包屑鋪面，羊架用香料醃製，肉質嫩腍，無羊羶味，層次豐富，配菜有清甜南瓜蓉同爽甜露筍仔🤩紅酒燴牛肋條手工闊條麵牛肋條用紅酒燜腍，帶陣陣紅酒酒香，手工闊條麵掛上紅酒汁，滋味Q彈😋餐廳打卡位多，菜式賣相靚😛，餐飲點咗咖啡同檸檬茶，完結呢個美味午餐🥰…Read More

今日同朋友去尖沙咀新派fusion菜素食餐廳食素菜😄餐廳位置方便，尖沙咀港鐵站N1出口，對面馬路就到，搭電梯上8樓，出就見到用Tiffany Blue主調顏色嘅餐廳，清雅舒適😄餐廳提供中西式素食，餐牌賣相新派精緻，款式吸引😄椰汁雪耳無花果燉湯材料有雪耳，、姬松茸、無花果同椰子肉，椰香味濃，十分清甜😋香菇竹笙菜胆翅燉湯素翅、竹笙、香菇，加菜胆清燉，有少少胡椒味，湯味濃郁😋北京片皮鴨賣相精緻吸引，用大豆做嘅素鴨，炸到香脆，用三色椒絲配搭，加甜醬同餅皮包住食，口感同食真正片皮鴨好接近，有驚喜🤩琵琶豆腐豆腐加蔬菜同香料炸成豆腐球，外脆內軟，層次豐富😋意大利香草忌廉天使麵天使麵幼滑creamy，有唔少香菇片，塊素豬扒唔乾，好好食😋椰汁芒果布甸布甸好香椰汁味，唔太甜，正😋侍應姐姐服務超好，要加👍😄…Read More

今日約朋友去銅鑼灣食晏，最近比較少飲茶食點心，聽聞V POINT張公館點心幾好食，就同朋友上去飲茶😄菜館搭電梯上廾九樓，一出就到，佈置新派開揚，兩排落地大窗，可以一邊飲茶，一邊望住好靚嘅維港海景😄我哋點咗幾款點心，餐前小食係花生同蕎頭，而茶壺下面有個小燭台，令茶壺保持熱度，夠貼心👍沙薑豬手豬手軟腍去骨唔太鹹，骨膠原豐富，一口size方便易食😋香煎墨汁卵粿食落似墨魚餅，煙煙靱靱有鮮味，配辣椒醬食，更好👍張公館•蝦餃王蝦餃王有四粒，鮮蝦飽滿大大隻，鮮味滿分💯櫻花蝦蘿蔔糕大大件，面層煎到金黄香脆，中間好多蘿蔔絲，配櫻花蝦鹹香，好食😋脆脆笑哈哈炸両裡面包住蝦膠，鮮味彈牙+脆脆，粉皮滑溜有米香😋翡翠明珠球用竹笙包住菜同鮮蝦，上面有蟹籽，賣相矜貴，健康唔油膩😋…Read More

一遊居酒屋有兩間分店，一間尖沙咀，一間在灣仔合和中心，朋友食過尖沙咀分店，十分推薦，就約今日同佢食灣仔一遊😄居酒屋在合和中心3樓，正門上自動電梯就到，傳統日式昭和時代懷舊風格，地方寬大，一邊係長長壽司吧，亦可選擇坐卡位，空間感充足😄餐牌選擇有前菜、刺身、壽司、天婦羅、煮物、串燒同甜品，包羅萬有，我哋揀咗幾款同兩杯燒酎飲品白身魚刺身廚師刀功了得，刺身晶瑩剔透，油甘魚鮮味，配上特製酸甜醬汁，越食越好食🤩温泉玉子什菌沙律份量都唔少，温泉玉子流心，沙律菜新鮮爽脆，什菌鮮甜😋海鮮天婦羅天婦羅有海膽、海蝦、魷魚、南瓜、蕃薯、秋葵、茄子，炸漿薄脆，唔油膩，外脆內鮮味😋厚燒玉子混合芝士同蛋汁嘅玉子燒，軟滑濕潤，蛋香味十足，滿分💯😋薑汁豚肉飯用石碢上，熱辣辣，飯粒微微焦香，豚肉拌薑絲撈飯，更加開胃😋荔枝西柚燒酎，原味乳酸酎兩杯都加咗少少日式燒酒，都幾好飲🥂侍應哥哥姐姐服務有禮，收碟快，要加👍…Read More

觀塘裕民坊有間靚靚打卡餐廳INN-I'm Not Nothing，今日就約朋友去食晏兼打卡😄餐廳位於商場二樓，歐陸宮廷風格，用唔同色彩花花佈置成花園，可以揀室外座位坐，晚上氣氛更浪漫，鄰近萬聖節，佢哋室內，室外都添加咗萬聖節裝飾，有心思，打卡最啱😄餐廳午餐配餐湯同💰28以下飲品，要其他飲品可補差價，加💰68有班㦸😄我哋都叫咗煎焗厚切豬肉眼配芥末籽忌廉汁 Lunch Set😄南瓜甘筍湯南瓜湯creamy，甜甜地，口感順滑😋厚切豬肉眼配芥末籽忌廉汁厚切豬肉眼擺盤靚，好大份，配薯蓉同什菜，豬肉眼有3cm厚，少量調味烤焗，肉質稔身粉嫩，仲有肉汁👍，配芥末籽忌廉汁一齊食，層次感更豐富😋…Read More

銅鑼灣時代廣場，除咗食通天樓層，六樓都有特色餐廳，行商場兼食嘢十分方便，新加坡菜餐廳花漾，位置十分方便，六樓電梯出就到，今日同朋友食完tea，再上戲院睇戲😄餐廳用綠色為主調，清雅舒適，下午有茶餐供應，主食十飲品，選擇都幾多😄我同朋友叫咗兩份茶餐，小食同甜品各一份😄海南雞飯拼白胡椒肉骨茶海南雞去骨，肉質嫩滑，可蘸醬油、辣醬、薑蓉三款醬汁，更加滋味，油飯帶油香唔膩😋白胡椒肉骨茶，有一大嚿排骨，豬肚同蒜粒，胡椒味就較重😅新加坡大蝦摻掺材料豐富，大大碗，有開邊大蝦、魚蛋、魚條、溏心蛋半隻、豆卜、通菜、大量芽菜，米粉吸收香濃椰香喇沙湯底，滑溜惹味😋芝士蟹粉蟹肉焗酥盒賣相精緻，酥盒用菇粒同蟹肉碎饀料，面層有蟹粉同芝士，食落酥脆香口😋牛車水公雞冰牛奶雪糕沙冰配彩色芋圓，涼粉條，綠豆粉條同紅豆，芋圓煙靱好食，同朋友share食，啱哂消暑😋飲品我哋每人加$12，轉咗海鹽雪糕椰汁珍多冰同椰汁班蘭冰，海鹽雪糕鹹鹹地，幾特別，班蘭冰唔太甜，好飲👍…Read More

週末同另一半去北角商場逛下，行完去地庫超市買嘢，見超市內有間日式風格拉麵店，就每人食碗麵先再逛😄麵店面積唔大，有十多個座位，主要供應五款唔同湯底嘅日本拉麵，另外有丼飯同小食。日本魚乾豬骨湯拉麵用四種魚乾+豬骨製成湯底，湯底鮮味濃香，有兩塊日式叉燒，溏心蛋，紫菜，大量木耳絲同葱花，日式叉燒微微炙燒過，肥瘦適中，肉質軟腍，木耳絲爽脆，溏心蛋出色，蛋黄流心有蛋香😋，拉麵幼身彈牙，吸收濃郁魚乾豬骨湯，掛湯力👍黑蒜油拉麵材料同配菜相同，但湯底就轉咗黑蒜油豬骨湯，湯底多咗濃香黑蒜油香味，拉麵食落更滑溜😋…Read More

古早味台灣菜老厝邊在銅鑼灣渣甸街開咗首間港島區分店，同朋友行完街，就順便開餐😄剛剛過咗午飯時間，唔需要排隊就可入座😅，餐廳懷舊風格，坐位唔多，乾淨企理，點餐用筆剔咗食物就交俾侍應哥哥，餐單有、便當、牛肉麵、粉麵、炸物同拼盤小食，飲品果汁各式茶類😄古早味滷排骨便當滷排骨超級大塊，差不多覆蓋哂碗面😅，排骨厚身，滷得入味，有肉汁，仲有半隻滷水蛋同配菜😋，我哋兩個人都夠食😅好呷炸物拼盤拼盤有花枝丸，甜不辣，粟米仔同四季豆，花枝丸有四粒，有鮮味，幾彈牙，甜不辣煙煙靱靱😄起司肉鬆蛋餅係招牌菜，蛋餅皮薄脆身，裡面係半溶拉絲芝士，加大量肉鬆，軟綿+鹹香，蘸埋特製醬食，層次更加豐富🤩三寶奶茶三寶係紅豆，珍珠同仙草，珍珠煙靱，仙草爽滑，奶茶唔太甜，啱啱好😋埋單💰222，幾抵食👍…Read More

星期日，約朋友去銅鑼灣食Lunch，順便行街，朋友鍾意影相，就上網揾咗間靚靚打卡餐廳食午餐兼打卡😅電梯出就見到一大幅花牆，好醒神😄餐廳佈置亦係以花造主調，佈置有心思，餐廳不同主色花牆，色彩繽紛，粉紅色花牆少女味濃，每角落都有打卡位👍，仲有多款皇冠頭飾同毛公仔俾客影相，粉紅獨角獸好cute🥰午餐有主食同餐湯，配飲品可以減$10我哋都要咗香辣南美海蝦意粉，今日餐湯係南瓜湯南瓜湯南瓜湯有粒粒南瓜蓉，濃郁香甜，夠creamy😋香辣南美海蝦意粉意粉幼身，較硬身，份量都唔少，南美海蝦大大隻，彈牙爽口，醬汁酸甜微辣，夏天酷熱，意粉惹味開胃，增加食慾😋飲品凍檸茶，要少甜，健康D😅朋友生日，餐廳可以代寫祝福語慶祝，而餐廳亦係共融餐廳，支持弱勢社群💗   就是偏偏喜歡你🎈銅鑼灣耀華街3號百樂中心16樓1602-03 號 舖  …Read More

銅鑼灣地點方便，最啱shopping買野，崇光百貨做緊感謝祭，今日約朋友食完lunch去逛下，珀麗酒店協奏坊西餐廳，有半自助午餐食，平日每位💰168，有150分鐘，幾抵食👍，主食三選一，自助款式雖然唔多，亦有中西湯、煙三文魚、沙律、飽類、冷熱盤、甜品、生果都有，雪糕，咖啡茶，奶任飲😄中湯冬瓜粒湯，西湯什菜湯，什菜湯材料豐富，酸酸地，幾開胃，沙律菜新鮮，選擇多，小食有章魚燒，熱盤有椰汁排骨、煎鱸魚、漢堡扒，炒飯同炒意粉，自選特製咗份煙三文魚沙律食，食完再encore😋主食：煎牛胸腹意式雜菜牛胸腹有四嚿，肉質軟腍😋香煎劍魚配水瓜柳汁劍魚刺身級數，廚師先煎封表面，裡面粉潤，保存鮮嫩，五成熟，鮮味十足😋甜品區有朱古力噴泉、可以自製脆皮雪糕，雜莓奶凍、杏仁慕絲杯、蛋糕、麻糬包，選擇都好多，啱哂最愛食甜品嘅我🤭…Read More

炮台山AIA廣場有間台灣菜餐廳遇見花蓮，餐廳一品臭臭鍋聽聞唔錯，今日約朋友去試下先😄下午茶時段都有唔少客人，好彩唔駛等位就可以入座，餐廳綠色為主調，舒適優雅，食品選擇幾多，我哋好多款都想食，就點咗份小食拼盤，一品臭臭鍋同滷肉飯拼大腸麵線😄花蓮小食拼盤小食分九小碟，放入九宫格盒，打卡一流🤭，小食有鹽酥雞、台式香腸、甜不辣、地瓜條、炸花枝丸、麻辣鴨血、櫻花蝦餅、醉雞卷同滷水蛋，每款兩件，醉雞卷帶酒香，炸花枝丸同櫻花蝦餅爽彈有鮮味，地瓜條甜，香，脆，滿滿台灣風味😋幸福一品臭臭鍋必食👍，一品鍋小辣，材料豐富，有白豚肉、娃娃菜、臭豆腐、鴨血，米血糕、新竹貢丸、沙白、鵪鶉蛋、枝竹、鳴門卷、蕃茄、金菇，粉絲等等，主食配薯粉，薯粉索咗湯汁，又滑又入味😋滷肉飯拼大腸麵線滷肉入味，撈飯最佳配搭😋，大腸麵線多芫荽，麵線幼滑紫薯蕃薯球蕃薯球煙煙靱靱，裡面係蕃薯蓉，外脆內軟😋跟餐有兩杯飲品，我要紅棗桂圓茶，清甜潤喉，朋友就加💰8，要咗杯愛文芒果烏龍茶…Read More

今日約朋友食完Lunch，去睇戲，附近The One有多間唔同食肆，朋友愛食雞，就介紹佢去四樓間泰國餐廳Cambo，食呢度馳名嘅海南雞飯😋午飯時間有套餐供應，午餐有主食，湯同飲品，轉特色飲品都祇加💰8我哋叫咗兩份午餐，再加咗串燒同芒果糯米飯😄泰式去骨海南雞飯海南雞去骨，雞肉嫩滑無骨，配雞油飯，蘸黑醬油同泰式辣醬食，朋友讚不絕口😋泰式豬手豬脾飯泰式豬手去骨，軟腍入味，骨膠原豐富，全隻滷水蛋有蛋香😋沙嗲串燒串燒有雞牛豬各一串，厚肉大串有肉汁，味道唔太鹹，配沙爹醬食剛剛好😋香芒糯米飯即叫即製，等咗十五分鐘左右，黑白糯米飯配完熟芒果，黑糯米有咬口，白糯米軟糯，配綿密椰漿，芒果香甜，💯分🥰飲品要三色冰同紅豆冰，加💰8就可以👍，兩杯冰都唔太甜，椰汁味濃😋…Read More

今日約咗朋友食lunch，跟住去旺角朗豪坊shopping，好耐冇食日式放題，我哋去咗附近嘅御滿屋日本料理食午市放題，任食三小時，💰238一位，包刺身、壽司、卷物、炸物、天婦羅、串燒、一品料理、雪糕，自助區有中華沙律同多種前菜小食，甜品泡芙，茶類、清酒，飲品任飲，選擇非常多👍午市初段，已相繼有客人入座，餐廳用QR code自助落單，食物上枱速度快，十分鐘左右就陸續送到😄刺身光潤新鮮，點咗油甘魚、三文魚、劍魚腩、北寄貝、帶子、鮑片、赤蝦、甜蝦😋廣島牡蠣，虎蝦天婦羅即炸即食，夠鬆脆，燒紐西蘭羊胺有唔靱，有肉汁😋，鰻魚一口size，一啖一件啱啱好，推介👍，另外仲點咗鹽燒牛舌同美國薄燒牛肉，清酒煮蜆同燒有機菠蘿可以清下油膩😋最後當然要食埋甜品同雪糕，雪糕係HaagenDaz同Movenpick😋，任揀一款，放題可以食足3小時，邊食邊傾🤭…Read More

炮台山AIA附近，有幾多特色小店，呢間專用魚製成fushion菜，今日同朋友去試下先😄店舖面積唔太大，糖果色調為主，感覺舒適，接近下午茶時間，人客唔太多，餐牌配搭多樣化，以魚麵為主軸，亦可以揀烏冬、米粉、米線，中西式都有，另外可以加配小食同飲品，點主食，配飲品仲有優惠😄，侍應細心解說餐牌，要先俾讚👍我哋每人點咗一碗手工魚麵，另外加咗小食同飲品😄好多卜卜蜆*昆布木魚湯底爽彈魚麵，魚麵粗身彈牙，冇魚腥味，木魚湯湯底鮮味，蜆肉鮮甜😋我要自由點自己揀湯底，麵同餸，我點咗白雪雪魚湯芫荽麵，配蘿蔔、魚皮餃、卜卜蜆同黄金魚餅，湯底唔腥，芫荽麵有淡淡芫荽清香，蘿蔔夠淋，魚餅同魚皮餃魚好好味😋魚湯翡翠豆苗清清哋，豆苗新鮮爽脆，份量適中😄港式多士三併配黑松露醬每件多士上面分別釀咗魚肉、蝦膠同墨魚膠炸成香口多士，口感豐富，有沙律菜伴碟，可以解膩😋卜卜脆鹹豬手(半份)豬手面層炸到卜卜脆，味道鹹香，肉質軟滑，可以配芥末醬一齊食😋…Read More