士士旦旦's Profile

我一入門口，就已經一肚氣。門口嗰個掃針卡機，完全對唔到焦，足足掃咗2分鐘先至入到去。坐下諗住叫食物，又話要換位，說阻住佢搬貨，換完位，終於落咗單，好彩食物都叫做上得快，好快有得食。整體來說，食物冇咩驚喜，普普通通。由於二人一枱，生日優惠券要食滿$200才可減$50 ，於是叫了一些食物外賣，有仔細睇過佢嗰啲優惠條款，只係話不可與其他優惠使用。好啦，叫咗$21x，買單嘅時候，佢竟然話要加一前滿$200才可使用，仲叫我下次再嚟先至用。咁嘅疫情，晚市又冇，午市又二人一枱，叫夠$200都唔係咁用，加上仲有三日，就已經2月28號，於是又再加咗一個外賣薄餅，埋單走人。但諗諗吓唔多服氣，打去佢哋嘅顧客服務熱線，接咗去行政部，有人聽電話之後，我問佢點解優惠券嘅條款寫得唔清唔楚，佢話搵負責同事聽電話，結果直接cut咗我線，冇咗下文。呢啲咁嘅公司，真係要諗清楚先好再幫襯。…Read More

四點幾，食吐司又太飽，原本見食評說它的吐司出色，但看見其他人食緊嘅吐司相當大件，怕自己吃不完。左揀右揀，最後叫了一個蝦三文治當下午茶吃，唯一美中不足的是，只有order 吐司才有烏龍茶（一罐）送，我買小食就要另外買飲品了，幸好它和茶匠有聯合優惠，抵。雖然唔係主打食物，但製作一點也不馬虎，兩片麪包夾著的蝦膠十分新鮮，有蝦的鮮味，切開一小塊一小塊再拿去炸，即炸即食，用竹簽一口一件，超級正，下次一定要試試佢嘅吐司。😬鱈場蟹腳吐司相當吸引，不過價錢有點貴，不過偶然一次，值得試試。😊…Read More

幫襯咗一杯黑糖珍珠撞奶，雖然唔係咩茶飲，但啲鮮奶都飲得出好滑，黑糖很香，甜度適中。向來都鍾意飲黑糖珍珠鮮奶，有些店舖珍珠和黑糖是分開倒入去杯鮮奶度，但呢間啲珍珠，咬開係香甜嘅黑糖味。真心，好正！加上係黃店，要多多幫襯😍😍…Read More

疫情持續了一年，香港人戴口罩足足一年兼有口罩令的情形下，竟然仲有食店廚師公然唔戴口罩。叫了個回鍋肉麵凍奶茶做下午茶，價錢都算合理，但煮麵嘅師傅煮煮下麵，個口罩去咗下巴，仲一路煮一路同個阿姐吹水🤦🏻‍♀️。我連個麵都唔想食啦😡。但叫咗又冇理由唔食，希望個麵夠熱，真係殺到菌🙏🙏見到佢唔戴口罩煮麵，心諗呢次中伏。雖然回鍋肉網上話好出名，但我又唔係好覺，普通料啫。但咁嘅衞生情況，再encore，不了。…Read More

我和家人一行五人，於11月5日銅鑼灣分店晚市所謂的「120分鐘吃到飽套餐」，我們預訂了19:30，理應準時入座的話可以吃到21:30。奈何貴公司首先安排了2人的預訂座位，再到3人，然後是4人,我們是5人枱，差不多是最後才被安排入座。由於全部預訂19:30的客人均同時入座，手機下單又要等貴公司的電腦系統輸入後才能下單，由入座到真正下單，已足足過了十多分鐘。整體來說各樣食物都很新鮮，牛肉味濃，餃子都好好味，蝦、魚片及沙白都很新鮮。但可惜經常漏單，雖然食物出餐速度頗快，但經常漏單引致我們多次重覆點選，希望遲些會有改善。雖說是「120分鐘吃到飽套餐」，由19:45入座，20:30已有職員說要埋單，而且會提早45分鐘截單。我們最後一輪衝刺，諗住叫定啲食物，都仲有45分鐘食。但很可惜，職員約20:40送上最後一輪食物後，20:50已開始提示「時間差不多」。21:03付款出單後，雪糕也一併送上，5分鐘後便有職員要求我們儘快離開，之後幾乎每1-2分鐘便有不同職員提示時間夠了。當時我們曾詢問其中一位男職員有關「120分鐘吃到飽套餐」，為何19:30的一輪，要在九時左右便要離座，最後他們說是按電腦入單計算，即是由19:33開始計算，所以可以吃至21:33，但很可惜1-2分鐘後又有一位女職員要求離開，附近的食客均報以奇異目光，好像我們是一群無賴，不願離座一樣。事實上我們枱面還有不少食物，沙白放了入煲還未煮熟，我們覺得這時離座實在太浪費，況且當時亦只是21:18，我們理應還有15分鐘用膳時間。我們當時並非吃完所有食物並霸佔座位閒話家常，而是努力完成我們叫了的食物，無論從環保角度，或是商店東主的角度把滿枱食物送進垃圾箱都不是一件好事。最後我們實在抵受不了職員的催促，21:20便離座，但實在浪費了枱上很多食物，火鍋放題差不多每星期都會吃，每一次我都預算了自己能吃多少和有多少時間吃才落單，從冇浪費食物。雖然說是任食放題，但我覺得都不能浪費食物，自己吃多少叫多少是我一向的宗旨，這是第一次浪費了這麼多食物，亦從未見過一間這麼騙人時間的火鍋放題店。…Read More

星期日一早，因為要返工，調查了這間店11:30開門，11:35到達，打算吃個海南雞飯便開工，豈料員工說海南雞飯未有住，叫了個肉骨茶配白飯。12:00朋友到達，再問一次是否有海南雞飯，今次回覆竟然是賣完，惟有改吃咖哩牛腩飯套餐。食物方面，肉骨茶有不少材料，冬菇，枝竹，排骨，豆卜等等，藥材味濃，整體尚可，只是咸了少許。但咖哩牛腩飯套餐就很難吃，先講上菜，叫了一個套餐，侍應竟然只放了一碟咖哩牛腩，3分鐘過去，其餘飯、湯甜品、前菜通通欠奉，要追問侍應套餐其他部分，他二話不說，拿了咖哩便走，三分鐘後，才把套餐掉在枱上，道歉也沒有一句，檢查一下，還是欠了甜品，心想算了吧，這店的甜品也不是特別好吃，不吃也罷。講返個牛腩飯，用料也算多，薯仔夠稔，但牛腩超級難吃，大部分未炆稔，完全咬不開，而且有雪味，最後只吃了一半，便放棄了。蓮藕湯味道不錯。說回個海南雞飯，其實吃飯期間，幾乎附近食客一坐下，都是叫海南雞飯，侍應也一直以不同籍口說沒有，作為一間有承擔的食店，尤其是標榜海南雞飯專門店的食肆，是否應該在食客未入座前便知會客人沒有海南雞飯呢？下次真的要好好問清楚才入座。…Read More

星期三夜晚去食火鍋，食佢嘅主打航空母艦火鍋套餐，隻母艦就好有睇頭，但可惜隻船太大，他們原本應該係用兩個電磁爐煲滾佢，但竟然一個開最大火，一個開最細火，結果大火嗰邊啲海鮮煲到老晒，令一邊都仲未滾，咁樣都算專家？簡直浪費食物撇除海鮮煮得唔好食，其實佢啲海鮮都算新鮮，除了沙蜆（真點有沙的蜆）外，其他的都好鮮甜。服務基本上係冇嘅，唔知是否跑馬關係？海鮮煲到老晒滾晒都要叫才拿走個蓋，全程冇人換碟，冇人加湯，要叫才有的服務，如果大家想要一個冇人騷擾的環境食飯，呢處係好啱嘅，因為你想搵人加水，加湯，落單都好困難😤。汽水係枝裝，好好味，不過盛惠16元（細支），自家製蔗水，就$2x一杯，$6x一酹，果汁要百多元，飲品偏貴，連清水都收了10元一位。航母套餐其餘所揀的食物，不算貴價食物，豬紅、豆腐、豬潤、鴕鳥肉等，除安格斯肥牛較出色外，其他的質素一般。我們一行四人，吃完也不算太飽，最後單點了手打墨魚丸，是整晚最出色的食物。$98/碟…Read More

上次來吃雞煲，有象拔蚌刺身，每位仲有炆鮑魚一隻， 今次唔知係咪轉左溫泉雞煲打邊爐，刺身同鮑魚都冇得食，感覺上冇咗咁抵食。但無論如何，店員介紹溫泉雞煲係新嘗試，咁都試吓啦。可惜個溫泉底部一啲都唔好食，大大個冬瓜超級硬，根據指示海鮮係要放中間，之後再食冬瓜，個問題係嗰啲冬瓜硬到吃唔到，仲要有晒海鮮嘅腥味，好難食，跟住個冬瓜佔左成半個煲，打邊爐嘅嘢都唔知放邊度，加上佢哋介紹個椰子雞湯係好好味，係今期推介，但飲落我覺得怪怪地，好似係椰青水加鹽咁嘅感覺，真係不吃也罷，我寧願要返刺身和鮑魚。好彩個雞煲都仲維持到之前嘅水準，如果大家只係諗住嚟食雞煲，咁都可以再黎嘅，但我就應該等佢推介完個溫泉雞煲先會再考慮嚟幫襯。🤦🏻‍♀️…Read More

用138半自助餐招來，原來只有濶條面是138，想吃牛扒，最便宜的是西冷，惠178元。是晚叫了4個牛扒餐，2個粉面餐，全部都不好吃。意粉太淡，濶條面未煮透。西冷牛扒沒有肉味，有點像煲完湯的瘦肉，2個肉眼扒七成熟和五成熟係一樣熟。全部都係切都切唔開，稍為好一點的是厚切牛扒，總算切得開。到餐飲仲搞笑，5杯凍飲沒有糖水，一杯熱咖啡，沒有匙羹沒有奶，要仲樣問waiter拿。問了拿糖水，只送了一小壼來，再問一下，是否5人一起用一小壺糖水，他居然答是。最後我一個人都用了半壺，要問侍應多拿了2壼才夠。自助吧的食物尚算可以，只是賣相麻麻，可能因為是星期日，有點亂髒髒的感覺，地面也是黏黏的，整間店舖給人的感覺都是污糟邋遢的，令人很不開胃。…Read More

食物還算新鮮，乳鴿不錯，說好的姬松茸燉螺肉，一粒螺肉也沒有，味道還算可以，不知道是否「師傅」出招。我們吃了388元任吃，沒有任何折扣，還加了茶芥，花生，醬油，加一，接近500元埋單。海鮮每人只得一隻，推介的象拔蚌仔沒有貨，其他海鮮只是一般，另外很多人推介的四寶丸，實在很一般，如果價錢這樣貴，不值一試。…Read More

這裡的招牌菜是烤菇，試了一隻，大大隻的烤菇，配上火腿蓉和一大片芝士。看老闆略略烤一烤，再加火腿蓉，又再烤一烤，最後加上一大塊芝士，再把芝士烤溶，真是名符其實的烤菇。菇本身沒有味道，但配上咸咸的火腿和惹味的芝士，真是絕配，而且很香口，正。…Read More

以午餐來說, 有生蠔供應, 海鮮款式算多了, 但質素欠佳, 生蠔不新鮮, 供應量亦不多,只有小小的一盤, 可幸的是拿完了還會REFILL, 其他海鮮有翡翠螺, 蝦, 是一般貨式, 刺身有三文魚, 吞拿魚, 立魚及八爪魚, 吞拿魚勁多筋, 八爪魚食到中段己說無貨, COLD CUT 欠奉, 僅有PARMA HAM, 只有薄薄一片, 還要伴隨拿一杯蜜瓜茶, 蜜瓜茶毫無蜜瓜味, 超難飲, 只吃了一片PARMA HAM。中菜尚可, 但湯及甜品完全不是酒店水準, 中湯是西洋菜煲陳腎,除了超咸之外, 完全無鴨腎味, 還有一片厚厚的白色油浮面, 賣相及味道比快餐店還要差, 西湯是海鮮湯, 配料放在枱上, 但不可選擇, (不知為何要放在櫥窗上讓人觀看?!)湯沒有鮮味, 偶然吃到一點海鮮才可以嘗到點鮮甜味, 但整體來說也是偏咸。甜品完全不吸引, 豆付花不到一半時間已賣完, 亦不refill, 唯一較特別是有自製pancake 機, 可自製雪糕pancake, 另外chocolate fountain 則不過不失吧。還有較特別的爆谷機, 但爆谷只有一丁點兒, 一轉頭便沒有了, 原以為會再製作一點, 豈料酒店侍應說機壞了, 所以爆谷全部燒焦, 因此便不再供應。雪糕是我見過酒店自助餐最差的一間了, 包括有雀巢雪糕杯, 維記雪糕糯米糍, 還有首次在酒店見到的雀巢紅豆雪條。…Read More

差到難忘, 永不再去 因為團購關係, 又見OPENRICE都幾多笑面, 諗住試一試, 可惜十分後悔, 一個很不開心的生日。先講團購附送的「海鮮」拼盤, 雖然有三文魚,帶子, 翡翠螺, 長腳蟹等, 但四人才有一份, 每人每款得一件, 攝牙都唔夠, 仲搵冰水浸住, 感覺很不清潔, 仲要快快吃, 否則疴梗。如果想吃多些海鮮Sashimi, 須另外購買, 好像是60元一份(不是任吃), 實在太搵笨了。第一檔是燒生蠔區, 熱騰騰香噴噴的燒蠔好像很好吃, 排了一會兒便取得一隻, 可惜生蠔不新鮮, 完全沒有蠔味, 失望。:(當晚坐於鐵板燒前面, 「所謂」鐵板燒, 基本上只有魚和帶子(元貝), 廚師是一個很「慢工出細貨」的人, 每10至15分鐘才燒一轉魚或元貝, 每次燒10份, 如果你一早排隊, 他會請你10分鐘後才去, 10分鐘後你便會發現人龍已逾10人, 再排也沒有用, 因為到排到的時候已派完, 下次請早?! 所以基本上當晚無吃過鐵板燒。燉湯是當晚稍為好味的菜色, 熱騰騰相當不錯。:):)燒味無鮮味兼凍冰冰, 不吃也罷。熱盤款式不多, 材料亦不新鮮, 蔬菜煮成又爛又黃, 試了個牛仔骨, 毫無鮮味, 劣。本來以為可以回本的「鮮果汁」則像有顏色的糖水, 喝了半杯已放棄, 最有保證的飲品是汽水。再進一區是串燒區, 試了雞亦, 雞軟骨, 冬菇, 蝦等串燒, 蝦不太新鮮, 吃了一串已放棄, 自已比較喜愛雞軟骨, 叫了5-6串, 這間店的串燒真的很「厲害」, 5-6串的雞軟骨串燒, 有一串是完全無味的, 有一串很香, 很好吃, 有一串是咸到難以入口, 總之是串串不同味道, 非常神奇。喜愛新奇刺激的朋友, 不妨一試。最遠處放了甜品, 刺身, 壽司及冷麪的吧枱, 刺身不是即叫即切, 感覺是放了很久, 不知哪些新鮮, 哪些放得久, 所以只吃了一兩碟, 幸好還算新鮮, 但衞生情況真令人擔心。壽司飯乾乾的, 好像放了很久, 不吃也罷。冷麪則沒有試了。甜品也像很多酒店一樣, 「的的色色」很精美, 可惜放於牆邊, 沒有任何遮蓋, 應該是凍食的甜品完全不凍, 雪糕亦淡而無味, 真不知道是哪一牌子的出品?!總括來說, 整晚的食物不新鮮, 味道亦不太好, 只有燉湯值得推介, 以130元的價錢, 相信都好難回本, 因為貴價食物限量供應, 我會寧願加20-30元, 到大喜屋或吉壽吃個飽。…Read More

己經不是第一次了, 每次過了七時, 要等四人枱真的不容易, 奉勸各位開飯食客, 如果你是二人世界才好幫襯, 五人以上也好, 如果是一行四人, 千祈千祈不要去沙嗲王等位,我們一家四口, 由於囡囡喜歡, 間中也會幫襯一下沙嗲王, 但每次過了七時, 銅鑼灣的分店便開始等位了, 他們的派飛「制度」是2人枱一種飛(小枱), 3-4人一種飛(中枱), 5人以上一種飛(大枱), 拿了一張中枱的飛, 話要等四張枱, 心諗, 15-20分鐘應該可以吧, 但是, 事與願違, 每次門口的哥哥叫枱, 也只是叫二人枱及大枱, 中枱只會在有四人埋單時才會叫, 當天我們一行四人到逹銅鑼灣分店時大約是七時半, 門口的哥哥叫了3-4張兩人枱也未有叫中枱, 也算了, 也許真的只有2 人才坐得下這些枱, 如是者過了20分鐘, 五個年輕人到達, 拿了一張大枱飛, 不消三分鐘他們便入座了, 我拿的中枱飛還有四張才到, 我與門口的哥哥理論, 為何那五位年輕人能這麼快便有枱, 他說因為那張枱只可五個人坐, 這是甚麼道理??? 只有五人才可坐的枱, 難道四人和三人不能坐? 他亦無言以對, 最後還龜縮了唔知去邊, 由於家人的堅持, 最後, 我們還是等全部大枱, 及大部分的小枱入晒去, 足足等了四十分鐘才有得入座。 所以奉勸各位開飯食客, 三至四人的組合, 家庭親子千祈不要去銅鑼灣的沙嗲王等位! 老實說, 他們的食物還可以, 但如果大家要吃, 就要揀非繁忙時間才好去:(…Read More

原本想去太子酒店的香味屋, 多年前去過一次, 都幾好味, 不過見openrice的劣評如潮, 臨時改了來山景閣, 十分後悔,刺身:　只有三文魚一款，不算新鮮，失望蠔：　又小又黑，70-80%是灰黑色的，完全不新鮮，一邊吃一邊驚，好彩的是 今天未有肚疴湯：　普通冷盤：沙律普通，部分cold cut有”宿”味熱葷：庶蝦諗，無蝦味；蔬菜只有一味西蘭花，略咸；其他多數是煎炸食物，粉 十分厚，根本吃不到是羊是雞或是豬?_?雪糕：最普通的雀巢家庭裝雪糕，雪糕“更”放在一個水桶內，水桶全晚無換水， 十分不合衞生燒牛肉:最普通的自助餐食物，可惜超”un”，都是失望Pancake: 最普通的水準，不過我就要略甜，可能是個人口味翡翠螺:較貴價食物，可惜很多沙，所以我只吃了兩隻，實在一般鮑魚蟹粥:鮑魚無鮑魚味，蟹還蟹，粥還粥，可幸的是蟹是全晚最新鮮的東西，極甜，可惜每碗粥只有兩小件飲品: 我只喝了半杯橙汁，一杯都飲唔完，因為是果汁先生加水加糖，非常假，超稀，愛飲酒的人可能比較好，因為啤酒任飲值得一讚的是服務很好, 很有禮貌一句講晒: 超失望…Read More