wilsonwai's Profile

今個星期o既下午就做台灣人,好多時都食台灣野!~夜晚就好似做左日本人咁,餐餐都日本野= =因為朋友想食日本野,所以決定試下太子呢間和花亭壽司等埋朋友收工,大約8點去到!門口已經聚集左大堆人,諗住行去拎飛等叫位啦!點知等左好耐都冇人俾飛,呢到需要改進下!!等左大約10幾分鐘,終於到我地~入到去首先睇下餐牌有咩點啦~~選擇比其他出面D壽司鋪少,同埋冇圖睇,搞到難以選擇最後叫左幾碟壽司+1碟汁燒筒魷魚上菜速度都OK,唔使等好耐三貝壽司3隻貝加埋一碟,但我只係識帆立貝同北寄貝,仲有一隻貝就唔知咩O黎帆立貝SIZE中等,都夠新鮮!北寄貝就麻麻,同普通出面食果D差唔多山葵海螺軍艦壽司,個賣相幾得意第一次食山葵,個口感幾特別,味道都唔錯三文魚腩壽司唔係咁好食,同普通三文魚冇咩分別,唔覺得似腩!加上味道同百佳賣果D差唔多 NOT GOOD!!左口魚邊壽司呢個值得推介.夠鮮夠味!!SIZE都OK!! GOODGOODGOOD!!!鰻魚芝士卷大大舊,不過得2件,但我就覺得佢整返細舊,分多2件,會好D起碼食起上O黎唔會因太大舊,而搞到散哂!同埋唔知點解,總係覺得日本野+芝士,會產生一種怪怪地O既味 > <希靈魚壽司顏色幾靚.食落去冇出面咁酸!亦都係推介之一!!汁燒筒魷魚等左10分鐘左右,"熱辣辣"上菜!魷魚唔"韌",D汁就似鰻魚汁以四十幾蚊O黎講,算係幾大碟!!野食O黎講,我都會俾中上,10分俾7.5分不過呢到D服務就麻麻啦,有個服務制等於冇最尾都係狂舉手先搵到個人O黎應我,真係需要多多改進啦不過整體O黎講,有機會都可以再幫襯O既!!!…Read More

今日放假陪左女朋友去天水圍駁髮係等佢期間,周圍行下呢個商場啦~發現左呢間米線鋪可能係星期日o既關係啦,店裡面接近坐滿哂人見佢好似幾吸引,加上又有少少肚餓,就決定食個下午茶!叫左碗貢丸花枝丸米線,要左個酸辣湯底雖然多人,但上菜速度都算快個湯度夠濃,酸辣適中!D配材十足 腐皮、莞茜、肉醬、酸菜、芽菜都算多花枝丸,大大粒真材實料,有花枝仔!貢丸亦都大大粒,而且D味都好夠!正!!餐飲就叫左凍奶茶,奶茶夠濃夠滑!!GOODGOODGOOD!!食完就去搵返女友,佢都差唔多整好啦!平時少O黎天水圍,估唔到呢到有咁多食店!下次有機會都入O黎逛逛先!!…Read More

因為做行街O既關係,經常性1個人去唔到地方做野!!~今日就"貢"左去上環果邊做野又係1個人的午餐~~~~咁當然又係去食我最愛o既台灣野啦!!!例牌菜花枝丸同珍珠奶茶就走唔甩架啦!!今次就點左"花枝丸米粉""珍珠奶茶",另外加多個"肉沫A菜"呢度上菜o既時間唔算耐,落左單冇幾耐就有野食嚕!!!幾欣賞呢度d米粉,因為比出面果d幼身好多!好滑易入口!! 因為本人麻麻地鍾意食粗果d米粉,感覺好"鞋"冇咁滑!雖然係清湯,但又唔會淡到好似滾水咁,唔錯唔錯!又到左我最愛o既花枝丸啦,大大粒有咬口,very good I'm lovin' it!!!珍珠奶茶就中上,都夠濃,珍珠都多,不過略嫌d珍珠冇咩味!!!而且個size都ok,唔會好似出面咁細細杯!~飲到到喉唔到肺!!肉沬A菜就冇咩特別~~不過就油左少少!!整體上呢餐都算唔錯!!~10分裡面我會俾到佢8分!!有機會再去上環做野都會再o黎!!…Read More

以前因為返學o既關係,所以成日都會幫襯呢到!!但係畢左業之後加上搬左第2到,已經少左返o黎幫襯嚕!今日係呢頭附近做野,所以又可以返o黎幫襯下,緬懷一番!!今次又係叫左車仔麵~~~又係叫d例牌野!!~~~花枝丸 雞腎 麵筋 招牌牛什!!花枝丸大大粒!!正x10!!雞腎同麵筋,好入味!!非常正!!!!招牌牛什!!goodgoodgood!!好食到有讚冇彈!!估唔到冇食幾年,都依然keep到喎!!~熟悉o既環境同味道,令到我突然好掛住d中學同學同老師~~我諗都係時候要搞返d中學聚會先得啦!!…Read More

放假日,又無無聊聊咁行下街,今日又係去旺角油麻地果頭行下d開倉,諗住掃下d平貨行到攰攰地,又係時候搵d野食下~~又見到賣台式飲品o既地方!!又冇乜人排隊,當然要去幫襯下啦!!haha~今次又係叫d好例牌野!~珍珠奶茶+炸花枝丸!!哈哈,呢間d花枝丸都堅係有花枝仔!!正x10!!!!不過D珍珠奶茶就麻麻奶茶冇其他果D咁濃!!珍珠就難咬左少少!!不過平平地食下都OK o既!…Read More

今日又出左旺角行街兼掃街!!今次又係去食花枝丸!!嘻嘻,發覺自己最近去邊都係要搵花枝丸食,因為真係太好食啦!今次試沙嗲花枝丸!!超超超超級好食,d汁唔會冇味又唔會太濃!同花枝丸配合得好好,完全唔會蓋過哂d味!!good!十個讚!另外又點左杯"寒天水晶奶茶"今次就略甜左少少!不過好足料,而且價錢又唔貴!!goodgoodgood!!!不經不過都幫襯左呢到幾年嚕,而且到而家依然都keep到d質素!!真係十分值得推介係旺角掃街之選!!!…Read More

難得放假,就同左屋企人出旺角睇戲~~~睇完戲又未夠鐘食晚飯,所以走圍行下諗住掃下街!!最尾都係揀左去墾町,每次去必點"鹽酥花枝丸"哈哈!!今次真係即叫即整,"熱辣辣"超正!!加上最近天氣轉涼,真係別有一番風味~~最鐘意o既係呢到o既花枝丸,真係有花枝仔係入面!唔似一般出面賣台式野飲果d,用d好多粉整o既墨魚丸頂替!!呢樣值得讚賞!!…Read More