cushchan's Profile

因為趕時間，所以隨意看一看便坐下來點個麵，就係選了一個饑荒角度的餛飩麵！吃過後百感交雜，先是氣憤、接著是無奈、最後是可笑。 這碗麵的癥結在於啲餛飩，令我憶起幾十年前回中國內地比較偏遠嘅地方，因為當地貧困、生活質素低下，所以餛飩是比較細少，當然餡料都比較少。但估唔到時至今日，喺香港居然有更加細少嘅餛飩，每粒嘅餡料少於尾指指甲（只可以佩服你哋嘅手工，咁細都整到，真係笑死人）即使有8粒但用料少過正常2粒餛飩份量⋯⋯低成本到咁嘅地底級數除咗話你無良之外，汝欲無言！問心，你們感到羞愧、可恥嗎？ 如果遊客嚟到香港， 咁唔好彩去到你哋舖頭，真係影衰香港， 質素仲差過第三世界國家。 再講返味道，湯底都係求求其其，冇乜鮮味、肉味；而個麵又漿埋一團，到底你哋想搞乜？ 餛飩味道就唔好講啦，咁渺小點會食到啲咩味，反而可以試吓入健力士紀錄！…Read More

偶然都會光顧這一間老店，雖然近年質素已大不如前，而且不斷加價，但總算仍能接受，仍有一點舊有的味道，但已並不出眾。農曆年前一般燒味飯價錢已經$50，但估不到農曆年後更大幅加價至$88起 （一定要連例湯和紙包飲品），只可以說姜太公釣魚，願者上釣，哈哈！ 我叫了一個燒腩肉、雞飯$108，質素不算高，而且不穩定，那天的飯更是軟爛難吃，燒味尚算可以。但這個價錢我會選擇去中環鏞記，或者一樂更便宜，更出色！其實香港仍有不少燒味店比永合隆做得好得多，單靠老字號真的能夠維持下去⋯識食嘅人一定懂得選擇！相信附近的街坊都會覺得物非所值，而我對此店亦都後會無期。…Read More

吃「廚師發板」 Omakase二十多年，由早年見城、鹿悦、灘萬⋯至近十年中環、銅鑼灣、尖沙咀的日本料理百花齊放，有今村、志魂、壽司德、壽司廣。再到近年多去的元朗日本料理，鮨文、鮨無雙、壽司源、壽司之神等，大多未曾有大失望。 但今見在美孚的友樂鮨卻是大失所望，誠言的確只可以評「劣」，不單用料欠佳，製作亦欠心思，可以說是馬虎！很難想像，在日圓匯價低下的情況下，仍然選用低檔次的材料，我認為是有愧於食客，普遍魚類刺身都欠缺鮮味，而海膽更是低下貨色，比吉之島的加拿大膽質素更低，我自己也未曾訂購過此等貨色海膽，在吃 Omakase 中也可算是「一絕」。當然三文魚籽、拖羅壽司的用料也是心裡有數。當然，食材欠佳，若果製作搭夠也尚算可以，但又未見有任何好的處理，怎不令叫人失望。若然大家仍未能明白，即管試一試，再去我上述提及的任何一間比較一下，就知道什麼葫蘆賣什麼藥，是騙不了人的，亦不能長久下去⋯當然香港及九龍的 Omakase 價錢較高，但也差距不遠，或許到元朗試一下，價錢更化算，但卻是另一番享受。午市：$640 ，我相信去千両食，質素好更多，亦都更加豐富。講真，即使其他方面，一枱一凳，裝修陳設，餐具筷子，還有服務，完全未有質素去做 Omakase, 唔通真係自己呃到自己就得！…Read More

相隔一段時間再光顧，發現一切質素大幅下降，但價格卻在經濟差的情況下上漲！性價比差，午餐約$120 ，不算太貴，但有更多更多好選擇⋯⋯先說服務，不算太差，但可以說一點都不好，每名職員都無歡迎光顧或喜悅的面色，你入內當然不會說聲歡迎或請坐，都是一臉不願招待的嘴臉，最好少啲人幫襯、少啲嘢做，吃完快快走人，不要再來麻煩我們，相信是這裡員工態度，起碼我叫咗3次俾杯水我都無人理，而且類似情況原來之前有食評都反映過，實在叫人失望！食物方面，雜菜湯清清水，但也不打緊反正我都食得比較清淡一點，但是其他人相信就不太喜歡.主菜係一個雜菌雞肉意大利飯，說實在不太差，但都係相當普通，即係唔見有乜好食，認真的唔難食當然份量亦唔多！講到之後個甜品忌廉布朗尼，嘩出色呀，出色在可以嚇我一跳⋯⋯咁難食嘅！我認為一定差過嘉頓朱古力雪芳蛋糕，質感差，絕對不是正常的布朗尼，似 Cupcake 但有冇朱古力味，唉呀想點！最後咖啡 Flat White +$16的低下之作！首先咖啡豆的質素不高，欠缺口味和複雜，加上沖製技巧差，又無控製好溫度，再低埋賣相，一定差過麥當勞！希望你哋唔好再浪費食材，環保啲啦⋯⋯在逆巿中，相信會汰弱留強…Read More

大年初二，一家三口子同埋兩歲B女，下午約2時15分到尖沙咀先致電酒店帝苑軒確定有位和有點心供應才隨即到上址。但5分鐘後到步，職員又話未知仲有無點心，上址當時有空枱但也等侯成十分鐘才安排就座，酒店如此服務實屬少見，但也算吧大年初二體諒吓！坐下後只想點三、幾個點心快食後有節目，豈料坐下一小時只有兩個點心，期間每隔二十分鐘追單，問咗兩次都話整緊，但一小時後,竟然回覆無唒，我諗去茶記都唔會呀，於是搵經理反映， 佢淡言(可以話敷衍）回覆無辦法，唔好意思，可以致電CS再反映！呢位拓展部沈經理果然有(拓）嘅能力， (託）付他人。隨即致電CS，找來另一中菜部女經理了解事件，其實也值得一讚，反應算迅速，而且顯示出對客人安撫的誠意，可算是酒店應有專業水平。另外，酒店的餐飲部主管亦隨即聯絡，了解事件及致歉，即時安排接見，可見還算尊重和重視顧客。但算吧，趕時間，不用多談了，好好審視和培訓一些經理和主管吧，以免影响酒店口碑！家人多年前曾在金鐘5星酒店工作，聽聞一些餐廳(特別是中菜）經理、主管都是老臣子，無王管，不知時至今日還有此現象嗎？最後，唯有與家人去茶餐廳快吃一點東西，大年初二竟敗給酒店，爆氣結和無奈！而吃了的兩個點心：魚翅帶子餃和鮮蝦腸，可以吧，正常水準，好過一般酒樓嘅，當然唔算突出，相同價錢還有更多更好選擇！ 希望貴公司深切改善、反思， 以免影響酒店形象和聲譽！…Read More

第一次試幾乎沒有芒果的芒果糯米糍，外皮是厚厚的,但算鬆軟，勉強可以！但一直咬下去,居然接近沒有芒果，芒果份量只有薄薄一小塊如小指甲的體積, 只有餅皮和cream, 大家真要見識一下,才知何謂無言!…Read More

是日點選了刺身午餐($148 + 10%=$163)，簡直不堪入目!外觀與刀工明顯是低水平，而且五款刺身中有與圖片不副,姓鄧經理解釋圖片只供參,但我認為若有不同，應在 Order 時說明，一來顧客可能不吃某些食物，二來食店即是可以任意以低檔刺身補上!此外，刺身欠缺鮮味,且乾身又冰凍!米飯的質素亦欠佳，乾且硬,有點生米感覺！雖然，價錢不算貴，但在同價位上,元氣及板長好得多,或是選利小館或上海婆婆，總之此店刺身類食物完全不吸引，浪費時間吃此餐!另外，姓鄧經理明知顧客不滿意食物，卻没有積極跟進，只迴避及透過其它職員表示没有CS 電話，不願意了解情況向公司反映！…Read More