kinkily's Profile

今日係同事生日，去左公司附近新開咗一排嘅法國餐廳慶祝，其實唔係喺IG見到介紹都唔知道呢一間係食法國菜，因為佢間舖頭係後巷（以為係酒吧！），其實入到去環境幾好，又乾淨服務都唔錯，我哋每人叫咗一個set，share一齊食套餐句括前菜、湯、主菜同埋甜品（甜品唔記得影），「酥炸雞條配蜜糖芥末醬」雞條酥脆個醬汁好明顯係廚師特別調校，好味！「吞拿魚牛油果他他」擺盤好靚，味道清新好好食，「慢煮24小時龍蝦湯」唔使加錢就有龍蝦湯，唔係果啲假嘅水溝麵粉湯，好好味（如果再大碗少少就好啦！）「手撕牛頰肉醬手工寬意粉」未嚟嘅時候仲諗住會係啲肉醬，點知一放上嚟枱面原來係一絲絲嘅牛肉，麵條煮得啱啱好，個牛嫩滑，醬汁唔會太鹹非常之易入口（呢個真心推薦！）「法式青口煲 配薯條」 青口普通有少許爛，但係汁醬埋薯條都做得好好食！「美國西冷牛扒薯條」西冷扒煮得啱啱好牛扒香濃有肉汁，唔會嚡熠熠做得好好！「Tiramisu」我覺得呢個係全個餐最好食。總括呢間餐廳好抵食，特別要提佢哋做嘅醬汁做得好出色。PS：我係自費餐廳冇俾到優惠食架！…Read More

台風由佢開喺灣仔嘅時候每個星期我都會去食，因為好鍾意食佢個叉燒，同埋佢可以好人性化咁如果你唔食筍或者其他配料可以轉另一款餸去代替，儲夠單仲可以換溫泉蛋！非常Happy！😋近排佢嘅Menu多咗個係可以揀多一個餸或者飲品，價錢同以前都好似差唔多，性價比高，每次嚟親都係食魚湯拉麵，拉麵彈牙、湯底熱辣辣又濃郁、叉燒唔會好肥膩類似火腿好嫩滑，溫泉蛋就比較普通冇乜特別，整體都好好食。要讚一讚員工服務態度好好，入到門口會同你講歡迎光臨（日語），坐低嘅時候佢會遞上一杯清水，再耐心等候你會寫啲乜嘢食，走嘅時候佢會同你講下次再見（日語），然後再幫你閂門，就係呢啲細微動作就會令到一個客人留低咗一個好嘅印象（重點係佢哋冇收+1服務費都咁好服務🤩），所以我都每個星期都去食呢間keep住有水準嘅一間拉麵店！請要繼續加油，加油！😋😋…Read More

尖沙咀比人感覺好多野食，但大部分都要同遊客爭飯食嘅餐廳，好想搵多啲價錢合理食物唔揸流攤嘅小店，今晚好想食拉麵就去咗棉登徑果邊搵嘢食，街尾見到呢間外面簡潔嘅拉麵店，就入去試試。叫咗碗雞湯拉麵，上枱嚟到嘅時候熱辣辣，雞湯香滑唔油膩，麵質彈牙，叉燒係好似火腿咁薄嘅食落唔會肥膩，配料筍好出，隻蛋先係重點真係好好食（試咗你就明），佢哋仲有大蒜蓉同埋福神漬可以放埋一齊食又係另一個層次！正！有啲美中不足嘅係唔明點解間店要收+1服務費，因為我感覺唔到有服務，建議試吓取消咗服務費，然之後加多$10我都願意俾，因為碗麵真係好出色，請繼續加油！呢間店係可以再嚟多幾次食！…Read More

就同個題目一樣，每個星期都會去一次蕃茄師兄等佢3:00嘅下午茶時段，因為真係好抵食，自選兩餸再加蛋仲有杯嘢飲，仲可以選湯底同埋粉麵，都只係$48又好食又大碗你話喺邊度搵啦！…Read More

由華都商場開店已幫襯她們嘅麵包🥯，每次都係外賣，今次嚟到佢哋位於安定嘅新店，試吓坐低慢慢品嚐佢哋嘅意粉同埋咖啡，今次叫咗拿玻里德國腸意粉，意粉煮得啱啱好醬汁特別易入口，德國腸唔會太咸幾好味，餐湯係薯仔蘑菇忌廉湯（如果可以大碗啲就好）另外加咗杯細嘅紫薯鮮奶咖啡（有畫花🌲🐱）味道都幾好（如果可以再多少少紫薯粉就更正喇！離開嘅時候，不忘買麵包做早餐。總括嚟講，需然呢間小店環境比較小可能要排隊等候（不過個人覺得係值得），今次試完佢哋嘅食物同服務，真心比讚👍🏻！試得到佢哋每樣食物都係充滿誠意同用心去做（唔會揸流攤），值得推薦比大家去試吓。😊特別要提一下✨，呢間小店服務真係好好👍🏻，就係我準備睇緊食咩嘅時候，見到有位用餐完畢嘅伯伯即將起身離開，佢哋二話不說即刻走去扶住伯伯慢慢行（係拖實的！😃）畫面好有愛🥰，其實當時都係煩忙時段，但服務員冇因為忙而唔理伯伯，呢點真係好值得大家學習！加油💯👍🏻！…Read More

一直都想食返一間有質素嘅蛋包飯店，終於搵到啦！雖然佢有啲貴，但其實都好值得去食，今次我哋叫咗一碟蛋牛同埋魚，個牛整得好入味，仲有個魚煎得好香好滑，醬汁做得好好，配菜都好好，啲飯係真日本米，香噴噴軟綿綿好好味，服務都唔錯，會再去！😋…Read More

一得閒都會嚟呢度嘆午餐，佢哋嘅食物質素一向都唔錯，咖啡香濃，佢哋有個「全日早餐」都係每次必點，不過今次自己冇睇清楚餐牌內容就賴嘢了😑（原來佢哋改咗材料），個All Day嚟到嘅時候，哎…首先擺盤求其，材料差，果個牛角包😑寧願佢俾片多士我好了，除咗啲沙律菜啊，菇啊，牛油果等，你會見到佢啲材料好似疫情果陣成日整果啲氣炸食物，心諗：如果食材貴而減質素，咁不如唔好推出比人客食啦！其實幫襯咗呢間嘢幾年真心唔差，另外都叫咗個「南瓜雞柳濶條麵」都ok架，但真係有啲食材做唔到就唔好賣比較好，咁樣真係會越嚟越少客。今次真係好失望……Read More

今日試近期好紅嘅錦麗Phở，朋友話佢地嘅越南牛河造得相當出色，特別係係越南河粉好少出現嘅「牛丸」，朋友話食過一次就會愛上，錦麗好細心，知道食客想一次試晒佢地嘅牛肉，就出現咗呢款三餸「錦麗綜合粉」！:)太好啦～咁就可以一次過試晒佢地嘅牛，朋友就繼續食佢嘅至愛嘅「錦麗牛丸粉」，點餐之後，待應會拎一杯配料，要留意枱上有張小貼紙教點食越南河會更好味，當牛河上枱嘅時候，先飲一啖湯，湯超清甜充滿牛味，然後放配料，跟住就開始食牛，三款肉中:)，牛丸真係冠軍！太好味啦！生牛肉肉質較厚:)，美道唔錯，熟牛肉其實係牛腩，大大件，煮得好入味，不過比起熟牛肉同生牛肉，牛丸係無敵，我地仲嗌咗兩款小食，都好好味！大家快啲去試下啦！…Read More

香港有十幾間分店嘅一芳，今次終於開到嚟灣仔，一值都想試試，仲記得等一次飲水果茶喺係咖啡弄一壺仔加埋服務費都要五六十蚊，都幾貴，依家可以唔洗咁貴就可以買走水果茶拎返公司慢慢嘆，「一芳水果茶」味清香:)，如果怕甜嘅朋友，建議走甜，水果茶嘅茶葉用嘅係松柏嶺產茶區嘅茶葉:)，松柏嶺位於台灣南投縣，係台灣盛產優質茶葉嘅集中地，所以一芳嘅茶味真係唔同啲，講返水果茶嘅水果，佢哋用嘅生果好似都係用大陸生果，蘋果唔夠香，橙肉都比較酸，如果係材料方面都選用台灣水果咁就真係正宗好多喇！整體都唔錯，會再買！…Read More

拉麵癮又發作，經過呢間東京生力軍人氣皇「俺流塩らーめん」，原來佢嘅本店係涉谷，開業8年已經成為涉谷嘅人氣拉麵店，仲有遊客專程拜訪，今次嚟到屯門分店:)，7點幾見唔太多人就拿拿聲拎飛仔等食啦，我地等咗一陣好快就可以入去，麵店空間不大:)，坐位都尚算坐得舒服啦，坐低先有餐牌同落單紙揀選你想食嘅嘢:)，先試佢地嘅間店推介嘅「俺流男盛拉麵」佢哋嘅拉麵可以揀自己鐘意嘅軟或硬度、多葱唔要葱等，自由選擇自己嘅個人口味:)，拉麵嘅餸有叉燒同埋唐揚炸雞，叉燒厚肉入味而且唔肥，炸雞味道唔錯但浸喺湯到上枱個皮都已經淋曬，建議如果分開碟上會比較好，另外再點咗「俺流叉燒飯」呢個飯滿滿都係肉味道出色，兩款都大大碗啱晒餓底去嘅拉麵店，不得不提我地另外點咗個「大阪燒餃子」，呢個真係好好食，會再去！…Read More

喜喜嘅裝修係玩復古，入到去恍如置身係六七十年代，好多影相位，每次嚟到喜喜都會食喜喜三寶飯，但今次就試下佢地嘅茶餐:)，常餐有兩款，一款係叉燒湯意粉（可轉通粉），另一款係貴少少嘅鮮茄牛腩粒湯通粉，今次試晒兩款，先講叉燒湯意粉肉質鮮嫩，唔乾，湯底濃郁，非常好味，鮮茄牛腩粒轉咗通粉，湯底非常濃郁，酸酸甜甜味道出色，牛腩粒問得好淋，唔使3分鐘就已經請咗食碗，茶餐附上火腿䓤花炒滑蛋同埋香滑炒蛋都同樣出式，仲有個半塊厚多士都好好味，會再幫襯！…Read More

今日去咗尖沙咀按摩，按完都差唔多九點幾，大部分餐廳都開始Last order，好彩搵到間開到零晨嘅冰室，冰室環境超寬敞:)，坐得好舒服，待應都好有禮貌，朋友覺得凍，佢哋都會主動過嚟問下我地洗唔洗閂細啲冷氣，非常細心，講到食物就比佢地個辛辣麵餐牌吸引住，我地叫咗厚豬扒，因為見到佢地裝飾大部分都係豬仔，厚豬扒肉質鮮美，仲一啲肥肉都無，超好食，蒜茸多士大大件充滿蒜香，辛辣麵有誠意咁加咗啲菜，如果唔食得太辣可以叫小辣，整體嚟講，尖沙咀食宵夜呢間冰室絕對係好好嘅選擇。…Read More

好少寫劣評，因為此終做飲食生意有時都要體諒一下，但真係忍唔住想分享，事緣今日想食炸豬扒，即時諗起呢間位於加路連山道嘅人氣豬扒店，到門口有位男待應招呼咗我哋坐吧枱，其實對於坐邊到食都無乜所為，因為都明白呢間舖坐位比較迫，當我地叫完野食之後，有個帶住一粒玉有口音嘅阿姐走埋嚟話，問我地可唔可以3點前食完走，當時嘅時間係2:30，我地問佢碗飯都未到好難答你3點前食唔食得完，之後個阿姐好似佢係客咁話佢地員工3點會坐吧枱食飯，仲不停有佢講無人講，又話無人見到我地入嚟就坐吧枱，仲話坐係吧枱嘅食客都知佢地3點員工要食飯，後尾我地都唔想同佢嘈就好無奈換咗位，其他後生啲嘅員工只係度陰陰笑，等到2:40飯到，但已經一肚氣無晒胃口，其實點解唔可以有禮貌啲叫我地掉位呢！講返啲食物，今次試佢地嘅期間限定黃金鹹蛋燕麥豬扒飯，豬扒配上咸蛋有啲膩，豬扒個皮勁厚，肥肉仲好多，同幾年前嘅水準差得好遠，唔知係咪轉咗手，成間野都好似唔同晒咁，以後都唔會再幫襯。…Read More

午餐時間去到呢間超人氣午飯之選嘅冰室，就算係過咗1點至2點呢段午飯時間，3點後呢間冰室都係坐無虛席，雖然坐位比較擠迫:)，但係都無損食客嘅心情，餐牌款式貴精不貴多，主要有特濃蕃茄湯午餐肉粒通粉、鮮忌廉雞湯鮑魚火腿絲通粉、招牌沙爹牛肉雞湯公仔麵、鮮薑汁豬潤鮮雞湯通粉，粉麵飯都有餐，非常抵食，每款都非常吸引，不過第一次試，當然要試下每枱客都會嗌佢哋嘅招牌《自家製叉燒日式滑蛋飯》，滑蛋選用優質日本雞蛋，滑蛋香味十足份量都好足，仲有佢地嘅自家製叉燒，肉質鬆軟，真係好好味:)！呢間係灣仔區放飯推介。…Read More

天氣炎熱唔想食熱嘢又想飽肚，最好就係去糖水舖食甜品，嚟到西灣河當然要去呢度好出名嘅明記甜品啦，店舖小小但甜品種類繁多，點咗一款芋圓黑糖豆腐花，大大粒芋圓煙煙韌韌而且加埋黑糖襯托幼滑豆腐花，再配合埋大大粒香甜紅豆令到豆腐花口感層次提升唔少，推！…Read More