Kitkate1999's Profile

係三樓呢間快餐外賣燒味，收銀員十次有九次都會打漏野，所以今次一定寫出嚟，同佢講返又駁嘴話我無講，今次仲要語氣差到怪責我，晚飯時間忙，我都等收銀收哂其他人錢先落單，佢扮勁又要扮快入單，點知咪聽唔清楚就入漏，到我睇清楚張單，打漏一盒飯，其實再俾錢買過我無所謂，但係一路入第二張單一路話我，服務咁差仲要做門口收錢果個，佢打錯單，燒味師傅就會俾錯飯盒客，一個拖累一個，效率咪慢，真係唔好扮快，希望呢間餐廳負責果位睇到，俾下員工職業培訓，唔好話市道唔好冇生意，請呢啲員工鬧客咪無生意囉！…Read More

食物質素係好食，同埋擺上碟係靚，佢做緊$88任飲香檳紅酒白酒15:00-20:00，還有其他指定酒買一送一，食食下有個女職員行埋黎警告我哋如果要我地清潔係要收清潔費，我明如果飲醉嘔係要清潔費，但係我哋係一邊食set dinner 唔係淨飲，我哋又無飲到醉又無做啲咩行為，但係咁樣行埋黎警告乜胃口都無哂，成間餐廳星期日得六七枱客，侍應多過客，係咪覺得我哋飲得多杯酒蝕本，三個人$1600，受氣都飽左，埋單後侍應語氣好似想趕你快啲走咁！第一次黎，整體係不滿意，唔會再黎！…Read More

食晏時段下午12:26排隊12:50入安排位置服務員，執枱加攞籌都係佢，所以慢慢執，門口等攞籌嘅人都要等佢執埋枱先得，有位都要等佢執埋另一張枱先，但係員工唔止佢一個，仲有兩個人繁忙時間傾緊計莫視等籌嘅人！一定要人登記電話號碼電郵話做左會員先可以食，等攞籌果時可以慢慢登記，到另一點餐員，佢態度和速度都配合到食晏時段嘅節奏，以為之後會上餐都會好快，等左一分鐘，一杯即磨暖咖啡可以取，等左25分鐘先有主菜仲要唔知係咪漏單，咖啡都變凍咖啡了！我見差唔多排我後五位都有主菜上都仲未到我，結果飲哂咖啡都未黎主菜，廚房都係冇停手，但係慢慢伴碟，法國菜速度，返工時段應該得一小時放飯，我唯有十分鐘食完走人！要預算兩小時先好考慮黎食！坐位少、被安排坐高枱一定要生得高嘅人先好坐，唔係實吊腳，矮餐枱又坐度頂住，八歲小朋友就啱啱好。…Read More