Miffy 大小姐's Profile

住大圍第一次食呢間，聽到有食客問同荃灣間雲貴川有冇關係，我心諗差幾十班，點會有關係。重點係酸辣完全冇辣味，仲要話”咁俾樽酸汁你自己落”，完全唔覺得個湯底有問題。仲有個腩肉跟本係瘦肉，仲要係全瘦。一定唔會再幫襯！！！:(…Read More

之前在西貢總店食過，所以特別在星期日中午帶家人一起試試這間新開的北角分店，是否跟總店一樣有水準，果然沒有失望。可能我們到的時間倘早，剛好有位，外面已有其他客人等外賣。我們一行六人，叫了二碗湯河，湯底清而鮮，應該足牛骨熬湯的，火車頭的料很足。跟著扎肉法包是另一款我的最愛，麵包是暖而脆，配上酸瓜絲和扎肉，真是絕配！另外越式春卷和蒸粉包也沒有令我們失望，配上越色酸酸的魚露，好快就清碟了，還要再加單！其他我們還點咗香茅豬扒和豬頸肉飯，肉也很嫩。飲品我們點了我的最愛青檸梳打，他們用的是泰國Chang 的樽裝梳打水，真的要加分！夠認真！椰青也很清甜！一定會再來，要試試其他食物！…Read More

我和老公第一次試，等了大約10min 有檯，眼看門口叫位加收銀姐姐的咀臉一開始已有不安。被安排坐在路口位置，其實已盡量坐入一D，希望沒有擋住通道，但那位男中年侍應還是不滿意，用不禮貌的語氣說要我再坐入一D。不安加不滿又再增加。還有落完單嗰個男侍應仲要”警告”我地 “不可以加單”. 咩事呀，唔加咪唔加囉，我地有俾錢㗎，你仲記得我地係消費者？唔該你俾D禮貌！我們點了蕃茄豬扒出前一丁和招牌芝士咸牛蛋豬仔包，熱奶茶！先講番茄湯底，不是太喜歡，有色但無茄味，芡汁太多。加了$3要出錢一丁，面過軟（應該煮定太耐）, 沒有另俾麻油自己落！完全不值！！豬扒大塊，但醃得不夠時間！都軟身！唯一較好就係個咸牛芝蛋包。包烘脆，但略覺得咸牛太多，有D咸。三款料配搭很好，一讚！本人對奶茶是有要求，茶太濃，奶不夠，不滑！比例不對！不用試！九成客人都是自由行旅客，身為港人的我們以這個價錢，希望weekend 食好D，慢慢享受，請三思！…Read More

完全係一間誠意小店！先食了豬肉燒餅，外面烤得很脆，肉不算太多，但有適量嘅麻辣味，剛剛好！我們再等了10分鐘，蔥油燒餅出爐了，蔥味很濃，略覺咸了少少，但整體是好味的小吃，很值得推介這四川小吃！…Read More

隨意在OpenRice 搵食，見有百多個like，以為唔差得去邊，點知.......第一次光顧就中伏！星期六的下午不多人，有一位沒有笑容的姐姐站在門外拉客，已覺得有點不妙。叫人招牌牛腩粉同招牌巴基斯坦咖哩羊肉飯。牛腩真的入口鞋口，肉有渣，完全不合格。咖哩只有咸味，有咖哩色，但無咖哩味。知果係盲試應該唔知係食緊巴基斯坦咖哩。個位著黑色衫嘅阿姐”黑口黑面”，掛住望著電視的賽馬。完全無誠意餐廳，唔好再講自己係米豬蓮推介。完全係近年最差嘅餐廳！！！…Read More

同同事食lunch, 試下新嘢, 結果撞大板. 以下是6宗罪:1. 不用等位. 當我們要求一杯熱茶. 叩了兩次, 才跟我們說沒有茶杯, 要等. 2. order 了set lunch. 聽到對面枱兩位男士等得太久, 問為什麼食物仲未來, 個waitress無表情話沒有落單. 仲問"你地叫咗咩嘢食?"3. 當我們也等了20分鐘, 我們問為什麼食物仲未來, 點知個無表情個男waiter話”無落單, 你地叫咗咩嘢?” 吓?????4. 又過10分鐘, 有嘢食, 但D牛肉一D都唔得, soft到牙都食到. 好明顯係唔新鮮, 雖然味道都OK.5.又聽到對面枱兩位男士叫餐飲 – 凍檸茶, 另一個無表情 waitress 話無. 再叫凍奶茶, 又話無. 咁問佢有咩? 佢話有凍檸水, 熱檸茶. 好奇怪!!!!6.我地個餐嘅 sashimi 一直都無來, 我地又問咗兩次, 都話”幫你睇下”. 又要等多10mins先來. 咩地方黎架????? 連茶餐廳都不如. 但我好肯定一定唔係日本人開. 因為日本人唔會接受咁嘅service. 差差差!!!! …Read More

因怕人多, 這餐廳平常日子(包括星期日)都沒有太多人, 所以決定父親節同父母在此食lunch.order豬頸肉撈檬, 生牛肉湯河, 春卷.豬頸肉撈檬 - 只有平日60%的份量, 檬粉只夠我們每人分少少 生牛肉湯河 - 我只食了幾氣粉, 真的很少. 春卷 - 很脆, 我相信春卷是沒有辦法可減少了吧平常人客已不多, 為什麼選擇在特別日子要騙客人呢??? 這只會令僅餘的客人不再光顧吧了. 真不明白這些店的想法. …Read More

本人對台灣菜沒有特別喜好, 只因上星期剛好經過, 給P小姐發現, 便決定去試試. 但如果早一點知道是屬於美心集團, 想試的指數應該會少了一半.早一天訂了位, 在集成前一點, 十分不方便 (在CWB 和 灣仔中間)可能是星期五的關係, 都有一些人. 點了以下菜:担仔麵 - 份量很細, 但尚算可以, 清湯底, 帶有一些香味.肉燥飯 - 飯是一粒粒分明的, 不會太硬. 肉燥是帶有肥肉, 不會很油膩. 是當晚最喜歡的菜鹽酥雞 - 不如叫"無味炸雞"好了. 什麼味都沒有, 不知道是師傅忘記放鹽, 或是<八喜>的特色. 完全不可以接受. 十個"差"!!!台式香腸 - 份量小到可憐. 一片片, 配以生蒜食, 一絕!胡椒肉包 - 應該是新鮮焗的, 有胡椒味, 不會太重, 可以!甜品 : 九份芋丸 - 份量同Menu的相片完全不同, 有欺騙成份!!!!! 一次足夠, 找不到再來的理由! …Read More

我們七個Ladies 在TST shopping完之後, 去了一早訂了位的貴德宮食飯. 上次他們已經試食過, 評語幾好, 於是再encore!玉 帶 海 珊 瑚 千 色 拼 盤椰 香 蔬 菜 咖 喱 (紅米飯 + 法包)南 瓜 蟹 皇 羹咕 嚕 素 肉炸 腐 球 素 魚 肉 茄 子焗 酥 皮 tart炒 大 豆 芽冬 蔭 功 紫 菜 腐 皮 卷甜品 : 合桃糊 + 芒果糯米滋喜歡不用想, 上菜就食. 不會很油, 但其中有女友覺得味比較濃. 但我也幾喜歡. 會跟家人去再試試. 最喜歡是lavender花茶, 味道不是太濃, 但有淡淡的薰衣草味.…Read More

早於兩星期前已一早訂位 (weekend是不接受訂位的)我們自己準備了一枝white wine去飲. 我相信沒有extra charge, 佢哋俾了冰桶我哋雪住枝酒.....我們七人order 了 : - 風沙雞 (半隻)d雞幾滑, 有肉汁, 雖然係炸, 但唔會dry....- 椒絲腐乳通菜我個人幾喜歡....味剛剛好......- 荷葉飯我最鍾意食.....d飯唔會太濕......飯痴一定喜歡......- 沙拉骨好味, 一d都un......- 墨汁意粉個人唔係好鍾亳, 黑黑....color唔吸引.....味道一般......- 豉椒炒蟶子幾好味......- 辣酒煮花螺好夠味.....唔食辣就唔好試啦...... - 奶油蝦 (配豬仔飽)好thai式feel.....重椰汁味.....豬仔飽very新鮮, 熱辣辣.....免費甜品 - 薑汁涼粉一絲絲的, 不是一粒粒, 真的第一次食, 有微微的薑味, 幾好食......Service幾好, 不停有換碟......…Read More

其實很久之前已經很想食鹿悅嘅Buffet.....今次天時, 地利, 人和.....於是一行7人一起去食.....一星期前已經訂了位, 仲要用Visa卡給他們記錄, 如果係48小時後才cancel booking, 會立即扣全數嘅一半作為手續費.環境不錯, 茶是很香嘅玄米茶.....原來食物種類真的很少:- 長腳蟹 <味道OK>- Sukiyaki<全場最好食, 牛肉是有點肥, 很薄, 有牛味.> - Appetizer (數款, help yourself)<最好食是生的薄片和牛>- 魚生 / Sushi / 手卷 / 卷物(三文魚, Tuna, 甜蝦, 油金魚, 三文魚子, 飛魚子)(軟殼蟹, 黃蘿白, 牛油果, 加洲卷)<我們要求中tuna sushi, 最好食. 其實則十分普通貨色, 沒有驚喜. >Tempura蝦 / 蕃薯<so far so good>蠔鍋<眾人一致認為難食. 蠔很腥, 口感一pat pat, 好似唔新鮮....差!>鹽燒xx魚<肉質很實, 很dry, 一d都唔好食.....差again>美國極黑牛鐵板燒<十分差, 一放入口, 以為自己去了$99任飲任食嘅buffet?? 唔好同我講係什麼和牛. 小的時候連日本空運嘅神戶牛肉我都食過, 請不要欺騙我! 完全無牛味, 肉質得個lun字. 十個差!!!>冷 / 熱 烏冬 / Soba<我還是喜歡西村的烏冬, 無特別>甜品 (including 君悅最出名嘅紅豆綠茶蛋糕)<dessert比較好, 但栗子雪糕唔得, 無味, 又唔甜, cream brulee好食, 很滑, 細細柸>服務幾好, 但食物就.......以我從小食日本菜的經驗, 對鹿悅真的很失望......不知道是不是因為buffet, 他們就將價就貨.....如果係.....就更失望......我寧願他們不做buffet.......對他們的reputation很大影響的......不值.....不值…Read More

一早我好友已經訂了位, 告訴佢哋我哋有Openrice嘅coupon, 有85折, 因為我個friend生日,仲有生日蛋糕送tim......我哋決定食set lunch:前菜: 青木瓜沙拉拼越南炸春捲(每人一客)主菜: 咖哩鴨配蒜蓉飽/ 越式生牛肉湯河粉(share食)甜品: 椰汁栗米糯米花茶/ 越南coffee個沙拉sour, 好開胃, 春捲新鮮炸起, 唔會好硬, 好味!但係個鴨唔夠soft, 加埋把餐刀不是用來切肉, 有d失望. 咖哩味道OK, 朋友覺得太spicy, 我就覺得剛剛好. 但蒜蓉飽只有一片, 太少啦, 有咁多汁, 於是我哋另外再order多一客蒜蓉飽.個dessert我好鍾意, 因為唔會太淡, d糯米夠軟, 好match!我個friend要了越南咖啡, 但佢話太苦.最後個生日蛋糕成一磅, 試食了少許, 幾好食, 唔係普通貨, d cream幾滑, 佢哋仲插埋candle, 好細心. 最後真係要多謝Openrice! 大家得閒都要定期留意有什麼jet so 呀.…Read More

Weekend呀, 使唔使落咁大雨呀唔想行得太遠, 於是去咗食印度嘢.....我之前無食過, 但我媽咪的評語都唔差, 所以決定去試.....兩個人order了:- Tandoori Chicken- 乾汁咖哩牛腩- 芝士Naan有成四大件咁多, D雞好滑, 好香, 我落咗好多檸檬汁, 加埋用鐵板上, 一個字.....正! 個牛腩比我想像中好好多, d汁夠濃, 好香, 牛腩夠soft, 一粒粒, 剛剛好一粒一口!個芝士Naan有少少失望, 因為唔夠芝士味, 仲以為整錯, 有d似薯仔蓉Naan.....個waitress好有耐性解釋因為這是印度來嘅cheese, 所以有d分別.Service一流, 好細心, 又唔加一. 可以係風雨中食到一餐食物同service都咁有水準, 濕身都十分值得!…Read More

之前食過一次, 都覺得幾好食, 於是一早訂位一行8人再食!我們叫了:- 蠔仔肉碎粥(好多蠔仔, 鮮!)- 煎蠔餅(好香)- 鹵水鵝肉(較厚身, 不喜歡鵝片)- 沙茶牛肉芥蘭底(普通)- 芋蓉鴨(好味)- 凍烏頭(肉夠實)- 糖醋麵(無特別)- 紅燒肉碎豆腐(豆腐夠滑, 好味) - 胡椒豬肚湯(好味, 好多味菜, 豬肚夠爽)- 普通清心綠豆爽(好味)食物味道真的不錯, 價錢適中, 饉服務態度非常惡劣, 罪狀如下: 罪狀(一)佢哋淨係對食貴價菜及熟客好招呼. 點菜時如果一問你唔食凍蟹, 魚翅, 海鮮, 立刻面色一沉.罪狀(二)食到中途忽然上糖水, 原來有一個熟客沒有訂位在等位, 立即想趕我們走....可惡!罪狀(三)還有豆腐未來, 我們於是追問, 有一位四眼叔叔, 態度可恥地說"咁你夠唔夠食, 唔好要啦!" 吓, 我有無聽錯??? 完全又係想趕我哋走. 罪狀(四)當我哋想叫芋泥, 個位四眼叔叔又有金句"無呀, 師傅無返". 總括而言, 如果各位是喜歡被人鬧, 可以去光顧的. …Read More

這是我第三/四次光臨. 環境靜靜哋, 唔會好噪. 我還是預早一日訂了位, 以防萬一.三人order了:*****担担拉麵- order了少辣. 仍然好好味, 麵好彈牙.汁的份量剛剛好.*****胡麻凍番茄- still my favorite! 好香的麻醬味. 夠凍!***紅油抄手- 雲吞細細隻. 豉油甜甜哋. 可惜唔夠辣. 可能因為叫了少辣吧.****星洲炒羅白糕- 都係少辣. 每一粒羅白糕都煎得夠香. 有好多蛋同芽菜. I like it!I WILL BE BACK!…Read More