kit kit kit kit's Profile

2023年2月17日我和媽媽來到香港百樂酒店吃晚飯。因為見到用鮑魚燕窩做主題，就帶著媽媽來食餐好東西。因天氣涼涼地，一來就整碗燉湯暖暖胃先。我覺得燉湯，粥，壽司和小菜都好正，但甜品就麻麻地，不過甜品有個桃膠燕窩燉蛋白都好正，蛋糕麻麻地。我們食到的都是名貴食材，吃了不少鮑魚燕窩。整體服務都好好。因為我媽媽是長者，意外得到長者折扣，謝謝老闆。最重要係我媽媽非常滿意這一餐。又非常滿意職員服務。俾個溫馨提示大家，有些食物只見名牌不見食物，需要向職員查詢。…Read More

2022年12月12日星期一，我及家人一行四人來到城景閣食自助午餐。成人288，長者258。這裡大部分都是熱菜，款式都算多，有小菜，有粥，有粉麫，有pizza，這裏的熱菜我覺得正正常常咁，沒有驁喜，又不會難食。壽司雖然款式唔多，但就好好食。甜品就好驚喜。我同細妹一至認同，這裏的甜品真是非常好味。這間餐廳特別適合我們，因為我家人都不太喜歡食凍野生冷野。孝順仔女可以帶父母來聚餐，其實我見大部分客人都比較年長，可能老人家都是喜歡食熱野多。自己順便嘆下甜品。每張枱下面都有放行李的箱，給個like到埋單我先知，288，258已經包加一，又賺了哈哈。…Read More

又一次難得和同事出來午膳，『紅茶』我們幫襯過無數次，借今次機會，說一說我們對『紅茶』的感想。什麼時候想起『紅茶』，想不到什麼好吃的會想起它，沒有什麼主意又想起它，時間緊急肚子餓又想起它，因為它方便快捷，送餐快兼質素穩定。以午餐來說，價錢$60至$70左右，價錢合理。說真的，我幫襯過無數次，真的沒有一次踩雷。蒜蓉雞扒飯，雞扒煎得香，蒜蓉汁打得靚，飯軟硬適中粒粒分明。焗豬扒飯，豬扒厚切，多芝士，個飯真係炒出嚟嘅而且樓面人手充足，我堂食過很多次，以茶餐廳來說，這裏服務水平為中上。…Read More

昨天突然好想鋸扒，於是又打開咗呢個app☺，其實我日日都開呢個app.... 冇計，天生吃貨😜。最終決定去『Lucky Ristorante』，『Lucky Ristorante』是我很早之前收藏的一間餐廳，終於有機會試。入到餐廳看餐牌，竟然沒有一人餐😳，職員只係畀咗一本單點嘅餐牌我😣.... 然後再介紹我單點主菜 + $40 變一人餐。因爲我係蒐集過資料先至進入這間餐廳，所以我係知道有二人餐，所以我就去旁邊的四人枱拿了二人餐牌，職員應該完全冇諗過我會叫二人餐掛，所以就冇俾到呢啲餐牌我。昨天叫咗個二人餐，套餐包括 :頭盤（四款精美多士）炸雞粒南瓜核桃沙律兩個西湯美國安格斯西冷扒軟殼蟹意大利粉甜品（朱古力燉蛋）兩個飲品兩杯真係好多嘢食，先來頭盤。炸雞粒南瓜核桃沙律，呢個超好食羅宋湯，蘋果汁。蘋果汁應該係果汁先生嗰啲，個味係非常似。主菜出場，美國安格斯西冷扒，我叫咗七成熟，但我覺得有啲硬同韌，反而個薯格脆蔔蔔好好食。軟殼蟹意大利粉，成隻軟殼蟹我淨係覺得蟹鉗好食，意粉缺乏煙韌感。甜品（朱古力燉蛋）昨天我把所有食物都吃光光才回家，所以我今日再次光臨『Lucky Ristorante』，侍應們都認得我😅，還特意帶到我去一張比較闊落啲雙人座位，我非常感激🙏🙏。今天叫這個套餐，唔知算唔算雙人餐呢？😆，我還叫了一個煙三文魚薄餅。套餐包括 :德國鹹豬手拼轉轉腸芝士薯蓉焗西蘭花手工啤酒兩杯另加一個煙三文魚薄餅因為豬手要等25分鐘左右，所以薄餅來先。煙三文魚薄餅我昨天已經想吃，但我本人不喜歡吃生的食物，所以要求廚師把煙三文魚焗熟。但最終被廚師拒絕，所以昨天沒有叫。今天幫我落單的侍應，是跟昨天同一個人，是一個長得細細粒的女孩子，她知道我昨天已經想吃，所以她特意幫我弄一個特別的。就是用火槍把我的煙三文魚烤熟，就變成了一個炙燒煙三文魚薄餅。在此感激這位熱心的小妹妹。食完呢個薄餅，就來個芝士薯蓉焗西蘭花，呢個真係有驚喜。........原來只能上12張圖😣！！最後來個豬手拼盤，豬手拼盤反而冇乜特別，同出邊嘅差唔多，普普通通。今日張單是 $ 480總括來講，食物算中上，本人覺得這裏樓面服務特別好。…Read More

『翠蓮素食』這間餐廳一直沒有列入我的收藏裏，但我有位素食朋友極力推薦，多次叫我嘗試。因為朋友嘅關係，我衹是陪她去食，是沒有任何期待的來到了『翠蓮素食』。就這個機緣巧合下，我決定把『翠蓮素食』好好收藏☺，朋友果然沒有介紹錯。我們選擇了自助餐，它是即叫即炒的，每款都是細細碟，我覺得食物質素很好哦。而且這個形式的中式自助餐已經很少餐廳肯做，是很難得，佢仲要係素食餐廳。今日碰巧是觀音誕，但埋單每人都不過百，真係抵食又好食。…Read More

『初 . 咖啡』是我很早收藏的一間餐廳。看見『初』就令人心動，情不自禁想瞭解更多。今天能來到『初 . 咖啡』都是一種緣分。難得和同事一起外出用餐，原本是去另外一間咖啡室的，但碰巧另外一間咖啡室冷氣有問題，所以才來到『初 . 咖啡』午膳。『初 . 咖啡』到現時都未出 lunch set 和 tea set。由於我們是三點左右到，職員給了我們一個優惠，所有食物八折，飲品正價。我哋叫左 :卡邦尼意粉 $ 128 / 103（八折）芝士波波腸 $ 45 / 36（八折）檸檬柚子炸雞塊 $ 65 / 52（八折）薄荷摩卡咖啡 $ 59蘋果蜜桃鮮打綠茶 $ 56卡邦尼意粉，確實同我平時食開嘅好唔同，最令我難忘的是它的肉粒，有點像金華火腿，鹹香煙韌有咬口，意粉芝士也有心思。芝士波波腸，外形可愛，帶點蜜糖味😍。檸檬柚子炸雞塊，這個要挑剔，雖然雞肉嫩滑，但粉漿做得太厚，我不覺得自己在吃炸雞，感覺就像吃炸粉團。薄荷摩卡咖啡，很久沒飲過這麼高質的咖啡，極力推薦。蘋果蜜桃鮮打綠茶，職員推薦，我覺得也很不錯，清新綠茶味又保留鮮果香甜味。…Read More

『樂意點心』是我上個月收藏的，一發現就揾朋友陪我食。所以足足等咗一個月，十分期待。今日終於來到『樂意點心』，我們迫不及待狂點，兩條友一開始就點咗十樣嘢。開頭都影下相，就係因為啲野太好食😍，我哋影影下就掛住食，好多款都唔記得咗影😆😆。叫十樣，十樣都好好食，真係少之有少。其它點心鋪，就算點好食，都梗有一兩樣唔啱胃口。仲有我最欣賞佢係大部分都係兩件兩件出，我哋啲女仔最花心，樣樣都想食又唔食得多，呢度真係啱曬d花心鬼😜。食完十樣嘢都唔夠喉，後加咗合桃包，同楊枝甘露。真係大大力咁推個『合桃包』，真係會有驚喜。而且呢度嘅服務仲非常好。…Read More

『蒸道』就在我公司附近，但一直沒有察覺它的存在。『蒸道』是同事介紹給我的，上星期我的同事行街留意到的，就買了蝦餃燒賣，同事每樣請我食了一粒，我覺得不錯，所以我有興趣試埋其他東西。於是我分了兩次試。第一天 :蝦餃 $ 28 （4粒）叉燒腸粉 $ 20 （3條）鮮竹卷 $ 20 （3條）炸煎堆 $ 20 （4個）第二天 :梅菜肉餅飯 $ 20炸鹹水角，炸煎堆（每樣各2個）$ 20返叮鮮竹卷，因為太好食 $ 20『蒸道』的點心款式雖然不多，但細心品嚐後，你會發現她是用心製作的。點心確實精緻足料。以後又多一個早餐選擇喇…Read More

『Moreish & Malt』並不是我之前收藏的餐廳，是朋友生日想吃這間，我才會來到這裏。朋友說之前食過覺得不錯，想介紹給我。我哋叫左 :凱撒沙律加燒雞 $ 108 + $ 38辣味水牛城雞翼 $ 85皇牌芝士漢堡拼薯條 $ 158藍梅梳打 $ 68泰式梳打 $ 68安華田意式奶凍 $ 68招牌特色豆腐芝士餅 $ 78先來個沙律，凱撒沙律加燒雞，凱撒沙律冇乜特別，起一半高級餐廳都是這個味道，特別在它的燒雞，我食到煙熏味，唔會鞋。辣味水牛城雞翼，超級有水準嘅雞翼，入味又野味。皇牌芝士漢堡拼薯條，包有煙韌感，香口，漢堡有肉汁。藍莓梳打招牌特色豆腐芝士餅，唔太甜，軟身，餅底都好好味。阿華田意式奶凍，味道很好，但嫌棄裏面啲脆脆有點硬。總括來講食物水準非常好，而且服務也很好，今次生日飯，朋友應該很滿意。…Read More

『紅橋餐廳』是我在很久很久之前收藏的餐廳，今日返工好忙，忙到冇時間諗放工食d乜，於是眨下眼就放工喇，一路向車站行，一路睇住呢個app，一邊諗，見到『紅橋餐廳』就在車站附近，噉就決定食佢。坐低侍應就畀咗個QR曲我，叫我自己落單。睇得出佢哋真係好忙。所以我就用左網上落單，『紅橋餐廳』佢網上落單嘅功能幾好，清晰容易落。首先叫咗個晚餐 :黑椒汁西冷牛扒伴蛋包飯 + 中湯 + 前菜 + 飲品（+ 10）升級紅豆冰 $98等咗成十分鐘乜都未出畀我，一出就三個一齊出。中湯 + 前菜 + 紅豆冰。中湯飲咗兩啖就放棄，飲到一大陣豬腥味。前菜 = 沙律，順利食完。紅豆冰也不好飲，結果飲咗幾啖都冇飲。跟住來主菜，黑椒汁西冷牛扒伴蛋包飯。明明就係茄汁，點解要註明黑椒汁？全碟嘢最好食就係個粟米。塊牛扒硬到不得了，切都切唔開，食完成碟都係渣。個蛋包飯淡而冇味，而且蛋包飯裏邊嗰啲都唔係炒飯，而係用生蛋同飯撈埋一齊嘅東西，西蘭花都係白烚冇味既。唉！真係好失望。噉嘅貨色我真係食唔飽。我同自己講，可能我唔識叫嗻，可能佢啲意粉會好啲哩。於是我再落單。西班牙汁帶子海蝦焗意粉（$ 68） + 脆香雞槌（+ $ 18）先來個雞槌，嘩！成張單最值係呢個。西班牙汁帶子海蝦焗意粉，真係有啲想講粗口。什麼西班牙汁？根本就係茄汁，什麽帶子？根本就係珍珠帶子，而且得幾粒，什麼海蝦？根本就是蝦仁，而且得兩粒。我一個人食咗兩個主菜，今次真係可以對『紅橋餐廳』死咗條心，以後唔使再過來。…Read More

今日難得休息，諗住帶爸爸媽媽出嚟食晚餐，食好野，點知畀『食得福海鮮私房菜』嘅驚嚇服務趕走咗。『食德福海鮮私房菜』是我很早之前收藏的餐廳之一，一直想試。一開始是被它的燉湯客飯吸引，但因為我是服務行業，所以一般午餐時間都是三點或四點，但它偏偏就在這個時間落場，所以我已經摸咗一次門釘。然後我再多次查閲它的餐牌，發現它的小菜也很吸引，諗住借呢次機會帶兩老吃點好東西。如果大家細心留意到，一入門口就分兩邊，一邊有枱布一邊沒有枱布的，我們入去就被帶到有枱布的位置，媽媽在洗茶杯我就看餐牌，但我沒看見燉湯客飯的餐牌，我就問職員拿來看，但職員跟我說沒有，我好肯定跟她說是有的，問足三次她都不肯給我，另一位職員也看不過眼，就把燉湯客飯的餐牌給我。跟住第一個職員又立刻跟我說，現在沒有這個吃，祇有炒小菜。我又用手指指著菜單的時間，餐牌上明明說全日供應的，為何我不能落單？然後佢又改口風，話炒小菜和燉湯客飯不能一起叫。還重複又重複説這是公司規矩。『食德福海鮮私房菜』的老闆請你留意上一句。我遇到這樣的服務，實在深深不忿，好，我就食平的，我就全吃燉湯客飯。跟住職員還不放過我們，還追著我們來罵，「如果你哋一開始食碟頭飯就唔應該坐呢度啦，你記唔記得你一入門口我就問你係唔係食小菜，你話食少菜我先畀呢度你坐，而家你唔食小菜，唔該你過返隔離座」，好好好，過隔籬咪過隔離囉，冇咗張枱布嗻😌我忍。於是我和爸爸媽媽一起過檔啦，媽媽拿著茶杯過去，職員又說，「食碟頭飯冇茶飲架」，可能冇枱布嗰邊冇乜冷氣，我真係忍唔住，同爸爸媽媽講，呢度唔啱食唔緊要，不如我哋去第二間，立即閃人。呢啲噉樣嘅服務，我呸，影衰香港。旺角大把嘢食，一定要食你咩，我大把選擇。…Read More

由於最近迷上韓式炸雞，所以 Goobne Chicken 都會巡遊一次。今次經歷這間餐廳失望指數爆曬燈。Goobne Chicken 是我早前收藏想吃的餐廳之一，昨天和朋友去補吃生日飯，趁呢次機會就來到 Gooben Chicken。我哋叫左 :半半烤雞（蜜糖香滑烤雞/原味烤雞）$ 238芝加哥 pizza $ 188熱西柚茶 $ 38罐裝可樂 $ 20Goobne Chicken 主打賣雞嘅，我就由雞開始講。揀咗佢嘅半半烤雞，賣相一流，味道九流。雞確實烤到金黃色，但食落去就知道中曬伏。啲雞只有表面我係食到味道嘅，入邊完全冇味，又冇雞味又冇醃料味，仲要係嚡霎霎。我有一款個名叫蜜糖香滑烤雞喎，但啲雞嚡霎霎噉，佢何來香滑呢？我覺得又唔香又唔滑喎，仲有佢嘅原味烤雞都系一樣架，都係入邊冇味，我相信佢所有雞都係一樣，全部得個樣，但佢會畀啲醬汁你點囉。肯德基嘅雞好味過佢100倍，應該話佢冇資格同肯德基比，用麥當勞同佢比或者任何一間茶餐廳都做得好過佢，真係起香港好難會食到啲咁難食嘅雞。一間主打賣雞嘅餐廳整到啲雞咁難食，根本就自拆招牌。芝加哥 pizza ， 都係賣相好好，pizza 味道都可以，但並唔係我想像中噉，因爲我以爲佢係好多好多芝士嘅。而佢嘅 pizza 有一半係餅皮，四分一醬料，四分一芝士，食落去根本滿足唔到我呢個芝士控。而且個餅真係淨係得醬同芝士，其他乜嘢材料都冇架，食多兩件都覺得漏，最慘係漏嘅感覺唔係起芝士果度，而係食到佢大量嘅麵粉同醬汁。朋友話杯西柚茶太甜，我嘅可樂因為罐裝嘅所以味道係冇問題。啲野食都已經唔掂，同埋呢度連服務都唔得嘅，真係一次非常失望嘅體驗。…Read More

經同事介紹又在公司附近，所以連續兩晚下班過來吃宵夜。這裏的佈置很好打卡，雖然我沒有這個習慣😜。但我也坐得舒服，因為位置寬敞。除咗裝修別墅風格之外，碗碗碟碟都是花花的，感覺有點浪漫，應該係拍拖聖地😌。昨天宵夜餐單 :蜜糖燒菠蘿 $ 20汁燒雞翼 $ 26黑豚肉炒飯（八點半後半價）$ 88 / $44蜜糖燒菠蘿，一上枱我就覺得好驚喜，又甜又多汁。汁燒雞翼，上枱睇賣相就嫌棄，因爲我覺得雞皮部分燒得不夠焦。但我一咬落去，就食到很燒焦的香，反轉一看就十分驚喜。這串絕對是用心燒的雞翼。黑豚肉炒飯，飯炒得香，有鑊氣。但雙眼見到肉又吃不到肉，感覺吃了一大盤炒白飯。幸好它半價，原價就不值。昨天吃這幾個感覺還未飽，最後到肯德基買了四件巴辣香雞翼回家。所以今天宵夜要加碼😆😆。今天宵夜餐單 :叉燒拉麵 $ 68唐揚炸雞塊 $ 68牛油果蟹肉沙律 $ 78蜂蜜綠茶（樽裝）$ 20叉燒拉麵，對我來說就是一碗好味的叉燒拉麵，沒什麼特別。拉麵彈牙，叉燒分量十足，溏心蛋也有一隻。唐揚炸雞塊，就是一份正常的唐揚炸雞塊，但我覺得 $ 68 這個價錢應該會大碟 d 囉。牛油果蟹肉沙律，呢個真係好好食，材料分量都十足，蟹肉鮮甜，蔬菜新鮮，牛油果成熟。今晚真係夠曬飽😋😋兩天加埋總共叫左六款食物，六款我都覺得好味，而且最難得的就是這裏的服務很好啊，給這裏的服務員點個贊。…Read More

我係一個好鍾意試新餐廳嘅人，可能香港會越嚟越多呢種人😝因為有呢個app。衹要我睇到有邊間餐廳想食就會收藏，然後逐一逐一去試。當我遇到唔好食或無服務嘅餐廳，一次就玩完。當我遇到做得特別好嘅餐廳，就會記住先，等有機會再食，但分分鐘要等幾個月😆😆。但有一間餐廳好唔同真係好唔同，佢令我起一個月之內幫襯十次以上，冇錯，佢就係『四寶食堂』。經過我N次幫襯后，我發現佢嘅午餐、晚餐係做得特別好嘅，尤其是晚餐。因爲我的工作是服務性行業，所以需要每兩星期檢測一次（非典型肺炎）。所以今日特登早一個鐘出來，但今日奇跡地很快做完檢測，所以順勢去到『四寶食堂』食lunch。我叫左 3 號）黃金餐肉粒炒飯 配 避風塘椒鹽豬仔髀 $ 65炒飯裏面有鹹蛋黃，可能我個人比較重口味，鍾意食香口嘢，所以我仲撈埋豬仔脾上邊嘅避風塘炸蒜一齊食。真係有兩隻豬仔髀喎，感覺好實在，好滿足。而且配菜用左高級嘅蔬菜，有火箭菜、紅邊菜。在我幫襯過N次嘅歷程中，我都一直遇到良好的服務態度，以茶餐廳嘅服務水平來講，呢度真係叫做得好好。…Read More

今天原本約了某同事去『十大碗』食雲吞麵的，誰知同事忙到連lunch都食唔到😩，我唯有獨自出行😢（其實我成日都自己一個去食😂）。『Go Go Rock』是我在朋友的收藏找到的，才早兩天的事，估唔到咁快就可以試😂......仲一試就愛上😍☺。『Go Go Rock』明明就在我公司附近，明明就在朗豪坊附近，但我一直沒察覺它的存在，就在『佳記』『茶聊』對面，而且是地鋪，現在lunch又多一間好去處。感覺就好似掘到一個寶藏咁😆。我2:30pm到的，可能是平日，雖然我是食午餐但下午茶時段，而『Go Go Rock』好似冇下午茶😀，所以人煙稀少。我叫左一個午餐 + $20 甜品，今日甜品是『菠蘿批』。午餐非常豐富，有沙律，有餐湯，有主食，有飲品，真係抵到爛，最重要係好好味☺。對我來說，食沙律最大嘅要求就是新鮮。這裏的非常新鮮，碟中間橙色的是燒南瓜。沙律是自助的，自己喜歡吃什麼就拿什麼。今日餐湯有點像羅宋湯，但又不是羅宋湯，我食到一啲海鮮，味道香濃，麵包上搽咗一啲好似花生醬但又唔係花生醬嘅嘢，我真係覺得幾特別，未試過。最重要都係嗰句，係好味嘅。凍檸茶主菜係吉列豬扒配咖喱汁，意粉彈牙，是一塊高質素的吉列豬扒，連配菜都那麼有心思，竟然有蟲草花，滿足滿足。甜品熱辣辣咁想，而且皮薄餡靚。…Read More