Ling Suen的個人專頁

經過見到新開，看到店內款式多，樣子也不錯，好似幾好食咁，於是就買了個牛角朱古力薄荷碎朱古力餡嚟試吓啦，點知….中伏了，滿心期待好好味的牛角包，食唔到一半就真的要放棄了😓。麵包不似預期🙈，一點也不出色😩，而且餡料又甜、又漏到一個點。原本抱着一個心態，「買都買了，是但啦！」，但係真係食唔落，感覺這包完全對不起這價錢。眼見其他蛋糕款式也很吸引的，雖然很想試，但都不敢再試了，真係唔想再失望多次又難為自己個口。…查看更多

以前已經間中會嚟食，因為好味而且環境舒適。今次係第一次帶埋四個月嘅狗仔一齊嚟食，雖然要坐戶外好熱，但職員非常細心，幫我哋揀咗一個較涼嘅位置坐，而且職員對狗仔非常有愛心，大人小朋友和狗仔都食得很開心。平時我哋多數會晚餐來食，必定會食豬頸肉、串燒、生蝦、好好味嘅豬手，當然唔少得透心涼嘅泰國啤酒和椰青。今次我哋係第一次下午來食，叫了一個泰式炒金邊粉、菠蘿炒飯、海南雞飯、自選泰式湯河，還叫了龍眼冰和泰國啤酒。同樣好味值得推介，最開心都係可以同狗仔一齊坐。…查看更多

1/1/2024晚上，原本見新商場就試吓新野啦，反正大人小朋友都好肚餓，去到門口見餐廳環境不錯，入面只有幾台客，仲有好多位不用等，於是就行入去搵位坐，行到一半已俾個外國人經理截住，話要在門口取飛等叫才可以入，咁多位都要取飛而不能安排即時入坐？ok,既然你餐廳有咁嘅規矩，我哋絕對會配合，但我哋真係好肚餓，於是同經理講叫定兩個Pizza先，因為做Pizza都要時間，我哋一行七人叫兩個Pizza。等了一會經理安排入座後我哋好快已經叫晒其餘嘅食物，點知食完其他食物後兩個Pizza都未到，心知不妙，於是去問經理，結果原來佢冇幫我哋落單，問佢點解冇落單？一早已同你講咗order兩個Pizza先，佢竟然答我哋，因為我哋order後就帶我哋埋位以為我哋唔要兩個Pizza😤（點解會覺得我哋有位坐就唔要pizza呢？😓）。果下已經好嬲，另外有個好好男侍應即走過來跟我地不停say sorry 係佢落少咗單，我哋同佢講不是你的錯，你冇做錯野，你服務得好好，錯嘅係你經理。個經理再講如果現在order,5分鐘就有，問我地要唔要，見話5分鐘就有梗係要啦！結果pizza到咗又係錯，我係叫2個pizza,佢來了一個加一塊pizza😤,咩玩法呀🤬！一塊pizza? 再問個經理點解會咁，佢竟然話我地係叫一個加一塊，真係有冇帶腦返工㗎！仲要死都唔認錯，我哋已經唔想再同佢講野，真係未試過一間外國人開嘅餐廳會差到咁，雖然之後埋單時佢free咗果（1塊pizza）俾我地，但真係絕對唔會再去，今時今日咁嘅服務態度真係冇眼睇！不過我也很公平的，食物味道是可以的。但由於大嬲，已沒有影任何相片提供了。…查看更多