lamwanyin2001's Profile

作為壽司郎粉絲，每月新番我地都必試，今期喺春祭，亦趁住今日白色情人節去食個下午茶拍拖💕👍🏻三文魚配檸檬羅勒：本身以為三文魚配檸檬香草會好泰國，但加埋羅勒香出奇地真係好春天，羅勒會似有微微花芳香但又未有花咁重香（食過花味蛋糕都知陣花味真係不了），最後好味到叫多碟encore。👍🏻炙燒芝士蛋糕：作為芝士蛋糕愛好者表示真係超正，用蛋糕做底，入口順滑，芝士味及厚度剛好，有少許檸檬香，炙燒後表面有層脆糖增加口感。總括而言：⭐️⭐️⭐️⭐️⭐️平靚正，每個月更新所以每個月都會食一次，甜品比壽司出色，可以改名叫甜品郎💕…Read More

油池：點解無啦啦想食呢度嘅油池呢？係一位相熟潮州叔叔推介嘅，佢大讚話呢度嘅油池好好味，於是就行過嚟食吓。食完覺得好似食緊蘿蔔糕咁，不過就重味過蘿蔔糕，鹹香加胡椒味，脆口！飽肚，15蚊拳頭咁大粒好扺食。不過成件事太油，有名你叫油池，名不虛傳，少食試吓無妨。👍🏻煎釀三寶，茄子、紅腸、豆腐：我揀咗泰式辣醬口味，大件夾抵食！暫時嚟講係我食過最好味嘅煎釀三寶，皮脆肉多，20蚊有六件！總結：推薦指數⭐️⭐️⭐️⭐️鍾意食煎釀三寶嘅可以試吓呢度嘅😋…Read More

口水雞飯：夠晒麻辣，上面啲辣椒乾好好味。味道係幾好食嘅，可惜隻雞偏鹹，餸飯都係覺得有啲鹹…👍🏻鎮江骨飯：煮到好淋好入味，啲肉一咬就甩。味道啱啱好，餸飯一流。👍🏻隨餐附送紫菜湯：好味！好有家嘅味道！湯入面好多紫菜，多肉。將啲飯加入紫菜湯即刻變湯飯又得，得咗！飯：都係煮得啱啱好。唔會太淋唔會太硬。結論：⭐️⭐️⭐️⭐️推薦鎮江骨飯，$50咁多肉咁大盒飯又餸紫菜湯，抵食！啱晒平時午餐晚餐醫下肚仔。…Read More

滷水雞翼：入味，唔使噒骨，啲肉一咬就甩。不過偏鹹滷水味偏淡。腸粉：混醬自動多汁（我平時叫開多醬，下次要叫佢少啲醬先得），腸粉都係煮得啱啱好。👍🏻魚蛋燒賣：魚蛋普通，唔知有冇咖啡汁呢？有嘅應該幾好味。燒賣好食嘅！作為燒賣狂熱愛好者，夠晒魚肉味，煙靭加分。煮得啱啱好，唔會太淋太硬。燒賣豉油亦都好好味，果然係老字號！結論：推薦指數⭐️⭐️⭐️⭐️作為新元朗人，啱啱搬入元朗兩年，推廌平時掃街嘅話可以食吓燒賣咁，出色嘅！腸粉滷水雞翼嗰啲想飽肚都可以試吓唔差。…Read More

👍🏻滷肉好好味，可能多肥肉關係，入口即化非常香，醬汁非常適合餸飯。蚵仔灑咗啲胡椒粉喺面，都食到蠔仔味嘅偏淡咁。另外有啲蠔殼碎冇洗乾淨。👍🏻蘿蔔生菜，煮得啱啱好，不太硬不太淋，食到蘿蔔清甜，好健康。👍🏻滷水蛋，滷過有滷水香好入味。榨菜，酸甜爽口。飯，都係煮得啱啱好。總結：推介指數⭐️⭐️⭐️⭐️喺香港食到台灣口味便當，56蚊黎講咁多款餸都幾抵食，口味偏日常住家飯，適合平時肚餓醫下肚仔咁。…Read More