chengjoey's Profile

新開酒樓，早午賣點心，晚巿做粵菜。重新裝修後，餐具 and 櫈，望落應該係全新，而且多左店名印喺 d 碗碟杯上。亦多左幾間貴賓房，俾客人包房，大廳枱數唔多，大部份係 4 至 6 人枱，枱與枱之空間還好。門口派位姐姐笑容好好，其他服務員態度都正常，唔會黑口黑面，都唔會見到當見唔到，亦唔會一叫就轉身走。午巿大廳坐滿，連d貴賓房都開晒門坐滿客。開茶、執枱都快手，唔會一枱桔碟食完無人執。午巿點心，花款唔算多，但一般茶樓點心都有齊，味道正常，亦都唔差。價錢亦算合理。所以對晚巿都會有d期望。…Read More

一星期前睇食評時，發現可透過 openrice 訂枱，感覺方便，便訂枱一試；值得一讚 openrice 嘅訂枱功能及提示功能都比以前完善👍。講回餐廳......訂左12點中午枱，去到時大概係11:50。正想行埋去開口問 booking，一個疑似部長嘅男人，面無表情兼二話不說，邊閂番度門，邊話我地未開門。喺呢種收費唔算平嘅地方，呢種係乜野服務態度?! 生意唔休做都唔洗連客人問野都即時落閘呱? !等到12:05，我至夠膽再行埋去，當時入到去無乜人，但俾左一張細小二人枱我，同隔離張4人枱連一個身位都無。預早訂枱又無人嘅情況下，都係要坐2人枱?! 完全未試過亦唔明點解。可能留晒啲靚位俾熟客呱。基於唔想煩，可以接受到就算。值得一提，用餐時間係限時90分鐘。未試過食lunch， 又非一人一鍋都要限時，有少許令人無言。食物方面，唔睇價錢嘅話，都係正正常常，值得一提係，set lunch 係唔包飲品，當然你可以唔叫飲品，不過只有暖水情況下，我都有另外叫野飲。樣樣野都有疑似一片片嘅松露，但確實聞落、食落，都真係唔覺有松露嘅感覺同味道。明明menu寫住有兩款甜品選擇 (是日甜品 或 加錢嘅松露芝士球) ，但係食到尾時問侍應，對方支吾以對話今日只有朱古力蛋糕。可能留晒俾熟客，唔夠賣俾我呱。一般處理得好啲嘅餐廳，都會預早告知客人無貨或替代食物，但今次係，你唔問，佢都唔會同你講，當無件事。餐廳內嘅侍應，除左之前嘅部長，其他喺態度上都算正正常常，無乜問題。總括來說，喺部長趕客嘅反應，空間感欠奉，食物又唔算特別好嘅情況下，如果睇埋價錢，其實唔值得再試。…Read More

有幾款不同湯底： 鴛鴦鍋、麻辣鍋、沙爹湯底、牛雜湯底.....初嘗牛雜湯底：牛味香濃，有牛雜食；牛雜炆得夠冧，亦夠入味.......每碟分量不多，大概6件左右，價錢數十元；一行5至6人，必能食勻各款不同部位的牛肉。牛：肩胛翼板、五花趾、和牛內裙肉、匙柄、牛駝峰、和牛牛胸肉、安格斯橫隔肌以上各款，各有少許不同，其實都不錯，首推牛胸肉，有咬口，肉質及肉味皆不錯。牛丸、黑豚梅花肉都不俗。野菌雙併：口感特別，比平時街市買到的較有咬口。最後加個烏冬吸湯，味道不錯。手工啤：味道不錯，飲落酒精濃度不高。自家製菊花桂圓露：清甜。地方細細，主打2人至4人枱，只有一張能勉強坐5至6人嘅枱。限時用餐，食用時間只屬剛好，不能久坐。…Read More

不錯嘅晚餐水煮魚與雞煲：味道夠濃、夠辣，分量足。如愛食辣的，會滿意，不能食太辣的，會嫌太辣；因為所謂小辣，其實都幾辣。由於平日晚巿有優惠，所以都幾抵食。平時還有片皮鴨，通常會一鴨兩食，亦頗不錯。…Read More

食物味道不過不失看似精緻，但分量不多，性價比低。尤其醉雞，硬裝成一碗，再倒 cup 出黎，看似精緻，但作為醉雞，既無酒浸著，亦尤如擠迫戶，這個賣相實在不大討好。土豆絲：偏酸炒和牛粒：唔韌酸辣湯：不錯是日燉湯：偏淡，尤如例湯松露瑤柱蛋白炒飯：幾香口服務人員表面服務周到服務人員堅持不需客人動手接過食物 ，但其實客人只怕服務人員打瀉食物，拒絕接受幫助時語氣亦無禮。追單時看似願意跟單，但實質面口不善。座位不錯說不上好好坐，但已經算不錯，不過整間店其實地方不大。…Read More

地方闊落，屏風隔開一格格獨立空間，三、四人可自成一角，傾計唔會嘈到人，都唔會被嘈到。服務員加湯、加水都幾主動，而且無限食用時間。食物新鮮，丸、餃皆有半份，唔怕人少唔能夠叫其他食物，麻辣併酸菜，湯味濃郁，少辣嘅麻辣，已經好香，酸菜湯底唔辣，但湯濃。推介：雜菜籃：有菜、有菇、有粟米，唔怕太多食唔晒，但又可每樣食啲。牛肉：件數不算多，但樣靚，而且肉質不錯。響鈴：新鮮炸，脆口。淮山麵：好食。汽水只有枝裝，如果可以有罐裝，會更好。酸梅湯亦不錯。價錢雖不便宜，但可接受，值得再去。…Read More

接近$100一碗嘅麵，有加一服務費，喺新城市廣場，理應唔差。但牛肉咖喱喇沙，肥牛2塊，蛋係凍嘅，連湯都淡味如水，尤如飲水一樣。碗雞絲咖喱喇沙，只有一小篤雞絲，完全無存在感，個湯好過牛肉嗰碗少少，起碼個湯色望落濃啲，不過都真係只有啲啲。唯一可接受的，只有小食拼盤，超過$100嘅價錢，雖然係好普通嘅雞翼、日式魚旦、超細條春卷仔，3串串燒，但已係整餐最好。總括，一個望落企理嘅餐廳，繁忙時間仲有好多吉位，其實真係有原因。…Read More

首先一讚，可透過 openrice 訂座，快捷、方便，加快我訂座的決定。當日，早左30分鐘到達，但都可獲安排入座，不錯。沒有限時，坐4人卡位，朋友聚餐，傾得/坐得都舒服。八小碟前菜、麻辣火鍋、牛脊、豚肉......湯底、食物皆不錯。價錢略貴，但在銅鑼灣能不限時，而又坐得舒服，價錢相對變得能接受。整體上，朋友們皆一致認為可一再幫襯。…Read More