or#Tm65998291's Profile

因為見新開在中環的店，儘管去試一試。點了個撈面，有幾件咬不開，又流血，又沒有味道的豬潤，再加兩粒充滿雪味的豬肉丸，撈面味道算是不過不失。但豬潤及肉丸實在令人失去胃口。頭盤是兩串沙嗲，味道還好。飲品是一杯淡淡的薏米水，埋單$210😢。還有要QR code 落單，餐牌上只有一張超細的相片，沒有菜式的材料，單靠菜名‘Bak Chor Mee (Dry Minced Pork Noodles)’ 實在估唔到有什麼材料在裏面！如果廚師不懂得處理豬潤，就應該改用其他材料。收這個價錢，但做出這樣的午餐，真的會有回頭客嗎？…Read More

第一次約朋友去鮨鮪居酒居，中午食飯時間到，已經唔多人，得兩、三枱客。我叫了牛肉湯烏冬，先來日式蒸蛋，蛋是滑的 ，味道尚算不錯。等了10分鐘，牛肉烏冬上枱，正常湯面的碗應該熱辣辣，但我的碗是室溫的，湯是微暖（大約60-70度左右），湯底淡而冇味，烏冬勁腍，炒牛肉勁韌, 食咗兩啖，真係食唔落. 碗烏冬收$78，算平，我只期望一碗熱辣辣的烏冬，但咁簡單嘅嘢，又唔係多客，師傅都唔俾心機去做，點對得住啲客人😓 一間細舖頭，如果冇心機做，點樣維持落去😔…Read More

到銅鑼灣鼎泰豐點了一個高湯炒芥蘭（$78），一放落口，芥蘭又老又硬，於是同侍應講，侍應回應‘我們這裏的芥蘭是特別硬的’，然後打算離開。於是我們說請找經理來，經理3分鐘後出現，然後又重複‘我們這裏的芥蘭都是比較硬的’。我可不是第一次吃芥蘭，應該是老的菜才會硬，於是他黑口黑面沒有尾音的說，‘得，幫你換’。以此推想，當我們去一間餐廳用膳，然後投訴餸菜有異味，酒樓的人就回覆，我們餐廳所有的餸菜都有異味。以前鼎泰豐服務細心有禮，點解會變咗而家咁樣😩…Read More

十多年前，會專登坐車去再興買燒味食，但今日決定同再興說永別！ 今天買了半隻燒鴨，回家後發現全個盒都是血水，因為鴨胸未熟，唯有用鑊返熱，但食落口全部皮跟肉都是又韌又冇味🤮🤮其實斬料師傅見到隻鴨未熟，都唔應該斬俾客人。 還有燒肉，起碼要買$100 ，但都係得細細碟，燒肉皮又韌，肉又冇味。最差係燻蹄，倒在碟中，全部爛蓉蓉，都係未煮冧嘅豬皮，附送豬毛，完全不能入口。 難得再興真係上下一心，由燒味師傅到斬料師傅，都係求求其其，敷衍了事！…Read More

朋友生日想試新餐廳，由於John Anthony食評不錯所以決定一試. 食品質素一般 ，但服務簡直不知所謂。每一個菜式隔3分鐘就上枱，已經叫服務員通知廚房慢慢上菜，但仍然係不斷幫我們上菜，講左四次，每次服務員只回答：‘因為你通知我的時候，廚房已經在預備這菜式’。最令我生氣的，是我已通知服務員，我們實在太飽，所以帶去的旦糕會原個帶走，不會在餐廳內享用。但另一服務員仍點燃蠟燭，把旦糕送出來。當我們告訴他我們不會在餐廳內切蛋糕時，他面色一黑，當着我們所有人面前把蠟燭吹熄，然後送回廚房。多謝他的口水噴在我們蛋糕上，亦多謝他代我的朋友吹熄生日蠟燭。…Read More