cwingg1015's Profile

天氣轉涼想打邊爐，但又想留港消費，喺openrice 發現有潮汕牛肉火鍋放題，即刻book位試吓！一入坐即刻上鍋上肉，完全唔會浪費時間，除咗潮汕牛肉任食，出面自助區亦有非常多食物選擇，連香港人最愛碗仔翅都有！飲品區選擇亦非常多，連紅酒、白酒都有得任飲，支酒仲好易入口，一啲都唔差，實在太令人驚訝！雪糕櫃must推本地品牌雪糕，奶茶味好食到唔飲奶茶的我都食咗兩個！仲有掃code叫嘅糖水，都係must eat!!!最後要一讚服務員的服務，非常細心及有禮貌，絕對是近年香港少見！…Read More

朋友推介一間銅鑼灣新開嘅樓上餐廳，話性價比高，啱晒我，講到咁，我梗係要試試！見到dinner set $298/5 courses已經心諗：有冇咁抵？前菜有本灣章紅山魚薄片，薄片真係切得非常薄，充份表現到師傅嘅刀功，搭配清新嘅檸檬汁同香草，十分開胃！之後嘅手拆藍蟹肉多士，賣相一流！主菜同朋友一人揀一個share，白酒煮活蜆意粉同炭燒三黄雞胸青醬長通粉，蜆肉鮮甜、雞肉又唔會好老，又夠飽肚～另外仲有香煎三文魚柳同炭燒西冷，賣相食返最近超人氣嘅黑白大廚，藝術品咁！甜品係我最愛嘅Tiramisu，自家製味道唔會好甜，好圓滿！ …Read More

同朋友喺CWB睇完戲，就去咗附近一間我同朋友好耐無去過嘅餐廳 - 樂天皇朝。好掛住呢間餐廳嘅招牌菜：八色小籠包，不吃不可！店員請我們順序去吃每一個小籠包，先來原味的，糟溜絲瓜，鵝肝，黑松露，芝士，蟹粉，蒜香，川味；一個接一個，味道由淡至濃，令人非常回味。享受過招牌菜就開始食其他小菜了，朋友特意點上了我最愛嘅酸菜魚，酸菜酸酸甜甜、魚肉釀溢了美味魚湯，正！好食嘅小菜仲有蘿蔔絲酥餅同芝麻醬油麥菜，最後加多個竹炭流沙包，大滿足！…Read More

朋友帶我去佢近期嘅新歡餐廳，位於時代廣場後面，電梯一開，見到間餐廳以黑色為主調，幾有型，再行入去見到張吧枱先知原來係酒吧！一人揀咗一個頭盤，我揀嘅Uni Lobster Bisque Arancini，樣貌精緻嘅小盒子，原來係包住用龍蝦汁煮嘅意大利飯，上面再加上北海道海膽，食落好有層次。另一個係Scallop Carpaccio，本身想叫生蠔，但係Menu轉咗帶子刺身，酸酸地嘅汁食落好開胃。之後就到main course: Crispy Beef Short Rib 同 Chicken Roll。慢煮牛肉配以肉桂山楂汁+香滑薯蓉，同啖啖肉嘅雞卷+椰菜花芝士泡泡，賣相靚又好食，最緊要係夠飽！話明係酒吧，梗係要叫返杯cocktails 一路食飯一路傾偈！朋友叫咗杯 Salt Bae, 好重嘅鹹柑桔味，好易入口。我果杯Bao Guk (爆谷) 少少Rum酒配以甜甜嘅果汁味，少女感十足！整體嚟講，呢度環境幽靜又舒適，非常適合嚟食飯傾吓偈chill下！…Read More

收工同朋友約咗喺蘭桂坊飲嘢，飲嘢前先食晚飯。朋友帶我去加州大廈上面嘅日本餐廳，一入去，環境日式得嚟又幾chill，天氣涼涼哋仲可以坐露台，氣氛一流。因為我第一次嚟，點菜就交俾朋友發辦。先食前菜菠菜沙律同Toro他他。將菠菜切好砌成卷狀再伴芝麻醬，做成一道冷開胃菜，非常開胃。之後嘅Toro他他咬落脆脆地，夾住菜食，口感一流。去日本餐廳梗係要試吓刺身，叫咗特上刺身拼盤，一共有六款刺身，都幾厚切，食落夠晒新鮮，特別係toro，入口即溶！配獺祭一流！龍蝦湯磯煮鮑魚，侍應特別介紹鮑魚用sake煮、墊底嘅蘿蔔用冰糖煮，再加上用龍蝦殼熬煮嘅龍蝦湯，絕對推介！爐端燒就揀咗宮崎和牛筋同京都Shishitou青椒仔，和牛筋食落好淋，簡單用黑椒同鹽調味，青椒仔食落少少苦澀唔辣，下次嚟一定再order!侍應特別介紹嘅椰菜花天婦羅，用薄薄炸粉加上好似甜酸汁煮，好新穎好有咕嚕肉feel！本身食埋鰻魚炒飯已經好飽，但聽到隔籬枱上crème brûlée ，我哋又跟叫。小小的crème brûlée 有3款口味，包括芝麻、綠茶同咖啡。個人最愛芝麻味，味道非常突出！今餐真係色香味俱全，大飽口福，價錢亦唔算貴，下次一定會再嚟！…Read More

朋友發現海防道新開了一間Omakase, 每位$1000多少少，就膽粗粗book枱試下！一出𨋢，個門口都好日本feel。店內全bar枱，只有14個位，環境細細地，可以同師傅傾吓計。晚餐共17道菜，加錢仲可以sake free flow，連個sake杯都有得揀！啱晒我呢啲sake之鬼首先係前菜3品，食物酸酸地嘅開胃小菜。有水雲、明太子炸蓮藕同用赤貝邊做嘅卷物。跟住上刺食，有季節限定的龍蝦！首先出場係愛媛縣蜜柑鯛，肉質鮮甜帶有淡淡的蜜柑味，刺身以竹炭鹽伴食，魚皮則配壽司壽油。之後到時令南澳龍蝦，鮮甜中帶海水味！第三道係衝擊味蕾的白子精囊！其實係Omakase時常出現的菜色，但我就係第一次食食落滑滑的，少少似食蠔嘅質感。食完齒頰留香，好impressive！接住係爽脆彈牙的北海道白見貝同熊本縣島池魚。炸物係鹽燒吞拿魚，不得不讚師傅將魚皮燒到非常脆口，送酒一流！上壽司之前，師傅特別介紹自家製柚子蘿蔔，淡淡嘅柚子味，帶出蘿蔔的甜味，令原本有少少飽肚的我又開胃返！壽司米用上山形縣女王米，口感煙韌。壽司6貫分別有山口縣赤貝、梭子魚、銀鱈魚、有日本最肥美之稱的池魚、季節限定的熟成7日大拖羅同味道濃烈小肌魚。食到呢度，都真係8成飽，但係。。。跟住出現的是九州A4和牛丼！香味係未上枱已經聞到！加半熟蛋黃伴食，肉質入口即溶，忍唔住讚爆師傅！最後係江戶前玉子燒，樣似蒸蛋糕，但係玉子燒味，係師傅特別用兩個多小時制成，師傅到笑說下次未必再有！加埋超濃蜆味的湯，飽到100%!甜品是自家製抹茶奶涷，上面有粒黑豆玉露，超濃抹茶味配甜甜的玉露，絕配！以此作結，令客人滿足的離開！食材高質，價格親民，加上師傅同店員都親和友善，相信會成為我飯堂之一。大家要食就早啲book位喇…Read More

腸胃炎落去食碗粥，叫餐跟齋腸。等咗15分鐘先出餐，唔緊要，我去隔離撳下錢周圍行住等都得。餐廳好大，平日中午人流唔多，都是老人家。所以唔洗搵定位。齋腸粉邊邊落咗辣油，冇問題，自己避開唔食都ok，但豉油唔多夠，問店員有冇豉油，諗住自己出去拎，點知佢即刻拎過嚟，服務周到！讚！但係碗皮蛋瘦肉粥就出晒事，勁杰又勁咸，完全食唔到，作為一間受老人家喜愛嘅粥店，係咪太重手呢？真係唔知啲老人家點食到😨為咗早日康復，我只好果斷放棄呢個餐。…Read More

銅鑼灣新開咗間fine dining 餐廳，本身想夜晚去食，不過政府要防疫，唯有改lunch去。Lunch可揀4 courses/6 courses，我同朋友揀咗4 coursesAppetizer我就揀咗煎鵝肝伴蘋果醬Main就加$280要澳洲M9和牛西冷點好菜，侍應先上麵包籃，估唔到連麵包都有三款，仲可以任refill。上完麵包，就到starter，淨係見到彎月形嘅碟，已經覺得個擺盤好靚好特別，又係要相機食先！我最鍾意嘅係中間嘅紅蝦tart，tart底用春卷皮炸，酥脆可口。Appetizer嘅鵝肝煎得唔會太乾/油膩，伴蘋果醬剛好中和鵝肝嘅濃味。上main course之前，侍應特登拎咗盤刀出嚟，可以揀刀柄嘅顏色，好高貴。不枉加錢食頂級M9和牛西冷，肉味濃郁、嫩滑順口。甜品係yogurt sorbet，食落酸酸地，剛剛好中和返之前食物嘅濃味。最後餐廳仲送咗支消毒餐具嘅火酒俾我哋，個包裝好似香水咁，美觀又實用！…Read More

下午茶時間，想搵個地方同朋友食小小嘢傾下計，就去咗附近覓食。之前食過荃灣店，性價比超高，今次就去天后店。天后店裝潢比較簡單，有平民街坊feel，同蠔站平易近人嘅價錢相符。有$10生蠔promotion，即刻叫返半打，再配香辣炸雞翼同加杯白酒，一路食一路傾計，夠晒chill!估唔到$10嘅生蠔都唔差，係Ireland 嘅Carlingford，size雖小但肉質鮮甜👏🏻炸雞翼係即炸，唔太辣又夠脆口！臨尾叫埋個法式焦糖燉蛋伴雪糕，為呢日嘅下午茶時光劃上完美句號！…Read More

同朋友去灣仔新開中菜廳食飯，見到餐牌有個二人套餐有雞有魚都只係400幾蚊，就直接落單。我們揀了竹笙瑤柱海皇羹，上枱時熱辣辣之餘啖啖肉，味道同口感都一流！之後係套餐以外嘅小菜，因為我同朋友都鍾意食香口食物，所以忍唔住加了碟炸豆腐，雖然餐牌話有🌶，但一點都唔辣，只係有點椒鹽調味，咬落外脆內軟，而且份量好多，性價比超高！瑤柱貴妃雞，雞肉嫩滑，味道較淡，夾埋瑤柱絲食，味道啱啱好！蝦籽柚皮拼花菇，2粒大大粒嘅冬菇煮得非常入味，配上清清地嘅柚皮食，中和返個味道，不過呢碟餸一定要襯熱食先最好味！至於清蒸海斑，上枱時真的嚇了一跳！冇諗過二人餐海斑會咁大條！肉質非常鮮嫩！蒸魚的時間掌握得很好。由於夠大條又啖啖肉，終於可以食個夠！感覺就好似補償了婚宴上的那條永遠只食得一啖就俾人食晒的蒸魚！主食是臘味煲仔飯，竟然是一人一小煲，用臘肉、臘腸及潤腸煲成，估計有碗半飯嘅份量，夠晒足料飽肚！最後以糕點作結，非常滿足！…Read More

好掛住日本！好想懷念一下日本旅行嘅感覺，所以搵咗間日式鐵板燒！睇完餐牌，點咗$2680美國牛肉鐵板燒二人前，可以揀要龍蝦或者澳洲鮑魚，大蝦或者北海道帶子，對蝦敏感嘅我都有得揀👍🏻連環食完前菜、沙律、刺身、同蟹肉牛油果他他，就同朋友傾吓偈，睇吓夜景，同睇吓師傅喺鐵板上處理我哋嘅主菜。😋特別想讚吓個刺身，有厚切吞拿，間八同深池，非常新鮮甜美！之後就到主菜鮑魚，隻鮑魚大過我隻手掌！師傅好細心咁燒同切片，燒嘅時間掌握得非常好，唔會過韌😋帶子亦都一樣，切開有汁流出，非常juicy!食埋厚薄切兩款嘅美國靚牛肉、飲埋碗麵豉湯開始有啲飽，呢個時候再送上一碗熱騰騰嘅炒飯，香味洋溢，又忍唔住食晒！估唔到連最後一道菜都非常有驚喜，甜品竟然係疏乎厘pancake！pancake超級鬆軟，又唔會唔夠熟出水，真係勁有喺日本食pancake嘅感覺！🥰食物水準同服務同個非常美麗嘅洗手間都令我有自身日本嘅感覺，食完又唔會有油煙味，我真係好鍾意呢度呀！…Read More

夜晚同港島區朋友食飯，秒速諗起去銅鑼灣食生蠔！一坐低先叫個生蠔set，揀咗支中價位嘅白酒olypmus sauvignon blanc 2017，呢支白酒香醇，容易入口，配生蠔非常夾！揀咗半打中碼生蠔，其實都好大隻，食落有少少海水味又唔會好咸，仲有d鮮甜！再來叫了煙三文魚沙律、炸雞軟骨同白酒煮馬尼拉蜆做頭盤。主菜當然係要叫海鮮: 焗海鮮拼盤！淨係芝士焗龍蝦都值回票價！拼盤仲有田螺，扇貝同大啡菇，大大碟好食又抵食！由於朋友想食d肉，我哋再叫了美國安格斯肉眼扒，肉質幼滑多汁！食到抱住個肚走🤣…Read More

元朗千色店後街美食雲集，見到有間賣古早味蛋糕嘅小店有幾個人排隊幫襯，我就抱住我嘅好奇心買返個試吓。想特別啲，揀過我最愛嘅伯爵茶口味。店員特別叮囑放入雪櫃第二日食，先係最好味嘅食法。不過先食先享受，返到屋企忍唔住切一舊嚟食。喺盒度拎出嚟已經聞到好香嘅伯爵茶味同蛋味。心急嘅我拎咗把小生果刀來切蛋糕，先發現個蛋糕好大個喎，真係每次厚切食一塊都夠晒！蛋糕咬落非常鬆軟，伯爵茶口味非常明顯！食完一塊之後我就將佢放返入雪櫃，好似店員咁講，第二日先拎返出嚟食！第二日再拎出嚟食，果然係比較好味，可能雪凍咗，咬落比較有口感，而茶嘅香味更加明顯！下次要試埋朱古力同肉鬆海苔味先！…Read More

收工同兩個同事去美麗華食burgeroom，如果唔係同事提起，我都唔記得原來好幾年前我有食過銅鑼灣嗰間。印象中burgeroom嘅漢堡包好大件，不過由於我哋都好肚餓，3個大食怪每人一個漢堡包都唔夠，仲叫咗3款小食share，結果發現原來所有嘢都好大碟，就開始擔心食唔晒！熱愛牛油果嘅我揀咗牛油果醬芝士牛肉漢堡，同事分別叫了大烤菇芝士牛肉漢堡及煙肉芝士漢堡。牛油果醬芝士牛肉漢堡有超多牛油果醬，配搭芝士加牛肉，超級開胃惹味，絕對係牛油果fans必試 ！大烤菇芝士牛肉漢堡絕對係”包魚其名” ！個大菇真係同塊漢堡一樣大，見同事咬落去滴到成枱汁，就知有幾Juicy!小食方面，叫了芝士旋風薯條、芝士雞塊及單骨雞翼配蜜糖芥茉醬，又係大大碟，性價比超高！3個人食到攬住個肚出去，勁滿足！…Read More

之前行過餐廳門口，見到有$10生蠔優惠，心郁郁想試吓，星期六就特登過去食Lunch原來每日供應嘅生蠔都唔同，是日推介係法國生蠔，於是就同朋友叫咗一打12隻。另外再叫2個lunch set，我叫美國豬肉眼配薯菜，朋友就叫石燒蒜片牛柳粒。估唔到特價生蠔都幾大隻，蠔肉鮮甜，口感細滑爽脆，食幾隻當前菜剛好開了胃口。豬肉眼配薯菜有餐湯羅宋湯同麵包跟埋。豬肉眼唔會有雪藏味或者好重既豬臊味，配薯蓉一齊食唔會好膩。朋友嘅石燒牛柳賣相超好，配麵豉湯、沙律菜同白飯，充滿日式定食感覺。牛柳肉燒落唔會好韌，口感鮮嫩酥軟，肉質細嫩多汁，$118非常抵食。埋單每人都只係$200，性價比超高！趁生蠔優惠未完，要再嚟多幾次！…Read More