Subie Yung's Profile

是日留意到網上評論到此店排隊，約半小時，點了二餸牛腩+ 牛筋，豆漿加了$11。份量足、湯底濃、幼麵爽，餸得多，吃完麵後還有麱。是日見到有大台來拍攝，也有內地人截門來排，值得再來的一間小店。…Read More

今晚應約到西貢參加親友餐聚，試了這間喺巿場街的炭之燒鳥yakitori, 真心覺得好味，食得又開心所以想開個post 寫下食評。呢度主打一串串的日式串燒，我地人數多所以試咗好多款食物：牛脷/雞翼係必點的！食yakitori緊係點啲特別部位，雞掌肉串，雞腳筋，雞頸肉，係佐酒之選！油甘魚餃都好好味！我哋一家大細大人邊食邊飲，小朋友都好多選擇，枝豆、烏冬大家都食得好開心。估唔到係佢個燒茄子真好正，燒到軟化去埋皮加上木魚絲喺上面好好食！所有食物即叫即做，制作用心。最後你想飽肚的話，叫埋佢嘅燒飯團，鵝肝雙蛋飯，就一定飽晒！呢度食嘢真係豐儉由人，你鍾意食飽啲就叫多啲肉、烏冬/飯類，想隨便送下酒就叫啲串燒，同行親友之前食過話佢哋唔會hard sell 野食野飲，冇套餐，冇限時，冇最低消費，完全由客人自由配搭。但如果有問題關於食咩點叫法店員相當樂意回答，我哋人均400多，飲咗少少酒，同飲品，又串燒又飯真係飽到上心口。以一餐呢個食物質素又不限時又唔係咩大集團的餐廳，開放式廚房見佢哋每個餐點默默用心做，今時今日的香港，出街食飯，隨時留意客人需要，真係好多大餐廳都做唔到，真係好唔錯。希望佢哋keep 住做好, 下次去西貢一定係食堂選擇之一！…Read More

今日本身約左家人食個生日中午飯，去新達廣場，本身唸住飲茶但要等二十張枱，所以被迫揾其他野食。我對連鎖餐廳一向冇乜好感，見呢間燒肉個門面唔錯，冇唸過入面咁失敗。配燒肉個日本米應該基本有既熱，軟硬適中、粒粒分明全欠缺、又凍又硬又乾、三樣齊晒—-》都冇！真係好差!飯係出面自助區大飯煲入面自己畢，畢完已經有伏既感覺，再拎埋沙律，湯，水，餐具，已經冇晒心情，返到埋位個set 上啦，牛肉係過得去既，但，個底盤係凸起壞左既，搞到我成餐飯都要就住個盤嚟食。除左上菜&收菜外，由落單，拎沙律bar , 湯，水，以至餐具牙簽，所有野都係自助式，我唔明而家加一服務費係咩標準？本身有唸過向店員反映個托盤彎左，但，見佢哋同其客人講嘢既語氣唔係特別友善，就算啦，所以先喺呢度寫食評。肉既質地係唔差既，但其他配套只有用伏嚟形容。沙律菜係亂既、個洋蔥牛舌面豉湯係清優冇味，個燒汁係hea ，跟餐個罐裝提子梳打好甜，全部都好hea，最難食係個白飯！間餐廳比我既感覺係，你比百零蚊食飯係食呢啲架啦，但問題係，我覺得可以再做好啲！值得一提，個地下係「線」既，放腳底既儲物藍係爛既！總之，冇心做既餐廳，點解可以咁多人幫襯，做到大集團連鎖式，有心做既小店，一間一間結業，我只想攞個平衡，好食既一定回頭，呢間一定冇下次。…Read More