BillyWong1599's Profile

炒咗收銀個阿姐佢啦態度衰到冇人有黑口黑面好好禮貌，同佢講好似得罪佢咁樣係咪生意做唔切好好生意？如果係嘅話就唔好開門呀斬料師傅就幾好禮貌講嘢講唔正嗰個阿姐啊唔係歧視你呀，只不過係你態度衰到冇人有…Read More

第一次來飛鷹，平時經過都見到好多人排隊今日終於第一次嚟試吓，帶埋我阿媽同埋女朋友一齊嚟食下，好啦一嚟到呢，見到門口又要等位，等左唔係好耐大概10分鐘到左右就有位啦，咁我就推住輪椅，準備叫阿媽起身摺埋張輪椅嘅時候！個四眼佬侍應指住張輪椅話唔入得， （我已經想爆）我話張輪椅可以摺埋㗎，佢話一係放出門口，（又準備爆之際）佢話可以放返入鋪裏邊，諗住開開心心食嘢就冇同佢講！其實期望都唔算高點知入到去真係瀨晒嘢？叫咗三個餐，肉眼牛扒餐，雜扒餐，焗海鮮飯！跟住我阿媽話想飲周打魚湯，就問個四眼老女侍應，可唔可以加錢轉周打魚湯，佢話可以咁就轉左啦，見佢個周打魚湯原價都要成40幾蚊，我諗都應該唔錯！點知.......先來左兩個湯，一個羅宋湯，一個忌廉湯，飲飲下見餐包未黎就問吓個侍應，講四眼女老侍應，問返我轉頭問我地未食包咩，（唔係諗住我貪你個包呀嘛？）佢又走番轉頭問吓人，先可能發覺真係未俾我哋，就攞返兩個包過嚟！嚟咗兩個餐包，可能諗住個周打魚湯俾你先俾咗兩個餐包你！點知我地飲完兩個湯之後，個周打魚湯都仲未嚟，又問吓佢，佢話個周打魚湯係要特別整嘅，所以要耐D，好等下你！個周打魚湯嚟到喇，問過女侍應仲爭一個餐包，佢話因為你嗰個係焗海鮮飯所以係冇跟餐包嘅，我心諗咁就算啦，因為都唔係好想食咁飽！周打魚湯我又試吓味，頂！咪同頭先嗰忌廉湯一樣，就係多咗啲好似肉絲咁嘅魚肉！仲有雜豆😡有咩分別！咁使唔使整咁Q來啊😡😡中伏第一擊！個牛扒餐同埋雜扒餐都黎啦，嗰塊鐵板又唔熱，牛扒冇牛味，雜扒鞋颯颯！叫做個焗海鮮飯正常少少！係正常，唔係好味！算啦，食完就同自己講永遠都唔會再嚟啦！點知個女侍應突然走埋嚟，佢話頭先你個湯爭一個包，而家要比返你！我終於爆😡😡😡我話頭先問你攞你又話冇又話焗海鮮飯有飯唔跟包😡😡😡（同香港政府1Q樣，當你需要佢嗰陣時你唔嚟，唔要嗰陣時你又要俾我😡😡😡😡）我阿媽同女朋友都叫我算數! 就收聲唔嘈啦！所以就嗱嗱臨買埋單算數走人啦！貼士就梗係唔俾啦！第一次寫食評😡😡嬲到震😡😡一次都嫌多，永遠都唔會再嚟！垃圾😡…Read More