lwy_nomnomnom's Profile

說同家中長輩食飯 想食中菜啦但中菜又好多都藍 好食嘅中黃店更加難得 棘手欸😥 最後喺#wolipay搵到呢間喺九龍城嘅中菜館 環境唔失禮又有哂圓枱咁 但唔算多人😰 成晚好似都係做幾枱 可能lunch會多人啲？(Btw 我肉眼睇就唔見任何文宣 但播ViuTV的 同埋喺app睇之前有人post過圖話佢有文宣)講返食物質素 禾覺得唔錯！爸爸話食落似客家人做廚 菜式有啲仲幾有新意😳 有啲招式會貴啲 但好多其他都抵食！老闆都係好人嘅 會同食客有傾有講👏🏻🔸酸菜魚($398)鉗魚/鯇魚揀咗鉗魚 (我讀咗’金’被強力恥笑🤦🏻‍♀️) 幾好喎 連啲白蘿蔔同大芥菜都超入味😧 酸味出過辣味 而且鉗魚一路滾住都唔會老🔸黃金四季豆 ($78) 四季豆爽嫩但包咗鹹蛋黃炸 好好味而且特別 全家一致好評 見menu仲有黃金茄子揀🤫🔸薑蔥霸王雞 ($108 半隻) 算滑 調味有薑蔥蒸魚嘅味道😂🔸藥膳雞腳 ($58) 係冷盤唔係浸上湯嗰種 似醉雞嗰種調味但有杞子嗰啲藥材 鍾意食醉雞翼嘅我反而覺得有驚喜💮🔸海皇聚味炆蟹飯 ($488) 寫明一隻蟹 聽落有少少貴 但個飯係超大份 八人份量咁😂 而且好足料嘅 有唔同嘅海鮮同菇又有蟹籽 而且因為炆過 所以蟹汁滲哂落啲飯度🤫…Read More

呢間胡爐之前我試過cwb分店嘅鮮椰青雞鍋 會有人喺你面前落酒 放晒火去炒個鍋底啲椰子同雞僻腥再放湯 好啱打卡的😂 今次試埋tst分店 環境上我覺得都係cwb店fancy啲 但tst店就有個分店限定嘅金翅乳鴿鍋 感覺好補 要試!🔸湯底$328 但11月promotion係人均消費滿$200就可以+$1選購🤓 精明嘅消費者🤓 其實真係好足料 有翅有花膠有金華火腿同瘦肉 計材料都值返個價 乳鴿仲用半個南瓜裝住唔會煮老 幾有心思仲好入味🤲🏻 但個湯本身比起椰子雞係清一點！有quota啤啤佢🤣🔸頂級安格斯肥牛 ($228/小份) 其實唔小 新鮮靚牛 冇乜筋👏🏻🔸黃金炸魚皮($88) 唔同出面 是直身一片片的 香脆得嚟唔會太鹹/膩 兩個人都ko到成碟🔸皇帝柱貝墨魚丸 香菇韭黃帶子餃 XO醬鮑魚蝦餃王🥟 (各$58/半份) 聽名都夠晒矜貴 各自都食到鮮味 而且我鍾意胡爐啲餃子全部新鮮包 皮真係薄😯…Read More

今次介紹呢間黃店cafe喺駱駝漆一期 見到駱駝漆個大名已經做好心理準備排長龍搭𨋢🚬點知原來一期係喺閘門左手邊 李圓圓隔離嗰棟 唔使排！ 1秒心情變好系列😂入到去發現餐廳其實算大 寬敞明淨 有陽光嘅下午幾好坐😯 而且 有 貓！有好多隻 好肥好精靈會跳上枱面同你玩🤭 貓奴請領取福利圖👉🏻 (保障貓貓同客人 每個人入去之前要穿鞋套同消毒雙手)🔸 lunch menu每兩星期轉一次$78至$108不等 包餐湯 蜜糖麵包條同$38或以下嘅飲品 可以補差價轉其他💁🏻‍♀️🔸是日餐湯係南瓜湯 同焗到脆脆嘅麵包條好襯😛🔸法式普羅旺斯燉雞肉飯 ($88) 醬汁偏酸一點 蕃茄西芹同紅蘿蔔嘅味好出 出奇地啱我口味 我覺得幾開胃😳🔸黑蟹籽拖羅茸卡邦尼扁意粉($88) 呢個我覺得好好味 個汁好creamy但唔鹹 味道主要來自黑蟹籽 煙肉同拖羅茸 所以鹹得嚟仲有少少鮮味🔸 餐飲我加錢轉左400次咖啡同薄荷朱古力 其實禾大鄉里係第一次飲😂 感覺好多foam 同粉 口感幾特別 但我自己就鍾意啲濃郁啲嘅傳統咖啡多啲🤫…Read More

估唔到牛頭角都有得食omakase! 呢間餐廳都算係半新開 我去食嘅時候仲禁緊晚市堂食😥 加埋新店開張 做緊全單八五折或者omakase第二位半價😧 (而其實佢嘅omakase就唔貴 $380/$480/$680)最開心係嗰時啱啱新開直頭兩個人包左舖 坐bar top睇住師傅捏壽司 成間鋪淨係serve我哋兩個 宜家聽講小夫(full 哈 哈)🤹🏻黃藍地圖無資料 但我留意到佢放咗厚厚嘅一棟蘋果喺門口附近🤫我要咗個自選十件壽司套餐($158) 朋友就喺lunch menu揀咗三文魚親子丼($88) 買單八五折完都係$200多啲 荷包感覺良好😚🔸時間過得好快 弟子經已寫唔返自己食咗邊十款壽司🧘🏻帆立貝好甜好甜 仲貪得意叫佢平時少啲食到嘅池魚同埋真鯛 唔腥👏🏻好快👏🏻🔸朋友大讚號壽司子丼 三文魚係肥美嘅厚切 睇顏色就知新鮮 三文魚子又大粒🔸Wasabi係即磨(雖然我唔食)🔸午市送麵豉湯同沙律🤰🏻…Read More

真。隱世小店之次次去都幾乎/真係包場lol 可能因為餐廳喺一條長命斜上面？😂 但其實佢門口貼滿米芝蓮 (not米豬連🙊)推介嘅logo 年年都有咁滯 最新係2020！小店嚟講都唔簡單🤔發現原來身邊都幾多人有屋企人係印尼華僑😯 呢間印尼餐廳就係由一個媽媽係印尼華僑嘅朋友推介 裝潢係嗰種傳統家庭式 絕對唔清新小文青但好乾淨 最緊要係咁🤔？Menu比我認知中嘅印尼菜更多選擇 食咗幾次都仲係覺得有好多款式未試過🦦🔸 朋友每次都會叫印尼雜錦飯($63)問佢最鍾意邊款餸 佢話嗰啲類似豆角嘅菜因為好入味 但留意到佢次次都將炸雞留返最後先食 (寶物尋歸底😏)🔸梭多雞湯飯($58) 有雞絲 炸🥚 薯仔同菜 雖然係湯飯但其實幾濃味 仲有乾蒜嗰啲 我秒清咗碟飯 但賣相唔夠ig-able唔post🤣🔸沙嗲雞串($70/6pc)都好味 但相較其他無咁exotic 始終香港人常食😛🔸所有食品不設跟餐 飲品要單點感覺無咁抵 今日試咗檸蜜海底椰($32 冷熱同價) 個配搭幾潤幾match 賣相仲唔錯😋🔸之前仲試過加多加多 (印尼🥗)、牛尾湯米粉、印尼燒雞飯、印尼炒飯 又飲過印尼咖啡☕️ 無一樣係伏！…Read More

尋日冒着紅雨試咗呢間黃店😂！地方唔大 但都算企理 食物由落單到上枱大約需時20至30分鐘💁🏻‍♀️ 同朋友兩個女仔唔餓 叫咗圖中呢啲 加一份金菇肥牛卷 一個番薯雪糕同兩杯特飲 埋單$375 價錢合理✔️🔸蟹膏蟹肉煲($60)最好食 味道同其他餐廳嘅甲羅燒差不多 好香 但略嫌細份🔸串燒嚟講牛舌稍為硬身同乾 但其他都幾好 尤其一口芝士😛🔸燒窰玉子燒($34)賣相100分🤓 調味都好啱我胃口 甜甜的又無太實 幾好🔸鵝肝一舊飯($45)用咗米通 我覺得用返白飯/壽司飯會好啲 因為炸過會油啲同吸收唔到鵝肝嘅油脂🤔 但鵝肝本身係夠肥同煎得夠香嘅 建議大家試下鵝肝多士！…Read More

由上個星期開始就突然好想食片皮鴨 但中菜好多都係藍 咩古琴呀 美中鴨子(i.e.美心)呀千祈唔好食 又唔係無可替代🙅🏻‍♀️ 唔會為咗食隻片皮鴨就俾錢藍絲廢老賺啩🙅🏻‍♀️ 所以最後揀定咗好多區議員都有做團購嘅富東閣🤤 片皮鴨每日供應量有限 想食嘅朋友記住預先打去訂位加預留定隻鴨 (文末有電話)唔好白行一趟啊⛑🔸片皮鴨$198 一份 加$30可以一鴨兩食 要多份七彩炒鴨絲/涼瓜炒鴨件/醬爆鴨件🥳 留意 極大份😂 我哋兩個人叫咗片皮鴨加七彩炒鴨絲 再加多個上湯金銀蛋浸白菜仔 完全食唔晒 打包左大半碟七彩炒鴨絲🤭🔸味道配搭嚟講其實我覺得片皮鴨點都唔會太伏 海鮮醬、青瓜絲、京蔥、肥鴨 nth can go wrong! 就係鍾意食呢隻味🤤 不過記得每次拎完塊皮都蓋好個蒸籠 如果唔係凍咗就會硬身啲😛 同埋富東閣啲鴨連肉比較多 會比較有飽腹感 🔸兩款小菜我都覺得好好食 金銀蛋時蔬又係唔會出事之選 七彩炒鴨絲我以為會係三色椒 點知用咗韭菜花加紅椒黃椒 幾香口😳👏🏻…Read More

今日有啲事要去創紀之城 點知做完嘢就落雨😥 冇心機 諗住隨便買個外賣返屋企食 去到愛琴坊竟然有中東菜揀😧 有kebab又有pizza 飯或者薯條餐 可以一戰🤔雖然我買外賣 但愛琴坊其實都有得堂食kebab of the day嘅套餐都唔算貴 加$8仲有lassi！諗咗一陣最後要咗個羊肉薯條外賣 又買多咗份咖喱雞加薄餅俾我妹🤫 外賣就不求賣相㗎喇 始終食物質素最實際 如是者 頹頹的兩個外賣一覽但係個羊肉薯條我覺得好好味！首先中東菜嘅薯條永遠唔會永我失望 🥔🥔🥔而且羊肉氊得嚟幾香 唔使加薄荷醬 我專登叫餐廳俾多啲sources 兩樣夾埋再加醬好惹味 懷疑多半份我都食得晒😂😛 下次經過有機會再幫襯！…Read More

如圖 $388二人餐嘅份量係超大😂 我仲要不知天高地厚咁加咗喺右邊嘅鴨血($52?)同埋牛筋($39) 結果湯都淨咗一桶 仲留返好多料第二晚再嚟多個火鍋湯底加菜加魚滑加牛筋先食得哂...但係味道係好味嘅 啲牛幾高質 牛夫人秘製麻辣湯小辣都唔算真係好辣 反而好似有少少蕃茄味😮 豉油成支俾你方便保存 芫荽蔥乾蒜同蒜又每樣滿滿一盒獨立包裝加$30速遞費就好多區都可以送上門 唔止係有分店嘅區域 私心覺得如果套餐嘅花雕醉雞件可以換成麻辣鴨血就最開心喇😳 但總括而言 抵食又好味 我自己覺得如果食量唔大嘅三個人都夠 …Read More

早兩個月食咗嘅海鮮蒸鍋 但因為疫情要work from home日日都好忙無心機寫食評 今日寫返先！餐廳喺mikiki附近 招牌搶眼算易搵 裏面都光猛企理 仲一早自發提供酒精搓手液Menu方面 餐廳提供按人頭收費嘅海鮮餐 2百幾至最貴6百幾都有 其實最平嘅2百幾我覺得已經幾豐富 不過越貴啲海鮮當然越矜貴啦 有啲仲有埋靚牛食 我同朋友就梗咗中間價 $399嘅套餐 飲品要另外嗌 我哋叫咗一jar嘅好似抵啲話明蟹仙 主打當然係食蟹 不過朋友咁啱對蟹敏感 老闆娘好爽快咁幫佢嗰份轉咗做瀨尿蝦 都好正！基本上樣樣海鮮都新鮮 用料感覺唔馬虎 連鮑魚都有 講真無一樣我唔滿意 下面有圖有真相 大家自己睇蟹可以梗軟定實嘅膏 我揀咗實嘅 好好肉仲超多膏！食完仲想再食蝦蝦蝦 瀨尿蝦睇色水都知新鮮 海蝦又會砌成心心相印形狀個餐仲包蔬菜籃 多種類都新鮮 但以食咗咁多嘢嚟講...份量有點多 （雖然媽咪話呻飢莫呻飽...)然後係隆重介紹 雖然海鮮全部都好出色 但過咗一排仍然令我念念不忘嘅 其實係呢個鍋底粥！粥底一直喺蒸鍋下面 吸收哂海鮮嘅精華所以超甜配埋菜譜 葱花同南瓜等等 食唔哂打包第二日叮返熱嚟食都好好味！老闆娘心情好送甜品 點估到係椰汁燉官燕咁大手筆 又係驚喜最後埋單900幾 唔算平但同食物同服務質素絕對成正比 已經約定朋友下次再encore …Read More

好耐冇食shabu shabu 今日嚟到大本型嘅foodcourt竟然有shabu shabu放題 仲200零蚊位就有交易 why not？雖然係foodcourt入面但裝修企理晚市放題可以升級要埋刺身 肉類同刺身係用電話落單 其他自助一坐底周圍望 已經見到有燒物 刺身同甜品等等 好想快d去拎野食添 不過黎得shabushabu日式放題 當然都要揀埋個湯底先啦 選擇好多 有豬骨 辣湯 等等 最後我地就揀左壽喜燒急不及待出去拎野食啦 燒物有竹輪 餃子 仲有炸物例如洋蔥圈 著條等壽司都應有盡有 不過我自己就prefer刺身多d啦 刺身選擇多 不過大部分香港人應該都係揀三文魚 吞拿肉 甜蝦咁啦 講到主菜 都係shabu shabu 有3種牛揀 你當係高低中級既牛 高級既和牛就得一碟 係幾正架 不過中級就可以無限叫 當然要叫多d la另外有豬同雞肉 不過我都係中意牛多d海鮮類都有好多可以揀 有蝦 蟶子 蜆 螺 等等 我就對貝類唔算太大興趣 反而蝦就幾鮮味 可以話仲鮮過甜蝦添另外當然唔少得打邊爐既一系列配菜啦 各式丸類 菜類 山根 豆腐 豬皮 種種都應有盡有 任大家自由去拎飲品都非常多選擇 汽水 果汁 茶 你想要咩都有甜品就有雪糕 布丁 啫喱等等 真係食到你捧住個肚離開啊…Read More

Shine我其實食過好多次 食評都寫咗唔止一次 不過好嘢不妨一寫再寫😛佢唔止一間分店 而我覺得間間分店環境都幾decent 特別鍾意佢嗰個上面係香港天際線 打光落去下面會show到餐廳名出嚟嘅裝飾🙊 Menu 飲品我同朋友揀咗peach yoghurt同mixed berries yoghurt 各$68 上枱嘅時侯竟然有啲似曾相識嘅感覺 懷疑我自己唔記得 但其實次次都係叫呢兩杯😂😂😂 好飲嘅 幾fresh 有啲lassi嘅感覺😯 相較下mixed berries個賣相更吸引🤓小食我哋要咗芝士焗肉醬薯皮 薯仔加芝士加肉醬嘅配搭 其實一定好食 而且焗得好脆🙊 仲好大份 一客有五件 都幾飽肚㗎Pasta我揀咗辣蟹肉彩椒闊條麵 都幾足料 啖啖有蟹肉咁滯 加埋彩椒味道更加多層次😚 不過嗜辣嘅朋友注意 我會評佢個辣蟹肉為近乎唔辣 比十小辣更唔辣😂朋友個虎蝦南瓜rissotto望落都唔錯 好大隻蝦😴 我試咗啖飯幾煙un同入味 朋友就表示虎蝦都幾爽埋單$671 以環境 食物質素同服務嚟講都可接受！😛…Read More

之前都幫襯過普慶坊嗰間我愛慢煮 令我讚不絕口 估唔到咁快就開咗新店 睇嚟經營有道😛今次嚟到新店 感覺都幾唔同 無論係擺設 格調 都幾有自己既風格 偏金屬工業風 但最重要係食物質素keep唔keep到🔥一樣走半自助形式 餐具等等要自己拎menu同本店亦有分別前菜點咗一客雜菜沙律 幾開胃😛 熱情果特飲賣相夠哂Sharp仲有好多果肉！兩個人來到 每人一款主食 一款配菜就走唔甩架啦我就要左法式油封鴨脾 入口香脆 一咬 鴨皮內既油香走哂出黎 成口都係鴨肉加油香 好滿足🤤🤤🤤 (同時好邪惡😰)配菜我叫左牛油cajon蝦仁串 呢個串燒得好香 味道都唔錯 不過如果係用上大蝦 或者虎蝦就更加正啦另一個主菜係法式豬鞍架 不慚係慢煮 豬肉非常之腍又唔氊😛😛😛溫泉蛋本來諗住同豬鞍一齊食 後來發現同鴨脾 ／蝦仁都夾🙊🙊🙊甜品係士多啤梨waffle waffle勝在熱辣辣 配上士多啤梨同雪糕🍦 無得輸😛…Read More

呢間dreamer cafe都少少隱世 係香港大學站行過去都要大概5-10分鐘 落係一條靜靜嘅街上😂 不過我就係中意呢種遠離人煙既感覺 等我週末可以靜靜咁享受下空閒既時間 放鬆一下心情店內位置唔多 但樓底算高 無侷促感可惜了呢個恬靜嘅空間 因為下晏同朋友各自都有嘢做 所以今次黎既主要目的係食午餐 下次先黎hea啦🙊lunch menu有幾款選擇 包括2種是日pasta, all day breakfast, avocado and toast同salad 大食既我地 當然就會揀pasta 另加all day breakfast laPasta 有2種揀 分別係冬蔭公螺絲粉 同紅酒汁鴨胸意粉 因為我就唔係好食辣既 所以就揀左後者 紅酒汁鴨胸意粉 鴨胸唔會係好薄果隻 好厚肉 咬落係啖啖肉 平時食鴨胸成日會太大塊皮 今次就岩岩好 紅酒汁就好香 有淡淡既酒香😯 又未至於令人醉既 聞落已經好香 同鴨胸都十分夾🤓All day breakfast 非常豐富 scrambled egg又滑又嫩 比起好多茶餐廳既炒蛋都要出色 煙肉煎得香脆可口 香腸外皮好脆 食落又係啖啖肉 牛油果大大個！係我既至愛 我自己就鍾意將牛油果同scrambled egg 同toast一齊食 好夾又fresh😛但不得不提自家製既apple earl grey jam (中間嗰一小砵）好 好 味！🤤🤤🤤 真心earl grey味好出 但係又不失蘋果既果香 十分欣賞店主既誠意同創意❤️飲品我叫左earl grey choco 同樣地earl grey味都係好濃 拉花仲好靚！飲落似係朱古力 但係聞落就似earl grey多啲 有趣嘅感官體驗😂另外一杯係roasted hazelnut 除左有咖啡香 仲有hazelnut既果香 唔係有嘢做嘅話真係想坐耐啲 偷得浮生半日閒🤫…Read More

係K11既角落有一間主打串燒嘅日本餐廳 環境都幾別緻😦 呢種格局就梗係揀坐bar枱睇住師傅係你面前燒啦😛坐低會每人俾個木牌仔寫啲祝願字句 日式連儂場？lunch menu選擇都唔算少 最後我哋揀左串燒丼同燒鮭魚定食一個set有齊湯 漬物 前菜同溫泉蛋 絕對唔少嘢串燒丼包含好幾種串燒 有秋葵 雞肉 雞軟骨棒等等 計返每一串係main menu既價錢 其實係幾抵！秋葵完全唔苦 雞肉同雞軟骨都燒得好香 特別鍾意雞軟骨棒嘅感😛 最抵讚係夠多燒汁 餸飯真係一流呀！朋友嘅燒鮭魚定食 佢話鮭魚燒得岩岩好 唔會太熟或太生 而魚皮仲係少少皮多多脆 聽落好吸引😳餐飲我地升級左做乳酸飲品 分別係白桃同巨峰 兩樣都唔錯 鍾意sake嘅朋友仲可以另外升級嚟試吓㗎🤫最後埋單260 K-11入面嚟講合理丫😛…Read More