griffon0102's Profile

2:19分落單。三文魚2:50分先到。中途催2次。第3次先出。來到，有相為證，又乾又細條。我地等咁耐已經唔開心，廚房俾人催竟然俾啲咁嘅野客人？廚房係咪覺得拖客半個鐘唔出餐好正確，要整個客？…Read More

同老婆入元朗搵波鞋。就搵下有咩粉麵鋪。我地好少入元朗。MARK 咗呢間。泊入元朗廣場。行出來就見到。啱啱有位就坐低。落單婆婆幾隨和。叫咗一碗牛腩墨丸河，一碗牛筋雲吞米，菜芯腩汁。菜係爽嘅無黃。墨丸雲吞正常。牛根唔鹹，牛腩好淋好香。河粉一著一著完全無斷而且啱啱好有趙口，仲有少少掛到湯嘅。個湯底口味偏鹹者會覺淡，個人反而覺得比外面一般腩湯底，少咗份死鹹，多咗份清甜，好好入口。埋單走人婆婆都傾計語氣同我地傾兩句問我地飽唔飽。感覺幾街坊人情味。頭先寫食評前見有其他朋友們寫門口連位員工態度好差。呢間學記係開放式鋪頭無正門的，唔知係唔係混淆咗另一間學記。仲有一位話好鹹河粉好碎。人地遭遇我唔在場唔敢講。我自己食到嘅就完全相反而且質素唔差。…Read More

19:13分去到見有外賣優惠。好啦。未試過試下。落咗單原來我地最後。收緊鋪。直接講，個Risotto唔得。唔計佢用$78做招徠，份量對比個盒有眼見，少，薄。正常口，我8口食完。唔敢話佢呃人。話晒"超值"餐。不過呢度俾正價比例嘅$78更少。建議商品說明叫"Pro-rata"套餐。講番個Risotto. 呢個價位，起碼要識煮。飯粒多硬嘅。無入到味。而且太乾。一早煮好啫你都係。即係本來就煮得唔好。10分鐘返到去即食。涼嘅！可能趕收工。咁嘅水平除咗Management差。都唸唔到原因。唔會係恰啲買"超值"餐嘅客啩？其他雞，湯，正常。整體食物水準有Cafe好佢一班，平一班。呢度環境又未至於填番呢一班。本來試下好食就去食正價都無所謂。呢個印像，食中價野我唔會再唸呢間。呢個Marketing真係有頭腦。…Read More

我是3:16pm打電話來落單叫圖中三款意粉的。對方話20分鐘後取。我們開著車盡快趕到，因為買上樓俾老人家食的。準時到達，結果4:02pm先出到俾我。前後足足45分鐘！等到落單後第35分鐘我問位小姐仲有幾耐，我地20分鐘到了。佢淨係話師傅已經淨係做緊我一個。咁樣算係回覆嗎？門口我見寫住"準備中". 我第一次幫襯，心唸你如果要休息你可以唔接單。如果要收到錢先做野，點解唔同客講清楚？個客時間唔係時間？？講到食物。似係想用心自己做好啲食材。除咗三文魚扁意粉正正常常，個海鮮意粉隻隻蜆都有沙嘅。我食完全盒意粉口都仲有沙。卡邦尼嘅肉有一半有軟骨硬口嘅。得意粉叫做Al Dente.坦白講。咁樣$222完全唔值。完。…Read More

同朋友行川龍街市，無意中朋友話聞到好香奶茶味，雖然唔知點解聞到，但又的確好吸引，我又未食野，就提議入去食個下午茶餐。點咗XO醬海鮮炒銀針粉+ 熱奶茶。5分鐘上菜，幾夠鑊氣。除了個人覺得略油之外，發現好足料，海鮮仲送幾條大雞絲。XO醬係幾有味。最重要係杯奶茶，香滑唔澀口。茶餐廳來講好有驚喜。埋單HKD30. 收銀哥個好有禮貌。…Read More