Yukibabykayee's Profile

喺社交平台賣廣告見到，標題寫住正宗地道韓式料理，見價錢幾吸引，所以去咗食大伏！大伏！蜜糖炸雞🍗食到滿滿嘅化學蜜糖味，個醬食落好奇怪，偏甜肉鬆玉子燒超乾身，而且個玉子係一D蛋香味都冇，唔知食左咩豬肉炒粉絲豬肉少得可憐，好油，食到底嘅時候會見到一碗油，不過呢個係全日裏面最好食嘅一樣嘢年糕串個甜辣醬真係好奇怪，唔係正宗嘅味道，而且佢個腸仔係芝士腸嗰啲朋友甜品係一個維記雪米糍，code落單嗰陣隔離寫住備菜時間為20分鐘，一開頭幾期待，最後見到個侍應放咗兩粒雪米糍喺個枱度😹😹⋯⋯總結：望落去好多嘢食揀，真係食嘅時候大部份嘢食都偏伏，唔好有預期，佢最多係茶餐廳水準未去到正定韓式地道美食，但係公道講句係抵食嘅，都食得好飽…Read More

叫左288$既肉眼（180g)，雖然睇落份量好少，但係四塊真係啱啱好👍🏻而且塊牛肉真係好靚，油脂味好重好好食，入口即溶👍🏻👍🏻蔬菜份量都比得好多，好滿足😋真係好抵食，唔收加一服務費不過唯一缺點係個舖頭實在太細，而且好迫，大家都一齊煮緊嘅時候，小小焗同熱，但係呢個價錢係可以原諒😌個白桃汁以為係蜜桃果汁，但原來係蜜桃梳打😂佢有得再追加牛肉、烏冬⋯⋯價錢都公道👍🏻總結而言，會再去多次💕💕…Read More

餐廳不設訂座，需要Walk in，但係座位好少，等咗成大約一個鐘先有位入到去店員安排咗我哋坐最埋邊嘅位，係一張四人枱仲要同人哋搭枱（只係隔住一塊膠板）唔知係咪因為個位置太裡面，等咗好耐都唔見有店員經過，咁唯有自己動身出去落單，位置設計得唔係咁好，加上店員們通常企喺嗰個收銀處同出餐度，而嗰個位置係見唔到收銀處，所以舉手都冇用蘑菇汁貓耳朵粉配口水雞扒個口水雞扒食落去煮得好腍，嗰個味道好似食緊雞煲咁，個汁就正常蘑菇汁，不過兩樣嘢夾埋都OK，有小小創意🤏🏻三文魚扒檸檬意大利飯有少少可惜嘅位係完全食唔到檸檬味只係好普通嘅白汁燉飯，個飯只係得一片檸檬仲要對半切：（三文魚扒就正常發揮普普通通朱古力麻糬窩夫賣相10分吸引！💕份量都多，朱古力唔係死甜嗰隻，佢係有少少似黑朱古力好香可可豆味香草雪糕（大伏☠️😵‍💫，唔好叫）奶粉味好重，而且佢雪糕係好似土耳其雪糕咁，好黏笠笠、軟身，食到最後係有陣怪味整體而言感覺可以一試，但唔會再試😂，服務有待改進…Read More

成個場得一個侍應，送餐接客落單都係得一個人，舉手係冇用（因為得一個人😌），唯有等個侍應得閒，落單、埋單都係自己行去搵果個侍應，如果你好重視服務嘅話就唔建議你呢間餐廳啦佢係有每人最低消費，局住要叫一樣嘢食同埋一杯嘢飲，如果唔想飲嘢嘅話都要嗌（如果佢可以改成以金錢作標準咁會好D)食物方面，叫咗個BBQ豬肋骨同埋孖寶pizza，個豬肋骨係勁韌，唔夠入味，一D都唔好食，pizza係薄批同埋得6舊，味道ok既但係超唔扺食。飲品叫左芒果梳打，正常發揮埋單有加一同埋八折一共$368環境方面，張枱用木做見到隔籬嗰張枱係有一粒粒好似蟻既野喺度爬緊，張枱中間啲罅隙有好多塵，坐嘅凳係好硬坐得唔舒服總結，服務人手唔夠，食物味道一般，唔建議大家黎食…Read More

見到咁多好評所以去試，睇黎都係請人出食評環境係好闊落坐得舒適，如果黎打卡影相係靚既，服務都幾好，食物賣相都好好但係D食物質素就一般般啦叫左蟹肉意粉同豬串燒，睇黎到已經即刻食，但係食落口冇熱辣辣既感覺，豬肉咬落好韌，冇油香味，只有淡淡嘅檸檬香同埋燒醬味個意粉D蟹肉一食就知又係急凍蟹肉😔而且D意粉唔夠熱真係唔好食，個味就係好普通既白汁味總結而言大家如果真係好想試嘅話，試一次就夠，價錢又高，極之唔抵食…Read More

外賣加左$2多醬多飯，但係同普通冇咩分別，唔覺有多到😓😓希望餐廳改進下，一係刪除多飯多醬，一係加多D錢真係加多小小比個效果係肉眼都可以分出多左，如果我果份叫多左咁真係好冇誠意：（…Read More

試左個$1180四人套餐（要有恆生信用卡先有優惠）餐廳裝修得好有古風味，而且燈光唔會太殘眼，餐枱算大坐落舒服，服務有禮，不過唔知係咪岩岩開業人手不足，舉左手一段時間先有人到9道菜正常發揮，各有特色，唯獨北京填鴨既鴨膻味有點重，個人不太喜歡鴨膻味，所以感覺有點可惜食到一半既時候突然播音樂、有師傅表演拉麵，在場大家都好驚喜同開心、幾有氣氛既最後賣單$1380，原來1180未計茶位費、小食前菜，$1380就感覺唔太抵，建議大家體驗一次食個環境同氣氛就算…Read More

未去過之前有睇食評，見到好多人話侍應態度好差，但係我今次去服務超好，問佢哋野都有耐心回應，加上上菜有簡單介紹、過程中都會提我哋個汁太少要加加（怕燶底）平日夜晚訂左6:00，早左到（佢哋未正式開店）但係侍應好好人，比我地入去坐低先叫左個特選A5套餐$498包前菜、綜合蔬菜、和牛、白飯、蛋、甜品前菜有個醬汁肉丸（幾好吃）、豆腐（正常）、溫煮牛肉配黑松露醬（牛肉有D乾）之後就上和牛，侍應都好好人，幫我地煎、煮，吃完第一塊之後佢幫我地放咗少少配菜，就開始自己煮～和牛係入口即融，係高質既，對得上個價錢個蛋都好香好滑，配埋個和牛一流最後食左個柚子芭菲，有D太甜，感覺麻麻，希望佢哋會換其他好食D既甜品，整個套餐都好好吃、好開心，最後衰收尾甜品破壞一切（可能我係個好重視飯後甜品🍧）…Read More

見做緊優惠$338有龍蝦🦞套餐就抵受唔住誘惑去食龍蝦湯💛推薦💛係成個套餐裡面龍蝦味最重，溫度夠熱，而且裡面仲有幾舊龍蝦肉🦞🤤🤤龍蝦芝士意粉🍝得一隻龍蝦鉗，要自己拆殼食🙁，不過D肉質幾鮮甜💕而個意粉都幾有龍蝦味，不過就有D乾身冇咩汁龍蝦薄餅💛🦞💛一開始侍應上菜嘅時候會淋火，不過個火好快就冇左。每件薄餅都有龍蝦肉，而且薄餅嘅味道唔差，成個配搭幾好食😋。而整個龍蝦殻裡面就有芝士、蝦米同菇，味道一般。整體而言服務質素好好，D侍應都好有禮，而且一入座就有侍應比餐牌同水，中途侍應仲會自動走黎加水👍🏻同收走D碟上菜速度就厭有D快，個湯同意粉仲有一大半未食就上薄餅，令到D菜會好快變凍環境幾大，可能新開張嘅原因幫襯嘅人唔係好多，所以環境幾清靜、舒適優惠既關係338加一先太約380$係幾抵食，但如果變返原價我諗就唔會再返嚟食，始終整個套餐賣既係龍蝦，但係就食唔到幾多龍蝦肉，😾唔太滿足。…Read More

叫左個$338二人套餐👥M5和牛串燒（原味）味道麻麻💀我個人不太喜歡牛肉有陣酸味，但辣味的M5和牛就沒有這個問題。不過牛肉既溫度偏暖，沒有熱辣辣的感覺：（口感夠滑，不過我自己唔太鍾意食。牛小排串燒👻👻超推薦！！溫度偏熱，而且口感唔會太韌，味道十分有牛味，加上肉汁豐厚，一咬落去就勁多肉汁。好正蟹肉薯餅🧇（推推💕💕）十分鬆軟，外皮夠脆，而且係即叫即整熱辣辣～蒜香茄子💥💕太好食la蒜頭好似李錦記既蒜醬，而個茄子就爽口多汁，配合一齊好好味😋芝士翠玉瓜（🙊💀💀NONO芝士係D普通既芝士片味道，翠玉瓜就爽口但冇咩味道，e個配搭～十分之奇怪🙊💀😰雞軟骨🐸💕推～好香口食到停唔到口😋☃️，即叫即炸，唔會好似街邊果D預先炸定放左好耐好油膩。不過整體而言，食物有高有低，價格偏高，有D真係唔值。環境方面，位置偏避個大廈要密碼先可以入，但餐廳沒有任何安排方便客人進入。「0佈置」，餐廳設計以黑色為主，十分簡樸（想黎打卡就唔太建議，真係冇靚地方好影）餐廳內有一個大電視📺放電影比客人睇👻服務方面，上菜速度尚可，不過整個餐廳只有一位服務員💁🏻，有時忙起上黎可能唔可以照顧咁多位客人。但係服務員既服務質素好好，十分有禮💕…Read More

第三次光顧～💕🙈味道依然保持水準一入到店內，店員就即刻安排座位👍🏻👍🏻餐廳以自助形式服務，需要客人自己去收銀櫃點餐，拎餐具拎碟。失望既係，D餐具依然咁污糟，洗左但係洗唔乾淨仲有D食物殘渣係個碟或者叉度。（唯有自備餐具或者用濕紙巾擦乾淨）環境：雖然而家有限聚令，但係枱與枱之間距離唔太夠，差唔多張張枱都坐爆（好似冇人流管制咁）大約等左5分鐘就上左個芝士薯波同荔枝玫瑰特飲（上菜好快速👍🏻👍🏻）芝士薯波熱辣辣，感覺到都係即叫即炸，好有芝士味，份量夠多好抵食👾👾荔枝玫瑰梳打特飲，玫瑰味好突出，而且有玫瑰花瓣係入邊，好靚可以用黎打卡😼，幾好飲，好清新一啲都唔假甜。雙重芝士牛角酥好香好脆，配上蜂蜜，好搭牛角酥💕💕不過可惜裏便啲芝士冇溶到，唔係嘅話個口感同香味會再升一層。蜆肉蒜香意粉份量好足，蜆肉一大堆，但係唔夠新鮮（平價貨係咁）意粉入味，不過食耐左有啲厭因為真係好大碟。…Read More

見到e間雞翼山好多人推薦，所以專程去食。入到店內，十分擠迫，只有一張橫枱提供，冇凳坐只係可以企係到食（大約企到4-6人）而且枱上面有D雞翼碎同油漬🤢👎🏻👎🏻過咗好耐都冇店員清理叫左個16件套餐，文青玫瑰味同西柚味雞翼加2杯柚橙特飲（有提供手套👍🏻👍🏻文青玫瑰味雞翼：（1）甜甜地，雞皮夠脆，但玫瑰味不突出，完全食唔出玫瑰味，只係喺雞翼上面加咗幾片玫瑰，有啲似食蜜糖雞翼，所以有D失望😞西柚味雞翼：（10）好酸💀💀，有少少甜，仲覺得酸味同雞翼唔襯，所以e個就唔推介大家試，有點伏💩💩不過整體而言，性價比偏貴，唔太抵食，一件雞翼要成7-9蚊，又唔係特別好食，試一次就夠。最大問題係店裡面冇冷氣，夏天熱辣辣，又多人既時候，真係食到出晒汗，好影響食感🤒…Read More

之前光顧過幾次，感覺間餐廳既明太子同黑松露意大利麵都好好味。隔左二年，再次食黑松露意大利麵，膩到不得了，而且D菇唔係好搭個意大利麵，有D酸。而個店推既鰻魚蛋包飯，就十分之好味，蛋好滑好香，鰻魚有少少骨不過問題不大，醬汁恰當岩岩好，整體而言10分推介～💕💕叫左杯蘋果梳打，淡過似水🐸🐸環境：店內放置不同的裝飾物，好適合打卡，影相枱與枱之間嘅距離亦寬闊（可能係因為限聚令關係枱、餐具算係整潔，沒有油跡，而且店內有提供消毒搓手液，十分衞生。性價比：係銅鑼灣既食物就預咗貴，所以e間還好，份量足夠，不過整體係偏貴。服務：有D唔滿意，因為book咗位，已經早到左10分鐘，但係仲係要等位30分鐘。…Read More

本身一家人過生日開開心心，食到生蝦真係掃興負評一 上菜速度過快 未食完第一道餸，佢就已經上左幾多，問佢可唔可以分開一道道，遲少少上，侍應答：我哋控制唔到個廚房Ok 我地忍點知一食個天婦羅竟然比我地發現係生蝦，完全唔熟。我地投訴，咁大間酒店，等左成個鐘都冇人可以話到事。終於有個經理黎處理，我地要求佢負責任（因為我地當中有孕婦同老人家食左生蝦），佢地左推右推，冇人可以負責。又拖成個鐘，老闆又唔係到，最後唯有報警處理！大家下次去真係要小心D食物熟未，成碟生蝦都可以上比客食…Read More

咖哩炒大蝦(四隻） 咖哩味夠濃 個汁超好吃 可以用黎配其他餸菜豬頸肉 可以做到唔油又夠香又多肉汁真係難得 再加上豬頸肉既外邊脆脆地 令到個口感又上升左個層次 而且份量又算多 十分推介…Read More