heymenn的個人專頁

上一次黎已經係超過一年前喇 印象中佢唔差 今次係因為一個老朋友生日所以佢話要黎食飯預先book咗所以一入黎就有位 但就算講到明係生日都係要搭枱同坐門口位 咁雖然各有各傾計個環境又唔係好靜好尷尬個啲所以都算啦 🤷🏻‍♀️ 左邊係明太子自家製免治雞肉棒($38) 唔錯 明太子都幾多 入面有少許軟骨右邊係Cocktail - Fuji Mountain ($78) 其實即係荔枝沙冰 極少酒味 溶既時候就會滿瀉 所以個侍應都俾左另一隻杯我減啲過去鹽燒油甘魚鮫（大）$230 俾侍應說服左叫呢個”當日番貨”既油甘魚鮫 當日只有大份選擇燒得唔會太生或太老 魚腩部分唔腥174g 日本產霜降A4和牛燒 侍應會預先拎塊牛同個磅係你面前量幾重 $2/gram佢話有3種食法 配蒜片，WASABI或者粗鹽鮭魚茶蹟飯 平平無奇 純粹有啲澱粉質入吓口過左$500就會送生日甜品 呢日係芒果雪糕整體不過不失啦 …查看更多

成日經過呢間食神叉燒 掛係廚窗既叉燒好肥美 又有出爐時間 好似好有心咁今次黎到 晚市堂食既人唔係好多 咁燒味鋪黎講佢價錢唔算平 但勝在環境夠企理 餐牌選擇唔算多 只有燒味好精緻 一個特別訂造既盤上哂成個餐 （仔細啲睇個盤係按每個碗碟個形分格）叉燒外層係加左糖再燒 好香 好入味 但偏肥是日餐湯就係青紅蘿蔔 雙拼 燒鵝叉燒飯 燒鵝係無骨的分量適中 男友就話可以大份啲全部燒味飯都跟野飲 兩個人埋單$145 有湯有野飲 唔洗加一 都算係咁環境食物服務都唔錯 會再番黎…查看更多

由於幾乎每日都會經過呢間半島冰室 又幾乎每次都見到佢大排長龍 兼且佢六點就打烊所以夜晚又試唔到 終於到一個星期六既中午就去排隊喇等左都唔洗五分鐘 比預期中快有位 咁當然都預左要搭枱 望望個好新奇既menu 個商務餐 好吸引 商務餐($48) 即係 炸雞脾 蒜蓉包 肉醬意粉 雞脾啖啖肉 外面脆 入面多汁！份量好大 蒜蓉包分開上唔會沾到啲汁黎個近鏡加凍飲+$2男友叫既全日早餐 雞扒大大塊 岩哂鍾意食肉既人埋單都係五十蚊一個人 好滿足係一間出色既茶記 一定會再黎！…查看更多

星期日十一點 西貢既週末一如既往咁旺 因為鍾意建築同設計既關係 見到鍾意既設計firm studio adjective為呢間little cove重新設計 所以山長水遠黎到西貢就係食個brunch同欣賞吓個環境 可惜人太多 無咩機會影相呢個cafe既概念源於Melbourne既咖啡店風氣 suppose就laid back可以優閒嘆吓咖啡 不過人多都唔好意思坐咁耐喇我地叫左兩個lunch bowls 無諗過會咁相似 不過係簡單得黎幾好味既 但可以再叫既話會試吓其他種類Slow cooked beef bowl $115, Pistachio Chicken $105另外叫個杯latte 中規中矩 🤷🏻‍♀️ 志在到此一遊:)…查看更多

星期日下晝黎到沙田 邊度都無位坐 黎到呢度見到有下午茶又唔使等位就坐下啦呢度咖啡款式好多可以叫侍應推介吓除左揀咖啡仲可以揀brewing method同隻杯嘅顏色每款咖啡產地都唔同 呢杯係costa rica隔住個玻璃望住個staff extract杯咖啡都幾有趣既但呢個係另叫唔跟餐㗎跟餐個杯就叫咗杯凍檸茶 無影相合桃雲呢拿雪糕窩夫熱香餅配海鹽焦糖醬$84份量係幾大但係冇乜特別 平平無奇整體來講都冇乜特別 勝在係星期日茫茫人海中有得坐 …查看更多

星期四午市套餐 燒味三寶飯 $52 凍飲加兩蚊已經係第二次嚟呢度 茶餐廳來講係算唔錯呢個三寶飯要問夥計係邊三寶 我叫嘅時候仲係叉燒油雞紅腸 埋單嘅時候已經變咗做叉燒油雞燒肉 所以係睇彩數 半肥瘦叉燒好正 油雞就皮有啲厚 紅腸都唔錯 整體ok👌🏼 …查看更多

呢日星期三 六點幾無book行入去 好好彩唔駛等位 我哋就坐咗係近門口嘅高枱 一路招呼都好好但係見佢樓面人手好似唔係好夠有啲應接不暇 侍應話一個Paella 已經夠兩個人食所以我哋淨係嗌左兩道菜Broken Egg, 48-month Bellota ham $98攪碎佢先食 好簡單嘅一味菜但係就顯得個ham好好味 Pork ribs Paella $288由於今日唔係特別好海鮮 就試咗呢個豬肋骨飯 啖啖肉 唔錯見佢lunch Menu幾抵 下次應該會再嚟…查看更多

今日星期六 唔想同人逼所以五點幾就食個early dinner 同男友黎到呢間Hanbando 我哋係晚市第一枱人 見到餐牌好多個set都好吸引 最後揀左Set A $389 四道菜 涼拌辣生金䱽魚沙律Presentation好好 係kimchi既辣 魚生既份量都好多蘑菇意大利燴飯個汁好creamy 上面既arancini balls都好脆好有味燉牛排骨 平時食韓國菜色Galbi Jjim既西化版 所以會食到個陣甜豉油味 再加薯蓉同雜菌做配菜 心太軟加雲呢拿雪糕 …查看更多

垃圾 好難食 絕對唔需要去 霜降牛肉唔新鮮 個特大甘海老要自己去殻都唔緊要 但好腥 啲員工服務態度又好一般好似去左茶餐廳咁 地下鋪左啲膠墊好似街市咁 放題黎講佢價錢偏貴但款式同質素真係唔得 唯一好少少係苦瓜炒蛋同牛油燒帆立貝 但呢啲都唔需要放題食啦！…查看更多