TOMATOss's Profile

同老公生日，8號風球下都有開，服務也相當貼心👍。餐廳夜景好靚，環境唔錯，地方雖然唔係好大，但座位都好濶落。我地就叫咗支紅酒，試下五道菜套餐啦！食物唔錯，又精緻。叫咗牛扒性價比都高，廚師掌握時間剛剛好，煎得唔錯👍！。個人就喜歡個菇湯，新鮮又有菇香味。個蟹餅都好好味呀。下次一定再嚟，上一層飲埋野，欣賞下outdoor 先。…Read More

味道唔錯，環境舒適，慢慢歎返個下午茶嘅好地方。$36蚊去大X樂唔得啦！ 而且餐廳用環保概念，走飲管，用QRcode 電話 閱讀餐牌👍,下次嚟試下佢地晚餐先😊，我見佢地晚餐menu都唔錯…Read More

去到7點半，不是太多人，地方闊落唔錯，環境舒適，朋友聚腳點推介。食物質素都唔算，價錢抵食，我地叫咗支白酒($148)加50就已經有一打生蠔，雖然細隻D,但性價比高，海水味濃，入口鮮甜滑溜。另叫咗龍蝦套餐，龍蝦可以，但個和牛扒就overcook了，食落有啲Un。焗大菇味道都唔錯。$128叫咗set火腿送下酒 。田園沙律($48)，菜都幾新鮮。海膽多士, 唔好期望咁高 ，都係芝士多，海膽少，但 入口都幾香同鬆化.。 整體嚟講呢間餐廳其實性價比都幾高， 食物質素都唔錯， 唔鍾意坐室內嘅可以坐室外嘅後花園， 但佢哋人手多唔夠， 令到服務差咗， 如果係service方面改善下，可以做得更好。 Basic嘅set枱，斟下酒都冇， 起碼要有返食西餐嘅服務。…Read More

朋友們同我慶生，今次是我初嘗中東菜。可能平日冇咩人，環境優美地方寧靜,可以慢慢坐傾下計!出面露台重有幾張浪漫搖搖椅可以坐下!天氣凍冇行出去了，哈!情侶們食完出去坐下應該幾浪漫的。服務唔錯!食物質料都Good!我地叫咗個蝦沙律，正wor有D驚喜，有我最鐘意嘅牛油果tim，菜新鮮，隻蝦炸得夠鬆脆 ，個汁自己調配味道唔錯，啱香港人口咪!Pasta 叫咗個羊肉千層面嘅嘢， 個羊肉一啲都唔騷芝士醬汁好味, 夾埋個千層面一齊食。 平時少食羊嘅我都可以接受， 我朋友超鐘意食羊同cheese佢話very good! 另外main couse叫咗個焗雞，個雞有埋個飯底， 個飯一定要撈埋佢附上嘅番茄醬汁一齊食，感覺不一樣。 個雞焗得唔錯，不過啲邊就有啲 乾 ,所以硬咗D,但中間位置都juice嘅。最後叫咗個甜品果仁酥皮咁，有D cream同生果 伴碟,味道可以，我就覺得都係甜咗D.但都幾特別中東口味呀嗎哈~！…Read More

今年週年紀念選擇了 朗廷酒店嘅Bostonian， 見佢做緊11月限定 海陸盛宴(Surf n Turf)$398起, 梗係嚟試下啦， 個餐有一份肉+一份海鮮加50蚊仲有杯紅酒或者白酒。 我哋叫咗一個牛扒， 味道都唔錯好juice。另外叫咗個豬扒，很有肉汁重有陣有橡果香味。我hubby話好滿意。 佢哋嘅service真係好好又細心， 臨走時佢哋仲記得我哋係週年紀念送咗個朱古力甜品㖭。 如果鍾意食生蠔嘅一定要嚟試下,因為佢哋有個(You and I)生蠔加海膽三文魚子聽聞好正,我地冇叫呀，老公大人唔食生蠔，下次睇下有機會約朋友再嚟試先。 我見人哋隔離枱個海鮮盤都好靚喎…Read More

一走進餐廳 ，服務員有禮，詳細解釋 餐單上面嘅菜式 ，裝修環境 也很有心思， 食物質素都唔錯。我地 叫咗個蠔仔芝士焗菇，正!推介。另外叫咗個蟹肉餅， 賣相就唔錯， 但食落就一般， 味道都唔差但啲蛋已經焗到老晒，又食唔到D蟹味囉! 我哋都叫咗個大蝦墨魚汁意粉，好味， 除了有大蝦外 仲有櫻花蝦在蝶錦上添花， 墨汁上有著海鮮嘅喊香味! 叫咗個什果特飲(有酒精)，賣相同味道都幾好!又有生果食!女仕們應該幾like。 大蝦墨汁意粉 芝士煎 蟹餅 芝士蠔焗大菇…Read More

今晚同老友聚聚，見依間新野咪試下囉，點知。。 一入座場面混亂，環境擠迫。 成日漏單， 叫個鰻魚×1，點知 係得指甲小小嘅面積比你， 有冇咁寒酸呀! 叫個 梅酒 ， 難飲到爆😲仲要畀個藥水杯咁畀你一盛住。 我心裏面已經想著俾錢食放題做咩食到咁慘， 到食甜品我哋本身有個movenpick送嘅， 點知又話送晒冇啦! 得番啲低檔啲嘅雪糕雪條! 啲蠔又唔新鮮! 係食魚生正常少少! 啲甜品放喺雪櫃嗰一篤仔你見到都唔會想食! 飲品選擇少, 都想斟杯茶熱茶都冇refill! 跟住部熱飲品嘅機又話壞咗!唉!。。。免費都唔會再嚟！ 唔知點解 openrice啲好評邊度嚟! 唯一可提其實啲service都唔錯啲員工都幾勤力&nice， 不過人手就唔多夠囉! 個名改得幾好都冇用食物質素咁差環境又咁逼! 以咁嘅價錢$179(openrice coupon)加$59, 其實周圍都好多選擇。我就一定唔會再幫襯.…Read More

燒烤最正更係冇限時可以慢慢燒， 笑燒緊嘅時候又可以食下刺身，壽司! 嚟到一定要試下個佢海膽，和牛。 海膽好新鮮， 和牛好juicy。另外 甜品一定要食下佢嘅心太軟 ， 鍾意食甜品嘅人就啱曬喇可以無限添加， 最正係流心 朱古力 加埋個雪糕正呀。 每人有兩款海鮮送嘅，我地就叫咗個胡椒蟹同鮑魚, 個蟹好味到停唔到口喎, 個鮑魚味道都唔錯! 整體上嚟講食物都唔錯。 係環境就熱咗啲啦， 可能因為個場又打邊爐又燒烤個通風系統做得麻麻地， 但好在都唔係太焗都還可以嘅。 服務就。。一般啦! 啲staff都有禮貌嘅， 係繁忙嘅時候個場真係唔係好夠人， 要service嘅就要等下啦 。如評级的人講嘅一樣成日 漏單。 但都不是太嚴重。 今日同朋友都食得好開心可以慢慢燒又傾下計!搵日會嚟再encore .…Read More

同朋友食完晚飯，經過厚褔街去食個甜品，見只有幾位等緊，排咗一陣，就有位了。都唔錯wor,有D驚喜我地叫咗個焦糖燉蛋拼鐵觀識音朱古力雪糕，個焦糖脆口，燉蛋夠滑，我最鐘意嘅都係個雪糕，淡淡茶味不太甜，重有D朱古力碎在口中慢慢 融化。下次再嚟試下其他野先。…Read More

整體上 嚟講都係抵食嘅 ，可能新開鋪食物質素有待改善， 如果個冷面唔好用沙律蛋黃醬， 改為芝麻醬就更好啦! 另外個鐵板牛肉都唔錯 分量又夠， 有個 雜菜墊底，係牛肉咸咗D啲。另外我叫咗個北海道海鮮丼,個飯嚟嘅時候仲暖笠笠都大碗, 上面啲料都仲可以ka份量小咗D囉。但個飯如果加返啲調味同 日本醋咁就更加好了，又冇wasabi 提供(依樣純屬個人口味)。個人推介佢個薯餅都唔錯嘅 我哋叫咗個牛肉薯餅同什菜薯餅 都幾多人叫ka。 另外佢個綠茶蛋捲都唔錯! 個蛋糕好味，Dcream又好有綠茶味好smooth 。…Read More

做完gym經過東京街， 見到新開一間日式小店 原來係食手打烏冬 ，走入去試下 ，我叫咗個 七味雞翼 手打烏冬， 價錢58蚊都幾好味喎 可以值得推介 ，但店內得煮面師父一個人既關係 ，入去食就真係要等等啦， 味道都唔錯，大家可以試下!…Read More

環境同食物嘅質素都很好，服務也很貼心。 我哋試咗個牛排的確 唔錯另外一 個 海鮮拼盤真係好好味like， 佢哋八點前仲有happyhour set (生啤加串燒）$48， 相信有時間我一定返來再光顧試下其他食物。 係略嫌坐窗邊夏天嘅時候可能 冷氣不太夠 ，因為佢哋個大窗長期開的。…Read More

朋友生食韓國燒烤，選擇了這間，此處没有限時可以慢慢燒坐傾下計，不會趕頭趕命燒完要走，另外也可食其他韓國菜式，環境舒適落地玻璃可以見草球場，服務態度親切，朋友們都說會再來啊！…Read More

食物都唔錯，環境都可以，但D staff 就真係超唔掂！個個發緊夢咁，都唔知走晒去邊，追野又要追幾次。希望佢地改善下D 服務！我地叫咗個豬仔骨，牛仔骨拼盤老幾好味。但個低温鴨肉天使面就一盤，好似有D燒鴨味咗。…Read More