lovemei's Profile

嚟到元朗國，就想搵啲小店幫襯下。呢間係睇住良心地圖搵到嘅，睇樣賣相唔錯，於是試下。門面一般，以為去茶餐廳，舖位唔大。門口有檳城壁畫地標，但比太多嘢遮晒，好可惜囉。雞算嫩滑，食落唔係好鹹，飯似白飯多啲，冇乜驚喜。但呢個摻摻麵，辣得嚟好過癮，摻摻口感唔錯，值得一試巴東牛肉飯，夠辣，用嚟送飯一流。我哋仲加晒佢有嘅小食，用印度薄餅點，好夾，食到清盤。如果人少少，推薦大家加點呢個多士，斑蘭冇乜味，但一食落係有新加坡風味嘅咖央口味，唔知以為去咗新加坡旅行。…Read More

今次閨蜜揀左聚福樓黎試，一早佢就訂好位置，比左一個貼牆嘅位置我地，幅牆係特色牆，用黎影相一流！今次係小妹第二次幫襯，對上果次係剛開張食lunch！裝修仍然係咁吸引，就算已經黎過，都一樣好想影多兩張！職員好好，問我地係咪訂左位，然後係我地瘋狂影相時執好個位。入到去，嘩！擺位都對自己有要求！餐牌已經轉左樣，加左好多好kawaii嘅footnotes好貼心呢！等緊啲野食黎，就當然影下相啦！即刻幫我地整飲品！個bar位好吸引！今次叫左煙三文魚天使麵。蕃茄汁底好開胃，加上芝士片係面配搭得宜，煙三文魚正常味道，唔算好特吃。蒜蓉包好香脆，反而成為亮點！另外叫左黑松露意粉，白汁底始終會幾「漏」，食兩啖就唔太想食。好彩黑松露夠香，幫呢碟意粉加返啲分！閨蜜原本想叫水蜜桃冰茶，但佢賣晒冇貨，店員好細心，推介呢款飲品！原本我想叫嘅cocktail冇左gin酒，佢就話調另一杯比我，名都唔記得！只記得有rum酒，但酒味唔濃！然後有一個打卡點，我推介比大家去下。大家可以估下係邊，好有心思，好靚。果啲乾花係真嘅，有淡淡香香嘅味道呢❤️…Read More

香港標榜手工漢堡嘅食店好多，但係能夠翻啅嘅又唔多。對比紅磡最出名嘅漢堡店，My Burger係貴好多，但究竟貴係邊？當然係店內裝修同本身遞上食物所用餐具嘅心思啦！工業風格嘅裝修加陳設，完全讓你感受到美國式生活。今次已經係小妹第二次黎食啦！水準保持的！揀正午餐時間黎到，當然試到真功夫——最繁忙時間可唔可以保持質素。今次叫咗蘑菇牛肉漢堡咬落去，牛肉好入味，而且好軟，又保留肉汁，配合特調醬汁，唔搶牛肉香味又可以保留醬汁味！好味！加上蘑菇口感，天衣無縫！另外，亦叫左牙買加雞肉漢堡。辣的！雖然唔知牙買加嘅辣係點，但辣得幾過癮加22蚊跟餐可以配飲品同水牛城雞翼！食落辣辣地，不過小妹唔係好食得辣...最後點左炸薯角。新鮮炸起，外脆內軟，口感一流，當下差一支啤酒！所有食物新鮮即製，會等耐少少，但都係合理等待時間。但餐具就唔夠用，搞到隔離枱嘅食客食完漢堡先有叉食雞翼！細舖加上人手唔夠，一定招呼唔到！奉勸大家黎欣賞佢嘅食物，如果為服務就唔好揀呢度，盞難為一班姨姨叔叔招待你了！…Read More

放工後要特地去到沙田搵老姊拎返野，山長水遠唔食個飯點對得住自己個胃？餓住返屋企嘅野我係唔會做。可惜塞一塞車，令原本已經遲，就更遲。要平得黎又可以比我快快手食完再拎野，係有啲難度，老姊揀左附近餐廳，話平得黎都好味。我餓過頭，唔係好食到野，但見隔離枱食得咁開心，又咁大份，就同老姊share食，姐夫自己食一個！姐夫叫左雞食...賣相幾吸引，食落都叫做對得住個價錢！算唔錯！我同老姊叫左呢個西冷，8成熟。原來，真係唔錯！食落真係比返8成熟你，唔係全熟上。加上，肉質較冧，配埋黑椒汁，真係好驚喜！一百蚊唔駛嘅價錢，食到呢個質素，算係性價比高啦！…Read More

終於同到好姊妹見面，我地都係咖啡迷，於是同佢去左一間去年得到獎嘅coffee shop試下。位置不便，隔離係啲租單車嘅地方，點會估到係咁正嘅咖啡店？！位置正正係朗屏邨對面！呢度勝在環境夠舒服！Cappuccino (原味)咖啡偏苦，味好純，唔澀。奶泡做得好企，飲左一個鐘都未散！打泡技術好好！跟埋32蚊以上飲品可以平5蚊，半份抺茶窩夫，好濃抺茶香，配以雲呢拿雪糕，口感一流！洗手間佢地都打理得好好，好乾淨，衛生幾好呢度係推薦元朗休閒談心地…Read More

呀妹生日，一家人去左長洲玩兩日一夜。呢間嘅海鮮之前已經食左好多次，加上又抵食，成十個人的家庭樂，當然首選揀呢度！份量看似好少，食食下發覺都剛好。可能仲叫左其他餸啦！份量少到一人一隻都唔夠分，搞到要encore 一次先得，點嘅豉油係加左wasabi，一流！冇乜肉食...豉汁夠香推薦！超濃，足料！個個食左都話正！無甚特別，份量少夠酸！可惜一早炸定，唔係脆卜卜仲正！好香炸蒜味，食落彈牙，推薦！酸酸甜甜，味道剛好，餸飯最佳選擇意外好味，唔係得苦味，有回甘，加埋豉汁，餸飯食一流！Tips:呢間一過6:30一定大排長龍，記得book定位！…Read More

喺九龍城進修完，同朋友就係九龍城搵食！九龍城出名泰菜，當然要去食泰菜。試過小曼谷，但相比起隆姐，我真心推介呢間！生蝦刺身，唔係間間敢試，始終驚處理得唔好會腸胃炎。但呢間係冰鎮生蝦，凍冰冰，起碼確保成餐飯都係安全先。食落肉質爽，仲有鮮味，夾埋蒜片食，味道一流！要左冬蔭公湯，要到最少辣，對於怕辣嘅我，已經勉強頂得順。佢地成鍋上，仲點埋gas，保持個湯會熱，好抵讚！青咖哩用黎送蒜蓉包好夾，始終淡淡嘅咖哩配濃烈的蒜蓉包，味道啱啱好！而且蒜蓉包好香蒜蓉味！雞豬串燒燒到好香口，配以唔太辣，以濃香為主嘅沙嗲醬，好味！炸蝦餅簡直好味到停唔到口，外脆不特止，仲要內彈，係彈牙果種，配埋泰式辣醬，簡直以為自己上左天堂啦！肉碎炒得好入味，好香！生菜基本上一定包唔晒啲肉碎，我地前後加左兩轉生菜，先包得晒啲肉碎，如果生菜份量多啲就好啦！夠香口，配以酸辣汁，又係好惹味！幸好用菜墊底，唔係嘅話，成碟一定好多油！食落同普通泰國菜冇分咩大分別，係比較濃味。開心嘅日子點可以唔啤一啤佢，泰國當然飲象啤！cheers!!!🍻整體黎講，佢比較正宗，雖然濃味少不免，但佢地將餸菜與唔同醬汁配搭得宜，係好吸引嘅！此外，店員都係泰國人，佢地溝通落單都係寫泰文，點睇都係自己生意，質素係用心好多！…Read More

母親大人生日，當然食佢最喜愛嘅上海菜。首先見到麥兜餐，但價錢不菲，又gimmick過多，母親大人又冇乜興趣，再見到呢個4人餐唔算貴，只係398，就決定食呢個餐再加小籠包！前菜四喜烤夫向來係我摯愛，食落同一般上海菜館無異。湯品係薺菜豆腐羹，飲落好清，又保留豆腐味道，作為飯前嘅湯一流！生煎小籠包可能新鮮整起，仲保留肉汁，唔錯！賽螃蟹要炒得唔油膩之餘仲要滑口好難，呢間算係幾高水準，蝦肉彈牙，面頭灑上瑤柱絲好香。可能一早整定，肉汁冇生煎咁多。酸酸甜甜，口感一流。炸到好香口，用把聲搵食嘅我唔敢食太多。一開始睇名完全唔知係咩東東，黎到係雞肉蝦炒飯。炒飯粒粒分明，蝦爽口彈牙，問最緊要唔算油，值得一試！湯底香濃，好香花生醬嘅味。雞排唔算好香脆，深信都係炸定左....一開始我完全唔知咩係榆耳菇，黎到一試，又靭又硬，應該用黎做湯底。只係奇怪話叫炒菜芯，黎到係上湯咁....讚！新鮮炸起，超香甜！總括黎講，今次唔算等左好耐位，大部份食物都好新鮮整起！所以先成日幫襯。…Read More

係置樂的環境中，周邊都是地道到不得了嘅店，竟然有一間裝修好特別的店！個名叫聚福樓，究竟同名的酒樓有冇關就不得而知。內裡裝修別緻，又帶點歐陸感。坐一陣已經覺得自己唔似係屯門食緊野，去到外國咁。我係黎試午餐，午餐都幾多選擇，而且最吸引眼球嘅係all day breakfast ！跟餐有湯同沙律，連跟餐都做到咁靚...冇得輸！湯好濃，夠稠，冇hea貨沙律配搭黑油醋，夠清新！做前菜可以醒胃！主菜到！一黎到真係嘩一聲！蕃茄香甜，煙肉腸夠香脆、仲有鬆餅食，正啊！再嘆個蘋果茶，清香撲鼻！整體黎講，價錢偏貴但服務一流，食完仲會問你有冇咩意見！抵讚！…Read More

炒賣蘋果後，到先達對面的女人街搵食。細個冇咩錢又想食日本野時，就真係成日黎呢間，時至今日再黎，禮貌一樣欠奉，可幸係價錢唔係加得好勁咖哩一般啦，甜甜地的，吉列豬新鮮炸起，外脆內腍，一流！加上炒蛋，絕配！三十幾蚊要左一碟刺身，肉好厚，食落都算新鮮雖然係雜錦刺身，但一d都唔hea，有甜蝦有吞拿魚，算係咁啦！預左用料唔會最上乘，要靚野都唔駛呢度搵啦！整體黎講，平到震的一餐！…Read More

母親大人鍾意中菜，尤其係上海菜。之但係xxxx小籠包、xx婆婆長期出街食飯麵幫襯，冇咩驚喜，就決定帶母親大人去一試利苑集團下的利小館，相信質素唔會太差。首先叫左荷葉包住係幾香，飯粒粒飽滿，好入味，食落都覺得幾唔錯的選擇！一直期待呢個三層肉，其實口感唔錯----脆、溶、腍，皮脆、膏溶、肉腍！果然冇改錯名！睇名好正，睇樣尚可，食落gg！第一，d醬淋上面，整腍左d軟殼蟹；第二，法包同軟殼蟹好唔襯；第三，星洲醬同法包嘅味道唔夾！終於食返正常的麵，同真正只做上海菜的地方當然差一d，但算係預期味道～我真心懷疑炸的食物好一般。黎到其實好香鹹蛋黃味，但好快就腍左...正常的乳鴿...難道仲可以再難食？！由於每碟份量好少，最後加左雞。但奇怪係，雞雖腍，但冇荷葉香...，明明之前個飯有香味...百思不得其解！整體黎講，唔係最特別一餐...但真係一次就差不多。…Read More

領展裝修左蝴蝶街市，換晒新面貌！多左好多唔同食店。係屯門碼頭呢邊，就多數會去美樂食糖水，而係呢個新街市入面，靜俏俏咁開左一間新嘅糖水店。佢營業時間至8點，應該因爲街市收檔嘅時間，有d可惜。係入面，唔算好多座位，通常外賣就方便d。除左一搬糖水，仲有雞蛋仔賣。今次買左綠豆沙同紫米露：綠豆沙好甜，第一啖其實冇乜野，到第二啖就覺得好甜好甜！好在佢應該用冰糖熬製，叫清甜d，而且勝在夠足料！椰汁唔算好甜，紫米剛好，唔算好甜，適合淡口味的人！其實佢仲賣好多款甜品，係區內多一個選擇了！…Read More

家姐生日，當然去下新地方。係眾多餐廳下，家姐揀左呢間what the pho試。本身一直以為冇得訂位，於是一心打算walk in啦。點知去到發覺佢有app可以預先拎定飛，確係方便，但一早知會更好！入到去，我地一行5人，佢比一張長的8人枱我地，仲話之後可能會有人搭枱。我就唔係幾想，見有張4人枱，就問可唔可以加凳。其實正常人都想成班人一山齊坐，邊個會想搭枱呀？！點菜時間：唔算做得好出色，對比真正的海南雞飯仲有d距離，但算入得口啦，起碼雞嫩，皮爽。個人覺得最正係小食拼盤，滿足晒為食嘅我，又想試呢樣又想試果樣嘅心態。春卷炸得好脆札肉厚到好似午餐肉，燒得香，好正！香茅牛肉蝦片，味道配搭好好，又脆又香。中間沙律食落好清新個人最愛紙米卷！清新，紙米夠軟，配搭雞絲同蝦肉，味道一流！原個椰青炒飯比想像中差。一方面椰汁佢得面果層有，下面同普通炒飯冇分別，加上個汁幾強烈，口感一般。驚喜之作！可能冇期望。首先有5大塊豬頸肉，濕炒的水分量剛好，唔會水淋淋，又唔會太乾！正常咖哩雞，咖哩唔係辣果種。我地即刻叫左兩碗飯，撈白飯一流！加甜品單叫左糯米飯，侍應話冇黑糯米，剩白糯米得唔得。由於我地好喜歡食呢個，冇黑糯米都照殺。但冇左黑糯米的配搭仲算係糯米飯咩？少左黑糯米嘅口感真係差左d。好在面頭的椰汁好好味，唔太甜！我姐鍾意千層糕，就叫埋試下，少少暖，有口感，不錯！整體黎講都叫唔錯，只係侍應要再醒目d，途中要多隻西匙，佢比左中式匙囉！…Read More

見V city新開張左一間拉麵，就去試一試。六點幾已經去到，點知已經排晒隊。其實排左一陣隊就入得去，然後位置都幾寬敞。諗左一陣，我地叫左唔少野，包括：炸雞飯份量唔多，用左珍珠米，有三大舊雞，夠一個女仔食飽有餘。集所有野係一身，滿足為食的人！辛辣唔算辣，湯底特別，介乎清湯與濃湯之間，店員講係由高壓煲煲出黎嘅湯底。同上，多左芝士口感一句講晒：章魚小丸子味嘅餃子。整體黎講，算係唔錯，可以一試。後記：食完七點幾出到黎，已經湯底賣晒，睇黎係限量供應！要食趁早去！…Read More

平日的下午，黎到呢度，唔多人，唔駛等位就有，好好！呢度啱啱開張冇耐好多人等，等耐d先試到真功夫！呢度出名炸脾。的確好大隻脾！炸得外脆內軟，真係好正！之後再叫蝦多士沙律。食到蝦，都幾大隻，冇呃你，幾彈牙！食到咁熱氣，佢有好多好傳統的飲品比你揀。我試左菊花茶，係媽媽煲足料的味道！一流！…Read More