愛高妹's Profile

工作壓力太大，要斷斷續續咁請假回氣。午餐時間經過元氣，因其他地方都爆滿就坐呢度解決一餐。點了個刺身飯定食，唔貴。三文魚和吞拿魚都厚身，配小柱貝和蝦。驚唔夠加點手卷，其實原本的餐都夠飽肚，頗飽的。味道當然不能說太好食但都對得起個價錢，還好。…Read More

排了一陣先食得呢間名店，總是有條龍在外。松露餃香口好食，韮菜餃一般般。黃金蛋有幾層口感與味道，流心蛋甜甜滑滑的。分量頗細，食完都唔飽，建議加麵。服務也勤快，整體不錯。…Read More

閒逛灣仔的時候經過這店，想黎杯啤酒配餃子。後來再追加了其實是兒童餐的炸魚餐。炸竹夾魚其實除了下飯也很下酒，日本居酒屋經常見到下班同事會點呢道菜配酒。魚炸得脆香，一啖一啖停唔到口，餃子也是多餡。配菜簡單。整體而言係日式加韓風的餐廳，同朋友敘舊吹水最好。…Read More

早上忙碌過後，總想食一餐豐富似樣的，又剛巧經過就這樣坐下了。因為太疲倦的關係，想好好補充體力，所以點了米腸湯。韓國人會在酒後或者想恢復精神體能的時候喝呢個湯配飯來提神提升狀態，就有如新馬的肉骨茶，印度的黃姜飯，緬甸茶葉沙律，歐洲的濃縮咖啡一般。韓式的前菜通常都很豐富而且一定係健康有營養瓜菜類，食完開胃之餘仲增加體內排毒纖維。豬肉米腸湯內有豬肉豬腸米腸和大量蔥菜等幾種重味菜，非韓國人未必個個接受到呢個味道。但其實食慣就幾好。最後奉上的清涼梅子凍，去油膩感之餘帶來一些涼快。…Read More

這是一間唔會令你失望的店，分量足味道好，這間店吸引著大量遊客與本地人。從最簡單叉燒雙蛋飯到四五寶飯都不能挑剔，晚市仲特價益街坊的良心食店。鍾意叉燒的第一次黎可以黎個叉燒雙蛋，想樣樣試下或者黎個四寶飯。叉燒好食，燒肉皮脆咸度適中，魷魚入味，鴨香雞滑，雞肝濃郁。個份量比一般燒味店多，無論料同飯。胃口細可以叫少飯或者轉米粉。…Read More

鴨血同豬紅一樣，唔係太多地方有得食。雖然呢度都係得一舊，但已經係值得了。台式餐廳黎講，水準已經算不錯，食物味道方面。個麵入味鹹味剛剛好，炸豆腐皮稍多油軟身，牛筋幾軟牛肉也頗入味。整體而言合格。…Read More

曾經多次經過門口因為條龍而過門不入。終於在極度偶然又遲的機會下入到去食。因為親人有新加玻華僑所以也被感染而愛上海南雞飯。雞有很多烹調方法與食法，但覺得最好食的係兩個極端，把雞最原味表現出黎的海南雞飯同埋泰式深層炸透的炸春雞。海南雞雖話強調原味，但呢度的海南雞係講雞味釋放到極致。每一啖都浮現到農場隻雞生猛咁走黎走去嗰種活力甘甜。簡單講無冰鮮味。雞肉多過飯，一啖肉一啖飯唔駛慳。個癮黎，下個禮拜又再去排隊等下運。…Read More

寫呢個食評唔係讚間野好食，係讚間野呢個價錢都可以有咁高私隱的用餐環境，低密度環境食野嗰種感覺係好愉快的。已經變成熟客了。講返野食，無論粥或麵呢度個水平都係中上。分量也足，味道也好。例如粥的料，底部總是放滿滿的，做到一啖粥一啖料。雖然唔會有最出名的粥面店程度，但一定食得舒服過貴夾一般名過於實的麥派麵。…Read More

這是一間要排隊入座的日式咖哩餐廳。主題係健康蔬菜咖哩。除了要排隊入座之外，座位也是非常擠逼，當然這也無損食客排隊入內的決心。食過，就知道這等待是值得的。咖哩汁不是常見的甜漏漏日式咖哩，也不是傳統濃郁偏咸的印度咖哩，係以清新易入口感覺的蔬菜咖哩。入口不膩不口喝，到後面都仲係食得舒服唔會因為太重的味道累積而越食越慢。招牌菜係豬軟骨咖哩，真係煮到入口就化入味之餘又唔爛。自己點蠔仔咖哩，蠔大粒而且量多唔孤寒，味道調和得非常美好，賺到之選。飲品價格非常親民，有別於嗰種連鎖店天價飲品的奸商。…Read More

餐廳吸引人係因為夠大而且價錢合理，日式食物又唔會整到太港式之餘又無變成日式價格。個人其實鍾意食飯多於粉但因疲勞減少食慾的時候食下粉麵類也是無妨。個流心蛋整得幾好，建議點餐食額外加。…Read More

午市經常去的一間食堂，座位多而且衛生整潔是多女性西裝客幫親的一個理由。招牌的海南雞不用介紹，滑得黎雞味和調味都高水準，初食推介。豬手飯非常飽肚適合大食的食客。豬雜湯材料夠味道好係多回頭客的原因之一。就連檸檬茶都凍過人好飲過人，唔讚唔得。…Read More

在必須離開公司食飯的情況下，來到隔離區的小餐廳稍微放鬆一下。位於二樓的餐廳，窗口望到繁忙的街道。餐廳裡寧靜的氣氛與窗外形成很大的對比。印象中阿根廷菜就是大大快肉大大啖咁食。實際上都係咁，肉的調味係橄欖油與少量鹽。不能說好食但因為肉味突出，感覺還是比港式那些奇怪的椒汁燒汁好多了。服務生或者因為人流少，很休閒舒服的服務你，有少少家的感覺。值得為減壓而來。…Read More

紀念日預訂了在禮拜六的午餐，因為幾乎與母親節撞期所以全場滿座。前菜中最吸引的是脆衣雞撻，一層薄薄的脆餅墊住雞肉與煙肉，脆得黎咸咸地好開胃。炸蟹肉球不油膩，紅菜頭撻很清新。綠豆蓉湯有加入黑松露很香，暖胃的好選擇。主菜的帶子配綠菜湯滿足而不膩。另一道主菜的雞肉味道濃郁，小朋友的最愛。甜品為類似忌廉與烘餅放在杯中的物體，不太識欣賞。整體而言還算不錯。Mother's Day Menu *Appetizer* Crab Croquette with Spicy SauceBeetroot Tartare, Arugula & EggCooked Ham & Aged Comte Cheese TartletsSalmon Confit, Leek Cream, Black Rice Cracker & Dill OilChicken Cesar Salad with French Bacon & Crispy Crouton*Soup*Green Peas Soup with Chawanmushi & Black Truffle Chanillty*Main Course*Pan – Seared Hokkaido Scallop with Green Asparagus, Pearl Cous Cous & Green Sauce_Or_Roast Capon with Morel Mushroom, Green Asparagus & Yellow wine Sauce*Dessert*Strawberry Parfait, Olive Oil Sponge Cake…Read More

小妹妹一向很喜歡呢隻貓，去到呢個餐廳高興到七彩。點了兩個早餐，第一個全體早餐過得去。腸仔皮脆肉淡，煙肉不夠咸，公仔蛋可以，三文魚可一般。整體只靠乾包上可愛的主角公仔加分。這個漢堡包餐比全日餐好食，薯角很脆不錯，漢堡肉很細舊不過蠻多汁的，但也太多油，蛋很漂亮，煙肉稍鞋。妹妹食的蛋糕，很甜。小女孩子才能接受到的甜。朱古力咖啡，這個沖得不錯。雖然比不上名牌，但感覺得到有用心。廚房都是二十幾的年輕男女，很有活力朝氣。服務其實都不差，不過可能因為太多膠客問膠野，所以搞到服務員都火火地。收銀很一般，收錯錢而且不算小數目。無真誠道歉，扣分。…Read More

假期未到晚飯時間經過呢度，第一次無人龍。坐低點了豬肉餐與魷魚餐，令加配菜與飲品。配菜有甜豆皮，泡菜，薯仔沙律，味道都不錯。豬肉餐的豬肉很多，非常抵食，而且炒得夠辣入味。魷魚餐魷魚一般不多，相對於豬肉餐就有點一般。飲品冰少大杯抵飲，綠茶奶與梅茶都很好喝。服務也不錯，不會因為平價餐而求求其其。…Read More