sally554's Profile

一年一度球隊慶功宴昨天在8度餐廳舉行，抱著信心步入餐廳，最後抱著肚皮離開﹗餐廳內部裝潢優雅，提供良好環境予顧客。食物選擇亦夠多，食物質素是我食過多間Buffet以來最高一間等齊人，7點正開始晚餐‥‥‥其中海鮮以生蠔較出眾，有兩款選擇，兩種都鮮甜味美，唯留肚食其他。因此，食左一隻咁大把就收手另外，三文魚刺身亦十分出色，層次分明，又是深得眾人歡心的其中一款。而沙拉在開始都食左少少，幫助開胃。熟食每款都有試，大多都好好食，食得出廚師的心機﹗到甜品方面，亦是種種試一試，當中芒果拿破侖最好食﹗一連食左三件。另外，HD雪糕亦是不可錯過，不過因為太飽，所以只係食左一杯。隊友的食量，我十分佩服…Read More

是日母親節，又到朗豪坊睇戲加食飯睇完已經差不多六點，又肚子餓，咁岩想食pizza，最就腳當然係對面有間Pizza Hut啦~一上到去已經入得座，唔洗等位，即刻叫野食啦緊係﹗十分鐘不到，第一樣上枱係salad，打算食個沙拉開下胃牙嘛不過老實講就係，佢根本無咩味~_~ 好似淨係菜同雞肉咁，雖然有汁，但點唔點無咩作用即刻個沙拉其實可以唔洗食!之後就係田園雞翼同千層闊麵，三個人分都好足夠，每人食少少最後好快上埋就係千島細批，好好食，每人兩塊加上之前食左既雞翼，闊麵同沙拉，已經好飽埋單三百幾，都唔算平啦，不過母親節無咩所謂…Read More

練完波番到屋企樓下商場當然第一時間搵食物填肚啦﹗看到momoko又突然想食蛋糕，即刻入去看看有無心水。9蚊一件意大利芝士餅，都幾平，買一件番屋企試下誰不知，很是令人失望 個上面啲粉完全未舖平，搞到食上來不方便。另一方面，佢個餅底真係硬到好難叉起最後都係食曬上面先食下面~_~…Read More

預祝妹妹生日，剛巧係朗豪坊食完晚餐而妹妹又想食甜品，就來了旁邊的五代同糖西瓜蜜瓜涼粉，算幾好食，30元唔算太貴，而且水果都幾新鮮個火山就麻麻地，唔好食，食左一半就停低曬手因為真係好滯，頂唔順，不過28元都算係咁啦希望佢出面果層唔好咁厚~_~另外，佢個價錢牌旁邊幅圖係有水果裝飾，但事實上沒有，所以有點兒失望…Read More

同妹妹慶祝生日，結果喜出望外。本以為下午茶無咩選擇，但其實大錯特錯，而且服務仲好好不過佢可能加左價，同OPENRICE下午茶個標價相不相同，佢現在係168元/位尾段發生左一些小插曲，就是部電話跌左入一條好細既隙到，用左好長時間先拎番出來而我們變為最遲走的一枱客，其實是我怕麻煩了他們，但經理仲說不如意思，阻了我們時間無論如何都好，應該會再來，因為食物同服務都好好，而且價錢唔貴﹗﹗…Read More

食物唔錯，但係服務就有待改進，因為我同朋友係咁叫佢地，但係都無人應叫飲品的話，大家千萬唔好飲三色冰，味道好怪異好難頂得順﹗但係碗麵就幾好食又夠大碗好飽肚架，而且又平平地包埋飲品都算係食得過啦~…Read More

今天跟母親食完晚飯，例牌要食甜品，發現鄰街有間糖百府，就近近地入去食個雪花冰。起初我無預計佢只係賣雪花冰同糖水果啲，以為還有其他食，一看餐牌才知很少野食，不過算吧，反正主要是食雪花冰。見香蕉秋香在餐牌上的樣子非常討好，便不再多看了。香蕉秋香 ; 份量很足，兩人食也足夠。雪花冰一層一層的，入口即溶很有快感，香蕉配上朱古力醬同花生碎，簡直是最好的配搭﹗十分鐘已經比我食畢，到收錢位放下三十五元便繼續行程了…Read More

是日納悶，又無街去。突然間，不知從何來一個吃麥樂雞和薯條來解悶的念頭。而且已經出左shake shake薯條，咁就去試下。在追求健康的年代，麥記出售的食物不斷受到評擊：製法、煮法有欠健康、高脂肪……大家都清楚它不健康之處。但最神秘的是這些食物，偏偏有能力令人快樂。或許人都是偏離不了愛吃「禁果」的宿命。今次食麥記，對我來說重頭戲當然不是食麥樂雞，而是薯條，把心一橫買回家慢慢享用，誰不知買回家後發現只比左shake袋我而無比shake粉，當堂怒氣衝天，無shake粉難道shake薯條本身的鹽？真是有夠好笑﹗害我特地落街排隊買，真是一場歡喜一場空。 事後我已對麥記沒有希望，更不知還有沒有下次…Read More

是日同母親到圓方睇完戲後，便步行到佐敦再找食的，因為我對壽司情有獨鍾既關係…而金太郎便會再次成為我在佐敦的飯堂今次每樣都點左少少，叫多左個麵豉湯，燒鴨腎同燒多春魚，不過這三樣我都無食到。最好食的是三文魚刺身，其他都唔錯的。但饅魚壽司就不太好食，每次來都是這樣 饅魚好像無味的，飯又細件…同價錢成反比﹗另外我最愛的腐皮壽司今次就有點失準，咬落去沒有好像上回的甜腐皮汁濺出，今回味道淡了，汁又不夠，所以叫了一碟後就收手了。今次隨了饅魚同腐皮壽司之外，其他都好食，所以我決定下次來金太郎 不會再食饅魚壽司了…但腐皮壽司我一定會再比機會佢挽回我信心…Read More

是日同母親到圓方睇戲，肚餓但眼看其他都排長隊，就到ThreeSixty 隨便找點食就算點的忘了叫什麼名字，雖然賣相不太討好，但味道卻一流﹗份量也很足，圖中是整件的一半，那是母親大人食不完才給我的最後要了個忌廉湯，價錢中肯，味道不錯。食完後剛好差不多時間睇戲，便出發繼續我地的行程了。…Read More

相信很多人都聽過祥利冰室此大名 此冰室已有大半世紀的歷史奈何因業主收樓拆卸重建關係，六月廿七日便要正式結束營業因此，今天老早已起床 打算把早餐獻給祥利‥‥此店位於天后電氣道，位置亦不偏僻，地鐵站A2出口步行大約7至10分鐘即可到達大約九時來到，人客已有不少的，坐進了在卡位，因一個人的關係，雖要同人搭枱。 餐牌不多，看了一會便點了個沙爹牛肉加腸蛋麵特餐，另加一份鹵水牛展三文治。等食物其間，同對座的夫婦說起話來，得知他們原來住在這附近也是最近才知這邊有間歷史冰室，特地來食早餐‥‥他們知道我遠水路來也嚇了一驚 大約五分鐘後，特餐送上‥‥嗅到一股沙嗲香味，已迫不及待用餐了。顯然是用心的煮，食得出牛肉鮮味，而且不會嚡口，難怪店內大多食客也是點沙爹牛特餐，果然非常美味。不消一會兒已把它全部放進肚裹去 熱奶茶香濃有水準，自己加糖，還是滿意的。 其後鹵水牛展三文治送到，此項卻沒有想像中的好食，還以為會有汁，卻令我有點兒失望‥‥埋單36元，不算平宜不算貴，能看到這麼有歷史的冰室還是頭一回，已是非常滿意了，或許有機會在拆卸前再一次光臨此店。…Read More

多番相約朋友去放題,昨天終於去了食因其中一名友人指定要有饅魚壽司~_~所以選擇了五月花.而我訂了6點入座一行十一人到達後即瘋狂點食物,差不多全部寫上8字 寓意"發"先到的是剌身，全都十分新鮮;肥美，然後壽司緊接來到,真的要命,一來便是四十多件@@全都很好食,可惜的是不夠凍,算吧!!好食才是王道,不計較了!!食完這些後大約過了15分鐘,心知不妙,因知道有漏單情況,之前即刻通知部長原來除了之前食的,其他都沒有下單!!!真是可怒也!之後又再瘋狂的點食物,什麼都劃上8字,怕又再漏單一會兒後,一大堆食物送到我想它已不敢漏單,因為我們點的,全部送上!!!!!!多到長枱都已經放不下,手卷差不多三十多個,天婦羅等炸物也有很多最後我們迫不得已,決定cut了未來的食物 走的時候全都撐住肚皮走呢 這餐真是食得有夠滿足而且很便宜!!推介食物腐皮手卷一口牛柳刺身青蘋果綠茶菠蘿咕嚕肉雞軟骨…Read More

與朋友放題後，我相約媽媽睇戲因還有一段時間，所以決定到許留山食甜品要了水蜜挑流心,"煙央"撈丸子 味道不錯，但撈丸子等了差不多十五分鐘才到真是有夠慢~_~…Read More

週末心情大好,跟爸爸落樓到名舫飲茶幸好時間尚早,不用等位. 入座後即看點心紙選擇都算多,點了馬拉糕同時菜蒸魚肉,然後出去檔口要了個鳳瓜排骨飯早菜點鳳瓜排骨飯只需10元好抵,但味道普普通通馬拉糕也是不錯的,每次去名舫必點馬拉糕時菜蒸魚肉普普通通,加了胡椒粉同鼓油會好食點這裡茗茶$5/位,街坊酒樓來說都算唔錯了~…Read More

入到元朗，阿媽帶路之下來到恆香老餅家未到門口已看到入面人山人海，真的是意料之內。這回買了一大堆散餅回家嘆當中包括有雞仔餅，棋子紅豆餅，老婆餅，綠豆條，燒餅等‥雞仔餅，棋子紅豆餅同綠豆條已是第二次買，因為真的很好味!!!第一回的燒餅也還不錯，餅邊是脆的不過略微帶油。其次老婆餅也是不錯的這趟買了咁多餅都只是79蚊，真的挺便宜。…Read More