Dawney's Profile

蟹皇帆立貝撈飯幾好食，狀態有d似係碗仔翅既濃度，入面都有唔少蟹膏，會另外上白飯配埋小菜同熱茶鹽酥杏鮑菇幾juicy，不過差唔多每舊都癡埋一齊，懷疑係冇逐粒逐粒方落油鍋炸而是一大咋粉咁炸先會癡埋一舊嘢飲就一般水準…Read More

最近係網上一直見到依間手工意粉店就一於去試下係點，佢因為唔接即日booking，所以只能walk in，但聽講間舖好似會排好耐隊咪早d去排咯。去到係平日星期三既傍晚6點20幾分開始排隊，個店員行出黎問我地幾多個人食，問到我就話4個人食既，佢一聽到我話4個人就大大聲講左句 ”Oh my god!” 就走番入去間舖入面。我心諗：「咩事，使唔使咁大反應，4個人都係個好普通好正常既人數啫…」之後好在7點鐘就有檯了。雖然間舖好細間，2樓樓底又矮，其實上到2樓都有張大長檯可以坐到起碼至少8個人，唔係好明個位店員想點🙄。落單係要自己scan qrcode點既，水亦都要自己斟，但要收加一啵。由落單到食物黎度面前既時間都要差唔多20分鐘。我地點左黑松露蘑菇捲捲麵、巴馬臣芝士黃牛肉醬闊蛋麵、蒜蓉牛油炸單骨雞翼、水牛芝士蕃茄粗管通粉、經典卡邦尼煙腩肉麻花卷粉、79%特濃朱古力巴斯克蛋糕、玫瑰花茶、焦糖脆脆牛乳、蜜桃梳打、蘋果桂花梳打。食物每碟既份量份量都偏少，食得出並唔係調味料同香料現成既味道，食物味道係幾唔錯既。我自己既口味通常偏鹹，食物口味偏淡，黑松露麵好香，巴斯克蛋糕個朱古力好濃，覺得最好食既反而係d蒜蓉牛油雞翼。其實係得上環食野都預左唔平，份量又唔多，都幾岩d細食既人黎打卡，不過想食平d食飽d既話都大有人在。依間舖對我黎講都係試過一次就夠，排隊時間、食物同服務都唔成正比，唔會再去。…Read More

夏天30幾度行街整杯冰冰涼涼既野飲真係透心涼，即刻成個人番曬黎！我個人口味一向都係叫走甜多，但係今次唔記得叫走甜加上冬瓜茶本身就好甜，所以對我黎講就有d太甜，不過都算係okay既。…Read More