低能的我們's Profile

低能d和低能c 昨日路經銅鑼灣驚見兩位派傳單嬸嬸手拿一著傳單拿了兩張, 仔細一看..千秋樂..其實朝早已經上過黎一次..未開舖..不過坐門口位亞姐態度麻麻..點知晏晝上去又係咁, 行到入舖正中間..都未有人肯招呼, 諗著叫個waiter 轉卡位..點知要企佢罰企左兩分鐘..=﹏=講番野食, 低能d 叫左個叉燒併饅魚拉麵..有花之卷同雞翼送..花之卷都幾好..雞翼d 炭味就幾重..至於拉麵..認真麻麻..叉燒得兩舊..味道麻麻啦..至於低能c 就叫左個吉列黑豚豬扒手打烏冬..都係有花之卷, 同埋燒餃子兩隻..佢好強調叫我一定要寫.."d 烏冬好硬"..我諗呢, 個餐都係一般貨色啦..終結: 千秋樂..中規中舉啦..…Read More

早果排上openrice 見到依間餐廳食評不俗~所以諗著試下...咁諗著打個電話黎book 位啦..點知個電話長期忙線, 正當我以為電話係流既...無端端又打得通喎...條線忙到丫...打左我近百次...仲以為買緊演唱會飛...anyway, 個waitress 都nice!點知黎到, d 服務態度就認真麻麻, 黑口黑面咁..算啦, 唔講服務態度, 講下環境..細細間, 氣氛都唔差, 如果唔係咁岩有群後生仔..我一定會俾滿分..算啦, openrice, 野食先係主題...低能的我們叫左一個海鮮鍋巴壽司..脆既壽司, 又幾得意, 不過十二蚊舊..唔抵..之後低能d 叫左一個石鍋厚切豚肉烏冬..而低能c 就叫左一個吉列豬扒烏冬..都係石鍋上.. 一上果陣真係曉噴泡架(我講緊d 湯, 唔係我個口)..d 豚肉好林, 有d 似..豬利咁既味..至於吉列豬扒反而麻麻, 有d 林..可能俾d 蒸氣焗到..不得不提係佢個湯, 真係整得幾好..雖然之前食tea 食到冇乜胃口, 都仲頂得著..兩個人食左大約百七蚊, 尖沙咀收費算係咁..d 野食都幾好, 但係冇之前既食評講得咁好短期內應該唔會再去..…Read More

低能的我們一直都諗著去食一次韓燒見依間就腳, 所以就決定要依間試下一入去就見到傳聞中果位亞姐果把聲真係如雷貫耳, 隔離街都聽到不過我諗佢都係生性豪邁jei又唔見得佢d 態度話太差既由於去到果陣都尚早, 亞姐俾左窗口位我地雖然離食物位好遠, 不過勝在夠清幽唔駛聽到d 亞巫鬼殺咁嘈講到食物, 先講燒既食材可以話多, 又可以話少d, 都係雞牛豬墨魚腸咁啦130(連加一)貨仔算係咁上下其實d 咖哩雞脾同d 肉都幾入味仲有低能c 最愛(玩) 既多春魚除此之外, 仲有魚生壽司任食不過d 三文魚係冇味既, cheap 貨而熟食方面都有好多, 唔見咖哩蟹不過就有賴尿蝦, 滿足下我地d 好奇小寶寶反而最好既就係d 甜品同水果有豆沙鍋餅馬蹄糕沙律豆腐花等等低能的我們仲囉d 鍋餅呀薯條同糕去燒有相為証呀~依餐其實都食得過, 唯一唔好就係得個半鐘同埋亞姐臨走講左句: "你地食到過哂鐘啦!"…Read More

年初一至年初三都冇去街..年初四想靜靜地同低能c 渡過..所以就去藍灣行下順便醫下肚餓..依間都去過三四次, 可以話係藍灣既穩膽..因為佢d 環境都幾好, 又望到海.. 仲有鞦韆坐..雖然未坐過..=﹏="不過d 伙計始終係新仔, 單又唔落..仲俾隔離抬亞姐玩..亞姐問:「混醬係咩」個伙計諗左好耐又睇哂餐牌, 之後答..「咪d醬混埋一齊囉」...亞姐又問...「點解熱飲加兩蚊, 凍飲唔駛加」...之後靜哂...=﹏="...講左太多無聊野, 講番正題..原先諗著同低能c 叫個餐share 食..點知低能c 埋門一腳發難, 叫左3 個餐..1. 台式小鍋米線一直都唔知..原來台式小鍋米線係咁..根本就係混醬, 一面茄醬一面五香肉丁..送多舊檸檬..味道一般, 新年俾16蚊, 我算!2. 豆沙餅皮仲厚過煎堆! 同低能c 一人兩件, 飽哂!3. 炸芋球低能d 不嬲唔鐘意食芋頭or 薯蓉..不過今餐, 反而係最可取果樣..同埋個汁點落又okay, 唯一滿意之作..…Read More

天氣凍凍, 早上唔想落街買早餐所以低能c今日叫外賣早餐with同事Happy睇過之前收到既外賣紙, 就叫左1)雙併西生菜豬頸肉通粉+ 熱檸水($18)(2)牛扒火腿奄列三文治+ 熱檸水($22)送到上黎居然話要收$44!問個送外賣既.."點解唔係$40?" 佢就叫我地打去問打去問之後, 原來餐(1)加左價$20, 仲有外賣要另加$1@但係張外賣紙咩都無寫, 頭打叫外賣又唔講外賣要加$好激氣, 點知食落仲離譜!!!! (1) 完全係胡椒粉湯, 成碗好重胡椒味!(2) 火腿奄列半生熟, 食落居然有蛋殼, 痴線!!總之, 無下次!! …Read More

一月駛費太多, 又要交稅, 又要找聖誕既卡數所以想食得又平又開心, 可以考慮大家食繼上次試完村村香串燒同賽狗肉之後低能D 今次叫左海膽蟹籽丸過山雞手攬麵低能C 就叫左茄牛東坡肉手攪麵再加多碟菜同炸窩貼, 同兩杯野飲先講樓面, 都係一樣咁迫, 又係搭抬再講服務, 野飲照舊漏單漏到冇左影之後乾淨, 就要各位望望隻炸窩貼窩貼生仔呀! 真係唔知係炸粉定鑊撈黎啦!不過麵同湯既水準都叫維持到個丸同窩貼都幾好味, 東坡肉味就幾好不過就肥左d, 有幾舊肥到冇食到至於過山雞, 有d 似雞版既油渣...(太肚餓, 同埋等左好耐, 唔記得左要映相)即係雞柳既乾硬版...試一次就夠...下次會試埋個絕椒肚, 希望佢出多d 新野啦!…Read More

又想一路聽歌一路食餐安樂飯?又想可以食完飯消磨到時間?唔駛o係條街食風幾粒鐘? 黎依間啦(唔係賣廣告)低能的我們不嬲都幫襯開依間加州紅因為佢人流少, 又唔似其他k 房咁會2個人先得2個鐘, 佢會俾夠坐底3個鐘你對於食飽飯唔知去邊既朋友, 係一個幾好既選擇講番食物方便啦, 今次叫左1. 咖喱燒豚肉飯定食$522. 芝士牛利香腸焗飯$48唔知係咪加左價, 好似比之前黎貴左少少不過d 野食都幾好, d 飯又由白飯變左紅米飯首先講下個定食, 有螺肉有菜, 當然有豚肉點左d 汁之後都唔差架, 不過d 咖喱就弱左d而個芝士牛利香腸焗飯, 芝士味行過十條街都聞到不過可能芝士同牛利唔太夾, 低能C 食剩左半條低能D 望住流哂口水好想咬落去...=﹏="不得不提係有個免費沙津bar 同有湯架可惜走果陣先見到佢開...下次要再食!臨走仲寫左張揮春, 預祝大家新年快樂!…Read More

天文台明明話今日十五至十八度...點知夜晚凍到秋筋, 加上身在大埔就更凍...見到自助火鍋!!! 78蚊咋...但係好似冇乜人...不過經過神聖既擲毫決定之後, 都決定食依間!入到去, 個位對到正電視, 太好啦!坐低叫左湯底, 等到要叫先識黎, 黎左又唔開火又係要叫, 不過算啦, 因為佢之後d 上菜速度都幾快免費既野都有幾多! 有兩款點心, 小蘢包同水晶叉燒包有幾款小食, 好似泰式鳳爪咁一d炸野, 好似春卷咸水角等有糖水, 有甜品, 有橙, 有夏枯草/酸梅湯都有我食開既葵芳花園酒家7-8 成!一間屋村酒樓做到咁真係唔話得講番d 野食, 款式冇乜特別, 肥牛中規中舉魚同丸都係果d, 不得不提係佢d 蠔係任食大大隻, 而d 蝦係仲曉跳, 唔似其他酒樓俾d 死蝦你丫, 仲有..o係度食到其他酒樓冇既豬手同埋佢d 北京餃子d 皮真係好薄點講話叫點心咁叫法, 係大點黎架!總括黎講, 大部分野都幾好, 唯一係個甜品去得太快到我去囉果陣得番d 賣剩蔗, 不過又唔係酒樓既錯同埋你地既上菜速度同埋加水服務已經好好又唔駛加一, 有機會再去大埔既話, 可以考慮再去!…Read More

低能的我們去開九龍塘, 想搵茶飲下咁岩路過, 見到門口話點心4.8起諗住入去問下價啦, 點知個亞姐...掛著磨指甲都唔得閒理人...問佢點心咩價...佢仲問番我地咩點心...心諗...唔通依間酒樓唔賣點心?!定係佢唔知咩野係點心...搞左一輪, 佢竟然叫我地去囉點心紙睇...之後就走左入酒樓入面, 原先以為佢去囉...點知...唔對路...見佢咁既態度, 原先都想走...但係方圓幾里都冇酒樓, 唯有就範...入去坐低, 4.8 點心得兩款粥同炒米粉...唔抵!叫左4 個點心同炒貴刁, 先講貴刁...慘過茶餐廳...炒得好唔均衡, 炒到白賴哂咁...唔知想點...點心麻麻, 不過不得不提下大點既小蘢包...皮厚, 一d 汁都冇, 乾真真, 又係唔知點咁...野又污糟又唔好食, 服務又差...如果唔係獨家村, 做街坊生意, 真係搵鬼去...…Read More