nicolendy's Profile

【花雕三星麵】呢個麵湯底加入左花雕酒，酒味都幾濃烈，唔係咁中意熱食中有酒味嘅朋友可能覺得麻麻，不過佢個湯底偏甜同濃整體都可接受。 材料方面有酸菜、牛肚、牛筋同牛鍵，酸菜有一大湯匙咁多，酸甜度岩岩好又無好重嘅醃制味，非常開胃。牛肚同牛筋都燜得偏淋，易咬但覺得可以唔洗咁淋增加返Q彈爽口感覺。牛鍵整體都好軟熟易入口，兩大舊感覺好滿足！牛肉麵嚟講質素都算中上，而且料足同麵嘅份量都多，惟一美中不足係湯太少同埋湯底過甜，如果可以無咁甜同有更濃郁嘅牛肉味會更好！ …Read More

都係呢間餐廳嘅老顧客了，呢晚食左口水雞飯，以前係普通雞件，而家轉左做雞脾。雞脾都好大隻下，份量十足，有大量醃製嘅辣椒同芝麻，食落好麻辣同芝麻香。但係就切得太大件較難落口，比起之前呢個口水雞變得鹹左，鹹味出過麻辣味，味道層次無之前咁豐富。整體而言，餐廳食物水準比以前下降，等出餐時間都愈嚟愈耐，希望會有改善。不過都留意到愈出愈多新款式，如西冷扒配半隻龍蝦，見隔離枱食都好份量十足，價錢都只係$138，希望下次有機會試下其他款式！ …Read More

一行三人到呢間岩岩開左無耐嘅甜品店，見佢裝修幾靚，就去試下啦。嗌左個蜜桃芭菲、抹茶紅豆沙冰、朱古力沙冰。蜜桃芭菲樣望落幾靚，但成杯除左蜜桃食得下，其餘都唔知自己食緊咩，因為成杯的Cream撈栗米片，無乳酪無其他配料，食落只係食Cream，$58 可謂相當唔抵。另外杯抹茶沙冰，完全無抹茶同紅豆嘅味，啲冰好大粒飲管啜唔到，無咩味道似飲水，盛惠$40都係相當唔化算。呢個鋪頭啲裝修、食物外表都唔錯，食落真係好大落差，有啲食物偏貴，如一壺水果茶要$70，甜品拼盤(幾樣野擺脫一齊)要$120，都好彩無試。呢篇野唔係打手文，係食過太失望太差先同大家分享唔好因為裝修而上當。*沙冰因為太難飲無影相…Read More