掃食派's Profile

見以前光榮位置開了台式食品，抱住一試心態。伏伏伏，伏到唔知點解店主咁有勇氣叫自己台式餐廳排骨招牌滷肉飯， 基本就係一堆肉加個汁打個茨， 一點台灣滷肉味都無排骨？ 港式鬆肉粉醃到霉， 炸過下就係台式？到底店主同廚師食過台灣嘢未？ 識唔識食得出少少台灣味道都無？ 知唔知點整？ 上影片分享網站 睇下啦幾十蚊搵自己笨唯一可讚嘅就係環境整潔， 夠光猛， 有用即熱濾水機員工有禮，對每個客都好好招呼， 用QR Code 落單亦方便，以上所有嘢都無法挽救食物出品…Read More

無一樣嘢食得到泰國菜味拼盤入面豬頸肉炸到硬晒咖哩蝦基本全部分開煮再放埋一齊。 蝦頭發黑x2、蝦頭分離x2, 咖哩汁？ 係糖水加蛋， 配料同蝦只係放上去明爐魚，無任何香料味，魚霉最好食只有每檯都有嘅蝦片唔好話無下次，一次都後悔真係未試過咗差嘅"泰國菜？'…Read More

舊店去過兩次， 新店更就脚， 所以都想一試，加上評價甚好。依時到達， 正等待安排位置時， 就聽到由半開放式廚房中傳出一句好大聲的"DNLM", 我都講粗口， 亦唔反對， 但係一個裝修同環境都咁好嘅地方，就有點格格不入， 就算去茶餐廳都未必咁突兀。點了三款午餐： 卡邦尼寬麵、焗魚柳、海南雞卡邦尼寬麵入面有超多生蒜， 係白色未炒熟生蒜，蛋接近全熟， 只值5分焗魚柳， 用嘅係x寶10蚊一條果種鯰魚柳， 即係有陣梳打味果種， 加上麵包糠焗， 墊底係好重奶味薯蓉，跟一碟青辣椒泰汁， 怪怪的， 只值5分海南雞飯， 雞當然唔會有味，但油飯不錯， 薑蓉係加埋葱用攪拌機打成綠色， 葱味全失， 值6分全餐最好係前菜， 其他都非常失色…Read More

A-1 旗下，真係買麵包食好了。中不中、西不西、泰不泰、日不日， 無一樣嘢似樣， 叫日式滑蛋豬扒飯， 漬物已經奇，似潮州菜甫多過似日或漬大根， 每件豬扒浸滿鹹到苦豉油，真係無可能食到， 唯有要求換過。之後換了泰式炒金邊粉， 可以講得出每樣材料但除了比半隻青檸比你，無嘢似泰式， 包括個青木瓜沙律， 勉強碗冬蔭功有少少似。另一客日式鯖魚， 白飯唔使懷疑一定唔會日本米，但都唔好煮到一舊舊，好嗎？兩個人安排坐四人檯，侍應上菜時食物放係無人坐果邊要自己拖返埋面前， 收碟又無問下先， 無啦啦係你側邊伸手去你面前攞起，你比個奇怪表情佢先問你要唔要，真係好待別。呢個商場得幾間食店， 呢間真係最差果間，去食隔離果間快餐店都好過佢100倍，起碼你知比幾錢就有乜質素食物，食呢間嘢不如去傢俬舖食熱狗好過。…Read More

高級裝修，餐具精緻， 服務體貼，出品細心，價錢公道重陽去寶福拜祭完，揾最近酒樓同家人飲茶， 就選中呢間美x集團行高級路線酒樓。門面同裝修一睇就知高級， 非同小可。點心出品好細心， 蝦餃同出面唔同， 細心到怕客人食得急會比肉汁灼傷，所以d皮未夾已爛， 等d汁流走晒先； 素粉果都係，皮薄， 一夾就爛...........總之就樣樣都100分， 無得頂…Read More

今晚因有約， 由沙田坐巴士去葵芳， 塞車埋站時見到有門口只得日文麵店， 抱住支持小店心態一試麵店門口位廚窗見到有三個大煲，入面應該係湯底， 似模似樣坐底點左叉燒麵， 唔使兩分鐘就送到。叉燒鋪滿， 不過太瘦，欠缺日本叉燒肥美香味，而且嚡口; 麵身硬，合心意; 湯底都清， 飲到一滴無剩。收73蚊已經是較親民， 無葵興芳想食日本麵， 係一個不錯選擇…Read More

官塘工廈餐廳林立， 想試齊咁多間都幾難，而且好多無訂位係唔須要搏一搏walk in, 因為基本上無可能呢次試呢間很喜出望外，除左食物種類同其他餐廳不同，最正就係有無敵窗口開揚位， 食午餐特別心情開朗食完個午餐， 真係全日都心情輕鬆晒吞拿魚櫻花冷麵， 清新到精神為之一震雞扒皮香脆、蕃薯蓉同其他配菜非常夾， 係雞上芡粉太多，所以食到有半透明粉團，但整體都ok…Read More

最怕排長龍，所以總愛過晒高峰先去幫趁人氣店， 今次算得上10次出擊8次中伏當中有好野嘅兩次麵粗幼合意、湯底好濃厚、料充足， 好平均的好食， 只係湯底太濃， 夏天食完，成身都好似搬重野咁無晒力, 下次可以選擇清淡湯底呢間麵店， 有條件吸引我去多次…Read More

慕名已久， 飲食雜誌同友儕都吹噓如何好食， 令愛吃日本麵的我總想一試。今日下午4點路經， 見到門口有一大班人， 即時想走人，好彩睇清楚佢哋全部都係訓練員， 咁先有機會比我試下一蘭。點了超硬麵， 不用一會已送到， 呷一口湯與辣醬， 別一口麵條， 心情馬上低落。麵太幻、要超硬但其實係完全唔係果一回事、料頭少，唯一可取都只有那湯底， 但索價98, 呢碗湯超級貴， 所以都係無下次， 唔會再花錢係呢間吹大咗嘅日本麵店。…Read More

最愛小店，因為小店多數都有其獨有的'人情味'呢間韓國家庭主理嘅韓食小店已試過好多次， 每樣野都食得出堅。韓味今次食辣牛肋肉飯， 飯係珍珠米， 配以燜牛肋肉，入面好多大葱同生蒜，伴飯一流， 配菜係芽菜， 味清新， 一濃一淡非配合很好， 係一個人食飯好選擇。…Read More

平時去開新填地買野都經過呢間以傳統粵菜招徠嘅菜館, 只係以前中午仍有點心時買過一次點心外賣, 不過不失, 總係想試一次晚飯, 結果~ 當晚約左兩個朋友去試下晚飯, 點左杏汁白肺、招牌豉油雞、千絲芝心球、肉鬆四季豆湯 : 全晚最好, 湯味同材料都好足，都係一個唔錯嘅湯雞 : 鹹、無乜玫瑰露香味, 亦無乜豉油雞雞皮應有甜味, 佢話用新鮮雞, 我信, 但真係麻麻, 轉彎街市入面燒臘檔比佢更好食四季豆 : 四平八穩, 鑊氣亦夠, 不錯全晚最美味大賞 :千絲芝心球～上碟見到芝心球外面包以細麵炸起而成，賣相係吸引嘅, 咬落去就精彩啦, 好似食擦膠咁:鞋、乾、無味, 最利害之處係連入面嘅芝心都係一樣:鞋、乾、無味, 要做到唔同材料但味道同質地都一樣真係好巧功夫, 芝心我以為係流心, 粵來順來個重新演繹, 芝心, 其實都可以用來擦鉛筆, 又好食又好用。另外比到你額外驚喜, 係班伙計愛理不理嘅真誠態度, 真係唔係間間都做得到。所以, 我覺得自己無資格再去食, 我唔配係呢間菜館再浪費我辛苦搵返來嘅錢同有限嘅時間 …Read More

唯珍由佢9X年係金城隔離開已幫趁, 由只得湯麵到有炒粗, 再由舊店搬去新店都偶有光顧, 每次都係為左念舊而去, 相隔多年又剛好路過, 入內重拾舊歡, 可惜........點了豬扒麵, 呢度O既豬扒唔係上海式, 而係吉烈, 多年沒變, 麵條仍有咬口, 論味道是合格的, 但酸辣湯就差了, 只酸不辣, 本身已唔係正宗上海味, 現在更顯得不濟。不過最令我下定決心說永別的, 是他們用來放肉餡的雪櫃, 凌亂到不得了, 肉餡料係雪櫃入面佈滿, 排放又亂又恐怖, 怎叫人有信心食? 更差是果位男店主, 不斷罵人, 一臉不耐煩, 真是令人活受罪。其實我唔去多年既原因, 亦因為舊店交比其他人主理後, 又係一片凌亂, 情況同多年前女人街分店一樣。一間食店, 就算你食品有幾好食, 見到呢D情況, 真的只能說句 : 無下次…Read More

裝修好韓味好吸引， 當晚點了奶奶雞同蜆奶奶雞夠辣好食， 雞肉嫩配菜火喉剛好，碟底薯粉盡吸辣味， 味道似用麵豉加辣椒煮， 應該不太韓，可能我見見識少蜆肉飽滿好食， 味道都夠， 作為小食反而不錯一班人去應該會更好，可以試埋其他食品註：男廁一開門就見晒，又對住出面， 又剛好有人在。。。。。， 鄰座女仕只好低下頭扮見唔到，好不自在…Read More

為避開人龍選擇下午光顧， 只能講句低於預期牛肉麵， 麵入面係一團未煮開黐埋一舊嘅麵， 同經理反映換返一碗都仍有麵條係黐埋一齊，真係煮者無心，但麵質本身係ok嘅， 湯底都可以，點知炸排骨又出事， 鹹得來無左台灣炸排骨味，而且近骨位生， 唔通連鎖的真係會出事？其他飲品同抄手都係麻麻， 光顧一次可以說再見…Read More

每日返工都會經過, 但都未有機會試到, 終於搵到個晚上可以一試。麵店標榜東南亞麵, 款式唔多, 只有餐牌上那幾款, 蝦、牛、咖哩、燒鴨, 可選配油麵、米粉、棵條...... 亦可以選兩種粉麵配搭。當晚試蝦麵同鴨麵, 蝦麵味道有D似車仔麵加辣魚蛋汁, 蝦有兩隻(全透明, 應該是來貨, 已經鹼水處理), 味道說不上特別, 索價78真的有點貴鴨麵是伴麵, 有花生同江魚仔, 麵汁較稀, 所難以沾上油麵, 或配以米粉可能會好D, 價值48, 尚可接受小食蝦春卷, 用越南粉皮包住炸, 但應該都係交來, 所以唔會食到蝦既質地, 配上用小杯盛載辣椒醋, 但杯口窄春卷粗, 想點都唔係易事, 賣35蚊, 有點.......桔仔梳打, 有一燈鹹柑桔仔、一片檸檬、一片青檸, 所以只有飲到梳打味, 賣35蚊, 就有點那個總結 : 裝修簡潔, 但食物說不上東南亞口味, 材料亦不見得正宗, 大部份食物都係來貨加工, 個人來講唔太欣賞, 或者下次試下飯類, 睇下會唔會有所改觀。唔想寫得太負面, 但係荃灣立足, 一定要有實力先可以生存, 否則好難捱下去, 當然我都樂見有不同食肆出現, 希望呢間鋪可以改進一下, 變成另一間有荃灣出名潮拜食店。…Read More