happymealcafeee's Profile

作為元朗街坊一直都很喜歡到Chef Stage，基本上一星期至少都去一至兩次，一直都覺得食物質素唔錯，但係最近有關服務嘅問題好想同餐廳反映首先我唔知餐廳基於咩考量請咗幾位唔識講廣東話嘅staff做侍應，講得唔好都唔係問題，最基本譚仔姐姐或者一般茶記阿姐都會嘗試用佢唔鹹唔淡嘅廣東話幫你落單，都唔係直接用普通話去問客第一次遇到直接講普通話嘅侍應，真係唔知佢係expect我哋要就佢去講普通話定點？全程都係用普通話問我要咩，呢度係香港咁我當然係講返廣東話。落完單去到送餐，我發現有單係點錯。不過當第一次，以為可能咁岩遇到餐廳唔夠人手，所以搵住呢啲Staff頂住檔，就冇特別叫佢換過份餐但係接住落嚟幾次嚟食，都係遇到幾位唔識講廣東話嘅侍應。我認為如果侍應就算唔識講廣東話，冇影響出餐或服務質素都叫問題不大，但係第二次嚟除咗我杯嘢飲都係落錯，隔離都有好幾台都係因為呢個staff而出現點餐錯誤其實我覺得好好笑，要為咗因為侍應唔講廣東話而特登寫一個食評，但係好希望管理層可以正視呢一個問題，作為區內都叫就中高檔路線嘅西餐廳，唔明點解要請大陸人，仲要其他員工都要講普通話嚟就佢哋，我以為自己番咗深圳作為光顧咗咁耐嘅顧客，真係由你哋喺雞地開始就已經支持，我希望你哋可以正視呢個問題。明白而家飲食業越嚟越難做，但你哋作為扎根喺元朗區多年嘅西餐廳，去到要客人特登用普通話嚟就返你哋唔識廣東話嘅侍應，咁樣不單止影響服務質素，亦可能令客人感到冇被尊重…Read More

第一次嘗試Regent嘅The Steak House，當日係平日夜晚，8點幾餐廳仲係full house，餐廳氛圍好好，適合情侶紀念日撐枱腳👍特別要讚係職員好專業，就算喺餐廳好忙嘅情況下，都好有耐性介紹不同部位嘅牛排，最後喺職員推薦下，我哋點咗一份T-bone都好建議大家可以問吓職員，因為除咗餐牌上面steak嘅選擇之外，餐廳每日亦都有唔同日數嘅牛俾大家選擇，職員會就你嘅喜好來作推薦餐廳主打食steak，所以質素不用多講，特別牛扒帶少少煙熏味，我個人覺得出面好多西餐廳都好少有不過我覺得最令我驚艷嘅係，餐廳嘅前菜同埋side dishes都好好味，因為我哋當日都點咗好多唔同side dishes，例如mushroom, mashed potatoes同spinach每款都好好食，同埋只需加$98，都好適合一大班人share而前菜我哋點咗Grilled Octopus、Bone Marrow同生蠔，每款都好好食，特別Bone Marrow加上海膽令味道更豐富順帶一提我覺得餐廳職員好friendly同特別「地」，好多時去一啲稍為高檔嘅餐廳，有時會覺得有啲拘謹，但當晚嘅職員好好笑容，會同你有講有笑，所以我幾喜歡呢度嘅氣氛…Read More

今日朋友生日，特登book咗呢間餐廳，因為之前都有同事推介過，話呢間餐廳好適合慶祝生日，果然成餐飯都冇拎我哋失望！首先，waitress嚟到先問我哋係咪第一次食，因為我哋係第一次嚟，所以佢都特別介紹咗個餐牌。餐牌除咗可以單點食物，仲有一個叫Chef Feed Me嘅menu，裏面會包括5款大廚推介The Optimist最signature嘅菜式，仲會包括Lobster Rice，價錢每位$568。都幾適合第一次嚟嘅朋友，但係又唔知嗌咩好，呢個menu就啱曬！不過因為我哋嚟之前都睇過個餐牌，都有幾款想特別試下，所以就冇揀到呢一個Chef Feed Me餐牌。我哋點兩個starter，TUNA TARTARE 同 PULPO A LA GALLEGA，兩款都好好食，見個他他都比較多人介紹，就唔特別講😂第二款佢係八爪魚片再配上薯仔喺底，呢一款個味道會比較濃味啲，比較似西班牙嘅口味，食落都okay，不過不失！另外我哋都嗌咗一份蝦，呢一個蝦非常之驚喜，因為佢好鮮味之餘，而且蒜油味都好香！本來我哋淨係嗌左一個Lobster Rice，但係食食吓覺得唔係好夠飽，所以再嗌多一份Rib EyeLobster Rice個龍蝦食得出好新鮮，不過我嫌個飯龍蝦味唔係好夠濃，所以覺得有少少overrated~ 但！係！個肉眼扒真係超！好！食！我哋叫咗三成熟，牛肉味好濃，而且佢上面亦都淋咗少少pesto?（唔太肯定，個汁帶少少酸），令成塊扒嘅味道昇華咗好多，而且食落唔會覺得好濟！與其話Lobster Rice係必點，我會覺得呢個牛扒大家真係唔好錯過😂😂最後我哋都叫咗一個甜品，而職員亦都彈着結他唱住生日歌咁同我哋慶祝，嗰晚都有三台客係慶祝生日，所以都聽咗好多次生日歌😂不過呢間餐廳氣氛真係好好，同埋waiter服務都好友善！好啱大節日或者慶生過嚟食飯❤️…Read More

Yoho NOC開業一段時間，自己亦都光顧咗幾次，不過之前試過佢ADB覺得冇乜驚喜，同埋果次食覺得啲蘆筍有啲老，不過今次嘅烤雞沙律就令我一試難忘！沙律碗嘅選擇又唔多，有牛同烤雞等等選擇，如果要健身，或者要實行生酮嘅朋友，呢度都有唔少健康選擇！沙律碗嘅份量亦都好大，食物種類都有好多，而個餐亦有包兩片酸種麵包，保證你可以食得飽！雖然呢度食嘢價錢唔係話特別平，但係我覺得能夠喺元朗區搵到有健康嘅野食同埋沙律等等嘅選擇，NOC以cafe來說都有幾多款提供！咖啡質素當然係非常之好，而拉花亦都好靚👍…Read More

由Chef’s Stage喺雞地嘅細舖食到依家，亦都食過其他地區唔同分店，Chef’s Stage食物每次去食都保持一定的水準由於Chef’s Stage比起同區內其他餐廳都收得比較晏，所以今晚收工比較晏就去咗Chef’s Stage。晚餐餐牌有二人餐亦都有單點選擇，今次就冇叫到二人餐，諗住試多少少前菜同甜品。首先點左一個牛肉墨西哥粟米片，個份量真係好大份，適合一大班人食，兩個人就真係有啲大份😂主菜我哋點咗一份牛腹柳，雖然比起牛扒冇咁大份，不過兩個人食啱啱好。而且牛肉都好嫩，成數都十分準確另外想特別推介牛腹柳再加配$78嘅配菜——菠菜蘑菇，份量好足，而且牛油洋蔥味好濃好香！最後甜品部分，分別點咗焦糖燉蛋同提拉米蘇，兩款都係餐廳signature甜品，當然有一定水準！…Read More

再次到訪喬木，不過今日Lunch Time都幾多人，幸好book咗枱，所以唔需要等太耐我同朋友點咗兩個午餐，一個係汁燒牛肉定食同鯖魚定食一如既往，喬木嘅午餐份量好多，亦都有好多個配菜，所以食嘅時候特別有滿足感。而佢嘅配菜亦都好有誠意，每次食配菜都會有少許變化，亦都十分推薦茶碗蒸👍而成餐飯令我最驚喜嘅，就係嗰個汁燒牛肉，牛肉好嫩，而且牛肉汁嘅味道夾得相當好！而呢個定食亦包括甜品，之前食開都係芝麻奶凍，今日係綠茶奶凍。想講佢哋嘅甜品亦都好出色，奶凍好滑，不論係芝麻定綠茶味，都唔會覺得過甜，啱啱好！…Read More

之前已經聽聞呢間手工意粉好出名，所以專程過嚟試，唔知係咪因為星期六嘅關係，啲枱都幾full我同朋友點左一個卡邦尼意粉同埋紅蝦意粉，份量係真係幾少，不過每次侍應喺上菜前都會介紹菜式特色，呢一點值得一讚👍卡邦尼手工意粉點樣同我哋講卡邦尼意粉係用意大利傳統做法，所以蛋汁會香濃啲。而食落蛋汁真係好香濃，不過我覺得味道偏鹹咗少少。紅蝦手工意粉侍應亦都係上菜前特別同我哋提及，呢一款紅蝦蝦膏比較香濃，食嘅時候可以撈埋蝦膏嚟食而家嘅一款意粉我覺得幾有特色，蝦味道香濃，但係唯一一個缺點就係兩款意粉温度都唔太夠而最後佢哋嘅飲品都唔錯，味道幾好。最後埋單兩位$700，價錢算偏貴，食完唔係太飽，因此性價比唔算太高，所以試過今次都未必會再二訪🥲不過睇得出店員，同埋老闆都親自落手落腳去做，服務係真係好好！…Read More

上次食完個tea，見朋友生日，再試埋個晚餐因為今次有7個人，叫左個4人餐再加幾款starter同意粉，可以試到大部分菜式。成餐飯都食得好開心，晚餐食物質素都冇令我地失望4人餐都真係好抵食，包2個starter，2個意粉或者意大利飯，仲有2個main，包埋4個湯同飲品令成件事覺得cp值好高因為都叫咗好多嘢食，精選幾款私心推介，有幾樣實在好驚喜！真心個軟殼蟹意粉好驚喜，佢夠蟹膏味但又唔覺得好濟，幾款意粉都好掛到汁同埋個甜品紅酒釀啤梨都好好食，好少元朗餐廳有做見到應該係店主？好年輕嘅廚師一腳踢，想同你講聲加油，希望可以繼續keep住個水準！…Read More

元朗最近開左好多新cafe，有幾次經過by the o都冇位，今日趁星期一中午過去，好彩有位食物質素不過不失，主要就精緻路線，叫咗一份egg benedict都唔錯，特別個汁酸酸甜甜好開胃不過飲品就好好飲，而且賣相好靚，好適合打卡！…Read More

本身都係住附近街坊，裝修已經開始留意見佢soft opening就入去試下個brunch估唔到有驚喜👍Brunch都好多選擇，有輕食、意粉同cake，樣樣都想試😂不過見做完gym，都係扮下健康食下沙律烤安格斯牛沙律老實講個價錢比起出邊Cafe食嘅沙律算平，但估唔到個份量都幾足，有好多片烤好嘅安格斯牛，雖然睇落好紅，但食落啱啱好，唔會老好juicy而且最開心係，個沙律本身配埋牛油果，如果驚唔夠，都可以加錢加個煙三文魚或者extra avocado宇治抹茶鮮奶見到Menu上邊，佢寫係抹茶用久丸小山園抹茶粉，所以諗住試一試。飲落真係有好濃嘅抹茶味，係我鍾意嘅味道，唔會太甜，又唔會有種苦澀味Brunch & Tea 可以半價加咖啡或者特飲，最後埋單100蚊都唔洗，唔貴坐得舒服，而且睇得出食物飲品整得好心機👍希望新店繼續keep住，下次試埋個lunch同dinner，不過佢lunch次次經過都好爆，睇下有冇機…Read More

雖然一開lift門以為去咗玩密室逃脱，睇得出餐廳希望走格調路線，所以燈光真係好暗😂不過環境一流就唔多講，望住成個維港view，但食物都幾有驚喜👍見到唔少人去到都會點片皮鴨，我就覺得不過不失，質素都幾好！但係最驚喜反而係個京城羊肉推薦京城羊肉本身自己唔係特別鐘意食羊，但係呢個菜我覺得好有驚喜，個menu介紹個羊係紋咗24小時後再炸，個皮脆之餘，食落唔覺得有羶味，而且個肉都好淋，大推！最幼滑豆腐奶凍除咗羊肉，都十分推介大家試下啲甜品！叫咗一個豆腐奶凍同烏龍茶雪糕，奶凍一入口即溶，而且豆腐味好濃，可以話係我食過最幼滑嘅奶凍！雪糕口感都好幼滑，而且食落唔會死甜，不過都係奶凍完勝！順便一提，點咗一個桂花甜酒，飲落好特別，而且好易入口，值得一試Overall食物同環境都唔錯，幾啱大時大節或帶外國朋友黎食，不過長輩可能未知like，一黎燈光真係好暗，同埋佢唔似中式中茶館有奉茶，反而點酒或者mocktail多。總括都係一間值得一試嘅餐廳，除咗一啲熱門菜，反而可以試下其他菜式，可能有更大驚喜！…Read More

有次下午茶食過覺得okay，諗住試下晚餐，但晚市完全大為失望🤦🏻‍♀️其他菜式不過不失，但特別要講下個墨魚汁意粉，一食落去唔夠熱已經有啲扣分，而且意粉完全極乾，個汁都冇唔夠味😥但講到最失望真係個甜品，特別係個海鹽戚風蛋糕，完全係嘉頓雪芳蛋糕(仲要食落硬過雪芳蛋糕)再放pat cream上去，真係未食過咁求其嘅甜品😩總結餐廳晚市價位算中高價，2個人都食咗$800以上，但食物質素同服務態度都唔太相符，所以都唔太推薦晚市，平時食下lunch同tea就還可以🤔…Read More

嬲到第一次寫食評!!!!!🔥🔥朋友生日，見到OpenRice呢間餐廳幾多好評，仲推出10蚊一隻蠔優惠環境望落又唔錯，諗住試試佢但係!!!!對於呢間餐廳係完全失望，買單5位食咗超過$2000，但食物同服務質素仲差過薩莉亞🙁完全唔明白點解會咁多好評，懷疑啲好評全部係打手黎，麻煩嗰啲收咗錢嘅foodie唔好亂俾正評，搞到openrice完全冇曬公信力1. 員工訓練不足一坐底個staff不停推薦我地叫多過$500，就可以以優惠價錢點生蠔。咁我地就諗住落住少少生蠔食住先。staff幫我地放曬生蠔餐具，突然又同我地講，啲蠔已經賣曬，當時只係8點左右，但原來內部又冇com好，如果明知唔夠蠔，點解仲水人去點，放好曬餐具又拎番走，成件事好odd😓正當我地討論緊件事有幾唐突之際，個staff冇啦啦又話，原來搞錯咗，仲有幾隻蠔剩，但呢轉之後冇得加單….一開始講到好多可以任加無上限咁，結果好似無用呢個優惠呃人入黎食飯咁。之後啲staff都好多出錯，例如將我地自己買嘅蛋糕上左另一枱，事後又冇同我地講番聲，淨係扮冇事之後生日牌又插錯，未食完又收走曬啲野食😅😅雖然啲staff態度唔差，但好明顯員工訓練有侍改善2. 食物欠新鮮啲蠔係完全唔新鮮，除咗熱之餘仲要個味變變地唔知係咪餐廳為咗應付我地，再求其拎番啲蠔俾我地。咁唔新鮮，我寧願唔叫好過😥3. 價格同質素不成正比其他食物質素叫過得去，但完全唔值單點要$100-200，成餐飯人均消費超過$400，但食物同服務質素完全係值$100左右…Read More