LilyKam's Profile

晚市燒豬頸肉船河$52個湯底食落好似公仔面湯底但好在豬頸肉都係幾好食嘅同埋個蘿蔔真係好甜豆卜就無咩特別 又細舊份量都係無menu圖入面咁大份嘅但味道都算ok啦加3蚊嘅泰奶幾好飲 有驚喜奶滑 茶香…Read More

朋友放工約我喺附近食飯咁岩佢想食牛筋 我地就去左食小王其實小王嘅牛肉麵唔係真係太好食個湯嘅甜味係來自糖 而唔係食材牛嘅鮮味都唔係好食到但係牛肉同牛筋就ok嘅 煮得夠稔 唔會話咬唔到我同朋友仲叫左碟粉皮辣辣地其實幾好食嘅牛肚口感都ok仲有碟熗炒薯仔絲食落口第一下真係好正好辣 但好香d薯仔絲又夠幼夠入味入味得黎唔會太稔仲好食過某灣仔名川菜份量都唔少 幾抵食最後我地係清左碟薯仔絲 但無食哂碗麵服務同環境都ok嘅 下次會再黎…Read More

人生第一次食到上海排骨面係吉列嘅仲要厚度好似肉片咁調味竟然係甜嘅雖然38蚊包野飲都叫平但係呢個排骨真係好令人失望碗面d炸菜都係甜嘅.....刷新我對炸菜嘅理解唯一值得讚嘅係豆漿係真係唔錯嘅…Read More

同朋友行過觀塘諗住食個Sunday lunch度度都好逼好多人見到東廣場有間新開嘅cafe裝修仲好靚 好似佢個名咁comfy朋友嗌左呢個sourdough 我就嗌左個煙鴨胸青醬飯sourdough面包十分好食個egg Benedict 都有水準 醬好食 蛋流心伴碟沙律入面仲見到三色堇 （可食用花）好特別個青醬飯都好有驚喜d青醬係自己打出黎嘅 唔係出面買現成嘅煙鴨胸都唔係出面十幾蚊一舊又落好多鬆肉粉果d雖然個鴨胸無乜味 口感亦都唔係十分好但係誠意就有加分…Read More

蟹先生我同男朋友都鍾意食蟹 所以我生日就黎左Mr. crab食手搖海鮮Cajun 汁好惹味 好香 配薯仔同粟米食一流但係就油左少少我地嗌左珍寶蟹，蟹肉好鮮甜但上次黎食果陣d蟹鉗蟹腳有拍碎 會入味d今次無拍碎 無咁入味帶子同螺都無乜沙 但都係蟹最好食加左個香草包香草包焗到外脆內軟 點d cajun汁黎食好好食但因為掛住食蟹 d包就凍左呢個蘋果批都ok我本身唔太食Apple pie因為唔鍾意cinamon但個朱古力雪糕好濃郁又唔會太甜加左d焦糖醬更加好食配埋個熱辣辣嘅批同蘋果 即刻俾我清左半個…Read More

豬扒炸得幾好外脆入面又多汁炸得好香 下次可以encore我叫左麻辣湯底幼面個面幾好食 都有少少彈牙個湯就麻麻地唔夠香 都係叫返清湯會好食d呢度d鍋貼都又平又好食16蚊有5隻…Read More

牛肉還可以 份量口感都ok牛筋幾好食d蘿蔔都幾好食但個湯同面就唔得無心機整面不如唔好賣面啦d面一d都唔彈牙，好似超市幾蚊包嘅面賣56蚊真係有d嬲食左少少就唔想再食d湯又係 完全就係調味料嘅味但牛肉就整得ok所以都係俾返少少分…Read More

見囍記無乜人坐 隔離大家樂又長期滿座我就入左黎食早餐$31 早餐價錢都算ok但份腸仔炒蛋嘅腸仔係凍嘅雪菜米的湯好重味精但雪菜份量都還可以呢個價錢黎講不過不失啦唔算特別好食…Read More

叫左牛舌心 辣尤魚 冬菇河粉，豬骨湯底，加腩汁加蔥加辣汁小食就叫左麻辣手撕雞湯底好好飲 飲完唔口渴 無乜味精d餸全部都好多 牛舌心以為得少少但都好多手撕雞好好食 調味好好下次都會黎幫襯…Read More