alfredwu1206's Profile

百幾蚊碟野 份量少到可憐 之前嚟食都無咁少 同經理講 經理話上次比多咗我 無心做就算啦下次唔會再嚟囉 抵佢得返一間 香港餐廳真係好幫診得落手 傳菜姐姐服務幾好 係呢碟野要用刀叉分嚟食條氣有啲唔順…Read More

收到傳單，跟住傳單上面個WhatsApp 落單，去到位即刻有得拎，返到公司一打開個餐盒，超多餸，食到好飽，超好味，雞扒超好食，好 juicy！希望 keep 到水準！下次會再試其他餐。…Read More

本身好鍾意食牛舌，見香港有，而又好多人話呢間唔錯，諗住一試無妨。點知食完之後同老婆一致認為無下次。通風比較差，食完之後成身一浸油味，張台係痴立立，枱同凳既高度坐得唔舒服。食物比較油同重口味，完全食唔到牛舌既味道，本來以為98蚊會有碗飯，嚟到之後先發現只有圖入面既一塊鐵板，之後即刻加10蚊叫埋個紫菜飯。服務方面，都唔期望會有咩服務，只係店員講野比較粗魯同少少惡。其實無啲人講到咁好食，整體分數只有5/10 。…Read More

行過見翡翠拉麵小籠包執咗，行咗入去試下。裝修：沿用舊店裝修，檯櫈都無變。野食：排骨同扣肉既肉質超硬，咖哩腩份量超少，無薯仔，擔擔麵及其他麵類份量超少價錢：以65-68嚟講CP值超低。可一不可再。…Read More

出貨極慢，等15分鐘都未有簡單一碗麵，前線員工發呆，問及是否有漏單才捧出，點咗鹽味同山椒兩碗，兩碗湯底濃（過鹹），山椒味鹹到無酸辣味。麵身可以，性價比低。雖然有米之連推介，但睇嚟米之連只係推貴咗個價錢。…Read More