ElephantBB的個人專頁

今晚同肥妹打邊爐，揀呢間嘅原因係我好想食榴槤炸彈🤣火鍋店首先送上2人份海鮮，有多款海鮮，我倆最愛鮑魚、象拔蚌，好新鮮！牛小排只限1盤，非常新鮮，好有牛味😋刺身併盤，有好多款刺身，好好味😍她好鍾意食貝類，好爽口彈牙🤩原來like 社交平台專頁加留言就可任食刺身，但我哋好細食，like咗都無加單😭點咗胡椒豬肚湯底，辣得嚟都清清哋🤣牛小排真係好香濃牛味！好想再點🤣可惜只得1盤😛壽司、熟食都有好多款式，目不暇給，壽司尤其多款式，都夠新鮮☺️好可惜蟹腳唔掂，非常鹹，而且無乜肉，又瘦又鞋又太韌了😣一大敗筆😔等咗成晚，差不多飽哂先出我嘅至愛 - 榴槤炸彈！好彩有得食！熱辣辣香噴噴榴槤味，令人回味無窮🤤薑蔥炒蟹，有點兒過鹹，攞咗個蟹蓋唔太多膏🤨甜品不過不失，她總係攞她最愛嘅朱古力甜品🙄她試了個新嘅蛋蓋芝士桃茶味，我當然要食我最愛嘅榴槤味雪條🥰食物大部分都好味的，不過價錢稍為貴咗少少🤏但最緊要我倆今晚係開心的👩‍❤️‍💋‍👨…查看更多

今日同肥妹出街，午餐後佢又要飲「致肥毒物」🤣佢話前年同班閨密去泰國嗰時，班閨密介紹飲過呢間，話超好味喎，仲話好期待香港開分店🤣終於等到開咗😅是但啦又陪佢試吓😘肥妹點咗泰國珍珠班蘭咖啡鮮奶$39。等咗5分鐘左右就有得攞，原來內堂有地方坐，都好喎，入去傾吓偈😌因價錢都唔平，原本都有啲期望，飲落都好味的，因奶味充足、咖啡味都夠濃，但就無乜驚喜🤷‍♂️戲肉來了！啲班蘭珍珠出哂事，硬崩崩嘅☠️！？一啲都唔煙韌，班蘭味又唔夠重，令成杯咖啡大打折扣🥴加上價錢唔平，但水準同「大X活」差唔多，性價比低，所以都幾失望🙍‍♂️…查看更多

今朝竟然落大雨，攪到我搵肥妹食午餐都去唔到遠😤今日係肥妹轉工後，我第一次去搵佢食午餐😝佢話foodcourt入面有間食台灣菜好好味😋佢係附近公司員工仲有9折🤑好呀，平、靚、正係我座右銘🤣酸菜肥牛米線配小食，小食點咗鹽酥雞，9折後都係$55！抵食夾大份！湯底唔太辣，又夠酸，肥牛唔韌🤤碗湯粉令人好開胃😚鹽酥雞話就話係小食，但份量多到成個主菜咁🤣加上啲雞好鹹香、香脆，但又唔會過燶，好出色👍👍呢個鹽酥豬扒飯啱哂我呢隻大食食肉獸🤣9折後$59！豬扒好大份，又係好香脆，仲有半隻滷水蛋，咁大個飯撈埋酸菜食一啲都唔覺膩，食完感覺好滿足🤣每份餐都附送一個菜，個蒜香汁整得好入味☺️我倆加咗$8要咗個大大杯凍咖啡，夠哂了😝肥妹真係無介紹錯🥰…查看更多

今日落雨，原本想戶外活動都取消了。有咩做？惟有又同肥妹食食食🤣商場行咗陣，肥妹鍾意食台灣嘢，就入去試吓啦。明白限聚令分隔措施嘅實行，但侍應帶我倆到一張枱，係用一大堆紙箱貨物放喺我哋側邊嘅枱面，用嚟分隔住再隔離嗰張枱，因為覺得啲紙箱唔太乾淨，所以感覺唔良好！之後，簡單叫咗2個下午茶餐，鹽酥雞（跟米粉個餐不用加錢）到咗，份量不多，但味道不錯👍炭燒烏龍珍珠奶茶，跟餐加$8忘記叫少冰，奶茶好快已淡了，但味道都可以😄茉香綠茶，跟餐不用加錢。都真係幾香茉莉花味，甜度亦適中👏麻辣雙丸米粉$37肥妹最鍾意食辣😅所以實會叫辣嘢🤣唔... ... 個湯底係辣，但又唔係好麻嘅味道，米粉係新竹米粉類別，佢鍾意❤️。牛丸、豬肉丸都係唔夠爽口，而且豬肉丸比較淡口，一般般啦🤨雞翼撈公仔麵$29我最愛平價之選🤣都真係幾細碗，不過$29想點吖🤣味道都幾好的，公仔麵不會過鹹、油膩😋食物一般般啦，但是侍應們嘅態度都麻麻。首先啲侍態度都是冷口冷面，再者我哋每食完一樣食物，侍應永遠係「攝」咗隻手入嚟加成個身軀「挨」咗入枱先問我哋仲要唔要，攪到肥妹係咁側身避仲要皺晒眉頭😟…查看更多

相約我的她今日食午飯，由於她在觀塘區工作，近近地遷就下佢，去左觀塘工業中心嘅小伊甸食台灣野。第一次黎小伊甸，地方都算幾易搵喎👍餐廳裡面地方唔算大，但座椅都幾闊落😌我地叫左1個雞排皇牌特餐配波覇奶茶（加大）$72、1個豬排皇牌特餐配冬瓜仙草（加大）$69。收銀小姐幾好人，我地本來想點加大（加$5），佢同我地講話個餐飲本身已加左大☺️全部點左半糖、少冰。珍珠奶茶稍為淡左少少，而且珍珠漿埋左一堆堆，但都可以接受的。但冬瓜仙草又甜左少少😅雞排同豬排都係鹽酥，豬排唔會太油膩，亦夠鬆化，肉燥飯不鹹，屬健康類型。雞排亦是好味。最好味嘅係椒鹽花枝丸，炸到熱辣辣，陣陣椒鹽味加上彈牙嘅花枝丸真係好好味🤤整體都不過不失嘅，但觀塘區午餐黎講價錢就唔平。如果飲品質素都可以提升就更好🙂…查看更多

今日同我的她簡單食，佢揀左屋企附近嘅八方雲集，因為佢話好想飲珍珠奶茶喎🤣麵線套餐（配5隻餃子）轉珍珠奶茶$43。麵線黎到，嘩！都好細碗下，但味道可以。珍珠奶茶甜度適中、餃子煎得幾香口亦好味。貢丸麵$30。明明點左米粉但黎錯左麵，唔緊要啦🤷‍♂️🤷‍♀️但都真係幾細碗😅同埋得2粒貢丸真係未免孤寒左啲😣整體味道都還可以，但價錢就唔係幾平，因為以食物份量作比較... ... 我倆今餐食左共$73，但都唔係幾夠飽😅…查看更多

今晚我與她心有靈犀，想食台灣野，到達山市街阿元來了，可惜該店門面關上，原來逢星期一休息！心情立刻跌至一個點！無奈下另找食店，行前幾步，轉個彎，見另一食店 - 可可店。門面有點殘舊，但似實而不華，應可一試！內進，眼見人客疏落，坐下看看餐牌，一般嘅粥、粉、麵、飯都有，款式多多，連特色小食都有供應！我點了欖菜肉鬆炒飯，而她點了餐肉豬扒公仔麵，另點一個潮州家鄉小食煎蠔餅，再加一杯特色飲品花生珍珠奶茶！整體食物都算好味，欖菜肉鬆炒飯飯粒夠乾身，有咬口！豬扒炸粉不厚又炸得香脆，餐肉亦煎得很香！煎蠔餅一般，似一般酒樓嘅薄罉，她食到塊大蠔殼差啲咬崩牙。她是環保L，原本點左花生珍珠奶茶走飲管，點知都黎左杯野插住飲管。都有花生香但有少少苦味，珍珠無甜味有啲失望。整體感覺還可以。…查看更多

Burgeroom呢個名在我朋友敘會中經常提起，可惜從未試過。今晚剛巧在銅鑼灣辦完事，已到晚飯時候，心血來潮想食burger，立刻醒起Burgeroom，終於有機會一試了。餐廳都係半滿，都幾多外國人幫襯。因為得1個人，所以只點左鵝肝牛肉漢堡加可樂！漢堡幾好味，鵝肝都幾大塊，夠香夠滑。牛肉夠厚身有肉汁，加埋熱溶芝士都幾夾。個漢堡都好大個下，一個人食都好飽，下次可以搵埋她一齊，多個人可以叫多啲小食分擔下，唔使食到咁飽滯！…查看更多

陪她去大角咀睇示範單位，明明食完午飯，她點都要行過黎旺角，話要試新開嘅人氣飲品喎！個個女人都係咁，是但啦陪下她。好彩條龍唔係長否則我實拖她走！排左十分鐘唔夠已行到去收銀位！不過點完杯野後要等幾十個號碼，唉，惟有周圍行下先。逛左十五分鐘左右再行返去，杯野飲終於到手，她點左虎虎生風厚鮮奶，話係大、細珍珠撈埋黑糖一齊，加入鮮奶，再加濃厚鮮奶打成稠身放喺面！不過唔明點解個稠奶喺面，但又要搖匀先飲... ...飲落都係甜嘅奶，她猛話好飲，又話黑糖味香濃，又話大、細珍珠好咬口... ... 我個人覺得，都可以啦，咪又係杯甜奶，但係而家啲野飲成三十蚊杯都幾貴，仲要兩個人前後十分鐘不夠就一陣風咁飲哂杯野。不過只要她開聲，我點都會盡量陪她的。…查看更多