waikitay's Profile

今日同朋友仔慶祝生日，佢夜收工，所以只好去佢公司附近既酒樓食飯慶祝。友人最喜歡食雞同帶子，所以叫左個順德生煎雞同黑松露醬炒帶子，仲有個花膠野菌浸翡翠苗。1. 黑松露醬炒帶子好香，帶子都好鮮甜。2. 花膠野菌浸翡翠苗 – 呢個一般，無咩味道，D花膠原來會碎上，唔講仲以為係鵝腸3. 順德生煎雞 – 呢個應該係招牌菜，我見好多枱都有叫呢個，佢上枱時仲”吱吱”聲，一端上嚟就一陣姜蔥味，原來鍋底用大量姜蔥墊底，D雞好嫩滑好香，不過呢個要快手食，因為裝雞既鍋熱辣辣，遲左食D雞就無咁嫩，同埋要小心鍋邊燙手。4. 呢度個白飯好特別，係用砵仔上的，不過無得落豬油去撈飯5. 最後當然要叫個大大隻壽桃包同蛋黃千層糕同朋友仔慶祝下。…Read More

今日去開深水埗，順便搵食，見好多人係新香園排隊，當然唔執輸，又排埋一份，不過都好快有位。坐底阿姐馬上同你落單，我叫左個豬手麵同咸牛治，再加枝樽裝可樂。豬手麵 – 係我食過最 “淋”既豬手，又入味，一d都唔膩，個麵都好爽口。咸牛治 – 正! 再配枝可樂，正爆。以後嚟深水埗唔一定要食維記，新香園又經濟實惠同好味。…Read More

今日約左位長輩在澳海城食飯傾偈，首選飲茶啦，於是去左東海酒家，因為想避開人群，於是1：30pm先入座，所以大把位。不過因為太多客埋單，所以我地落單既野食好遲先上菜，好彩我地唔趕時間，可以慢慢食。瑤柱蛋白菜粒炒飯 +浸豆卜肉丸呢個套餐好抵食，炒飯唔油，飯炒得好乾身，而浸肉丸份量好多有十幾粒，清清地，長輩好滿意。棉花雞長輩每次飲茶都必食的，但味道一般。小籠包去東海飲茶必食的，水準保持得好好!杞子燕窩燉蛋白食飽飽仲想食個甜品，叫左個燕窩燉蛋白，一大啖燕窩係上面，蛋白又滑，唔算太甜，好滿意。…Read More

今個星期二約左朋友係銅鑼灣食飯，佢話想食清D，於是上網搵到呢間新野 – 麵檔，聽侍應講話仲係試業中，所以我地12:45去到都仲有位，完全唔使等。佢個門口裝修都幾靚幾特別，完全唔似一間麵檔，似一間地庫酒吧多D。同埋，大家約朋友既時候要留意，唔好約門口等，因為佢有個兩個出入口。麵檔，以為只有麵食，點知原來有埋酒樓點心同上海冷盤叫，朋友叫左細蓉同奶黃包，我就要左豬手撈麵同蒸排骨。細蓉味道一般啦，但個奶黃包勁正，勁流心，食既時候要小心滴呀。而我就非常喜歡我既豬手撈麵，有成4大舊豬手，份量都幾多下，豬手夠入味。個蒸排骨最後先嚟，原來佢即叫先即蒸，好新鮮，味道都唔錯。…Read More