WYC1991's Profile

貓之茶房係我去過咁多間貓Cafe自己覺得感覺最輕鬆嘅一間，裏面嘅貓貓都比較和善，小朋友輕輕力觸摸，貓貓都唔會出爪。大部份媽媽都係為食貓，一聞到有零食或者聽到零食罐罐嘅聲音，就會過嚟。貓之茶房，現階段淨係提供輕食同埋飲品，閑日第一個小時計$60 ，之後每小時$38。一份貓零食係$12 ，半份貓零食就係$6。我最鍾意貓之茶房，係因為我喺呢度消費可以幫到流浪貓。…Read More

因為見到報紙上面有優惠，所以我哋全家打算喺陶源酒家食一餐。我哋叫咗片皮鴨、聖子、芝士龍蝦伊麵同埋叉燒。酒樓嘅環境清潔整齊，食物賣相不錯，但有啲餸唔夠熱。我好鍾意食片皮鴨，佢嘅片皮鴨唔算太肥，亦都有足夠嘅佐料， $128一食算唔錯。…Read More

今次係我第一次嚟呢一間餐廳食飯，上次嚟嘅時候因為冇預訂，所以冇位。今次可以成功喺餐廳食到嘢，因為半個月前喺社交平台page訂咗位。餐廳食物價錢合理，賣相吸引，味道不錯。今次我同朋友食咗個二人餐，裏面包括左兩個餐湯、兩個沙律及兩杯飲品。我哋叫咗一個薄餅同埋一個意大利飯，另外再加錢要多咗一個小食拼盤。食完嘢之後，我哋就同貓貓一齊玩一齊影相。我哋可以額外俾錢買一啲貓零食比貓貓，亦都可以自備逗貓棒同貓貓一齊玩。餐廳好多人，亦都好多家庭帶着小朋友一齊嚟。呢度嘅貓貓基本上都十分親人，見到人都唔驚嘅，佢都會周圍行。但係我就略嫌小朋友同貓貓玩嘅時候有啲不分輕重，我有好幾次見過有小朋友經過員工勸喻之後仍然會抱起貓貓或者會阻礙貓貓周圍行，嚇到貓貓好驚。…Read More

今次是我第四次來貓之茶房。我都去過不同的貓cafe，但最鐘意都係貓之茶房。因疫情關係茶房不會有lunch，但可以叫飲品或甜品。來到呢度都志不在甜品架啦～～今次比平時來的時候早，所以我來到時貓貓都比之前熱情，好多時候貓貓都主動過來一齊坐～～^_^記得，可以同貓貓影相，但不可以用閃光燈同埋不可以強行抱起貓貓～～～貓貓鐘意好靜既環境，所以大家來到時一定要保持安靜～～^_^…Read More

昨日晚上來到鴨脷洲食晚餐，慶祝人日。叫左幾碟小菜，味道同賣相都不錯！我尤其鐘意千島醬炸蝦球，賣相靚，蝦也很好食，配千島醬真不錯！👍🏻👍🏻昨日6點已準備食晚餐，坐低後再慶幸自己咁早到，因為昨日原來已經full booking～～…Read More

喺IG見到呢間餐廳，同朋友一齊嚟試吓。偉業街地點有啲偏僻，但係距離地鐵站都係可到達嘅路程。上到餐廳，發現環境寬敞，店員有禮貌，食物賣相不錯。我同朋友坐低之後，就開始點嘢食，我點咗一份韓式烤雞辣醬三文治，朋友點咗一個雞扒蕃茄意粉。食物味道不錯，可惜韓式烤雞辣醬三文治製作需時，但值得一試。…Read More

這是我第三次來到貓之茶房，店員在顧客進店前都會很耐心地講解接觸貓貓時的注意事項；若遇有顧客在店內騷擾貓貓，店員也會加以阻止，看得出店員都是十分有耐性和愛心的人。場內環境清潔，店員應經常清理店內的貓毛，整體感覺滿意。…Read More

喺荷里活廣場行完街，就決定嚟泰亭食吓嘢。餐廳嘅食品選擇還可以，我本身對軟殼蟹嘅期望好高，但係佢嘅軟殼蟹稍稍偏鹹，唔太啱我嘅口味。反而佢嘅串燒好好食，意想不到～^_^…Read More

我本身唔係咁鍾意食燒肉，但係因為爸爸鍾意食，所以揀咗喺呢一間餐廳食父親節飯。呢間餐廳係親友介紹嘅，我自己都覺得佢性價比高。佢嘅價錢唔算好平，算係同平時放題嘅燒肉餐廳差唔多，當日晚飯每人大約係$400左右。我哋當日冇訂位，去到餐廳，員工同我哋講每日用膳只有90分鐘。入到去因為時間尚早，所以都仲有空位。佢哋安排我哋坐咗喺卡位，餐廳環境好整齊，好衛生，員工嘅服務好好，上菜好快。呢間餐廳冇放題，我哋當日叫咗一個set，再另外加咗一啲野食。我覺得佢地醃肉好入味，醃料偏甜，啱我嘅口味。佢嘅人生雞湯好好飲，其他配菜都唔錯。佢嘅牛肉入口即溶，肉質好鮮嫩。餐廳嘅前菜，包括泡菜、醃蘿蔔等等都係任添。再有下一次我覺得我都會再選擇嚟呢一間餐廳食燒肉。…Read More

第一次在萬豪漁港食晚飯，即使當日臨近母親節，萬豪晚市亦不算多人。當晚我地揀左幾個小菜食，食物賣相不錯，味道亦不俗，侍應很快手，上菜很快。下次若再有機會，我地都會再來一次～～…Read More

這已經是我第三次到訪貓之茶房，我從未在這裏吃過東西，但我喜歡吃貓貓一起玩耍和相處的時光。可能大部份貓貓都是流浪貓的緣故，所以貓貓警戒心比較強。但是我十分欣賞這裏的員工，他們都把貓貓照顧得十分好。👍🏻👍🏻👍🏻👍🏻👍🏻如果你也很喜歡與貓貓相處，這裏會是一個好地方。😊😊😊😊😊😊我在這裏買了一份零食給貓貓，他們都10分喜歡吃零食，都會爭先恐後地過來「巴結」你。😻這裏有很多不同種類的飲品，我今次點了花茶，味道不錯。…Read More

今次已經係我第二次嚟呢一間餐廳，佢最大嘅賣點就係餐廳主要係幫助流浪貓，裏面嘅貓貓都被照顧得好好。之前因為疫情關係，餐廳曾經有一段時間唔容許顧客有堂食，所以就冇喺裏面試過任何嘅食物。今次再去，只係點咗一杯飲品，飲品嘅味道不俗，但係嚟得呢度，主要都係諗住同貓主子一齊玩。一入到餐廳，店員都有詳細同我哋講解收費同埋規矩，例如唔可以用閃光燈同貓主子影相，唔可以抱起貓貓，唔可以為貓貓食自己人類嘅食品。餐廳地方寬敞，貓貓都十分自在。星期一至五頭一個小時嘅收費係$60 ，第二個小時起就每個小時收費$38 ，如果係紅日價錢就會另計。如果你好鍾意同貓貓一齊活動嘅，呢度會係一個好好嘅地方。…Read More

今日在附近換身分證，岩岩出來就見到呢間餐廳，侍應態度良好，十分熱情。餐廳嘅午市套餐款式很多，價錢合理。我和朋友試了炸天婦羅加熱烏冬及壽司醒加熱烏冬，食物賣相很好，味道很好，買單總共$250左右。…Read More

呢間已經係我入嚟大埔一定會嚟食嘅餐廳！餐廳地方有分室內及室外，我普遍喜歡坐喺室外嘅地方，餐廳很細心，喺室外嘅地方都會放置太陽傘及蚊香。午餐一人平均大約要$100-$150，食物賣相及味道俱佳，而且份量足夠，侍應服務良好。…Read More

食物賣相不錯，味道亦不俗，地方十分寬敞和整潔，是可以與朋友一起相聚的好地方。食完午飯後，我和朋友一起服侍主子，主子們很活潑，很喜歡與人互動。😄😄😄😄😄…Read More