fasteat88的个人专页

深水埗出名多好嘢食，餐廳林立，選擇多而且性價比高！趁週末出去走走，睇吓啲電腦舖頭有咩新玩意，之後去搵嘢食都好方便！今次嚟到呢間西餐廳，感覺空間好大因為樓底好高，而且座位多又好闊落，幾舒服！坐低之後，侍應就好有禮貌咁安排座位然後遞上兩杯水，餐單上面選擇都幾多，因為我平時鍾意食burger，今次仲係好特別嘅用和牛製造，特別矜貴！果然，入口好香牛味而且好Juicy, 中間塊芝士都好香濃，簡直Perfect match! 伴菜有新鮮炸起嘅薯條，揸得好好食!仲叫咗我最鍾意飲嘅凍齋啡，真係好夾啲嘢食!另外，仲點左一個冇激素嘅烤法國燒春雞，皮脆肉亂，雞肉好入味，肉質唔會柴，有少少辣，味道唔單調！值得一讚！餐廳入面都有好多小朋友，一家大細喺假日用餐，場面好熱鬧！價錢合理，食物質素優質，下次都會嚟幫襯！…查看更多

今天忙裡偷閒，搭幾個站黎到北角太元樓食飯～睇門口格局好有派頭😆入面裝修得體 坐得舒服～坐低先來兩隻乳鴿 上碟熱辣辣😍咬落去肉嫩口又多汁 大大隻 夠惹味😋（聽聞之前好快賣晒，好彩今次食到😆）最愛吃的小籠包 皮夠薄 摺夠多 入面足湯足料 小心燙口😆雞絲粉皮 份量充足 麻醬夠 粉皮夠彈牙 入口好香口好爽滑～高湯浸豆苗 豆苗新鮮～上湯浸簡簡單單夠清淡 突出新鮮食材 夠健康～醬炒大蝦年糕 夠晒大碟 甜甜地 年糕夠彈牙唔會炒到好乾 正～搭多兩個站可以用平民d既價錢食到好野（中午黎果陣張單無加一😍😍 唔知晚上係咪都咁抵🤔） 又無核心商業區咁逼～抵食😋…查看更多

成日食打邊爐 今晚有機會約齊人一齊試下傳統京菜～訂左枱 去到好快有位～十分欣賞餐廳裝潢，非常別緻😊張枱好特別 枱面下是金魚缸 格局好特別好中國風～ 😊😊食得京菜第一件事就梗係叫返半隻北京填鴨😋賣相一流 皮薄肉嫩 好有正宗北京菜味道😋😋之後上個京燒排骨架～燘得好入味，而且韌度適中 唔太硬唔太軟 老少咸宜😎😎食京菜水餃走唔甩la 簡單黎講 皮薄餡靚～值得一試！炸銀絲卷 外層鬆脆 內裏鬆軟 而且熱辣辣～好味😋食到差唔多 叫返個菜清淡d～ 用料新鮮～食埋甜品 拔絲士多啤梨（八粒），感覺好美滿呢😋整體成餐都好正，由餐廳格局到碗碟都別出心裁！食物用料新鮮，師傅手勢正宗，可以Encore😎…查看更多

同家人慶祝，希望可以望住海景慢慢嘆！幾日前已經事先book定台，一定要坐窗口位，食埋個維景嘛！打開menu，見到好fusion嘅火鍋材料，確實幾精緻！聽講呢間更是台灣過江龍，餐廳佈置好有特色，感覺入面展覽館咁！開始點餐，我們挑選了鴛鴦鍋東方美人及養生白鳳$ 328; 湯料有烏雞，桃膠，花膠等藥材;好滋潤咁！枝仔冰-基本款$ 88；材料新鮮！包括有蝦滑，外皮很彈牙！冬甩，吃起來很Q！$ 88夏錦簇菠菠$ 108，用菠菜包磨碎芝麻和枝竹等材料～咬一口好豐富！新鮮菜籃$ 238，估佢唔到咁多款菜！外型似插花的花盆咁！扺讚！有心思！打邊爐又點少得叫野飲解渴！山楂紅果汁$ 88，一個字爽！環境，食物，服務都幾好！下次可以同d朋友再黎！…查看更多

之前行過大角咀見到 Lost Stars Livehouse Bar & Eatery 覺得入面既舞台格局裝修好正～😍一定吸引到好多本土有潛質Band同歌手上去表演 週末專登Book位去體驗下😊餐廳很有規矩 八點後開始表演 每節表演二十分鐘 只有一節與下一節中間休息過場時間可以Order食物 十分尊重表演者還有時間落Order 先來了一個蟹肉蝦肉墨西哥式薄餅～餅皮舖滿蟹肉蝦肉，當然唔少得芝士仲有牛油果，配搭墨西哥餅，入口感覺好Fresh😁 跟住黎左個豬鞍～豬鞍很嫩口，食材選料唔錯，配上炙燒粟米同青蘋果醬，以豬代牛有時都幾好😎然後九龍城雞翼一客，過下口癮😋過口癮當然唔少得炸薯球配卡拉布里亞香辣腸，炸薯球幾特別，薯蓉餡料配炸皮，內脆內軟的質感😋😋仲有個酥炸軟殼蟹配香草沙律，甘香哥口食落亦唔覺得油膩～以上食品邊吃邊欣賞Liveshow 實在太寫意😎難怪有傳聞大角咀會打造成另一個Soho～Lost Stars Livehouse Bar & Eatery 氣氛確實超好，這裏的舞台裝潢對表演者和觀眾來說都是個好地方😊…查看更多

今天黎到九龍城，週圍望下有乜餐廳，見到浜滝由門面，餐牌到裝修都十足地道日本餐廳，決定一試😉成間餐廳裝潢落足工夫，入到去感覺好似去左日本旅行咁～ 正！😎坐低侍應推介今天蠔新鮮～而且長崎直送岩蠔是這餐廳Special入貨的品種，加上本少爺今天又好有心情想食蠔，先兩個人一人叫一隻岩蠔😎超大隻超新鮮！入口勁Juicy～喜歡吃蠔的人值得來試試！然後來個半熟吞拿！ 平時在日本餐廳都是吃生的，今次試半熟，口感非常特別，能食到吞拿的肥美又有半熟的香口！十分欣賞餐廳呢道菜😎今天唔想食飯，但又想叫飽肚食物來了個大阪燒～足料又香口😝來個牛舌～ 軟硬適中，燒得好入味而且唔太油～燒物仲叫左雞軟骨、雞皮同柚子雞肉串，香口又唔會太乾身，鍾意燒物的朋友必定要試試餐廳的燒物😎跟住左個黑板上的推介菜式明太子大啡菇燒～ 明太子襯大啡菇是非常別緻的菜式，菇得入味，襯明太子是很合襯的配合！😋😋重點推介大分直送火炙平目魚邊～成道菜入口即溶～感覺同係日本吃的無分別，師傅選料，刀工及煮都有一手！正！叫埋Orion生啤，為呢餐增添情趣！想搵間環境富有日本格調而又奉上極具日本味的美食的居酒屋，絕對推介浜滝～😋…查看更多

今晚心情特別好想吃日本料理慶祝下～兩個人選擇左在旺角朗豪坊丸十日本料理試試～先點左雞泡魚乾做前菜，勁香勁好咬口，份量都算多！黎日本料理當然唔少得刺身啦😋叫左個刺身任選三點～揀左帆立貝、海膽同劍魚腩！超正超新鮮！全部都好大份！$138選三款俾到咁新鮮同算大份量我覺得幾抵！壽司是另一樣必備😎兩個人點左丸十壽司盛合～有大鮪魚腩，海膽，牡丹蝦，帆立貝同築地直送鮮魚，每款兩件😆 因為太鍾意食帆立貝同海膽，加上呢度真係好鮮味～所以食完刺身再Encore壽司都唔怕～食完壽司刺身，叫返d熟野中和下～西京比目魚！超香！燒得剛剛好～～ 入口即溶！鍾意燒魚的朋友必試！燒物另外叫左牛舌同雞翼～燒得勁香！份量適中😋當然以上食物要叫返杯Sapporo啤啤佢，正！又好食又方便，價錢又合理，鍾意食日本料理的朋友絕對要試下丸十！😎😎…查看更多

慶祝週年紀念，book左餐廳同老婆食鐵板！餐廳Location位於中環心臓地帶，都易搵！步入餐廳，環境都幾寬敞！打開餐牌，點了鐵板燒set dinner! 先來鱈魚片，表面燒得焦香，愈食愈想食！另外，前菜有岩石蛋，魚子海帶，天婦羅，展開味蕾躍動之旅了...刺身三式賣相精美，有牡丹蝦，鯖魚及椰青貝刺身；用料新鮮，味道鮮甜！師傅為我們呈上鵝肝，煎得外脆內軟，擺碟仲砌成心型，連同熱帶新鮮水果，減少油膩感！另一款吸睛菜式，也是整晚最令人期待的是鐡板煎龍蝦，以牛油煎，配上少許調味，再以黑松露，海膽汁，滲入龍蝦肉之中，鮮味再提升！師傅以180度將金鯛外皮炸到酥酥脆脆，內裡魚身嫩滑，上碟一刻實在驚艷！還有，黑松露炒雜菇，蒜香白飯魚炒飯蒜香炒飯，炒得香噴噴，好好味！甜品方面，送上焦糖多士，食落脆卜卜，多一份焦香。水信玄餅晶瑩剔透，裡面加入左金箔，底下有黑糖漿，味道天然，附有黃豆粉！還有清甜的哈密瓜作完結！實在太幸福了！…查看更多

近排好想打邊爐 朋友介紹黎財記海鮮火鍋活魚刺身試下～黎到門口已經好多人 仲見到魚缸好多海鮮 正！😎因為怕辣 所以坐低先叫個豬骨湯底～在座有人好鍾意吃牛，所以選了最貴的頂級牛，雖然要$298一碟，但絕對推介！我覺得物超所值！非常新鮮嫩口！好少打邊爐的餐廳能提供這樣高質素的牛！份量亦好大碟，俾多d都抵！😎其他還叫了脆鯇骨腩，超爽口，吃得出很新鮮～跟住有海蝦，也是非常新鮮～而且很大隻！手打蝦丸和墨魚丸質感很均勻，都很足料都係果句，很新鮮😋響鈴是即炸出來的，侍應上碟時還感覺到是暖暖的，口感很鬆化，超正！打邊爐想合理價錢吃新鮮食材，絕對要試試財記海鮮火鍋活魚刺身～…查看更多

我很喜歡食餃子，今天來到圓方餃子店一試～兩個人叫了一碗韭菜餃，一碟叉燒腸，煎韭菜一碟，雞粥及豆漿餃子唔錯 皮唔厚 菜肉均勻 好味好味😎叉燒腸一般般 唔知係咪臨收工就無乜叉燒剩 夾得好少叉燒 皮本身又包唔實d叉燒 腸粉唔算做得出色煎菜餃推介一試～ 非常香口～煎得剛剛好雞粥都ok，雞份量算係咁la～粥底亦都唔太稀剛剛好合共埋單$101～簡簡單單一餐算係咁la😋…查看更多

行開旺角，屋企人突然想食放題，今次就去之前朋友介紹的至尊滿屋日本料理。今次好彩早左去，唔使book都有位！食放題最緊要多選擇，呢間有兩大本的點心紙，又有自助飲品，同甜品生果區，都幾多選擇。食放題嘅回本位就係壽司刺身，所以第一輪就點左啦！呢個刺身拼盤好有驚喜，呑拿魚，甜蝦，油甘魚... 三文魚好大塊，好厚，好新鮮。連熟食都好有驚喜，首推芝麻雞翼，蟹黃海鮮粥，燒菠蘿。最後仲有movenpick雪糕。呢度坐得都幾舒服，下次都一定會介紹朋友過嚟 !…查看更多

一個毒L行完黃金買Gundam，附近搵地方坐低醫肚～見到古早牛肉麵好多人，試一試睇下乜料叫左個半筋半肉牛肉麵筋口感超爽 唔太淋唔太硬 腩又俾好多舊 口感都好正 湯做得有心機 飲完唔口渴 再配埋蘿蔔索味 正～一個人再來深水埗會再試其他～😎…查看更多

又到晚飯時間 近排想食多d唔同菜式感受下黎左書湘門第 （Cafe Hunan😊）探險因為唔想食太辣叫左個酸菜魚同清炒萵筍絲 風味幾獨特，同一般廣東菜做法有d唔同 酸菜份量會落多d吊味 萵筍更加好少係廣東菜館吃到間唔中試下唔同中菜都值得一來～…查看更多

雖然係連鎖店 但並不代表馬虎今晚好想食壽司 無預約下又想快就去了板長 叫左蝦、火炙三文魚、帆立貝等等 其實我覺得去板長一定要吃佢的火炙壽司 果種燒完入口即溶的口感佢真係做得好好😋😋最後叫多個鍋暖下胃 有時即興去連鎖店開餐都可以食得好豐富😎…查看更多

今天去荔枝角出差 做完正經野緊係搵好野食😎 行過見到Castle Cafe都算ok好坐 坐低叫左個豬手飯～ 豬手口感適中 唔太淋唔太硬 配埋餐湯同飲品 想係呢區食飯坐得舒服dd 呢間都唔錯～…查看更多