or#ta66886538's Profile

做會員嘅心情好矛盾😐有八折日，本來係開心，當五點幾攞飛，等到八點幾都冇得食嘅心情真係好灰…. 😭😭😭其實美心有冇諗過將八折變做每月會員coupon？唔使每個月嘅星期三大家都咁慘，客又唔開心，廚房又做死，樓面又俾啲客嘅眼神殺死⋯ …Read More

其實這個價錢，食物算是這樣。但是衛生問題需要正視。男的服務員還好，女的年輕看來是兼職，十分懶散。掛住傾偈，枱唔執，椅子桌子都有醬油，匙羹湯碗都沒有洗乾淨。最慘是，吃完拉肚子😑…Read More

難得今日可以食下午茶，睇咗幾間最後去咗靠得住。果然係米芝蓮，食物同埋服務都好好🫶🏻入到去服務員嘅笑容同埋溫柔嘅說話，已經好窩心。下午茶餐叫咗牛腩麵有專人灌湯，牛腩好腍，三嚿牛腩兩嚿根，啲麵好爽。再跟一個混醬腸粉，份量好足好好味。為食再叫多份甜品，$12腰果露，絕不欺場，好香，好明顯係炒完即磨，冇溝粉，太美好。😋😋😋…Read More

喺附近住咗一段時間，好好奇呢間餐廳，點解疫情尾段開業到而家都空空如也。多謝恆隆送現金券俾我有機會試吓呢間餐廳，上一次試呢間餐廳集團嘅高檔法國餐係喺大館，都係得個樣嘢食唔OK，服務唔OK。今次都一樣😅😅今晚咁啱得我一個人自己食，既然有現金券就嚟試吓啦。去到門口都知道服務麻麻哋，接待處冇人，服務員見到我一個人，就就一皺眉頭，知道我有現金券，個樣好唔情願咁。最後安排我喺個冷氣機風口下面，佢仲要毫不客氣攞開咗另外張枱客人嘅物品俾我坐。到坐低嘅時候，我同佢反映冷氣機啲風都幾犀利，佢話係得呢個位㗎啦，一係你排過隊啦。我最後話，我外賣啦，心諗咁嘅服務無謂坐，既然恆隆一番心意，外賣啦，都試吓呢間嘢嘅質素。當我見到外賣嘅時候，真係笑咗出嚟。佢隻碗好大好大，好多湯。跟住當我搵我嘅牛筋嘅時候，得嗰幾條。你唔好睇相好似好多牛筋，全部都奀滋滋，我專登擺我對日本筷子影相。我對筷子已經短，碗麵仲要細到得我半對筷子嘅長度😅好明顯，食完，完全唔覺得有食過嘢。咁試埋佢個合桃糊，多份量唔少，以為都好仲有個甜品。嘩救命呀！唔單止開粉，仲要開到一嚿嚿😦合桃糊俾你咁樣演繹真係好淒涼，完全冇合桃味，成口粉，死甜。我最後選擇，自己煮個公仔麵算😆😆😆當攞外賣嘅時候見到原來係呢個集團，我已經心裏一沉，又係呢個集團，好伏。好抱歉，我係一個唐人，對服務同質素有要求嘅一個食客。就算係鬼佬，住得喺香港一段時間，都會知自己食緊啲咩。我終於明白點解你個餐廳長期冇人幫襯….…Read More

The afternoon tea set served cold and tasteless. We had a bit and left all pieces. Relatively pricy towards its services and food. Better to have a cup of coffee or standard happy hour drink instead. This place just good for photo taking and one off be frank. Worst afternoon tea ever…. …Read More