Stanley1125's Profile

前幾天，到附近的小店吃午餐，其實一直都想光顧此小店，難得今天有時間。店內只有兩張吧椅同一張長椅讓來買外賣的顧客坐下來，店內環境清潔整齊，令人感到舒適。我點了一個美式漢堡加薯條🍟同一杯汽水，坐左大約十分鐘，收銀姐姐便送餐給我。第一口食薯條🍟，真係外脆內軟，兼且有淡淡的咸味，令人覺得會再食一條。跟著食漢堡飽，飽是普通嘅漢堡麵包🥯，中間夾著生菜、一塊漢堡同番茄🍅再加茄醬同芥末醬，漢堡表面剛剛煎熟，漢堡中間仲有少少紅，所以當食漢堡的時候，還有很多肉汁流出，非常好味😋。整體勝價比都算高，所以經過，可以一試。…Read More

星期一放假，和太太到旺角女人街（通菜街）搵地方食午餐，見到這茶記幾嘅裝修幾特別，所以入內光顧。大約十二時，此時餐廳亦有幾枱客人。餐廳環境很清楚，裝修很很特別，牆上有很多懷舊照片，感覺很舒適。我太太叫左鮮茄焗豬扒飯，鮮茄味道適中，豬扒也算滑，總體整個豬扒飯調味同材料總算合格，性價比亦相對合理。而本人則叫左蔥油雞扒飯，個蔥油不會太多油而且薑蔥比例調較得不錯，雞扒煎得不錯，味道咸淡調較得適中，白飯軟糯，米也是用比較好的。總括而言，如果去開旺角逛街，可以到此店光顧。…Read More

星期日到旺角通菜街越興園越南菜館食午餐，餐廳環境整體都不過不失，衛生都算清潔，座位比一般寬敞，職員招待都有禮貌同和藹可親。我太太叫左烤豬肉撈檬，烤豬肉烤得很香口，檬粉不會太淋同斷開，檬汁亦好味。我叫左海南雞飯，油飯中規中矩，而雞肉算是滑，質感也不錯，配菜是菜心，沒有泰式海南雞飯嘅酸蘿蔔，醬汁是蔥油。我個人比較喜歡新加坡🇸🇬嘅海南雞飯多一些，因為醬料配搭油飯比較好味，而且雞肉也比較嫩滑。這個午餐嘅性價比都合理，不過要收加一服務費。…Read More

今日同囝仔一齊去雪山茶記食午餐，之前食過早餐🥣同午餐，印象不錯，所以再度光顧。餐廳環境都不錯，座位都算闊落，衛生也清潔，員工招呼幾好，而且員工之間工作得很融洽同開心。我同囝仔叫左咸魚茸楊州炒飯和始祖椒鹽豬扒飯（炒底）。楊州炒飯炒得好乾身，蛋味很香，飯是粒粒分明，亦有咸魚味，整個飯都合格有餘。始祖椒鹽豬扒飯，飯底炒出香味，椒鹽豬扒很夠鑊氣，調味適中，令人有好想食下去嘅慾望。而且價錢公度，物有所值。套餐是不包例湯或熱飲。如果選擇午餐會配例湯。…Read More

今日去完果欄買生果🍎，諗著去食午餐，經過女人街（通菜街）見到意房菜呢間食店，價錢都平，便入內一試。餐廳得一個每侍應，所以好忙碌。內裡環境比較污穢，座位同通道都比較窄。我太太叫左鮮茄豬排🥩焗飯，豬排🥩不太柴而且尚有少許肉汁，味道正常。我叫左吉列豬排🥩拼照燒雞排大碗飯，吉列豬扒多點油，照燒雞扒都不錯，味道都不差。總體可以一試，如果去旺角逛街，又搵唔到食店食飯。不過要預左餐廳環境衛生不是很好而且在假日只得一個侍應。…Read More

上星期去太子火五越式牛肉粉專門店試下，太太很喜歡食越南🇻🇳食物。我們要等大約二十分鐘，便有座位。太太叫左火五特式鳳爪撈檬，等左大約二十分鐘才上餐，其實鳳爪味道不錯，但檬粉較軟身，整體普通。而我則叫左火五火車頭牛肉粉，分量都比較多，生牛肉只是一般，熟牛肉就比較碎，牛丸是一般嘅質素，湯底較多味精，所以飲完較口渴，整體同一般越式店差不多。飲品叫左凍鹹檸梳打，反而覺得這杯飲品不錯，鹹檸味都幾好，飲左好舒服。…Read More

上星期和太太去旺角仕德福酒店的德福閣食自助午餐。太太一早訂了位，到達酒店，餐廳環境都比想像中闊落，自助吧在餐廳的中間位置，一般酒店自助餐的食物分類都有，如冷凍吧、熱葷類、甜品等⋯。餐廳會每人送四隻生蠔，生蠔好新鮮同好creamy ，有海水嘅味道。熱葷有好嫩滑的海南雞，炸雞不太乾有少許肉汁，蘿蔔牛腩味道可以，牛腩比較嚡。凍海鮮有蝦，中規中矩。粉麵粥檔亦不錯，粥底和味道唔錯。燒豬肶就嚡左點。西式甜品有蛋糕🍰切餅、馬卡龍、蘋果金寶、芝士撻同芒果布甸，所有甜品都可以。中式甜品有煎推。總結而言，是性價比高嘅自助午餐。…Read More

由於港鐵屯馬線開通，所以專程乘港鐵到土瓜灣一帶逛街。路過江西街見到一上海食館-上海美食之家，我和太太到門前看一看餐牌，見到有很多款式的食品，便入內用餐。店內座位不多，我們叫了擔擔排骨麵和酸辣湯麵。兩碗麵都是我們兒時的味道，感覺非常懷念，由於我倆都差不多六十，所以可以食回這種味道真是開心，因為現時的上海食館大部分都是新派味道，好難得會食回兒時的味道。擔擔排骨麵-排骨炸得很鬆脆，薄薄炸粉，上海麵都是彈牙同滑身。總體唔錯。酸辣麵-湯頭酸辣味調配得都幾好，材料亦豐富，坊間少有的木耳，這裏都有。…Read More

前一陣子去大埔街市買東西，順便上去熟食中心看看有什麼食，可能由於疫情關係，見到東記上海麵無人排隊，便試一試他們出名的豬排🥩麵。麵同豬排是分開上枱，豬排有一層薄薄的炸粉，味道一般而且豬排🥩比較嚡，麵是生麵，不過不失。如果專程來食，就不是很值得，同坊間的豬排麵差不多。可能有一些食店還比他好，麵質亦不是好，湯頭也是一般，不是用很多食材製作。招待亦很一般。環境衛生也是一般熟食中心一樣。價錢都是略比其他食店貴。…Read More

經MM-Mill Milk介紹後，專程到大埔榕基滷水專門店1992幫襯買外買回家一家人食，買左滷水鵝上庄起鵝片、爽脆滷鵝腸、滷豬耳同滷豆腐。店舖師父滷水鵝起片很細心同擺設得好整齊。這個自制滷水拼盤味道很好，滷水豆腐軟滑同有陣陣滷水香味，滷水適中又不會搶豆腐嘅味道。滷水豬耳爽滑兼且不嚡，亦有滷水的香味。滷水鵝腸真是爽脆滑兼且散發滷水嘅香味。滷水鵝非常之好味，鵝肉軟滑，味道清香，滷水不嗆喉但有滷水嘅濃香，師父刀功細膩，鵝片係適當嘅厚道，所以鵝片口感不錯。店門這Logo好特別，令人很容易想起這滷水店。外買袋與店門前嘅Logo一樣。所以話，年青人真是創意無限。…Read More

星期日中午經過越發，見不是很多人排隊等開舖，所以和太太排隊等開門，大約十五分鐘，老闆便出來招待入內。店內環境都不錯，檯與檯之間的距離都算寬闊，亦沒有太大壓迫感，而且播放輕音樂。我們叫左河內牛柳粉和碳燒豬肉伴越南檬粉，同越南滴漏咖啡。河內牛柳粉嘅湯頭幾清但是飲到濃郁嘅牛味，至於牛柳應該是比坊間嘅越南🇻🇳食店高一些，所以很嫩滑，牛味都不錯。河粉亦滑溜唔會碎。碳燒豬肉伴越南檬粉嘅特色是撈檬湯，是甜甜酸酸，令人很開胃，而且將檬粉做成一口一啖，食法就好像日本占麵一樣，挾一口檬粉，然後點一下湯來吃。豬肉真是即叫即燒，好有碳香味。不過檬粉只是一般。越南滴漏咖啡☕️都是不錯的，味道苦中帶甘。總括而言，個人覺得值得排隊試一試真正河內越南🇻🇳河粉店。…Read More

前陣子太太book左觀塘give me 5食半自助午餐，我們大約12點到達餐廳，服務員安排左一個近窗位置。坐下不久，我們出去攞食物，都有不同口味嘅食物，沙律🥗吧有五至六種款式，沙律醬亦是差不多五至六種。有一些點心，如燒賣、粉果、咖哩角、春卷等等⋯⋯。Main course 有十款，我太太要左香煎斧頭豬扒配黑糖菠蘿汁；我則要左娘惹咖哩羊配烤薄餅及薑黃飯。斧頭豬扒味道一般同比較柴。咖哩羊則比較好，羊肉軟滑入味，配薄餅食是不錯嘅配搭。至於小食是一般，沙律則不錯，醬汁亦唔錯，疏菜也很新鮮。餐廳環境比較闊落，每張餐桌都有一定嘅距離，坐位亦很舒適。總括而言，亦可一試。…Read More

星期日，和太太去元朗行街順便食個輕便下午茶，行到去水邊圍邨，見到有幾間泰式餐廳，諗住求其搵一間試下，行到街尾見到泰妹呢間餐廳同價錢都合理同有很多顧客正在用餐，所以和太太一起入去試試。呢間小店嘅廚師👨‍🍳係泰國人，我們點了香茅豬排🥩凍檬和海南雞飯。香茅豬排🥩調味適中同烹調得剛剛好，令到豬排不會過熟而肉質好柴，而比較特別是凍檬嘅酸辣汁是雪凍，所以撈檬時特別好味😋，檬粉亦有彈性同口感。至於海南雞飯就比較失望，油飯很普通，而雞肉就比較嚡。總括而言，如果經過都可試吃凍檬或者香茅豬頸肉（之前試過），價錢都算合理。…Read More

今日中午和太太到月橋正宗越南🇻🇳湯粉，大約一點多少少到門口排隊，要大約35分鐘才可入座。店內大約12張枱，門外排了10幾人，當一枱顧客用餐完畢，便有顧客進入，真是輪流轉。今天須要自己用QR code落單，不過都很方便。太太要了香茅豬排撈檬加柚子蜜；我則要了招牌生牛肉湯河加凍咖啡。餐熱飲要加2元，而凍飲則要加5元。落單後都是大約10分鐘便到齊食物。不過美中不足是好多枱都會比錯食物。香茅豬排🥩撈檬都做得不錯，豬排炸得香脆而且不柴，檬粉就普通，撈檬汁亦都可以，至於柚子蜜就很一般。招牌生牛肉湯河比一般嘅出色很多，牛肉用肥牛，湯🥣底不錯，夠味同沒有味精，飲得出是用心做。咖啡是三合一，所以一般。價錢比較質素平，所以性價比高。如果經過。不妨一試。…Read More

星期六，我和家人四個一齊到灣仔六國酒店嘅西餐廳🍴（Le Menu）午膳，是半自助餐而且是四個用膳一個免費（餐廳嘅promotion ）。半自助餐是一個主菜加沙律和咖啡☕️奶茶🥤任食和任飲。我們order左一個日式原條鰻魚飯定食，鰻魚都有水準不過不是日本珍珠米而是普通泰國米。另一個是扒西冷牛扒配賓利是牛油，牛扒order左是五成，都是一般而且沒有什麼肉汁。我太太order左香煎斧頭豬排🥩配黑糖菠蘿汁，豬排調味不錯，不過豬排比較乾同柴。我則order左娘惹咖哩羊配烤薄餅及薑黃飯，咖哩羊沒有羊膻味而且都算滑，咖哩味道亦不錯，不過薑黃飯沒有什麼味，烤薄餅就不過不失。至於沙律亦是一般嘅沙律菜而且選擇都有大約十款，沙律醬亦有五至六種，算是不錯而且食物材料亦新鮮。最後每人送一件精美蛋糕，都幾味美。不過值得一讚嘅係服務很好👍，由於在用餐過程中，發生了一段小插曲，我囝仔剛攞完沙律🥗返回座位，而waitress 亦在此時攞飲品給後面枱嘅客人，不小心將酒從托盤掉落地下而且濺濕我囝仔嘅衣服和鞋，餐廳主管立即到來道歉同聽取我們嘅意見，沒有再在我們枱後上餐。而且亦免費送給我們一杯飲品，不是飲品嘅價值而是餐廳有此誠意，是值得欣賞。餐廳環境亦比較舒適，如果三五知己一起用餐，可以很輕鬆自在。…Read More