Ah Wah's Profile

今日結婚紀念日特別提早在Openrice預訂兩位，仲諗住貴啲慶祝吓，訂咗5:00，並在備注寫明結婚紀念日及要求安排卡座。當日準時去到侍應帶入座，竟然安排兩個人迫埋面壁位，兩個人並排坐嗰隻，仲要咁啱西斜，當時只得幾枱人入座，根本大把位。同佢講話可唔可以調位，幾個侍應喺度戇居居咁完全冇反應，完全冇人理我哋，咁唯有唔食走人。有時成日想幫襯香港食肆，但係俾呢啲人累死，唔怪得咁多人北上😒唔通喺OpenRice訂位根本冇用？因為OpenRice唔可以俾零分，所以唯有每項比一星!Openrice 係咪應該改善下, 與時俱進…Read More

星期六大約六點前去到，見店內未有其他客人，便入去試吓。但係我哋兩個人都要被安排坐一張好細嘅枱，而且仲要限90分鐘。侍應人數算多，但係個個行行企企，掛住自己傾偈，要我哋叫佢斟茶先走過嚟，服務欠主動，而且有一兩個侍應外觀有欠整潔。食物上齊後，張枱根本都唔夠擺，食得頗為狼狽，而且食物質素一般，價錢亦唔算平。整體而言，客戶用餐體驗欠佳，難怪呢間店舖新開冇耐已經咁多負評😒早知入去前先睇吓OpenRice先。有時都明白，點解啲人成日話北上消費！…Read More

今日路過見到隔離嗰間要等，就入呢間試吓。叫左茶走加件多士。茶味較淡，而且唔多夠熱，多士正常。餐廳比較細，人多就坐得好擠迫，唔多舒服，而且食物一般，主要諗住食懷舊，唔會特登去食。…Read More

同事話水門海南雞飯好得，特登行去買，點知非常失望。十二時去竟然話冇雞髀, 飲品亦只有罐裝汽水，算。返到office打開一看，只見少買雞件，再加上冷飯一舊舊咁，已經冇乜胃口，差！…Read More