felix1030's Profile

從來未試過寫唔好既食評，今次一飲真係忍唔住，係好想飲珍珠奶茶既情況下搵到呢間野，等左15分鐘，珍珠無味，奶茶無味，完全無糖既甜味，好難飲，杯野飲原價$34，好彩我係外賣8折，如果唔係會仲嬲…Read More

近年九龍城開左好多咖啡店，呢度暫時係係最新，之前經過係門口窗仔望過入去，好靚，今日決定入去試下。睇過門口餐牌，食飲種類唔多，一入到去已經忘記左係入黎食野，裝修得太精緻，日式茶道裝潢，店主將舖位分為兩邊，出面放左好多擺設，入面只放左五張枱，環境舒適到形容唔到，店員細心介紹餐牌內食飲品，落完單後忍唔住出返門口位參觀，好似去左藝術館咁，影完相岩岩好返去坐底食野，叫左個麵包定食，係酸種麵包，個羽衣甘藍餐包幾特別，另外叫左杯季節茶，終於有間叫茶飲既地方唔係用茶包，店員仲細心講話如果飲完可以再加水。舖頭位置雖然係太子道西，但入到去就有種好寧靜既感覺，有時間一定會再去。…Read More

呢個市道，一片慘淡，好多食市都係撐住撐住，亦會諗好多優惠，希望可以蝕少d。無意中係面書發現有特價套餐，心思思想食，最尾都係胃食鬼戰勝，走左出去買外賣，叫左個小辣，蟹新鮮，肉質爽彈，味道好，以呢個價錢黎講係抵食，而且外賣都覺得好味，相信堂食會仲好，落單位小姐好有禮貌，雖然我唔係幫襯好多，但招呼都好好，滿足曬我既要求，單憑呢點已經值得再幫襯，回頭率極高今次只係試左個蟹，下次會約多幾個朋友再去堂食，試埋其他菜式。…Read More

呢間舖頭開左一段時間，一直都想試，剛開既時候唔多人幫襯，而家見佢多左人食，今日原本去食食開果間但無位，醒起呢度就黎試下,叫左個漁吉特選丼，一上枱覺得唔係好精神，唔知係咪燈光問題，麵豉湯係任飲，不過我唔好，無試, 有加一服務費蝦: 樣子麻麻，食落正常三文魚: 正常星鰻: 可以帆立貝: 都ok鮮甜直送鮮魚: 今日係劍魚腩，油香ok, 但可惜有筋油甘魚: 正常櫻花魷魚，蟹籽，三文魚籽，蛋：無特別海膽: 全碗最欣賞，香，鮮甜食完當了左個心願，無乜特別，不過不失，回頭機會唔大…Read More

基本上我每個禮拜都會黎一兩日，好多時d餐廳食頭兩次好食，到食第三次既時候會發覺麻麻，keep唔到個水準，但陳儀興就無呢個問題，黎咁多次都無失望過，抵佢咁好生意，會繼續幫襯…Read More